4K Archives - MarathiTech - मराठीटेक

Raspberry Pi 4 सादर : ₹२५०० मध्ये Dual 4K आउटपुट देणारा कॉम्पुटर!

Sooraj Bagal — Mon, 24 Jun 2019 15:47:04 +0000

रास्पबेरी पाय हा छोट्या आकाराचा कॉम्पुटर असून याला आपण हवं तसं कोड करून आपल्याला हवे ते सुटे भाग जोडून आपल्याला हवं असलेलं काम करून घेऊ शकतो. याच्या लहान आकारामुळे हा अगदी शर्टच्या खिशातही सहज बसू शकतो! नवनव्या मॉडेलनुसार यामधील क्षमता सुद्धा वाढवण्यात डेव्हलपर रास्पबेरी पाय फाउंडेशन यशस्वी झालं आहे. बऱ्याच इंजिनियरिंग विद्यार्थ्यांना याबद्दल थोडी तरी माहिती असेलच. DIY प्रोजेक्ट्ससाठी याचा मोठ्या प्रमाणात वापर होतो.

तर आता या रास्पबेरी पाय ची Raspberry Pie 4 ही नवी चौथी आवृत्ती आली असून यामध्ये आता आणखी सुधारित हार्डवेयरचा समावेश केलेला आहे! हा आता 4GB रॅम पर्यायासोबत मिळेल. यामध्ये व्हिडीओ आउटपुटसाठी आता दोन 4K HDMI पोर्ट्स मिळतील! सोबत फास्टर CPU, GPU, ईथरनेट, ड्युअल बँड वायफाय, दोन USB 3 व दोन USB 2 पोर्ट्स मिळतील! याची किंमत मात्र आधीच्या आवृत्ती प्रमाणेच ठेवण्यात आली असून ती $35 (~ ₹२५००) पासून सुरु होते!

लिंक : raspberrypi.org/products/raspberry-pi-4-model-b/

या नव्या 4GB RAM पर्यायामुळे हा आता जवळपास स्वस्त डेस्कटॉप कॉम्पुटरच्या क्षमतेप्रमाणे काम करू शकेल जी नक्कीच मोठी गोष्ट असणार आहे! 4K डिस्प्ले आउटपुटची सुद्धा अनेकांची मागणी या नव्या मॉडेलमध्ये पूर्ण करण्यात आली आहे! अगदी इलॉन मस्क यांनीही ट्विटर याबद्दल ट्विट केलं आहे!

Raspberry Pi 4 Specs

CPU : Quad-core 1.5GHz Broadcom
GPU : 500MHz VideoCore VI
Ports : USB Type-C port for power, Two Micro HDMI ports with two 4K monitors at 30fps, or single 4K monitor at 60fps alongside a 1080p display, Two USB 3 ports, two USB 2 ports, Gigabit Ethernet port
इतर : Bluetooth 5.0 rather than 4.1, Dual-band 802.11ac Wi-Fi, microSD storage card with maximum transfer rate of 50 Mbps, 40 pin GPIO connector with support for three more interfaces; I2C, SPI, and UART.
ऑपरेटिंग सिस्टिम : यासाठी आपल्याला एका microSD कार्डमध्ये NOOBS ही त्यांची स्वतःची ओएस वापरता येते किंवा Raspbian, Windows IoT Core सारखे इतर पर्यायही उपलब्ध आहेत.
किंमत : $35(1GB), $45(2GB), $55(4GB)

The post Raspberry Pi 4 सादर : ₹२५०० मध्ये Dual 4K आउटपुट देणारा कॉम्पुटर! appeared first on MarathiTech - मराठीटेक.

मायक्रोसॉफ्टने सादर केला आहे Xbox One X : जगातला सर्वात ताकदवान गेमिंग कॉन्सोल !

Sooraj Bagal — Mon, 12 Jun 2017 08:18:00 +0000

मायक्रोसॉफ्टने त्यांच्या प्रसिद्ध गेमिंग कॉन्सोल एक्सबॉक्सची पुढची आवृत्ती E3 या कार्यक्रमात सादर केली असून या नव्या गेमिंग कॉन्सोलचं नाव Xbox One X असं आहे. अनेक नव्या सुविधांसह सादर केलेल्या या कॉन्सोलला आजपर्यंतचा सर्वात ताकदवान गेमिंग कॉन्सोल म्हटलं जात आहे. 4K रेसोलुशन असलेली गेम्समधील जबरदस्त स्पष्टता ज्यामुळं गेम्सचं ग्राफिक्स अधिक खरंखुरं दिसेल!

