गूगल असिस्टंट आता मराठीत उपलब्ध! : दैनंदिन जीवनात अनेक गोष्टीत मदत करणारा गूगलचा असिस्टंट भारतात इंग्लिश आणि हिंदीनंतर आता मराठी भाषेतसुद्धा उपलब्ध झाला आहे. हा वापरण्यासाठी तुमच्या गूगल सेटिंग्जमध्ये मराठी भाषा जोडावी लागेल त्यानंतर तुम्ही मराठीत विचारलेल्या मराठी प्रश्नांना मराठी भाषेतच उत्तरे मिळतील! आहे न कमाल! नक्की वापरुन पहा.  गूगल असिस्टंटच्या मदतीने बर्‍याच गोष्टी करता येतात जसे की हवामान पाहणे, माहिती मिळवणे, गाणी लावणे, प्रश्नांची उत्तरे, विनोद, खेळ, SMS पाठवणे, अलार्म लावणे, इ. 

1. गूगल असिस्टंट उघडा  (Home बटन दाबून धरा / Ok Google म्हणा / डाऊनलोड करा व उघडा
2. त्यानंतर उजव्या कोपर्‍यात   More   Settings
3. Devices मध्ये जा आणि तुमचा फोन निवडा 
4. Assistant language निवडा आणि मग language preferences मध्ये जा 
5. Add language निवडून इथे मराठी (Marathi) निवडा 
6. प्रमुख भाषा म्हणून सेट करायचे असल्यास मराठी समोरील  Reorder पर्याय दाबून धरूनवर सरकवा
7. आता मराठी तुमच्या फोनमधील प्रमुख भाषा म्हणून वापरली जाईल!
8. यानंतर Ok Google असा उच्चार करून गूगल असिस्टंट सोबत संवाद साधता येईल! 

संदर्भ : 

1. गूगल फॉर इंडिया २०१८ : गूगलच्या भारतीयांसाठी खास सोयी!
2. अॅमेझॉन अलेक्सा असिस्टंटला आता मराठी भाषासुद्धा समजेल!

search terms : How to use google assistant in marathi? Google Assistant now supports Marathi
Google has launched Marathi language support for its virtual assistant, called the Google Assistant
how to operate your smartphone hands-free by using Marathi voice commands After English and Hindi Google Assistant now available in Marathi Soon in Bengali, Tamil, Telugu, Gujarati, Malayalam, Kannada, Urdu 

अॅमेझॉनने मंगळवारी त्यांच्या अलेक्सा या प्रसिद्ध व्हॉईस असिस्टंटमध्ये नव्या सोयी जोडल्या असून ज्यामुळे आता भारतीय भाषा बोलून सुद्धा आपण अलेक्साला आज्ञा देऊ शकतो! या नव्या स्किलचं नाव Cleo असं आहे ज्याद्वारे मराठी, तामिळ, कन्नड, बेंगाली, तेलुगू, गुजराती, हिंदी या भाषांमध्ये उपलब्ध होत आहे!

काही महिन्यांपूर्वी अॅमेझॉनने अलेक्साला नव्या भाषा शिकवण्यासाठी हे स्किल अमेरिकेत सादर केलं होतं त्यानंतर जर्मन, जापनीज, फ्रेंच भाषा सुद्धा शिकवल्या जात आहेत. कुठल्या प्रकारच्या असिस्टंटला आधी ती भाषा बोलण्यासाठी AI द्वारे मदत केली जाते.

या स्किल दरम्यान किमान पाच गोष्टी आपल्या भाषेत बोलण्यासाठी सांगण्यात येईल. अलेक्सा काही ठराविक किंवा कुठल्याही गोष्टीवर बोलण्यास सांगू शकते.  यामुळे आपण बोलत असलेल्या भाषेबद्दल माहिती गोळा करण्यास अलेक्साला मदत होते आणि मग लवकरच ती त्या भाषेत बोलू शकते! जितका जास्त डेटा अभ्यासण्यासाठी मिळेल तितक्या लवकर ती भाषा शिकेल!

भारतीय भाषांमध्ये Cleo स्किल उपलब्ध झाल्यामुळे अलेक्सा आता हळूहळू भारतीय भाषा शिकून आपल्याशी आपल्या भाषांमध्ये संवाद साधेल! हे स्किल अॅमेझॉनच्या Echo (एको) उत्पादनांवर तसेच स्मार्टफोन अॅपमध्येसुद्धा उपलब्ध आहेत. अलेक्सा अॅपमधील स्किल विभागात Cleo पर्याय सुरु करा किंवा तुमच्याकडे  अॅमेझॉनच्या Echo असेल तर Enable Cleo अशी आज्ञा देऊ शकता.

