युरोपियन यूनियनच्या दबावामुळे सरतेशेवटी ॲपलला त्यांच्या आयफोन्समध्ये Lightning Port ऐवजी USB Type C पोर्ट द्यावं लागलं असून आता त्यांच्या नव्या आयफोन १५ मालिकेतील फोन्समध्ये हे इतर स्मार्टफोन्समध्येही असलेलं पोर्ट मिळेल. यामुळे फक्त आयफोनसाठी वेगळी चार्जिंग केबल घेऊन फिरण्याची गरज उरणार नाही.

काल झालेल्या कार्यक्रमात ॲपलने Apple iPhone 15, 15 Plus, 15 Pro, 15 Pro Max हे आयफोन्स, Apple Watch Series 9, Apple Watch Ultra 2 सादर केले आहेत.

नव्या Type C पोर्ट मुळे आयफोन, आयपॅड, मॅकबुक सर्व उपकरणे एकाच केबलद्वारे चार्ज करता येतील. यासोबत AirPods ना सुद्धा आता चार्जिंगसाठी Type C पोर्ट असेल. iPhone 15 व iPhone 15 Plus मध्ये USB2 चाच स्पीड मिळणार असून अधिक वेगवान USB3 पोर्ट 15 Pro आणि 15 Pro Max मध्येच मिळेल!

iPhone 15 & 15 Plus

• A16 Processor
• 48MP Camera
• Dynamic Island
• Enhanced stability
• 4K60 HDR Video
• 5 New Colors
• 2000 nits Brightness
• USB Type C USB2
• Starts at ₹79,900

iPhone 15 Pro & 15 Pro Max

• A17 Pro Processor
• 48MP Camera
• 48MP Camera
• Can shoot in 24mm, 28mm & 35mm
• 2 times better low light performance
• 3x telephoto 77mm lens (15 pro)
• 5x telephoto 120mm lens (15 Pro Max)
• Improved Stability
• Spatial Video
• 4 Titanium Colors
• USB Type C USB3
• Starts at ₹1,34,900

भारतीय किंमती खालील प्रमाणे (Apple iPhone 15 Indian Pricing)

• Apple iPhone 15 : ₹79,900
• Apple iPhone 15 Plus : ₹89,900
• Apple iPhone 15 Pro : ₹1,34,900
• Apple iPhone 15 Pro Max : ₹1,59,900

• Apple Watch SE : ₹29,900
• Apple Watch Series 9 : ₹41,900
• Apple Watch Ultra 2 : ₹89,900

The post ॲपलची आयफोन १५ मालिका सादर : आता चक्क USB C पोर्टसह! appeared first on MarathiTech - मराठीटेक.

आज ॲपलने त्यांच्या Far Out कार्यक्रमात त्यांची नवी उत्पादने सादर केली असून यामध्ये आयफोन १४ मालिका, वॉच सिरीज ८, वॉच SE, नवं वॉच अल्ट्रा आणि नवे एयरपॉड्स प्रो सादर केले आहेत. आयफोनच्या प्रो मॉडेल्समधील नॉच कमी करून आता त्याजागी गोळीच्या आकाराने घेतली आहे ज्याला ॲपलने Dynamic Island असं नाव सुद्धा दिलं आहे!

आयफोन १४ फोन्समध्ये आपत्कालीन वेळी वायफाय/नेटवर्क नसतानादेखील थेट उपग्रहांसोबत जोडले जाऊन मदत मागण्याची Emergency SOS Via Satellite सोय देण्यात आली आहे!

नव्या आयफोन्समध्ये ॲपलने सिम कार्ड पूर्णपणे काढून टाकलं असून आता केवळ eSIM चाच पर्याय दिला आहे. त्यामुळे जर तुम्हाला तुमच्या आयफोन मधील सिम काढून दुसऱ्या फोनमध्ये टाकायचं असेल तर तसं करता येणार नाही. शिवाय यावेळी Type C पोर्ट देण्यात येईल अशी शक्यता वर्तवली जात होती मात्र यावेळीही ॲपलने Lightning Port च दिलं आहे!

