जपानची प्रसिद्ध कंपनी सोनीने आज CES 2022 येथे झालेल्या कार्यक्रमात त्यांच्या कंपनीतर्फे इलेक्ट्रिक कार आणणार असल्याचं जाहीर केलं आहे. यासाठी त्यांनी Sony Mobility Inc या नव्या कंपनीचीही घोषणा केली आहे. या कंपनीचं या वर्षी मार्चनंतर अधिकृत लॉंच करण्यात येईल.

सोनी सध्या इतर कंपन्यांसोबत भागीदारी करून त्यांना इलेक्ट्रिक वाहनांसाठी स्मार्ट सुविधा विकसित करून देत आहे ज्यांचा समावेश इतर कार्समध्ये केला जाईल. यासाठीच त्यांनी Vision S 01 ही सिडान कार आणि काल जाहीर करण्यात आलेली Vision S 02 ही SUV प्रोटोटाइप म्हणजे चाचणीसाठी उपलब्ध करून दिली आहे. ज्याद्वारे प्रत्यक्ष खरेदी करता येईल अशी कार आणण्यात आली नसली तरी त्यांच्या पार्टनर कंपन्यामधील स्मार्ट सोयी कशा प्रकारे काम करतील हे त्यांनी सांगितलं आहे.

Safety, Adaptability आणि Entertainment या तीन गोष्टींवर या कार्समधील सोयी उपलब्ध करून दिलेल्या आहेत. अर्थात या कन्सेप्ट कार्स असणार आहेत ज्या आहे ह्या स्वरूपात आपल्याला लगेच पाहायला मिळणार नाहीत. फक्त एक कल्पना येण्यासाठी या कार्स डिझाईन केलेल्या आहेत.

मात्र या कन्सेप्ट कार्स सोबत त्यांनी स्वतःसुद्धा या क्षेत्रात प्रवेश करत स्वतःच्या कार्ससुद्धा बाजारात आणण्यासाठी प्रयत्न सुरू असल्याचं सांगत नव्या सोनी मोबिलिटी कंपनीबद्दल माहिती दिली आहे. त्यामुळे येत्या दोन-तीन वर्षात सोनीच्या कार्स आपल्याला नक्कीच रस्त्यावर धावताना पाहायला मिळू शकतात. सध्या अनेक कंपन्या या इलेक्ट्रिक वाहनांच्या क्षेत्रात येण्यासाठी प्रयत्न करत असून सोनीची विश्वासार्हता त्यांना नक्कीच मोठा ग्राहकवर्ग मिळवून देऊ शकते.

The post सोनीची इलेक्ट्रिक कार येणार : नव्या कार कंपनीची घोषणा! appeared first on MarathiTech - मराठीटेक.

गेले अनेक दिवस चर्चेत असलेली ओला (Ola) कंपनीची इलेक्ट्रिक स्कूटर काल सादर झाली असून यामध्ये S1 आणि S1 Pro असे दोन पर्याय उपलब्ध आहेत. या गाड्यांचं सध्या प्रि बुकिंग सुरू असून ८ सप्टेंबरपर्यंत विक्री आणि मग ऑक्टोबर महिन्यात याची डिलिव्हरी सुरू होईल असं सांगण्यात आलं आहे. या गाड्यांच्या निर्मितीसाठी ओलाने भारतातली सर्वात मोठी फॅक्टरी उभी केली आहे.

या स्कूटरमध्ये चक्क गाणीसुद्धा लावता येतात. मूडनुसार आवाजाचे सेटिंग्ससुद्धा बदलता येतात. आपण या गाडीच्या जवळ गेल्यावर गाडी आपोआप अनलॉक होईल. फोन्सना उत्तर देऊ शकता. मेसेज पाठवू शकता. कुणी गाडी चोरण्याचा प्रयत्न केला तर त्याचाही अलर्ट देण्याची सोय यामध्ये आहे. इथे आपल्या मित्र किंवा कुटुंबमधील सदस्यांची प्रोफाइल सेट करून त्यांनाही याची डिजिटल चावी शेयर करता येईल. फोनद्वारे लाइट्स नियंत्रित करता येतील. या गाडीमध्ये उलट म्हणजे रिव्हर्स जाण्याचीही सोय आहे.