अॅमेझॉनच्या एको स्मार्ट उपकरणे : Amazon Echo Products
अलेक्सा अॅप Amazon Alexa on Google Play
अलेक्सा अॅप Amazon Alexa on iTunes

search terms amazon alexa Indian languages cleo skill marathi

सॅमसंगने त्यांच्या लोकप्रिय नोट मालिकेमधील नवा स्मार्टफोन Note 9 सादर केला आहे! आयफोन, वनप्लस आणि स्वतः सॅमसंगच्या एस ९ आणि एस ९ प्लससारख्या प्रीमियम फोन्सच्या स्पर्धेत या फोनचा प्रवेश नक्कीच खास आहे. सॅमसंगने आयफोनच्या डिस्प्लेवरील नॉचवरून काही जाहिराती करून अॅपलची चेष्टा केली होती. त्यासमोर नोट ९ च्या डिस्प्लेबद्दल उत्सुकता होती. आणि शेवटी आज हा फोन Samsung Unpacked नावाच्या कार्यक्रमात सादर करण्यात आला आहे. सोबत गॅलक्सी होम आणि गॅलक्सी स्मार्टवॉचसुद्धा सादर झाले आहेत!

यूट्यूबने सिग्नेचर डिव्हाईस म्हणून सर्टीफाय केलं आहे. सोबत फोर्टनाईट या प्रसिद्ध गेमची चाचणी आवृत्ती अँड्रॉइड फोन्सवर सर्वात आधी नोट ९ वर प्रथम उपलब्ध होत आहे त्यानंतर सॅमसंगच्या गॅलक्सी फोन्सवर Beta व्हर्जन उपलब्ध करून देण्यात येत आहेत. यासोबत स्पॉटीफाय या संगीत सेवेसहसुद्धा भागीदारी जाहीर करण्यात आली आहे. यामध्ये वॉटर कार्बन कुलींग असून यामुळे फोनचं तापमान कमी राहील!

एस पेन : नोट मालिकेचे नवे वैशिष्ट्य आता याद्वारे यूट्यूब, पॉवरपॉईंटसारखे अॅप्स नियंत्रित करता येतील!
याबद्दल डेमो देताना मोठ्या स्क्रिनवरील प्रेझेंटेशनसुद्धा एस पेनद्वारेच नियंत्रित केलं जात होतं! याला आता चार्ज करावं लागणार असून पाच मिनिटे फोनमध्ये ठेवताच अर्धा तास वापरता येईल! ब्ल्यूटूथ द्वारे यामधील रिमोट अॅक्सेस कार्य घडेल!

डेक्स प्लॅटफॉर्म : याद्वारे नोट ९ टीव्ही, प्रोजेक्टरला जोडून फोन आता एका डोंगलद्वारे सहज वापरता येईल! (Type C to HDMI)
डोंगलला आता थेट कोणत्याही HDMI आधारित स्क्रिन/डिस्प्ले जोडून फोन कॉम्पुटरप्रमाणे काम करतो. प्रेझेंटेशन, वर्ड, एक्सेल, पॉवरपॉईंट एडिट करण्यासाठी चांगला उपयोग होतो!   

व्हिडिओ : Samsung Galaxy Note9: Official Introduction

Samsung Galaxy Note 9 सुविधा :
डिस्प्ले : 6.4″ 2960×1440 pixels, 18.5:9 ratio, 516 ppi, Corning Gorilla Glass 5
प्रोसेसर : Snapdragon 845 Octa Core
ड्युयल कॅमेरा : 12 MP, f/1.5-2.4, 26mm, 1/2.55″, 1.4µm, dual pixel PDAF, OIS
12 MP, f/2.4, 52mm, 1/3.6″, 1µm, AF, OIS, 2x optical zoom
फ्रंट कॅमेरा : 8 MP, f/1.7, 25mm, 1/3.6″, 1.22µm, AF
रॅम : 6GB/8GB
मेमरी : 128GB/512GB
बॅटरी : 4000mAh
ऑपरेटिंग सिस्टिम : अँड्रॉइड ओरीओ ८.१
सेन्सर्स : Iris, fingerprint, accelerometer, gyro, proximity, compass, barometer, heart rate, SpO2
इतर : USB 3.1, Type-C, Bluetooth 5.0, IP68
किंमत : $1000 (6GB) | $1300 (8GB)
भारतीय किंमत : ₹६७,९०० । ₹८४,९००