भारतीय किंमती खालील प्रमाणे (Apple iPhone 14 Indian Pricing)

• Apple iPhone 14 : ₹79,900
• Apple iPhone 14 Plus : ₹89,900
• Apple iPhone 14 Pro : ₹1,29,900
• Apple iPhone 14 Pro Max : ₹1,39,900

• Apple Watch SE : ₹29,900
• Apple Watch Series 8 : ₹45,900
• Apple Watch Ultra : ₹89,900

• Apple AirPods Pro : ₹26,900

आयफोनच्या नव्या Apple iPhone 14 Pro आणि 14 Pro Max मध्ये बऱ्याच नव्या गोष्टी जोडण्यात आल्या आहेत. Dynamic Island मुळे युजर्सना आता अधिक चांगल्या प्रकारे नोटिफिकेशन्स दिसतील. A16 प्रोसेसर, पूर्ण दिवस चालणारी बॅटरी, 48MP चा कॅमेरा, नवा फ्रंट कॅमेरा, नवा 12MP अल्ट्रावाईड कॅमेरा, पडल्यावर अलर्ट अशा सोयी देण्यात आल्या आहेत.

अॅपलने त्यांच्या नेहमीच्या वॉच सिरीज ८ सोबत आता खास ट्रेकर्स, स्वीमर्स किंवा ज्याना जास्त ट्रॅकिंग व डेटाची गरज आहे त्यांच्यासाठी नवं Apple Watch Ultra आणलं आहे.

The post ॲपलचे नवे आयफोन १४, ॲपल वॉच अल्ट्रा आणि एयरपॉड्स प्रो सादर! appeared first on MarathiTech - मराठीटेक.

ॲपलने आज झालेल्या कार्यक्रमात सर्वात पॉवरफुल लॅपटॉप्स सादर केले असून नवे मॅकबुक प्रो 3D ग्राफिक्स, व्हिडिओ एडिटिंग अशा गोष्टींसाठी तर इतर लॅपटॉप्सच्या तुलनेत अनेक पटीने चांगला काम करतील. आधीच्या तुलनेत यामध्ये १३ पट अधिक वेगवान ग्राफिक्स, 3.7 पट वेगवान प्रोसेसर, नवा Liquid Retina XDR डिस्प्ले, 120Hz ProMotion चे १४ इंची किंवा १६ इंची स्क्रीन, SD Card स्लॉट, MagSafe चार्जर, नवा किबोर्ड अशा सुविधा देण्यात आल्या आहेत.

विशेष म्हणजे यामध्ये असलेली integrated graphics पीसी लॅपटॉप्सच्या dedicated graphics असलेल्या लॅपटॉप्सपेक्षा अधिक चांगली कामगिरी बरीच कमी बॅटरी वापरत करतो यामुळे याची बॅटरी लाईफ पूर्ण क्षमतेत सुद्धा तब्बल २१ तासांपर्यंत आहे! ॲपलच्या म्हणण्यानुसार यामधील डिस्प्ले सुद्धा जगातील सर्वोत्तम नोटबुक डिस्प्ले आहे. मात्र ॲपलने स्क्रीन वाढवली असली तरी आता फोन्सप्रमाणे यामध्येही नॉच पहायला मिळेल जो नक्कीच डिझाईनच्या दृष्टीने योग्य वाटत नाही. शिवाय या नॉचमध्ये FaceID देण्यात आलेलं नाही केवळ वेब कॅमेरा आणि इतर सेन्सरसाठीच ही जागा व्यापलेली असेल.

नव्या M1 Max मॅकबुक प्रोला तुम्ही चक्क तीन Pro Display XDR आणि एक 4K टीव्ही एकावेळी जोडू शकता आणि तरीही आपण इतर पोर्ट्स आणखी उपकरणे जोडण्यासाठी वापरू शकता! बॅटरी पॉवरवर सुद्धा हा लॅपटॉप पूर्ण क्षमतेने काम करेल जे सध्या उपलब्ध कोणतेही पीसी लॅपटॉप्स अजिबात करू शकत नाहीत असंही ॲपलने सांगितलं आहे.

यापूर्वीच्या मॅकबुकमधील टचबार नव्या मॅकबुक प्रोमध्ये काढून टाकण्यात आला असून आता यामध्ये MagSafe चार्जर, SD Card Slot, Full HDMI पोर्ट यांचा पुन्हा समावेश करण्यात आला आहे. MagSafe चार्जिंग असलं तरी तुम्ही Thunderbolt 4 असलेल्या Type C पोर्ट द्वारेही चार्जिंग करू शकता.

नव्या MacBook Pro ची किंमत १४ इंची रु १,९४,९०० पासून तर १६ इंची मॉडेलची रु २,३९,९०० पासून सुरू होते!

