Asha Archives - MarathiTech - मराठीटेक

नोकिया आशा ५०१ वरही ‘व्हॉट्सअॅप’

Sooraj Bagal — Sun, 24 Nov 2013 21:00:00 +0000

सॅमसंगच्या लाटेत वाहून जाणा-या नोकियासाठी तारणहार ठरलेल्या नोकिया आशा सीरिजमधील ‘आशा ५०१’ या हँडसेटमध्ये आता ‘व्हॉट्सअॅप’ वापरता येणार आहे. या नव्या अपडेटमुळे ‘स्वस्त आणि मस्त’ स्मार्टफोन म्हणून आपली ओळख निर्माण केलेल्या आशा ५०१ची मागणी आणखी वाढण्याची शक्यता आहे.

नोकिया आशा ५०१ बाजारात आल्यावर कित्येकांना या हँडसेटनं भुरळ पाडली. पाच हजार रुपयांत स्मार्टफोनची फीचर्स आणि ‘नोकिया का भरोसा’ मिळत असल्यानं अनेकजण या फोनवर फिदा झाले होते. परंतु, त्यात सगळ्यात ‘हिट’ इन्स्टंट मेसेजिंग अॅप, ‘व्हॉट्सअॅप’ नसल्यानं तरुणांची निराशा झाली होती. तरीही हा फोन दणक्यात चालला.

या मॉडेलनंतर नोकियानं आशा ५००, आशा ५०२ आणि आशा ५०३ ड्युएल-सिम फोन बाजारात आणले. त्यात व्हॉट्सअॅप आधीच इन्स्टॉल केलं गेलं होतं. पण, या फोनपेक्षाही आशा ५०१ मोबाइलप्रेमींना जास्त आवडला होता. ही लोकप्रियता लक्षात घेऊनच, या हँडसेटमध्ये ‘व्हॉट्सअॅप’ उपलब्ध करून द्यायचं नोकियानं ठरवलंय.

नोकिया आशा ५०१ वापरणा-यांना सॉफ्टवेअर अपडेट करून ‘व्हॉट्सअॅप’ डाउनलोड करता येणार आहे. त्याशिवाय, एका टचने फोटो फेसबुकवर शेअर करायचं फीचरही मोबाइलधारकांना मिळू शकणार आहे. फेसबुकवरच्या ‘कमेंट’ आणि ‘लाइक’ही त्यांना स्क्रिनवर पाहता येतील. या नव्या फीचरमुळे नोकियाच्या ‘आशा’ पुन्हा पल्लवित झाल्यात.

The post नोकिया आशा ५०१ वरही ‘व्हॉट्सअॅप’ appeared first on MarathiTech - मराठीटेक.

नोकियाचा आशा ५०१ बजेटफोन

Sooraj Bagal — Sat, 20 Jul 2013 21:00:00 +0000

सध्याची दुनिया ही स्मार्टफोनची आणि त्याचीच चलती असलेली असली तरीही आजही अनेकजण असे आहेत की, ज्यांना स्मार्टफोन परवडत नाही. मात्र असे असले तरी त्यांना दिसायला स्मार्टफोन आणि त्यातही खिशाला परवडणारा बजेटफोन असा योग जुळलेला हवा असतो. अशांसाठी आता नोकियाने एक नवीन बजेटफोन बाजारात आणला आहे, तो आहे नोकिया आशा ५०१.

गेल्या काही महिन्यांत सॅमसंगने भारतीय बाजारपेठेत एक जोरदार आघाडी उघडली आहे. शिवाय त्यांनी बजेटफोन असतील अशा किमतीतही अनेक फोन बाजारपेठेत आणले आहेत. मात्र असे असले तरी मोबाइल बाजारपेठ भारतात सुरू झाली त्या वेळेस इथे सर्वात आधी प्रवेश करणाऱ्या नोकियाने अद्यापही अनेकांच्या मनात घर केले आहे. खास करून मोबाइलचा वापर केवळ फोन म्हणून करणाऱ्या अनेकांना आजही नोकियाचा यूजर इंटरफेसच जवळचा वाटतो. त्यांना वाटते की, नोकियाचा फोन आपल्याला वापरता येऊ शकतो आणि इतर फोन मात्र आपल्याला जमणार नाहीत. अशांसाठी नोकियाचे बजेटफोन हा चांगला पर्याय आहे. आशा मालिका ही अशांसाठीच आहे.

