अडोबीने आपल्या प्रमुख क्रिएटिव्ह आणि प्रोडक्टिव्हिटी टूल्स Adobe Photoshop, Adobe Express आणि Adobe Acrobat यांचा ChatGPT मध्ये थेट समावेश केला आहे. या मोठ्या अपडेटमुळे ChatGPT वापरकर्त्यांना त्यांच्या प्लॅटफॉर्मवरच फोटोशॉपमधील काही सोयी वापरता येणार आहेत तेसुद्धा मोफत!

या नव्या इंटिग्रेशनमुळे बेसिक फोटो एडिटिंग, डिझाईन्स आणि डॉक्युमेंट एडिटिंग ChatGPT मध्येच करता येईल.

ChatGPT मध्ये फोटोशॉप कसं वापरायचं ?

1. ChatGPT वर जा त्यानंतर डाव्या कोपऱ्यात खाली तुमच्या प्रोफाइलवर क्लिक करून Settings मध्ये जा
2. आता आलेल्या स्क्रीनवर Apps & Connectors निवडा
3. आता Browse Apps मधून Adobe Photoshop सिलेक्ट करा
4. त्यानंतर आलेल्या स्क्रीनवरील मेसेज वाचून Connect वर क्लिक करा.
5. आता तुम्ही जिथे ChatGPT सोबत चॅट करता तिथे खाली असलेल्या + वर क्लिक करून More > Adobe Photoshop सिलेक्ट करा
6. आता तुम्हाला एडिट करायची असेल ती फाइल अपलोड करा आणि तुम्हाला हवा असलेला बदल ChatGPT ला सांगा.

Photoshop आता ChatGPT मध्ये फोटोशॉपच्या मदतीने आता तुम्ही:

• विशिष्ट फोटो भाग सुधारू शकता
• ब्राइटनेस, कॉन्ट्रास्ट, एक्सपोजर बदलू शकता
• इफेक्ट्स लावू शकता
• बॅकग्राऊंड काढून टाकू शकता.
• याचं सर्व नियंत्रण स्लायडर्ससहित ChatGPT मध्ये मिळते, ज्यामुळे एडिटिंग सोपं होईल.

ChatGPT मध्ये फोटोशॉपसाठी उपलब्ध prompts

• Blur background.
• Make my image look creative with effects
• Remove background
• Make colors more vibrant
• Pop subject
• Apply an effect or adjustment to the background
• Apply an effect or adjustment to a specific part of the image

या नवीन Adobe टूल्स सर्व ChatGPT वापरकर्त्यांसाठी पूर्णपणे मोफत उपलब्ध आहेत. Photoshop, Adobe Express आणि Acrobat ChatGPT च्या: डेस्कटॉप, वेब, iOS वर उपलब्ध आहेत. Android साठी तूर्तास फक्त Adobe Express चाच सपोर्ट आहे. Photoshop व Acrobat लवकरच Android च्या ChatGPT ॲपवर येत आहेत.

अर्थात हे पूर्ण फोटोशॉप सॉफ्टवेअर नाही. अगदी मर्यादित सोयी याद्वारे देण्यात आल्या आहेत. शिवाय आपल्याला आणखी पर्याय हवे असतील तर Adobe Photoshop Web कडे जा असा मेसेजसुद्धा दिसतो. थोडक्यात छोटं एडिटिंग व इफेक्टस् असतील तर ते याद्वारे करता येईल. त्यापेक्षा आणखी पर्याय हवे असतील तर फॉटोशॉप वेब वर जा आणि त्यापेक्षाही आणखी सोयी हव्या असतील तर नेहमीचं फोटोशॉप सॉफ्टवेअर वापरा.

अधिक माहितीसाठी संदर्भ : https://blog.adobe.com/en/publish/2025/12/10/edit-photoshop-chatgpt

The post अडोबी फोटोशॉप आता ChatGPT मध्ये उपलब्ध! appeared first on MarathiTech - मराठीटेक.

अडोबी (Adobe) ने त्यांच्या लोकप्रिय फॉटोशॉप सॉफ्टवेअरमध्ये नवी Generative Fill ची सोय आणली आहे. याद्वारे काही शब्द लिहून क्लिक केल्यास कोणत्याही फोटोमध्ये हवे तसे बदल करता येतील! ही सोय सध्या चाचणी आवृत्तीत असून लवकरच सर्वांसाठी उपलब्ध होणार आहे!

Adobe Firefly हे या कंपनीचं generative AI engine असून याच्या मदतीनेच फॉटोशॉप आता हे Generative टूल वापरू शकेल. कोणत्याही इमेजचा आपल्याला हवा तेव्हढा आकार वाढवणे, कल्पना होईल ती वस्तू जोडणे, काही मोजक्या शब्दांच्या इनपुटवर एका क्लिकने इमेजमध्ये बदल करणे शक्य होणार आहे.

