पब्जी मोबाइलची खास भारतासाठी आणण्यात आलेली गेम बॅटलग्राउंड्स मोबाइल इंडियाची iOS आवृत्ती आज सादर झाली असून आता ही गेम आयफोन्स, आयपॅड्सवर खेळता येईल! ही गेम अँड्रॉइडवर उपलब्ध झाल्यापासून गेले अनेक दिवस iOS साठी मागणी केली जात होती मात्र अजूनही ही गेम आयफोनवर उपलब्ध होत नव्हती सरतेशेवटी आज म्हणजे १८ ऑगस्टला त्यांनी एक व्हिडिओ अपलोड करत याची माहिती दिली आहे.

या गेमची iOS वर डाउनलोड साईज 1.9 GB असणार आहे. या गेमसाठी तुमचा आयफोन/आयपॅड iOS 11 किंवा नवीन आवृत्तीवर असायला हवा. यामध्ये नेहमीच्या पर्यायासोबत Apple ID ने साइन इन करण्याचाही पर्याय आहे.

Battlegrounds Mobile India on App Store : apps.apple.com/in/app/battlegrounds-mobile-india/id1526436837

BGMI ने काही दिवसांपूर्वीच तब्बल 50 मिलियन म्हणजे अवघ्या दोन महिन्यात ५ कोटी डाउनलोड्सचा टप्पा ओलांडला आहे.

The post BGMI आता आयफोन्सवर उपलब्ध : iOS आवृत्ती आज सादर! appeared first on MarathiTech - मराठीटेक.

गेल्या महिन्यात काही ठराविक यूजर्ससाठीच BGMI म्हणजेच बॅटलग्राउंड्स मोबाइल इंडिया ही गेम सादर केल्यानंतर आज सरतेशेवटी ही गेम गूगल प्ले स्टोअरवर सर्व अँड्रॉइड युजर्ससाठी उपलब्ध झाली आहे. ज्यांनी यापूर्वीच ही गेम Early Access मार्फत वापरण्यास सुरुवात केली आहे त्यांना एक अपडेट आलं असेल जे पूर्ण करताच नव्या अधिकृत आवृत्तीमध्ये वळवलं जाईल. iOS आवृत्ती मात्र अजूनही उपलब्ध झालेली नाही.

पब्जी मोबाइलवर डेव्हलपर्सचे चीनी संबंध असल्याने व त्यामधील हिंसेचे कारण देत सरकारने इतर अॅप्ससोबत यावरही बंदी घातली होती. आता Krafton या कोरियन डेव्हलपर मार्फत ही गेम पुन्हा भारतात परतली आहे. मात्र अजूनही या गेमसमोर बऱ्याच अडचणी आहेत. काही ठिकाणी अजूनही तक्रारी दाखल केल्या जात आहेत. शिवाय काही दिवसांपूर्वी अजूनही डेटा चीनी सर्व्हर्सकडे जात असल्याचंही वृत्त प्रसिद्ध झालं होतं. त्यानंतर त्यांनी एका अपडेटद्वारे ही चूक सुधारली.

गेमर्सचा मात्र या गेमला पुन्हा एकदा मोठा प्रतिसाद मिळाला असून पहिल्या दोन आठवड्यातच तब्बल 2 कोटी यूजर्सनी यासाठी नोंदणी केली होती. आताही या गेमचे अधिकृत आवृत्तीचे तब्बल ५० लाखाहून अधिक डाऊनलोडस झाले आहेत. लवकरच एक कोटीचा टप्पासुद्धा ओलांडू शकेल. या निमित्ताने त्यांनी गेमर्ससाठी काही खास भेटीसुद्धा दिल्या आहेत.

BGMI on Google Play : https://play.google.com/store/apps/details?id=com.pubg.imobile

ही गेम जरी आता पुन्हा नव्या रूपात उपलब्ध झाली असली तरी आता यामध्ये काही सूचना दिल्या जात आहेत की सलग जास्त वेळ खेळू नका, या गेमचा आणि वास्तविक आयुष्याचा संबंध नाही.