याच आशा मालिकेमध्ये नोकियाने आणलेला ५०१ आशा हा मोबाइल मात्र बजेटफोनबरोबरच तरुणाईचे लक्ष वेधून घेण्यातही यशस्वी ठरला आहे. खास करून शाळेतून महाविद्यालयात दाखल होणाऱ्या विद्यार्थ्यांना तो अधिक जवळचा वाटेल. आई- वडिलांकडून मिळणाऱ्या पॉकेटमनीमध्ये हा परवडणारा असू शकतो. शिवाय त्याची किंमत ही स्मार्टफोनच्या तुलनेत कमी असली तरी तो दिसायला मात्र स्मार्टफोनसारखा राखण्यात नोकियाला यश आले आहे. रंगीबेरंगी आणि टिकाऊ असे कव्हर व समोरच्या बाजूस असलेली चरे न पडू देणारी स्क्रीनची काच ही या फोनची दोन महत्त्वाची वैशिष्टय़े आहेत. स्मार्टफोन हा नेहमीच वजनाला हलका असतो, त्याचप्रमाणे हा नोकिया आशा ५०१ देखील वजनाला हलका म्हणजेच अवघा ९८ ग्रॅम्स एवढय़ाच वजनाचा आहे. तरुणाई आणि सामान्यजन अशा दोन्हींच्या असलेल्या गरजा लक्षात घेऊन या फोनमध्ये दोन प्रकारचे स्क्रीन्स देण्यात आले आहेत होम आणि फास्टलेन. होम स्क्रीन या मोडमध्ये तीन इंचाच्या कपॅसिटिव्ह स्क्रीनचा पूर्ण वापर करता येतो. त्यात नेहमीप्रमाणेच स्क्रीन दिसतो. तर फास्टलेनचा स्क्रीन हा स्मार्टफोनप्रमाणे दिसणारा आहे. त्यावर तुम्हाला स्मार्टफोनच्याच स्क्रीनप्रमाणे सातत्याने अपडेटस् दिसत राहतात. तरुणाईला हा स्क्रीन अधिक आवडणारा असाच आहे. हे मॉडेल लाल, पिवळा, काळा व पांढरा अशा चार रंगांमध्ये उपलब्ध आहे. भारतीय बाजारपेठेतील किंमत – ५,१९९/-

नोकिया आशा ५०१ ची वैशिष्टय़े

वजन — केवळ ९८ ग्रॅम्स

स्क्रीनचा आकार — ३ इंच

स्क्रीनचे वैशिष्टय़ — ब्राइटनेस कंट्रोल, आरजीबी स्ट्रीप,

नोकिया ग्लान्स स्क्रीन, स्क्रीन डबल टॅप

मुख्य कॅमेरा — ३.२ मेगापिक्सेल

कॅमेरा रिझोल्युशन — २०४८ ७ १५३६ पिक्सेल्स

बॅटरी क्षमता — टूजी स्टॅण्डबाय टाइम- ११५२ तास

टूजी टॉकटाइम १७ तास

फक्त संगीत ५६ तास ऐकण्यासाठीची क्षमता

– विनायक परब..

The post नोकियाचा आशा ५०१ बजेटफोन appeared first on MarathiTech - मराठीटेक.

नोकिया 301 स्वस्तात देणार इंटरनेट मुशाफिरीचा नवा आनंद Nokia Asha 301 One of cheapest 3.5G smartphone lanched at Rs 5349

Sooraj Bagal — Fri, 12 Jul 2013 21:00:00 +0000

करोडो ग्राहकांना इंटरनेटशी जोडण्याच्या आपल्या योजनेतील पुढचं पाऊल म्हणून नोकियाने विविध नावीन्यपूर्ण वैशिष्ट्ये असलेला ‘नोकिया 301’ हा नवा मोबाइल बाजारात सादर केला आहे. क्लासिक कँडीबार ही या नव्या मोबाइलची खास बाब असून त्यात 3.5 जी इंटरनेट स्पीड मिळते. स्मार्ट कॅमे-याचीही भर पडल्याने छायाचित्र काढण्याची मजाही ग्राहकांना यामुळे लुटता येणार आहे.