या स्कूटरची किंमत महाराष्ट्रात S1 साठी ९४,९९९ आणि S1 Pro साठी १,२४,९९९ अशी जाहीर करण्यात आली आहे. मात्र ही किंमत इलेक्ट्रिक गाड्यांविषयी जुन्या धोरणानुसार असल्याचं सांगण्यात येत आहे. महाराष्ट्राच्या बदललेल्या धोरणानुसार ही स्कूटर भारतात सर्वात स्वस्त महाराष्ट्रात मिळेल आणि तिची किंमत S1 साठी ७४,९९९ आणि S1 Pro साठी १,०४,९९९ इतकी असू शकेल.
इतर ठिकाणी याची किंमत ९९९९९ आणि १२९९९९ अशी असेल जी FAME II सबसिडी देऊन ठरवण्यात आली आहे. ओला सध्या १०० शहरांमध्ये चार्जिंग स्टेशन्स बसवणार आहे. नंतर ही संख्या ४०० शहरांपर्यंत वाढवण्यात येणार आहे.

Ola च्या दोन्ही स्कूटर्समध्ये असलेल्या सोयी : ७ इंची टचस्क्रिन, गाणी ऐकण्यासाठी स्पीकर्स, side-stand cut-off function, cruise control, hill hold assist, geo-fencing, anti-theft alert, ब्ल्युटुथ, GPS वायफाय, reverse mode, स्पीकर्स आणि नॅविगेशन, व्हॉईस असिस्टंट, MoveOS नावाची ऑपरेटिंग सिस्टम (क्रुज कंट्रोल, व्हॉईस फीचर्स S1 मध्ये नाहीत)

Ola S1 Pro स्कूटर्समध्ये असलेली सुविधा :

• ० ते ४० किमी/तास वेग पकडण्यास फक्त ३ सेकंद, ० ते ६० किमी/तास वेगासाठी ५ सेकंद
• एका फुल चार्जवर १८१ किमी अंतर
• 115 किमी/तास वेग
• 3.97kWH बॅटरी
• घरी चार्ज केल्यास पूर्ण चार्ज होण्यास सहा तास ३० मिनिटे वेळ लागणार
• ओलाच्या हायपरचार्जर स्टेशनवर चार्ज केल्यास १५ मिनिटांच्या चार्जवर ७५ किमी अंतर चालवता येईल
• दहा रंग

Ola S1 स्कूटर्समध्ये असलेली सुविधा :

• ० ते ४० किमी/तास वेग पकडण्यास फक्त ३.६ सेकंद, ० ते ६० किमी/तास वेगासाठी ७ सेकंद
• एका फुल चार्जवर १२१ किमी अंतर
• 90 किमी/तास वेग
• 2.98kWH बॅटरी
• घरी चार्ज केल्यास पूर्ण चार्ज होण्यास चार तास ४८ मिनिटे वेळ लागणार
• ओलाच्या हायपरचार्जर स्टेशनवर चार्ज केल्यास १५ मिनिटांच्या चार्जवर ७५ किमी अंतर चालवता येईल
• पाच रंग

या गाडीची नोंदणी सध्या book.olaelectric.com वर ४९९ रु देऊन करता येईल.

यापूर्वी Ather कंपनीने त्यांच्या इलेक्ट्रिक स्कूटर्स जाहीर केल्या आहेत. तर काल ओलाने आणि त्यांच्या नंतर लगेचच Simple Energy कंपनीनेसुद्धा त्यांची २३६ किमी रेंज असलेली स्कूटर जाहीर केली आहे! यापुढे आता बऱ्याच कंपन्या यामध्ये उतरत जातील. विशेष म्हणजे भारतात इलेक्ट्रिक स्कूटर्स, कार्सच्या निर्मितीमध्ये स्टार्टअप्सनेच पुढाकार घेतला आहे!

The post ओला कंपनीच्या इलेक्ट्रिक स्कूटर्स सादर : भन्नाट सोयींसह किंमतही जाहीर! appeared first on MarathiTech - मराठीटेक.

अलीकडे इंधनाच्या वाढत जाणाऱ्या किंमती लक्षात घेत इलेक्ट्रिक वाहनांची मागणी वाढत आहे. त्यामुळे आता कंपन्या त्यांच्या प्रसिद्ध गाड्यांच्या इलेक्ट्रिक आवृत्त्या बाजारात आणत आहेत. आज फोर्डने सुद्धा त्यांच्या अमेरिकेत प्रचंड लोकप्रिय असणाऱ्या F-150 पिकअप ट्रकची इलेक्ट्रिक आवृत्ती सादर केली आहे.