हे मुद्दे नक्कीच सर्वानी लक्षात घ्या. सध्या शाळा बंद असल्याने सर्व लहान मुले घरीच आहेत अशावेळी त्यांना लगेच ही गेम खेळायला देऊ नये कारण ही गेम 16+ मुलांसाठी डेव्हलप करण्यात आलेली आहे शिवाय याचं प्ले स्टोअरवर Content rating Strong violence अंतर्गत येतं. अनेक पालक याकडे लक्ष देत नाहीत किंवा मुलांच्या हट्टापुढे त्यांना ही गेम द्यावी लागते.

१६+ मुलांनीही मर्यादित वेळेतच ठरवून गेमचा वापर करा. याचं व्यसन लागणार नाही, यामुळे आपल्या अभ्यासावर परिणाम होणार नाही, यामुळे आपल्या मित्रांसोबत/ पालकांसोबत वाद होणार नाहीत याची काळजी नक्कीच घेतली पाहिजे. वरील मुद्दे नेमक्या याच गेमबाबत मांडावे लागतात कारण भारतात या गेमइतकी प्रसिद्ध दुसरी कोणतीही गेम नाही. स्ट्रीमर्सचा गेमप्ले पाहण्यात तासंतास घालवू नका. मर्यादित वेळेत आपल्या मित्रांसोबत ही गेम खेळत त्याची अधिक मजा घ्या.

KRAFTON, today launched BATTLEGROUNDS MOBILE INDIA developed exclusively for gaming enthusiasts and fans in India. After an Early Access period, BATTLEGROUNDS MOBILE INDIA is now available for download as a free-to-play multiplayer game on Google Play with an amazing array of maps, game modes, and exciting launch week challenges.

The post Battlegrounds Mobile India आता अँड्रॉइडवर सर्वांसाठी उपलब्ध! appeared first on MarathiTech - मराठीटेक.

अनेक महिन्यांच्या प्रतिक्षेनंतर बॅटल ग्राउंड्स मोबाइल इंडिया (BGMI) आता भारतात डाउनलोड करण्यासाठी उपलब्ध होत आहे. PUBG Mobile वर चीनसोबत झालेल्या वादानंतर बंदी घालण्यात आली होती. तेव्हापासून या गेमचे चाहते या गेमची वाट पाहत होते. ज्यांनी Pre-Register केलं होतं त्यांच्यापैकी काही जणांना ही गेम आता प्ले स्टोअरवर उपलब्ध करून देण्यात आली आहे. आताही ही गेम Early Access मध्येच आहे. प्रि रजिस्टर सुरू केल्यावर २ आठवड्यातच तब्बल २ कोटी युजर्सनी नोंदणी केली होती!

BGMI गेमची अधिकृत प्ले स्टोअर लिंक : https://play.google.com/store/apps/details?id=com.pubg.imobile

PUBG Mobile चा आधीचा गेम डेटा या नव्या गेममध्ये Migrate करण्याची सोय देण्यात आली आहे त्यामुळे तुमच्याकडे आधी असलेल्या Skins इथेही उपलब्ध होतील. त्यासाठी Krafton ने Proxima Beta Pte. Limited मार्फत पर्याय दिला आहे. तुम्ही गेम इंस्टॉल करून सुरू केली की तसा पॉप अप आलेला दिसेल.

या पॉपमध्ये “Welcome! We can help transfer your data from us (Proxima Beta Pte. Limited), the operator of PUBG Mobile Nordic Map: Livik, to KRAFTON Inc, the operator of the New App, so that you can use such data in the New App. Please note that after December 31, 2021, such transfer will no longer be possible.” असा मेसेज देण्यात आला आहे.