या नव्या क्लासिक अल्फान्यूमरिक कीपॅड फोनला मोठी 2.4 इंचांचा स्क्रीन, सुबक डिझाइन आणि बोल्ड रंगामुळे एक नवी ओळख मिळवून दिली आहे. स्मार्ट कॅमे-याला स्मार्ट सॉफ्टवेअरची जोड दिल्याने 3.5 जीच्या वेगामुळे हा फोन काम आणि खेळण्यासाठीचा आवडता पर्याय ठरेल. यूटीव्ही मूव्हीज अ‍ॅपमुळे 3.5 जी इंटरनेटवर मोफत मूव्ही स्ट्रिमिंग करता येईल.
इंटरनेटचा सर्वाधिक चांगला वापर करता येण्याची मोठी मागणी तरुण, शहरी, हायपर-सोशल आणि परवडण्याजोग्या किमतीत सर्वात स्मार्ट फीचर्स हवी असणा-या ग्राहकांकडून होत आहे. ती पूर्ण करण्यासाठी नोकिया मोबाइल उपकरणांवर वेगवेगळ्या किमतींची अनेकानेक स्मार्ट इनोव्हेशन्स आणत असल्याचे नोकिया इंडियाच्या विपणन विभागाचे संचालक विरल ओझा यांनी सांगितले.

काय आहे खास ?
० 3.2 मेगापिक्सेल क्षमतेचा स्मार्ट कॅमेरा
० सिक्वेन्शियल शॉट्स- केवळ एका क्लिकमध्ये पाच फ्रेम एकापाठोपाठ एक कॅप्चर, गॅलरीतला फोटो थेट सोशल नेटवर्क्सवर टाकण्याची सोय
० फाइव्ह इन वन कॅमेरा अ‍ॅप फोटोला पाचपैकी एक कॅमेरा इफेक्ट देण्याची सुविधा
० स्लॅम फोटो किंवा काँटॅक्ट कार्ड्स शेजारच्या ब्ल्यूटूथसज्ज फोनमध्ये सोप्या आणि मोजक्या क्लिक्सनी ट्रान्स्फर करतो. यासाठी पेअर डिव्हाइसची गरज नाही.
० नोकिया एक्स्प्रेस ब्राउजर बिल्ट-इन असल्याने मोबाइल ब्राउझिंग 90 टक्के अधिक सक्षम

नोकिया 301 ची खास वैशिष्ट्ये
3.5 जी इंटरनेटचा अनुभव
स्मार्ट कॅमेरा
पॅनोरमा शॉट्स
सिक्वेन्शियल शॉट्स
सेल्फ पोर्ट्रेट
फाइव्ह इन वन कॅमेरा अ‍ॅप
स्टँडबाय वेळ- 34 दिवसांपर्यंत
टॉक टाइम- 20 तासांपर्यंत
उपलब्ध रंग- सायन, पिवळा, मॅजेंटा, काळा आणि पांढरा
किंमत : 5349 रु.

The post नोकिया 301 स्वस्तात देणार इंटरनेट मुशाफिरीचा नवा आनंद Nokia Asha 301 One of cheapest 3.5G smartphone lanched at Rs 5349 appeared first on MarathiTech - मराठीटेक.