इलेक्ट्रिक वाहने तयार करण्यासाठी फोर्डने 22 बिलियन डॉलर्सची गुंतवणूक केली आहे. Ford F-150 Lightning त्यांच्या Dearborn, Michigan येथील Rouge Factory मध्ये तयार करण्यात येईल. यासोबत फोर्ड Mustang Mach E आणि एक इलेक्ट्रिक व्हॅनसुद्धा आणणार आहे.

• या गाडीची बॅटरी फुल चार्ज असताना ही गाडी एका घराला जनरेटर प्रमाणे तीन दिवस वीज पुरवू शकते आणि त्यासाठी पॉवर आउटलेटसुद्धा देण्यात आलं आहे!
• ही गाडी यामधील ११ आउटलेटस द्वारे तब्बल 9.6kWh पॉवर देऊ शकते
• हे आउटलेटस तुमचे कामासाठी वापरले जाणारे टूल्सनासुद्धा पॉवर देऊ शकतील
• फूड ट्रक सारख्या गोष्टीसुद्धा यावर चालवता येतील.
• यामध्ये १५.५ इंची टचस्क्रीनसुद्धा आहे जो आपल्याला गाडी नियंत्रित करण्यासाठी वापरता येईल.
• एका फुल चार्जवर हा ट्रक ३७० किमी चालवता येईल शिवाय आणखी मोठ्या क्षमतेचा पर्यायही उपलब्ध
• ट्रेलर जोडताना मागे असलेल्या कॅमेराद्वारे लाईव्ह दृश्य दिसेल.
• यामध्ये वेळोवेळी सॉफ्टवेअर अपडेट्स सुद्धा मिळतील जे ह्या गाडीची कामगिरी आणखी सुधारू शकतील.
• तुमचा फोनसुद्धा ही गाडी अनलॉक करण्यासाठी वापरता येईल.

या गाडीची किंमत 40000 डॉलर्स (~रु २९,२६,०००) पासून सुरू होत आहे. ही गाडी सध्यातरी भारतात येण्याची शक्यता नाही. टेस्ला कंपनीच्या इलेक्ट्रिक गाड्यांना मिळणारा प्रतिसाद पाहता इतर कंपन्यानी यासाठी पुढाकार घेतला हे नक्कीच चांगली होत आहे.

भारतातही अनेकजण सध्या SUV प्रकारच्या गाड्यांमध्ये इलेक्ट्रिक गाडीचा पर्याय स्वीकारताना दिसत आहेत. टाटा कंपनीची Nexon EV सध्या सर्वात लोकप्रिय म्हणता येईल. येत्या काही वर्षात भारतीय कंपन्यासुद्धा त्यांचे मिनी ट्रक, ट्रक इलेक्ट्रिक स्वरूपात आणतीलच… आता फक्त अडचण आहे ती चार्जिंग स्टेशन्सची…

The post आता फोर्डचा F-150 इलेक्ट्रिक ट्रक : ही गाडी घराला तीन दिवस वीज पुरवू शकते! appeared first on MarathiTech - मराठीटेक.

ओला या कॅब सेवेसाठी प्रसिद्ध असणाऱ्या कंपनीने गेल्या वर्षी ओला इलेक्ट्रिक सुरू करून त्याअंतर्गत ई स्कूटर सादर करत असल्याचं जाहीर केलं आहे. यासाठी त्यांनी अॅमस्टरडॅम येथील Etergo नावाच्या स्टार्टअपचं अधिग्रहण केलं आहे. ही कंपनी AppScooter नावाची ईलेक्ट्रिक स्कूटर बनवते. ओलाने आज जाहीर केलेल्या स्कूटरच्या फोटोनुसार ही स्कूटर मॅट ब्लॅक रंगात उपलब्ध होईल. स्कूटर आणि कंपनीच्या तामिळनाडूमधील मेगाफॅक्टरीची माहिती ओलाचे प्रमुख भावीश अगरवाल यांनी जाहीर केली.