अर्थात यामुळे AI आधारित टूल्सबद्दल व्यक्त होत असलेली भीती आणखी वाढतच जाईल. असं तंत्रज्ञान कोणत्याही व्यक्तीच्या हातात सहज उपलब्ध होत असल्यामुळे गैरप्रकरांमध्ये नक्कीच वाढ होईल आणि येत्या काही दिवसात हे दिसून येईलच…

The post अडोबीची फोटोशॉपमध्ये नवी सोय : Generative Fill appeared first on MarathiTech - मराठीटेक.

फिग्मा (Figma) ही ग्रुप्ससाठी डिझाईन टूल्स उपलब्ध करून देणारी कंपनी आता अडोबी ही कंपनी विकत असल्याचं जाहीर झालं असून हा व्यवहार तब्बल 20 billion डॉलर्सचा म्हणजे जवळपास १,५९,३२३ कोटी रुपये इतका मोठा असणार आहे! फिग्मा हे टूल एकावेळी कंपनीमधील अनेकांना ऑनलाइन एकत्र डिझाईन्स, प्रोटोटाइप तयार करण्यासाठी जगभरात मोठ्या प्रमाणात वापरलं जातं. अडोबीने केलेलं फिग्माचं हे अधिग्रहण (Acquisition) आजवरच्या सर्वात मोठ्या अधिग्रहणांपैकी एक असेल.

अडोबीच्या क्रिएटिव क्लाऊडला या प्रकारात त्यांनी बरीच स्पर्धा निर्माण केली होती. फिग्मा आज जवळपास प्रत्येक Collaborative Designing मध्ये वापरलं जातं. डिझाईन्स, वायरफ्रेम्स, प्रोटोटाइप्स बनवण्यासाठी याचा वापर होतोय. अधिक माहितीसाठी लेखाच्या शेवटी असलेला व्हिडिओ पहा.

डिझाईन करणे, टीमचा इनपुट घेणे, फॉन्ट,अॅनिमेशन्स, रंग असे सर्वकाही पर्याय सर्वांना एकत्र आणून फायनल डिझाईन क्लाऊडमध्ये ऑनलाइन तयार करणे, फाइल्स पाठवणे, कॉमेंट्समार्फत चॅट करणे, ग्राहकाला फायनल आउटपुट हँडऑफ करणे असं सर्वकाही फिग्मामध्ये सहज करता येतं.

आता अडोबीने ही कंपनी विकत घेतल्यामुळे दोघांचे क्रिएटिव टूल्स वापरुन डिझाईनर्सना त्यांचं काम करणं खूपच सोपं होणार आहे. फॉटोशॉप, इलस्ट्रेटर यांच्यासोबत आता फिग्मासुद्धा जोडलं जाईल.

अडोबीचे प्रमुख शंतनू नारायण यांनी “अडोबीच्या मोठ्या कामगिरीचं मुळ म्हणजे आमची नवनवे प्रकार तयार करणं आणि नवं तंत्रज्ञान संशोधनामार्फत उपलब्ध करून देत राहण्याची क्षमता. अडोबी आणि फिग्मामुळे आमूलाग्र बदल होतील आणि आमच्या एकत्र येऊन क्रिएटिव काम करण्याच्या स्वप्नाला वेग मिळेल” अशा शब्दात त्यांचं मत व्यक्त केलं आहे.

अपडेट १८-१२-२०२३ : हा व्यवहार आता रद्द करत असल्याचं जाहीर केलं असून UK आणि EU मधील नियामकांच्या दबावामुळे हे अधिग्रहण पूर्ण होणार नाही असं सांगितलं आहे! हा व्यवहार रद्द झाल्यामुळे आता अडोबीलाच फिग्मा कंपनीला १ बिलियन डॉलर्स द्यावे लागतील! अधिक माहिती : figma.com/blog/figma-adobe-abandon-proposed-merger

The post अडोबी Figma कंपनी विकत घेणार : ~१,६०,००० कोटी रुपयांचं अधिग्रहण! appeared first on MarathiTech - मराठीटेक.

अडोबीने खास सोशल मीडिया क्रिएटर्ससाठी नवं ॲप आणलं असून यामध्ये तुम्हाला सोशल मीडिया पोस्ट्स, पदार्थांचे मेन्यू, ब्रोशर्स, पोस्टर्स, आमंत्रण, कोलाज तयार करता येतील सोबत फोटो एडिटिंग आणि व्हिडिओ एडिटिंगसाठीही यामध्ये पर्याय देण्यात आले आहेत. हे ॲप मोफत उपलब्ध असून यामधील आणखी सुविधांचा वापर करायचा असेल तर तुम्हाला महिन्याला $9.99 (~₹७६०) द्यावे लागतील.

अडोबी CC Express च्या मोफत प्लॅनमध्ये तुम्हाला हजारो टेंप्लेट, डिझाईन्स आणि काही अडोबी फॉन्ट देण्यात आले आहेत. अडोबी स्टॉकमधील काही फोटोसुद्धा मिळतील. बेसिक एडिटिंग आणि इफेक्टस मिळतील. 2GB चं क्लाऊड स्टोरेज मिळेल. यांचं ॲप iOS, अँड्रॉइड आणि वेबसाइटवरही उपलब्ध आहे.