नोकियाचा नवीन आशा ५०१? 48 दिवस चालणार बॅटरी New Nokia Asha 501 WiFi BT

Sooraj Bagal — Sat, 11 May 2013 21:00:00 +0000

मोबाइलच्या दुनियेत एकेकाळी सत्ता गाजवणा-या नोकियाने स्वस्त सॅमसंग मोबाइलला टक्कर देण्यासाठी आपल्या नोकिया आशा सिरिजमधला नवीन फोन नुकताच लॉन्च केला. नवी दिल्ली येथे झालेल्या एका भव्य कार्यक्रमात नोकियाचे सीईओ स्टीफन इलोप यांनी नोकिया आशा ५०१ या नवीन मोबाइल फोनचे आनावरण केले. सध्या भारतातील अनेक देशी आणि विदेशी कंपन्यांच्या अॅण्ड्रॉइड बेस मोबाइल्सला टक्कर देण्यासाठी नोकियाचा हा प्रयत्न असल्याची चर्चा आहे.

नोकिया आशा सिरिजने ज्याप्रकारे भारतात विक्रीचे विक्रम केले आहेत त्याबद्दल कंपनी समाधानी असून आशा सिरिज अपडेट करण्याच्या दृष्टीनेच हा नवीन आशा ५०१ हा फोन कंपनीने बाजारात उतरवण्याचे ठरवले आहे, असे मत स्टीफन इलोप यांनी व्यक्त केले. तसेच खास भारतीय ग्राहकांचा विचार करुन नोकियाने आशा ५ सिरीजमधील मोबाइल डिझाइन केल्याचा दावाही स्टीफन यांनी केला.

नोकियाने फेसबूकसोबत पार्टनशीप केली असून नोकिया आशा ५०१ वापरणा-यांना एअरटेल आणि एमटीएनएल नेटवर्कवरुन मोफत फेसबूक वापरता येणार असल्याचेही कंपनीने सांगितले.
संपूर्ण टच स्क्रीन असणारा हा फोन नोकिया लुमियाचा लहान अवतार वाटावा अशी या फोनची डिझाइन असून हा फोन सहा रंगामध्ये उपलब्ध होणार असल्याची माहिती कंपनीने दिली. हा फोन बाजारात येणासाठी ग्राहकांना जून महिन्यापर्यंत वाट पहावी लागणार आहे. ह्या मोबाइलची किंमत साडेपाच हजार रुपयांपर्यंत (९९ डॉलर+ टॅक्स) असणार आहे.

48 दिवस चालणार बॅटरी आणि किंमतही फक्‍त 5300 रूपये

सध्या अनेक कंपन्यांनी १० हजार रुपयांवरुनही कमी किंमतीत अॅण्ड्रॉइड बेस मोबाइल बाजारात उतरवले असल्याने सध्या नोकियाच्या मोबाइलच्या खपामध्ये कमालीची घट झाली आहे. मागील वर्षी पहिल्या तीन महिन्याच्या ९.३ लाख मोबाइलच्या तुलनेत या वर्षी नोकिया आशाचे फक्त ५ लाख मोबाईल विकले गेले आहेत. त्यामुळे विंडोजवर काम करणारा ‘आशा ५०१’ हा भारतीय बाजारात टीकून राहण्यासाठी नोकियाचा प्रयत्न असल्याचे मत जाणकारांनी व्यक्त केली आहे.

*नोकीया आशा ५०१ स्पेसिफिकेशन

नेटवर्क : जीएसम
स्टाइल : बार
डायमेन्शन्स : ९९.२*५८*१२.१ एमएम
वजन : ९८ ग्रॅम (बॅटरीसहीत)
बॅटरी टाइप : लि-ओन १२०० एमएच (बीएल- फोर यू)
डीसप्ले रिझोल्यूशन : ३२०*२४० पिक्स
इनबिल्ट मेमरी : १२८ एमबी (इंटरनल) + ४ जीबी (एमएमसी)
एक्सटर्नल मेमरी : मायक्रो एसडी ३२ जीबी
मेसेज : एमएमएस, इमेल.
कॅमेरा रिझोल्यूशन : ३.२ मेगापिक्सल २०४८*१५३६ पिकसल्स
कॅमेरा झूम : ३* डीजीटल झूम फिक्स फोकससहीत
व्हिडीओ कॅप्चर : एमपीइजी-४. एच.२६४. एव्हीसी, एच.२६३
म्यूझीक प्लेअर : एमपी थ्री, एमआर डब्यूबी क्ष एनबी, एमआयडीआय सपोर्ट.
एफएम रेडीओ
लाउड स्पीकर्स
पोर्ट कनेक्टव्हीटी: यूएसबी पोर्ट २.०
ब्लूटूथ कनेक्टव्हीटी : व्ही ३.० ओपीपी. एचएफपी, एचएसपी, पीबीएपी सहीत
वायफाय कनेक्टव्हीटी : वीलॅन आयईईई ८०२.११ बी/जी
इंटरनेट कनेक्टव्हीटी: जीपीआपएस. इडीजीइ
ऑपरेटींग सिस्टीम : नोकीया आशा सीरीज १.०.