त्यांच्या तामिळनाडूमध्ये बांधकाम सुरू असलेल्या इलेक्ट्रिक वाहने तयार करण्यासाठी सुरू करण्यात आलेल्या फॅक्टरीची आणखी माहिती आज सांगण्यात आली आहे. ही फॅक्टरी जगातील सर्वात मोठी दुचाकी/टू व्हीलर गाड्या बनवणारी फॅक्टरी असेल. येथे तब्बल ३००० AI आधारित रोबॉट्स काम करत आहे. जून २०२१ पर्यंत येथे वर्षाला जवळपास २० लाख गाड्या तयार करता येतील अशी क्षमता पाहायला मिळेल. २०२२ पर्यंत ही संख्या वाढून तब्बल १ कोटी वर पोहचेल अशा विश्वास ओला तर्फे व्यक्त करण्यात आला आहे! सध्या दुचाकी वाहनांची निर्मिती हेच ध्येय असलं तरी पुढे चारचाकी वाहनांचीही निर्मिती येथे होऊ शकते!

ओलाची तामिळनाडूमधील फॅक्टरी तब्बल ५०० एकर जागेवर पसरली असून यामधील १०० एकर जागेवर जंगल/झाडे लावून कंपनीचं कार्बन नेगेटिव ऑपरेशन्स सुरू करण्याचं ध्येय आहे. एव्हढया मोठ्या प्रमाणात निर्मिती क्षमता ठेवत असल्यामुळे साहजिकच ओलाने मोठ्या तयारीने या क्षेत्रात उतरण्याचा निर्णय घेतला आहे हे स्पष्टच आहे. त्याची स्पर्धा Ather, Bajaj, TVS आणि लवकरच Hero अशा कंपन्यांसोबत असेल.

अलीकडे ईलेक्ट्रिक वाहनांची मागणी वाढत चाललेली मागणी पाहून चारचाकी निर्माण करणाऱ्या कंपन्यासुद्धा मोठ्या प्रमाणात ईलेक्ट्रिक कार्स आणत आहेत. आता दुचाकीसाठीही स्पर्धा सुरू झाली आहे. पर्यावरणाचा विचार करता ही गोष्ट नक्कीच चांगली ठरणार आहे. आता फक्त गरज आहे ती यासाठी चार्जिंग स्टेशन्स उपलब्ध करून देण्याची…

The post ओला कंपनी दुचाकी निर्मिती करणार : जगातली सर्वात मोठी फॅक्टरी! appeared first on MarathiTech - मराठीटेक.

टोल भरण्याची प्रक्रिया सोपी व्हावी आणि टोल प्लाझावर गर्दी वाढत जाऊ नये या उद्देशाने तयार केलेला फास्टॅग ला आता १५ डिसेंबरपासून सर्व चारचाकी वाहनांना अनिवार्य करण्यात येणार आहे. देशभरातील जवळपास ५२५ टोल प्लाझावर हा फास्टॅग वापरता येईल. यामुळे सर्व चारचाकी वाहनांना फास्टॅगचे RFID स्टीकर्स लावावेच लागतील. या आधी ही मुदत १ डिसेंबरपर्यंतच होती मात्र आता ती १५ डिसेंबरपर्यंत वाढवण्यात आली आहे. मुदतीनंतर ज्या वाहनांनी फास्टॅग लावून घेतला नसेल त्यांना दुप्पट टोल भरावा लागेल जो त्यांना दंड स्वरूपात आकारलेला असेल.

फास्टॅग म्हणजे काय ? (What is FASTag?)

नॅशनल हायवे अथॉरिटी ऑफ इंडिया (NHAI) यांनी इलेक्ट्रोनिक टोल जमा करण्याची प्रक्रिया फास्टॅग मार्फत २०१४ मध्ये अंमलात आणली. सर्वात आधी दिल्ली मुंबई मध्ये उपलब्ध झालेला फास्टॅग नंतर चार मोठ्या शहरांना जोडणाऱ्या रस्त्यांवर हा सुरू करण्यात आला. टोल प्लाझावर पैसे जमा करण्याची प्रक्रिया ऑटोमॅटिक/स्वयंचलित करून वेळ वाचावा, टोल प्लाझावरील लांबच लांब रांगा लागू नयेत हा फास्टॅगमागचा मूळ उद्देश. फास्टॅगसाठी आपल्या गाडीच्या काचेवर एक RFID चिप बसवण्यात येते. फास्टॅग असलेल्या टोल प्लाझावर सेन्सर्सद्वारे तो फास्टॅग स्कॅन केला जातो आणि जे काही टोल असेल तो वाहन चालकाच्या फास्टॅग अकाऊंटमधून आपोआप भरला जातो. यामुळे टोल प्लाझावर थांबायची गरज नाही सर्व प्रक्रिया आपोआप होईल.

