8/22/2017

अँड्रॉइड ओरिओ 8.0 : अँड्रॉइडचं नवं व्हर्जन

अँड्रॉइड या गूगलच्या सर्वात प्रसिद्ध मोबाइल ऑपरेटिंग सिस्टमची नवी आवृत्ती ओरिओ 8.0 सादर झाली असून यासंबंधी नावाची घोषणा व लोगोचं अनावरण सुद्धा पार पडलं. अँड्रॉइड ओरिओचं अधिकृत नाव Oreo जाहीर
करण्यात आलं. Oreo हा एक प्रसिद्ध बिस्किट ब्रॅंड आहे.   

आता पाहूया अँड्रॉइड ओरिओ 8.0 मध्ये 
कोणत्या नव्या सोयी दिल्या आहेत... 
गूगलच्या व्हिडिओनुसार अँड्रॉइड ओरिओ 8.0 खालीलप्रमाणे काम करेल...
 अधिक सुरक्षित 
 अधिक स्मार्ट
 अधिक ताकदवान
 कमी बॅटरीमध्ये जास्त परफॉर्मन्स
 अधिक गोड ...!

नोटिफिकेशन डॉट/टिंबावर टॅप करून लगेच नोटिफिकेशन पाहता येणार 
कमी टॅप/टच मध्ये जास्त माहिती पाहता येईल!
Instant Apps फीचर : अॅप इंस्टॉल न करताच ब्राऊजरमधून थेट अॅपमध्येच जाता येणार  
दुप्पट वेग : दुप्पट वेगात कामगिरी त्यामुळं लवकर बुट होऊन आवडीचे अॅप लगे सुरू करता येतात! 
Backgound Limits : आपल्या नकळत सुरू असलेले Background अॅप्स कमी करतो!
एकाच वेळी दोन गोष्टी करता येतात एका वेळी दोन अॅप्स पिक्चर इन पिक्चर स्वरुपात (PIP) वापरता येतील!
AutoFill : अॅप्समधील लॉगिन आयडी पासवर्ड साठवून ठेवेल जेणेकरून पुढच्या वेळी लॉगिन करताना लक्षात ठेवावं लागणार नाही आणि लॉगिन प्रक्रिया वेगात पार पडेल!  
Google Play Protect : ५० बिलियन अॅप्स (अगदी इंस्टॉल नसलेले अॅप्ससुद्धा) रोजच्या रोज स्कॅन करून आपला फोन आणि डाटा सुरक्षित ठेवेल!
Battery Saver : बॅटरी लाइफची अंतर्गत काळजी घेतली जाईल जेणेकरून बोलणं, गेमिंग, स्ट्रिमिंग सुरूच ठेवता येईल! 

अँड्रॉइड ओरिओ 8.0 अपडेट लगोलग सर्व फोन्सवर उपलब्ध होणार नसून यासाठी तुमच्या फोन निर्मात्याने अपडेट देणं गरजेचं आहे... यासाठी साधारण दोन-तीन महीने कालावधी लागू शकतो.
(काही फोन्स जुन्या सिरिजचे असल्यास त्यांना अपडेट मिळणार नसल्याची शक्यता जास्त असते.)  
गूगलच्या Pixel,Pixel XL, Nexus 6P अशा फोन्सवर हे अपडेट आताच उपलब्ध झालेलं आहे...!    

अधिक माहितीसाठी मराठीटेकचा व्हिडिओ पहा


Incoming search terms : Android Oreo 8.0 Marathi Update Google Pixel Nexus

7/21/2017

रिलायन्स जिओफोन सादर : शून्य रुपयात फोन? फुकट कॉल्स, स्वस्तात इंटरनेट!

रिलायन्सने बहुचर्चित 4G फीचर फोन मुंबई येथे वार्षिक कार्यक्रमात सादर केला आहे. हा मेड इन इंडिया फोन असणार असून फीचर फोन्सच्या विश्वात क्रांती घडवेल असं मुकेश अंबानी यांनी यावेळी सांगितलं. या नव्या 4G फोनद्वारे भारतातील सर्व गावे, शहरे 4G इंटरनेटद्वारे जोडण्याचा संकल्प बोलून दाखवला.