* काय नाही
ड्यूएल सीमकार्ड स्लॉट नाही.
पुश मेल सुविधा उपलब्ध नाही.
इन्फ्रारेड आणि एटूडीपी कनेक्टव्हीटी नाही.
थ्रीजी कनेक्टीव्हीटी नाही.
जीपीएस नेटवर्क नाही.

The post नोकियाचा नवीन आशा ५०१? 48 दिवस चालणार बॅटरी New Nokia Asha 501 WiFi BT appeared first on MarathiTech - मराठीटेक.

अवघ्‍या 4280 रुपयांत मिळणार सॅमसंगचा ‘रेक्स’ स्मार्टफोन

Sooraj Bagal — Thu, 21 Feb 2013 21:00:00 +0000

नवी दिल्ली- सॅमसंग कंपनीने स्मार्टफोनची ‘रेक्स’ सीरीज गुरुवारी भारतीय बाजारात सादर केली. रेक्सची किंमत 4, 280 ते 6,500 रुपयांपर्यंत आहे. नोकियाच्या आशा सीरीजला टक्कर देण्याच्या इराद्याने सॅमसंगने रेक्स सीरीज सादर केली आहे.

सॅमसंगचे उपाध्यक्ष असीम वारसी यांनी सांगितले की, सॅमसंग मोबाईलच्या एकूण विक्रीत ‘फीचर्स फोन’ ची भागीदारी 70 टक्के आहे. ‘रेक्स’ सीरीजच्या माध्यमातून सोशल नेटवर्किंग, गेम्स आणि इंटरनेट सर्फिंग करणार्‍या तरुणाईला आकर्षित करण्‍याकडे कंपनीचा अधिक भर राहणार असल्याचेही वारसी यांनी सांगितले.

सॅमसंगने रेक्स सीरीजचे चार मॉडेल-
रेक्स 60- 4,280 रुपये
रेक्स 70- 4,570 रुपये
रेक्स 80- 5,270 रुपये
रेक्स 90- 6,490 रुपये

वरील मॉडेल रिटेल आऊटलेटमध्ये फेब्रुवारीच्या शेवटच्या आठवड्यात उपलब्ध होतील. रेक्स फोन ड्यूअल सिम तसेच टच स्क्रीन आहेत. जावा प्लेटफॉर्मवर रेक्सचे काम चालते. या फोनमध्ये फेसबुक, मेसेंजर सारख्या चॅट ऑन आणि जी टॉक तसेच ऑपेरा अ‍ॅप्लिकेशनही उपलब्ध करून देण्यात आली आहे. भारतासह चीन, आफ्रिका, साऊथ अमेरिका आणि सीआयएसमध्येही उपलब्ध करण्‍यात येणार आहे.

वैशिष्‍ट्ये:
>ड्युअल सिम, टच स्क्रीन, जावा प्लेटफॉर्म
>फेसबुक तसेच अनेक प्री-लोडेड अ‍ॅप्स
>चॅट ऑन आणि जीटॉक मेसेंजर
>मोबाइल ब्राउझर ऑपेरा अ‍ॅप्लिकेशन

त्रुटी:
सॅमसंगचा रेक्स 3G कनेक्टिव्हिटीला सपोर्ट करत नाही.

The post अवघ्‍या 4280 रुपयांत मिळणार सॅमसंगचा ‘रेक्स’ स्मार्टफोन appeared first on MarathiTech - मराठीटेक.