Samsung Galaxy Home

गॅलक्सी होम : हा बिक्स्बी व्हॉइस असिस्टंट आधारित स्मार्ट स्पीकर असून तो काही कालावधीनंतर उपलब्ध होणार आहे! यामध्ये आठ मायक्रोफोन्स, आठ स्पीकर्स, साऊंड स्टिअर पॉईंटेड ऑडिओ व Bixby Assistant चा समावेश आहे

Samsung Galaxy Watch

गॅलक्सी स्मार्टवॉच : सॅमसंगने त्यांच्या वियर स्मार्टवॉचला आता नवं रूप देऊन गॅलक्सी वॉच नावाने सादर केलं आहे! 1.3” डिस्प्ले, 472mAh बॅटरी, Tizen Wearable OS 4.0 ऑपरेटिंग सिस्टिम, 1.5GB RAM + 4GB Internal Memory!  Onyx Black, Deep Ocean Blue, Basalt Grey रंगात उपलब्ध!   

search terms : samsung galaxy note 9 launched unpacked galaxy watch bixby smart speaker 

गूगलच्या खास भारतासाठी आयोजित गूगल फॉर इंडिया या कार्यक्रमाच्या तिसर्‍या पर्वात त्यांनी अनेक नव्या गोष्टींची घोषणा केली. भारतीय वापरकर्त्यांची गरज ओळखून व अधिकाधिक लोकांना इंटरनेट, स्मार्टफोन्स वापरता यावेत या उद्देशाने या नव्या उत्पादनांची घोषणा केल्याच यावेळी सांगण्यात आलं.
गूगल मॅप्सवर दुचाकी (Two Wheeler) मोड, गूगल तेजमध्ये बिल भरण्याची सोय, अँड्रॉइड ओरीओ गो, गूगल गो, फाईल्स गो, जिओफोनवर गूगल असिस्टंट या सर्वांबद्दल जाणून घ्या आजच्या या लेखात…

अँड्रॉइड ओरीओ गो : कमी रॅम व कमी स्टोरेज असलेल्या फोन्सना शक्यतो जे सर्वात नवं अँड्रॉइडची आवृत्ती (version) असतं ते मिळत नाही. मात्र आता ही उणीव भरून काढण्यासाठी गूगलने अँड्रॉइड ओरीओ 8.1 ची अँड्रॉइड ओरीओ गो नावाने आवृत्ती आणली असून त्यामुळे कमी किंमतीच्या/ जुन्या हार्डवेअर असलेल्या फोन्सवर सुद्धा सगळ्यात नव्या अँड्रॉइडचा आनंद घेता येईल!
512MB ते 1GB रॅम असलेल्या फोनवर अधिक चांगला वापर होईल या दृष्टीने केलेले बदल असतील सोबत
गूगल गो, गूगल असिस्टंट फॉर अँड्रॉइड ओरीओ गो सुद्धा जोडलेला असेल! या अँड्रॉइडमधील प्ले स्टोर देखील या फोन्ससाठी योग्य असे अॅप्सच सुचवेल! ही आवृत्ती २०१८ च्या सुरुवातीला उपलब्ध होईल. अधिक माहिती

Google Go

गूगल गो : कमी क्षमतेच्या फोन्ससाठी आता गूगल अॅपची स्वतंत्र आवृत्ती गूगल गो या अॅपद्वारे उपलब्ध करून देण्यात आली असून हे नवं अॅप कमी जागा, कमी इंटरनेट वापर करत गूगल सर्च रिझल्ट्स दाखवेल!
प्रथमच इंटरनेटचा वापर सुरु करणाऱ्या यूजर्सना समोर ठेऊन या अॅपची निर्मिती करण्यात आली आहे.
या अॅपची साईझ 5 MB पेक्षा कमी आहे आणि यामुळे सर्चसाठी ४०% इंटरनेट डेटा वाचेल! भारत आणि इंडोनेशियामधील वापरकर्त्यांसाठी हे अॅप चाचणी स्वरूपात उपलब्ध झालं आहे!