1. आपल्या वाहनासाठी फास्टॅग स्टीकर खरेदी करा आणि वाहनाच्या काचेवर बसवून घ्या (फास्टॅगची किंमत एकूण ४००-५०० दरम्यान असेल)
2. फास्टॅग अकाऊंट वॉलेट मध्ये पैसे जमा करा (जर त्या वॉलेटमधील पैसे संपले असतील तर तुम्हाला आधी रीचार्ज करावं लागेल). फास्टॅग अकाऊंट वॉलेट थोडक्यात सिम कार्ड प्रमाणे आहे असं समजा. बॅलन्स असेल तोवर वापरता येईल.
3. फास्टॅग सुविधा असलेल्या टोल प्लाझावरून जाता वेग कमी ठेवा आणि फास्टॅगचा लोगो असलेल्या स्वतंत्र लेन मधूनच जा
4. तुमच्या फास्टॅग अकाऊंट वॉलेटमधून ठरलेली टोल रक्कम आपोआप कापून घेतली जाईल. या प्रक्रियेदरम्यान तुम्हाला वाहन थांबवण्याची गरज नाही. सर्व प्रक्रिया आपोआप पार पाडली जाईल आणि तुम्ही लगेच पुढे प्रवास सुरू ठेऊ शकाल!

फास्टॅग कुठे आणि कसा घ्यायचा?

फास्टॅगची सेवा आता अॅक्सिस बँक, HDFC बँक, आयसीआयसीआय बँक, स्टेट बँक ऑफ इंडिया अशा एकूण २२ बँकांद्वारे उपलब्ध आहे. बँक, टोल प्लाझा, Amazon, Paytm या ठिकाणी फास्टॅग खरेदी करता येईल! एक फास्टॅग खरेदी केल्यावर तो पाच वर्षांसाठी वैध असेल. पाच वर्षं तुम्हाला NHAI वॉलेट रीचार्ज करत करत वापरायच आहे. हे वॉलेट तुमच्या बँक अकाऊंटला लिंक केलं जाईल. तुमच्या वॉलेट मधून जेव्हा पैसे कापले जातील तुम्हाला एसएमएस द्वारे माहिती दिली जाईल.

आता नवी कार खरेदी केल्यावर कार डिलर स्वतः फास्टॅग चिकटवून देत आहेत. जर तुमच्याकडे आधीच वाहन असेल तर तुम्ही टोल प्लाझावर फास्टॅग विकत घेऊ शकाल. यासाठी Registration Certificate (RC) आणि पासपोर्ट आकाराचा फोटो आणि KYC संदर्भात इतर कागदपत्रे द्यावी लागतील (हे तुम्ही तुमचं वाहन वैयक्तिक/व्यावसायिक कारणासाठी वापरणार आहात त्यावर अवलंबून असेल.) याशिवाय Amazon आणि Paytm वर सुद्धा फास्टॅग खरेदी करता येईल!

एकदा फास्टॅग खरेदी केल्यावर तुम्हाला My FASTag अॅप घेऊन ते तुमच्या बँक अकाऊंटला लिंक करावं लागेल जेणेकरून पुढे फास्टॅग वॉलेट रीचार्ज करणं सोपं जाईल!

फास्टॅग खरेदी करताना किंवा वॉलेट रीचार्ज करताना काही बँका, कंपन्या कॅशबॅक सुद्धा देत आहेत. त्यानुसार ऑफर्सचा फायदा घेऊ शकता. बरेच जण टॅगची किंमत १००, सिक्युरिटी डिपॉजिट २०० आणि बॅलन्स १५० एकूण ४५० अशा स्वरूपात फास्टॅग उपलब्ध करून देत आहेत. ही किंमत तुम्ही फास्टॅग कुठे खरेदी करत आहात त्यावर कमी जास्त होऊ शकेल.

Paytm द्वारे फास्टॅग खरेदी करण्यासाठी लिंक : https://paytm.com/fastag
Airtel द्वारे फास्टॅग खरेदी करण्यासाठी लिंक : https://www.airtel.in/bank/FASTag
SBI द्वारे फास्टॅग खरेदी करण्यासाठी लिंक : https://fastag.onlinesbi.com

The post FASTag ची मुदत १५ डिसेंबरपर्यंत वाढवली : काय आहे फास्टॅग? appeared first on MarathiTech - मराठीटेक.