ॲपलने लॅपटॉपसारख्या उपकरणांची क्षमता एव्हढी वाढवून ठेवली आहे की आणखी बरेच महीने कोणत्याही विंडोज आधारित लॅपटॉपला याच्या इतकी कामगिरी करणं शक्य होईल असं वाटत नाही. अगदी बऱ्याच डेस्कटॉप पीसी प्रोसेसर्सना सुद्धा नवे M1 Pro आणि M1 Max अनेक बाबतीत मागे टाकत आहेत!

याचवेळी ॲपलने AirPods 3 सुद्धा सादर केले असून यामध्ये आता नवं डिझाईन, Spacial Audio, घाम आणि पाण्यापासून संरक्षण, अधिक बॅटरी लाईफ, magsafe चार्जिंग सपोर्ट देण्यात आला आहे. याची किंमत रु १८,५०० इतकी असणार आहे.

Search Terms : Apple MacBook Pro M1 Pro M1 Max Indian Pricing

The post ॲपलचे नवे मॅकबुक प्रो सादर : आता M1 Pro & M1 Max सह! appeared first on MarathiTech - मराठीटेक.

ॲपलने काही क्षणांपूर्वीच पार पडलेल्या कॅलिफोर्निया स्ट्रीमिंग ॲपल इव्हेंट कार्यक्रमात नवे आयफोन्स, आयपॅड व नवं ॲपल वॉच सादर केलं आहे. यावेळी फारसं काही नवी सोय पाहायला मिळणार नसली तरी आधीच्या तुलनेत या उपकरणांची क्षमता अनेक पटीने वाढली आहे असं ॲपलने आज सांगितलं आहे. आयफोनमधील कॅमेराची जागा बदलण्यात आली आहे. शिवाय अधिक क्षमता असलेला A15 Bionic हा सर्वोत्तम स्मार्टफोन प्रोसेसर यामध्ये आहे. कॅमेरा बाबतीत फोटो व व्हिडिओसाठी आता अधिक पर्याय उपलब्ध करून देण्यात आले आहेत.

iPhone 13 : यामध्ये असलेल्या iPhone 13 व iPhone 13 Mini मध्ये नवा A15 Bionic प्रोसेसर, नवा OIS Tilt Shift वाईड कॅमेरा, अधिक 5G बॅंड, 2.5 तासांनी वाढलेली बॅटरी लाईफ, Super Retina XDR डिस्प्ले, सर्व कॅमेरा लेन्सवर नाइट मोड, 4K60fps HDR with Dolby Vision व्हिडिओ रेकॉर्डिंग सोबत नवा cinematic mode देण्यात आला आहे जो आपोआप चेहरा पाहून, त्याची हालचाल पाहून फोकस ॲडजस्ट करेल!
याची किंमत भारतात iPhone 13 Mini : ₹69,900 पासून सुरू आणि iPhone 13 : ₹79,900 पासून सुरू होईल.

iPhone 13 Pro : यामध्ये असलेल्या iPhone 13 Pro व iPhone 13 Pro Maxमध्ये नवा A15 Bionic प्रोसेसर, नवा OIS Tilt Shift वाईड कॅमेरा, अधिक 5G बॅंड, 2.5 तासांनी वाढलेली बॅटरी लाईफ, Super Retina XDR डिस्प्ले, 1200 Nits Brightness, 120Hz ProMotion Display, 20% लहान नॉच, नवे वाईड+टेलिफोटो+अल्ट्रा वाईड कॅमेरा, अल्ट्रावाइड मार्फत आता मॅक्रो फोटोसुद्धा काढता येणार, 4K 30fps ProRes फॉरमॅटमध्ये व्हिडिओ रेकॉर्ड करण्याची सोय
याची किंमत भारतात iPhone 13 Pro : ₹1,19,900 पासून सुरू आणि iPhone 13 Pro Max : ₹1,29,900 पासून सुरू होईल.

ॲपल अजूनही आयफोन्समध्ये Type C पोर्ट दिलेलं नाही. या नव्या मॉडेल्समध्येही Lightning पोर्ट्सचाच वापर करण्यात आला आहे!