या JioPhone (जिओफोन) ची किंमत चक्क शून्य रुपये असेल असं जाहीर करून सर्वांनाच आश्चर्याचा धक्का दिला. यासाठी १५०० रुपये सुरक्षा डिपॉजिट मात्र द्यावं लागेल. हे डिपॉजिट तीन वर्षांनी जिओला फोन परत देऊन मिळवता येईल! याचा अर्थ हा फोन मोफतच मिळाल्यासारखा आहे! दरम्यान या फोनसाठी खास प्लॅन्ससुद्धा सादर केले गेले असून मुख्य प्लॅन ज्यामध्ये दर महिना केवळ १५३ रुपयांमध्ये अमर्यादित फोन कॉल्स, इंटरनेट व एसएमएस मिळतील! (दररोज 500MB हाय स्पीड डेटाची FUP)
या मुख्य प्लॅन व्यतिरिक्त दोन छोटे पॅक (Sachet) जे ५३ रुपयात एक आठवडा आणि २३ रुपयात दोन दिवस अशा वैधतेमध्ये (Validity) उपलब्ध असतील.

ह्या फोनसाठी २४ ऑगस्ट २०१७ पासून बुकिंग सुरू होईल! (चाचणी/टेस्टिंगसाठी १५ ऑगस्टपासून उपलब्ध)
 यानंतर सप्टेंबर पासून ज्यांनी बुकिंग केलं आहे त्यांना फोन मिळायला सुरूवात होईल. बुकिंग MyJio अॅप द्वारे किंवा जिओ केंद्राला भेट देऊन करता येईल.

फोनमधील सुविधा :
  • अल्फान्युमरिक किबोर्ड
  • 2.4 इंची QVGA डिस्प्ले
  • 4G VoLTE नेटवर्क
  • SD मेमरी कार्ड स्लॉट 
  • टॉर्च लाइट, २२ भारतीय भाषांना सपोर्ट 
  • एफएम रेडियो
  • सोबत Jio Apps (Jio Music, Jio TV and Jio Cinema)
  • हेडफोन जॅक, माइक, स्पीकर
  • वॉइस कमांड (आवाजाद्वारे नियंत्रण)
  • इंटरनेटवर शोध/सर्च 
  • लवकरच NFC सपोर्ट सुद्धा दिला जाईल ज्यामुळे पैसे देताना/Payment मोबाइलचाच वापर करता येईल!
    यामध्ये जिओफोनला बँक अकाउंट, जनधन खातं, UPI, डेबिट/क्रेडिट कार्ड जोडता येतील!  
  • कोणत्याही टीव्हीला जोडून कार्यक्रम/चित्रपट पाहता येतील! अगदी जुन्या CRT टीव्हीला सुद्धा!
    मिरर नावाची हि सोय फोनमधील व्हिडीओ टीव्हीवर दाखवतो! (यासाठी अतिरिक्त ३०९ चा पॅक)    
  • सुरक्षेसाठी 5 अंक बटन दाबून धरल्यास आपण सेट केलेल्या नंबरला आपोआप SMS जातो
    त्यात आपली लोकेशनसुद्धा समजते, जेणेकरून ती व्यक्ती मदतीला येऊ शकेल!
जिओने यावेळी त्यांनी 100 Million (दहा करोड) ग्राहकांचा टप्पा ओलांडला असल्याचं सुद्धा जाहीर केलं! जिओचे ग्राहक सध्या 125 करोड GB डाटा वापरत आहेत असंसुद्धा अंबानींनी सांगितलं! या फोनविषयी तांत्रिक माहिती सांगण्यात आलेली नाहीये. या फोनची किंमत आणि यामधील सोयी पाहून ग्राहकांचा मोठा प्रतिसाद लाभेल हे नक्की !
incoming search terms Reliance Jio JioPhone 4G pre book mukesh ambani VoLTE jiotv price
description here
मोबाइल वर्ल्ड कॉंग्रेस नोकियाचे नवे फोन!
description here
मायक्रोसॉफ्ट शैक्षणिक कार्यक्रम : विंडोज १० एस
description here
रिलायन्स जिओ प्राइम जाहीर
description here
आपले ऑनलाइन अकाऊंट सुरक्षित कसे ठेवायचे?
description here
कॅशलेस अर्थव्यवस्था आणि नवे पर्याय!