सुरुवातीला प्रोजेक्ट स्कॉर्पिओ नावाने ओळखला जाणाऱ्या ह्या कॉन्सोलचं नाव काल जाहीर करण्यात आलं. या नव्या कॉन्सोलचं डिझाईन फारसं आकर्षक नसलं तरी यामधील अंतर्गत गोष्टी भन्नाट आहेत. दिसायला सध्याच्या Xbox One S सारखाच म्हटलं तरी चालेल! तरीही One X मायक्रोसॉफ्टचा आजपर्यंतचा सर्वात लहान कॉन्सोल आहे आणि तोसुद्धा सर्वात पॉवरफुल!

यामध्ये तब्बल 6 Teraflops ची प्रोसेसिंग पॉवर असून हा एका कस्टम GPU Engine मुळे जे 1172Mhz वर काम करतं! सध्याची Xbox ची स्पर्धा म्हणावी अशा सोनी प्लेस्टेशन 4 Pro ची प्रोसेसिंग पॉवर 4.2 Teraflops आहे!मायक्रोसॉफ्टने याच कार्यक्रमात चक्क २२ नव्या गेम्सची घोषणा करून त्यामधील काही गेम्स थेट 4K रेसोलुशनमध्ये 60FPS मध्ये खेळता येतील! (4K रेसोलुशन फुलएचडीच्या चौपट असतं!)

सर्वात वेगवान म्हणवला जाणाऱ्या या कॉन्सोलमध्ये एक प्रोसेसर ज्यात 7 billion ट्रान्सिस्टर आहेत, 12GB of DDR5 RAM, ८ कोअर CPU, 4K UHD/BluRay Player, GPU clocked at 1.172 GHz, 326 GB/s बॅंडविड्थ! यामधील पॉवर मॅनॅजमेन्टसुद्धा उत्तम असल्याचा दावा मायक्रोसॉफ्टने केला आहे. सोबतच यामध्ये HDR सपोर्ट सुद्धा आहे. पोर्ट्स : HDMI in/out ports, दोन USB 3.0 ports, IR Out, 1TB हार्डडिस्क, S/PDIF आणि एक Ethernet jack

Xbox One X किंमत : $499 (~ ₹ ३३,०००) 7 November 17 पासून US मध्ये उपलब्ध

यासोबत सादर केले आहेत काही गेम्सचे डेमो व्हिडीओ ट्रेलर्स :
Forza Motorsport 7 – E3 2017 – 4K Announce Trailer
PlayerUnknown’s Battlegrounds on Xbox One – 4K Trailer
Deep Rock Galactic on Xbox One – 4K Trailer
State of Decay 2 – E3 2017 – 4K Trailer The Darwin Project 4K Trailer
Minecraft – E3 2017 – 4K Trailer
Crackdown 3 – E3 2017 – Official 4K Trailer
Assassin’s Creed Origins: E3 2017 Official World Premiere
True 4K gaming on Xbox One X – E3 2017 – 4K Trailer
Xbox One – E3 2017 Games Montage – 4K Trailer

इलेक्ट्रॉनिक एंटरटेनमेंट एक्स्पो (E3) हा कार्यक्रम खास व्हिडीओ गेमिंगच्या विश्वातल्या मंडळींची परिषद असते. या कार्यक्रमात सोनी प्लेस्टेशन, मायक्रोसॉफ्ट एक्सबॉक्स, यूबीसॉफ्ट, EA, Alienware, Dell, Nvidia, Nintendo, SEGA, Telltale, Twitch, सारखी गेमिंग विश्वातील मोठी नावं सादरीकरणासाठी भाग घेतात. Xbox One X द्वारे मायक्रोसॉफ्टने प्लेस्टेशनला सध्यातरी मागे टाकलं आहे मात्र PS4 वर अजूनही महत्वाची गोष्ट म्हणजे जबरदस्त Exclusive Games ज्या फक्त प्लेस्टेशनवर उपलब्ध आहेत अशांची संख्या जास्तच आहे. त्या बाबतीत एक्सबॉक्स अद्याप मागेच दिसून येतोय!