तुम्ही pre register केलं असेल आणि तरीही तुमच्याकडे गेम इंस्टॉल करण्याचा पर्याय दिसत नसेल तर तुम्हाला आणखी काही दिवस वाट पहावी लागेल. ही गेम हळू हळू उपलब्ध करून देण्यात येत आहे. यावेळी त्यांनी खास भारतासाठी काही पर्याय आणि बंधने घालून दिली आहेत जेणेकरून त्यामधील हिंसा कमी असेल आणि प्लेयर्स यावर मर्यादित वेळच घालवू शकतील.

या गेमची iOS आवृत्ती अजूनही जाहीर करण्यात आलेली नाही त्यामुळे आयफोन यूजर्सना आणखी काही काळ वाट पहावी लागेल.

Search Terms : Battlegrounds Mobile India (BGMI) Now Available for Pre-Registered Users on Google Play Store, with data transfer from PUBG Mobile

The post नवं PUBG Battlegrounds Mobile India आजपासून उपलब्ध! appeared first on MarathiTech - मराठीटेक.

PUBG Mobile आता भारतात Battlegrounds Mobile India या नावाने परत येत आहे आणि आजपासून त्याचं गूगल प्ले स्टोअरवर प्रि रजिस्ट्रेशन सुरू झालं आहे. गेम डेव्हलपर Krafton ने दिलेल्या माहितीनुसार १८ मे २०२१ पासून नोंदणीसाठी उपलब्ध होत आहे. प्रत्यक्ष गेम हे अद्याप जाहीर करण्यात आलेलं नाही. प्रि रजिस्टर करणाऱ्या यूजर्ससाठी खास रिवार्डस देण्यात येणार आहेत जे खास भारतीय प्लेयर्ससाठीच मर्यादित असतील.

प्रि रजिस्टरची माहिती देण्यासाठी त्यांनी त्यांच्या चॅनलवर व्हिडिओ अपलोड केला आहे. यामध्ये अभिनेता अर्शद वारसी आणि Dynamo, Kronten, Jonathan हे गेमर्स दिसत आहेत. हा व्हिडिओ खाली पाहू शकता.

Battlegrounds Mobile India on Google Play : play.google.com/store/apps/details?id=com.pubg.imobile

वरील लिंक वर जाऊन Pre Register वर क्लिक करा. गेम प्रत्यक्ष उपलब्ध झाल्यावर आपोआप इंस्टॉल करण्याचा पर्याय निवडू शकता. पुढे गेम इंस्टॉल झाली की रिवार्डस त्या त्या प्लेयर्सच्या गेम अकाऊंटवर जमा होतील. रिवार्ड्समध्ये Recon Mask, the Recon Outfit, Celebration Expert Title आणि 300 AG चा समावेश असेल.

कंपनी तर्फे गेमर्सना आधीचं PUBG Mobile नाव वापरू नका असं सांगण्यात आलं आहे. आधीच्या चीनी डेव्हलपरमुळे पब्जीवर भारतात बंदी घालण्यात आली होती. यामध्ये अशीही माहिती देण्यात आली आहे की पब्जी मोबाइल मधील गेम डेटा या गेममध्ये आणण्यात येणार नाही. नव्या गेममध्ये सर्वांनाच पहिल्यापासून सुरवात करावी लागेल. यावेळी गेमचा डेटा, प्रायव्हसी पॉलिसी भारतीय नियमांना अनुसरून तयार करण्यात आली आहे अशी माहिती कंपनीने दिली आहे.

ही गेम अजूनही उपलब्ध झालेली नाही त्यामुळे तुम्हाला इतर ठिकाणी कोणी apk डाउनलोड करण्यासाठी देत असेल तर ते फेक असणार आहे. ते डाउनलोड करू नका त्यामध्ये व्हायरस/मालवेयर असू शकतो.