Files Go

फाईल्स गो : फोनवर जागा मोकळी करा! या नव्या अॅपमुळे फोनवर गरज नसलेल्या फाईल्स काढून टाकणे, जुने-कमी गुणवत्तेचे फोटो, व्हॉटसअॅपचे गरज नसलेले फोटो काढून टाकणे,  फोनचं स्टोरेज तपासणे, फाईल्स शोधणे अशा सुविधांचा उपयोग करता येईल! डाउनलोड लिंक : Files Go on Google Play
हे अॅप शेअरइट सारखे वापरण्यासाठी Files पर्याय निवडा मग Send त्यानंतर पाठवायची असलेली फाईल निवडा आणि Send करा. ज्यांना पाठवायची आहे त्यांना Receive करायला सांगा. Connect करा आणि फाईल ट्रान्सफर सुरु होईल! (यासाठी दोघांकडे Files Go हे अॅप असायला हवं)

वायफायद्वारे इंटरनेटशिवाय फाईल्स पाठ्वण्यासाठी  फाईल्स गो अॅप शेअरइट, झेंडर अशा अॅपला पर्याय म्हणूनसुद्धा वापरता येईल!

Google Assistant on JioPhone

गूगल असिस्टंट आता जिओफोनवर! : भारतासाठी खास प्रथमच गूगल असिस्टंट एका फिचर फोनवर उपलब्ध करून देण्यात आला आहे! जिओफोनवर हा आल्यामुळे इंग्लिश, हिंदी भाषांचा वापर करत या असिस्टंटसोबत संवाद साधून उत्तरे मिळवता येणार आहेत! फोन कॉल्स करणे, गाणी/चित्रपट लावणे,इंटरनेटवर शोध घेणे अशी कामे हा असिस्टंट करू शकतो. Myntra, एसबीआय, बुकमायशो, गोआयबिबो, एचडीएफसी अशा अॅप्सचा समावेश आता गूगल असिस्टंट अॅक्शन्समध्ये करण्यात आला आहे!

Two Wheeler mode on Google Maps

गूगल मॅप्सवर दुचाकी मोड! (Two Wheeler Mode) : गूगल मॅप्स वापरताना पूर्वी सायकल, कार, कॅब आणि बस/रेल्वे अशा सार्वजनिक वाहतुकीचेच पर्याय होते, मात्र आता दुचाकी वाहनांसाठी स्वतंत्र पर्याय देण्यात आला असून यामुळे दुचाकी प्रवास आणखी सोपा होईल. ही सुविधासुद्धा भारतात प्रथम आणली गेली असून यामुळे कारसारख्या वाहनांना उपलब्ध नसलेले शॉर्टकट्स सुद्धा दाखवेल!

यापूर्वी पुण्यात दुचाकी वाहनांना बंदी असलेल्या लकडी पूल/ संभाजी पूल ठिकाणी गूगल मॅप्स मुळे बऱ्याच जणांची फसगत व्हायची मात्र आता या मोडमध्ये वेगळा रस्ता दाखवला जातोय!

गूगल तेजवर बिल भरणा : सध्या केवळ पैसे पाठवण्या/स्वीकारण्यापर्यंतच मर्यादित असलेली गूगल तेज हि UPI सेवा आता ७० हुन अधिक प्रकारची बिलं भरण्यासाठी वापरता येईल! गॅस, वीज, ब्रॉडबँड, DTH या सर्वांची बिलं भरता येतील. याबरोबर एकदा बिल भरल्यास पुढच्या वेळी गूगल तुम्हाला बिल भरण्यासाठी आठवण करून देत राहील! एक कोटीहुन अधिक लोक आता गूगल तेजचा वापर करत असून चौदा कोटी व्यवहार केले गेले आहेत! गूगल तेज डाउनलोड लिंक : Google Tez

यावेळी काही इतर गोष्टींबद्दल माहिती दिली गेली जसे की इंटरनेट साथी या महिलांना इंटरनेट वापरास मदत करणाऱ्या उपक्रमाबद्दल, काही भारतीय स्टार्टअप्समध्ये गूगलने केलेली गुंतवणूक, रेलवायर या रेल्वे स्टेशन्सवरील वायफाय सेवेबद्दल सोबत काही बिझनेस ग्राहकांना उपयोगी ठरलेली उत्पादने, भारतात यूट्यूबचा वाढलेला वापर.

search terms Google for India Android Oreo Go Google Go Files Go Google Maps Two Wheeler Mode Google Tez Bill Payments Google Assistant JioPhone