The post मायक्रोसॉफ्टने सादर केला आहे Xbox One X : जगातला सर्वात ताकदवान गेमिंग कॉन्सोल ! appeared first on MarathiTech - मराठीटेक.

सोनीने सादर केला प्रोजेक्टर; घरातच अनुभवा ‘मल्टीप्लेक्स’चा आनंद

Sooraj Bagal — Tue, 14 Jan 2014 08:00:00 +0000

कंझ्युमर इलेक्ट्रॉनिक शोमध्ये (CES 2014) ‘सोनी’ कंपनीने एक अल्ट्रा शॉर्ट थ्रो प्रोजेक्टर सादर केला. 4K अल्ट्रा एचडी टेक्नॉलॉजीने बनलेल्या प्रोजेक्टरच्या माध्यमातून घरी बसल्या- बसल्या ‘मल्टीप्लेक्स’चा आनंद घेता येईल. घराच्या भींतीवरच तुम्ही सिनेमा पाहू शकतात. विशेष म्हणजे याचा डिस्प्ले 147 इंचांपर्यंत वाढवता येतो. अन्य प्रोजेक्टरप्रमाणे भिंतीवर लटकून ठेवण्याची गरज नाही. ज्या भिंतीवर तुम्हाला डिस्प्ले हवा आहे, त्या भिंतीला हे प्रोजेक्टर लावून ठेवू शकता.

सोनीच्या या ‘थ्रो प्रोजेक्टर’मध्ये चार एचडी पोर्ट दिलेले आहेत. याला तुम्ही मोबाइल, डीव्हीडी, टॅबलेट, आणि पेनड्राइव्ह जोडू शकता. या प्रोजेक्टरची किंमत 18.62 ते 24 लाख असण्याची शक्यता आहे. येत्या मे-जूनपर्यंत हे प्रोजेक्टर बाजारात उपलब्ध होईल.

‘फिल्प्सि’चा अँड्राइड टीव्ही..

आतापर्यंत अँड्राइड मोबाइल आपण पाहिले असतील. आता अँड्राइड ऑपेरेटींग सिस्टिमवर काम करणारा टीव्ही लॉन्च करण्यात आला आहे. ‘फिल्प्सि’ने अँड्राइड स्मार्ट टीव्ही सादर केला आहे. यात ‘गुगल प्ले’सारख्या अनेक अँड्राइड अ‍ॅप्लिकेशन्स आहेत. उल्लेखनिय म्हणजे या टीव्हीला स्मार्टफोनही जोडता येईल. टीव्हीच्या रिमोटमधेच माइक दिला असून त्याच्या मदतीने युजर्स ‘व्हॉइस सर्च’ही करू शकतात. यात क्वॉट्री की-पॅड बसवलेले आहे. त्यामुळे स्मार्टफोनच्या साहाय्यानेही टीव्ही ऑपरेट करू शकता. येत्या ऑक्टोबरपर्यंत हा टीव्ही बाजारात उपलब्ध होणार आहे. टीव्हीची किंमत किती असेल याबाबत माहिती उपलब्ध होऊ शकली नाही.

टच करताच होईल पेमेंट…

पल्स वॉलेट डिव्हाइस दोन प्रकारे काम करते. पहिल्यांदा डेबिट, क्रेडीट कार्डमधील डाटा स्टोअर केला जातो. त्यानंतर या डिव्हाइसवर हात स्कॅन करावा लागतो. स्कॅन केल्यानंतर हे डिव्हाइस संबंधित व्यक्तीचे बायोमॅट्रीक तपशील एकत्र करते. एखादी वस्तू खरेदी केल्यानंतर पेमेंट करताना डिव्हाइसवर टच करताच पमेंट झाल्याचा एसएमएस मोबाइलवर येतो. यामध्ये आधी आपल्याकडे असलेले डेबिट, क्रेडीट कार्डची नोंदणी करावी लागते.

The post सोनीने सादर केला प्रोजेक्टर; घरातच अनुभवा ‘मल्टीप्लेक्स’चा आनंद appeared first on MarathiTech - मराठीटेक.