iPad 9th Gen : या बेसिक आयपॅड मॉडेल मध्ये आता 10.2″ True Tone डिस्प्ले, Gigabit LTE, 12MP अल्ट्रा वाईड कॅमेरा ज्यासोबत तुम्हाला फ्रेमच्या मध्यभागी ठेवणारी CenterStage सोयसुद्धा आहे. 1st Gen ॲपल पेन्सिल सपोर्ट, Apple A13 प्रोसेसर, iPadOS 15, अधिक स्टोरेज देण्यात आलं आहे. आता आयपॅड्समध्ये जवळपास त्याच किंमतीत अनेक नव्या सोयी मिळतील.
याची किंमत भारतात WiFi साठी : ₹30,900 आणि WiFi + Cellular साठी : ₹42,900

iPad Mini : नव्या आयपॅड मिनीमध्ये 8.3″ Liquid Retina डिस्प्ले, A15 प्रोसेसर, USB C Port, 2nd Gen Apple Pencil सपोर्ट, 5G, पॉवर बटनमध्येच टच आयडी, 12MP कॅमेरा, 12MP अल्ट्रा वाईड फ्रंट कॅमेरा सोबत CenterStage सुविधा देण्यात आली आहे.
याची किंमत भारतात WiFi साठी : ₹46,900 आणि WiFi + Cellular साठी : ₹60,900

Apple Watch Series 7 : नव्या ॲपल वॉच मध्ये अधिक मोठी स्क्रीन, Curved Display, फुल किबोर्ड टायपिंग, फास्ट चार्जिंग, IP6X DustProof, WR50 Waterproofing अशा आधीच्याच पण सुधारित गोष्टी देण्यात आल्या आहेत. WatchOS मध्ये नव्या Apps सह आणखी अनेक सोयी जोडण्यात आल्या आहेत ज्या या घड्याळाला आणखी स्मार्ट बनवतील.

The post ॲपल इव्हेंट : नवा आयफोन १३, नवे आयपॅड, नवं ॲपल वॉच जाहीर! appeared first on MarathiTech - मराठीटेक.

काल ॲपलने त्यांच्या ॲपल इव्हेंटमध्ये काही नवी उत्पादने सादर केली असून यामध्ये दोन ॲपल वॉच, दोन आयपॅड, Fitness+ सेवा, Apple One सेवा यांचा समावेश आहे. प्रथमच ॲपलला सप्टेंबर महिन्यात आयफोन सादर करता आला नसून covid19 मुळे त्यांच्या फोन निर्मिती प्रक्रियेत अडथळे आले ज्यामुळे iPhone 12 चं लॉंच त्यांना पुढं ढकलावं लागलं असं दिसत आहे.

ॲपल वॉचचे दोन नवे मॉडेल Series 6 आणि Apple Watch SE असे असतील. नेहमीच्या ॲपल वॉचमध्ये नवी आवृत्ती असलेल्या Apple Watch Series 6 मध्ये आता ब्लड ऑक्सिजनसुद्धा मोजता येणार आहे! सध्या कोरोनासाठी प्राथमिक चाचणी म्हणून हे पाहिलं जातं. १५ सेकंदात ब्लड ऑक्सिजन आपल्याला दाखवू शकेल! याची भारतीय किंमत ४०९०० असणार आहे.
यासोबत एक स्वस्त घडयाळ सुद्धा ॲपलने आणलं असून Apple Watch SE ची किंमत २९९०० असणार आहे.

ॲपलने दोन नवे आयपॅडसुद्धा आणले असून स्वस्त पर्याय म्हणून असलेला नेहमीचा आयपॅड (Apple iPad 8th Gen) आता A12 प्रोसेसर सह येईल. याची किंमत २९९०० पासून सुरू असेल.

सोबत आलेला नवा iPad Air मात्र नक्कीच उत्तम पर्याय ठरणार आहे. यामध्ये आणि iPad Pro मध्ये बरच साधर्म्य असून याची किंमतही त्या मानाने कमी आहे. शिवाय यामध्ये सर्वात नवा A14 Bionic प्रोसेसर देण्यात आला आहे! आनंदाची बाब म्हणजे ॲपलने या टॅब्लेटला Type C USB पोर्ट दिला आहे! याची भारतीय किंमत ५४९०० पासून सुरू आहे.

ॲपलने त्यांच्या विविध सेवा एकत्र आणणारी सेवा आणली असून या सेवेचं नाव ॲपल वन (Apple One) असं असणार आहे. यामध्ये Apple Music, Apple TV+, Apple Arcade व iCloud Storage मिळेल! यामधील विविध प्लॅन्सनुसार Fitness+ आणि Apple News+ व अधिकच स्टोरेज मिळेल असे प्रीमियर प्लॅन्स आहेत.

आयफोन्ससाठी iOS 14 अपडेट सुद्धा उपलब्ध होण्यास आजपासून सुरुवात होणार आहे. iPad व Apple Watch साठीही अपडेट्स उपलब्ध होतील.

The post ॲपल वॉच Series 6, स्वस्त Watch SE, आयपॅड, आयपॅड एयरची नवी आवृत्ती सादर! appeared first on MarathiTech - मराठीटेक.