Download Adobe Creative Cloud Express : adobe.com/express

प्रीमियम प्लॅनमध्ये सर्व प्रीमियम टेंप्लेट, अडोबी स्टॉकचं पूर्ण फोटो कलेक्शन, २००००+ अडोबी फॉन्ट, एडिटिंगसाठी अधिक पर्याय, एका क्लिकवर तुमचा लोगो, रंग, ब्रँडिंग जोडता येईल, क्लाऊड लायब्ररी, 100GB चं क्लाऊड स्टोरेज मिळेल. प्रीमियम प्लॅनमध्ये Adobe Premiere Rush, Adobe Photoshop Express, Adobe Spark Video आणि Adobe Spark Page यांमधील प्रीमियम फीचर्ससुद्धा उपलब्ध असतील.

Creative Cloud Express मधील काही खास सोयी

• इमेजेस रिसाईज करणे
• बॅकग्राउंड remove करणे
• इमेजेस, आयकॉन्स, बॅकग्राउंड, लोगो जोडणे
• विविध इफेक्टस, फिल्टर्स लावणे
• फाइल्स कन्वर्ट करणे
• व्हिडिओ फाइल्स क्रॉप व एडिट करणे
• व्हिडिओ GIF मध्ये कन्वर्ट करणे

काही प्रमाणात किचकट असणाऱ्या अडोबी फॉटोशॉप ऐवजी कुणालाही सहजपणे टेंप्लेट वापरुन या ॲपमध्ये ग्राफिक्स डिझाईन, सोशल मीडिया पोस्ट्स तयार करता येतील. बरेच जण वापरत असलेल्या Canva ला अडोबीचा पर्याय म्हणजे CC Express म्हणता येईल अशी ही नवी सेवा आहे. पूर्वी Adobe Spark नावाने असलेली ही सेवा आता फ्री यूजर्ससाठी अधिक पर्यायांसोबत उपलब्ध करून देण्यात आली आहे.

The post अडोबीचं ग्राफिक्स डिझाईनसाठी सोपं फ्री ॲप : Creative Cloud Express appeared first on MarathiTech - मराठीटेक.

क्रिएटर्स आणि फोटो एडिटिंग साठी वापरलं जाणारं सर्वात लोकप्रिय सॉफ्टवेअर म्हणजे अडोबी कंपनीचं फॉटोशॉप. काल झालेल्या Adobe Max कार्यक्रमात त्यांनी अनेक नव्या गोष्टी जाहीर केल्या असून यामध्ये विशेष ठरेल अशी घोषणा होती ती म्हणजे फॉटोशॉप आता त्यांच्या वेबसाइटवर वापरता येणार आहे याचा अर्थ तुमच्याकडे फॉटोशॉप इंस्टॉल केलेलं नसेल तरीही तुम्ही बेसिक एडिटिंगसाठी ऑनलाइन पर्याय वापरू शकता.

नवा पर्याय ऑफिस ३६५, गूगल डॉक्स प्रमाणे ऑनलाइन काम करेल. Photoshop and Illustrator दोन्हीची वेब आवृत्ती जाहीर करण्यात आली आहे. गूगल क्रोम आणि मायक्रोसॉफ्ट एज ब्राऊजरमध्येच हा पर्याय वापरता येईल. या पर्यायाची सध्या चाचणी सुरू करण्यात आली आहे.

ही वेबसाइट सेवा जर तुमच्याकडे अडोबी क्रिएटिव क्लाऊडचं सभासदत्व असेल तरच वापरता येईल याची नोंद घ्या. मात्र तुम्ही तुमच्या क्लायंटना केलेलं काम दाखवण्यासाठी याचा वापर करणार असाल तर त्यासाठी क्लायंटना सभासदत्व घेण्याची गरज नाही ते तुमची फाइल उघडून जे काही बदल आहेत ते कॉमेंटद्वारे सांगू शकतील. त्यानंतर तुम्ही बेसिक एडिट्स करून लगेच ऑनलाइन सेव्ह करू शकाल!

या सोबतच अडोबीने फॉटोशॉप, आफ्टर इफेक्टस, प्रीमियर प्रोच्या नव्या आवृत्त्या आणि त्यामधील नव्या सोयीबद्दल माहिती जाहीर केली आहे. blog.adobe.com वर अधिक वाचू शकता.

जर तुम्हाला याच गोष्टी करण्यासाठी मोफत ऑनलाइन पर्याय हवा असेल तर PhotoPea (www.photopea.com) आधीपासून उपलब्ध आहे. हे अधिकृत फॉटोशॉप नसलं तरी त्यासारखं डिझाईन दिलेलं आहे. याद्वारे तुम्ही कधीही ब्राऊजर उघडून बेसिक एडिटिंग करून फाइल्स सेव्ह करू शकता.

The post अडोबी फॉटोशॉप आता वेबसाइटद्वारे ब्राऊजरमध्येच वापरा! appeared first on MarathiTech - मराठीटेक.