अधिकृत माहितीसाठी लिंक्स
https://www.battlegroundsmobileindia.com
https://www.facebook.com/BattlegroundsMobileIN
https://www.instagram.com/battlegroundsmobilein_official
https://www.youtube.com/channel/UCe31NPEeRGO0hcznx6Tdb-g

Search Terms : How to pre register battlegrounds mobile, new pubg mobile in india

The post नवं पब्जी ‘बॅटलग्राउंड्स मोबाइल इंडिया’चं प्रि रजिस्ट्रेशन सुरू! appeared first on MarathiTech - मराठीटेक.

गेले अनेक महीने PUBG Mobile भारतात पुन्हा येणार येणार अशी चर्चा सुरू होती. शेवटी आज Krafton कंपनीने अधिकृतरित्या पोस्ट जाहीर करत सांगितलं आहे की PUBG Mobile आता भारतात Battlegrounds Mobile India या नावाने परत येत आहे. आज त्यांनी अधिकृत वेबसाइटसुद्धा आणली असून यावर नेमकी तारीख लिहिलेली नसली तरी Coming Soon असं दाखवण्यात येत आहे त्याअर्थी लवकरच ही बॅटलग्राउंड्स मोबाइल इंडिया गेम नव्या नावाने भारतात उपलब्ध होईल.

Battlegrounds Mobile India Website : https://www.battlegroundsmobileindia.com

२ सप्टेंबर २०२० पासून चीनसोबत झालेल्या वादानंतर भारत सरकारने चीनी apps व गेम्सवर बंदी घातली होती त्यामध्ये पब्जीचाही समावेश होता. त्यानंतर त्यांनी वेगळे पर्याय वापरुन मूळ दक्षिण कोरियन कंपनीकडूनही भारतात पुन्हा येण्यासाठी बरेच प्रयत्न केले पण अजूनपर्यंत तरी त्यांना यश आलं नव्हतं शेवटी Krafton या कंपनीने नव्या नावासह खास भारतासाठी बदल करत ही गेम भारतात आणण्याचं ठरवलं आहे.

कंपनीने भारतातील सध्याची Covid ची परिस्थिती पाहून २९ एप्रिल रोजी PM Cares Fund मध्ये १.५ कोटी रुपये दिले आहेत. Krafton ची भारतातली कंपनी PUBG India Private Limited यांच्यामार्फत हे डोनेशन करण्यात आलं होतं.

या गेमसोबत ते स्कीन्स, इ स्पोर्ट्स गेम्स, स्पर्धा, लीग्स असं सर्वकाही आणणार आहेत. पब्जीमुळे भारतात इ स्पोर्ट्स वाढण्यास नक्कीच फार मोठी मदत झाली होती. याच्या स्पर्धा किंवा यूट्यूब स्ट्रीम मार्फत अनेकांनी त्यांचं करियर उभं केलं आई आजही अनेक जण फुल टाइम गेमर्स बनले आहेत.

PUBG Mobile भारतात प्रचंड लोकप्रिय ठरली होती. मोठ्या प्रमाणात स्ट्रीम्स, गेमप्ले, स्पर्धा सुरू झाल्या होत्या. ही गेम इतकी लोकप्रिय होती की लोक फोन खरेदी करायला गेल्यावर यामध्ये पब्जी चांगली चालेल ना असं विचारून हे फोन्स घेऊ लागले. मात्र याचा काही प्रमाणात वाईट परिणाम सुद्धा झाला होताच.

PUBG Mobile बॅन झाल्यानंतर Call of Duty Mobile, FreeFire अशा गेम्स मोठ्या प्रमाणात खेळल्या जात होत्या. शिवाय काही दिवसात Apex Legends Mobile सुद्धा खास भारतात आणण्यात आली आहे.

Search Terms : PUBG Mobile India Battlegrounds Mobile India release date

The post पब्जी मोबाइल नव्या नावासह लवकरच भारतात परतणार असं जाहीर! appeared first on MarathiTech - मराठीटेक.