मायक्रोसॉफ्टने काल झालेल्या कार्यक्रमात त्यांच्या बिंग (Bing) या सर्च इंजिनमध्ये ChatGPT ची जोड देऊन विचारलेल्या प्रश्नांची स्मार्ट आणि पूर्ण माहितीसह उत्तरे मिळतील अशी सोय दिली आहे! शिवाय त्यांच्या Edge ब्राऊजरमध्येही आता नव्या डिझाईनसह AI आधारित सुविधा देण्यात आल्या आहेत!

नवं मायक्रोसॉफ्ट बिंग वापरण्यासाठी लिंक : bing.com/new

मायक्रोसॉफ्ट सीईओ सत्या नाडेला यांनी AI मूलभूतपणे सर्व सॉफ्टवेअर प्रकारात बदल घडवून आणेल आणि याची सुरुवात सर्वात मोठ्या अशा सर्च पासून होईल. यासाठीच आम्ही आज AI Copilot आणि चॅटची जोड देऊन बिंग आणि एज नव्याने सादर करत आहोत जेणेकरून लोक सर्च आणि वेबमधून अधिक माहिती मिळवू शकतील असं सांगितलं आहे. सध्या हे वापरण्यासाठी वरील लिंकवर जाऊन Waitlist जॉइन करावी लागते मात्र येत्या काही दिवसात सर्वांना ही सोय उपलब्ध होईल.

विशेष म्हणजे मायक्रोसॉफ्टने बिंगसाठी OpenAI चं आणखी मोठं आणि सुधारित लॅंगवेज मॉडेल वापरलं असून ChatGPT आणि GPT 3.5 यांचा वापर केला आहे ज्यामुळे अधिक अचूक उत्तरे आपल्याला मिळू शकतील. बिंगमधील AI ची उत्तर ChatGPT पेक्षा नवीन आणि अचूक असतील कारण याला वेबवरील माहिती वाचून त्यानुसार उत्तर देण्याची क्षमता दिलेली आहे. ChatGPT मध्ये २०२१ पर्यंतचीच माहीती उपलब्ध आणि त्यानुसारच तो उत्तरे देतो. यामुळेच ChatGPT पेक्षा मायक्रोसॉफ्ट बिंग वापरण्यास युजर्स प्राधान्य देऊ शकतील.

एज ब्राऊजरसाठी साइडबार मध्ये Chat and compose नावाने सुविधा दिली आहे. ज्याद्वारे आपण एखादी वेबसाइट ब्राऊज करत असतानाच बाजूला हा साइडबार उघडून त्या विषयी आणखी माहिती विचारून तिथेच त्याचं उत्तर पाहू शकता! Compose द्वारे तिथेच ईमेल, ट्विटस लिहून घेऊ शकता. आपण फक्त विषय, प्रकार निवडायचा आपल्याला ड्राफ्ट लिहून मिळेल!

मायक्रोसॉफ्टच्या बिंगची कामगिरी गूगलसमोर अगदीच कमी प्रमाणात आहे. आजवर त्यांना सक्षम पर्याय म्हणून कधीच पाहिलं गेलं नाही मात्र प्रथमच या ChatGPT सोबलं जोडलं गेल्यामुळे कदाचित बिंग नवी उभारी घेऊ शकेल. मायक्रोसॉफ्टने यासाठी OpenAI कंपनीमध्ये अनेक बिलियन डॉलर्सची गुंतवणूक केली आहे.

कालच गूगलने कालच ChatGPT ला त्यांचं उत्तर म्हणून Google Bard नावाचा चॅटबॉट आणत असल्याचं जाहीर केलं होतं आणि त्यांनी सर्चमध्येही तो जोडणार असल्याचं सांगितलं होतं. मायक्रोसॉफ्टने लगेच त्यांचा कार्यक्रम घेऊन ही नवी घोषणा केली! यावरून AI द्वारे ग्राहक मिळवण्यासाठी सध्या या कंपन्यांमध्ये सुरू असलेल्या स्पर्धेची जाणीव होईल.

The post मायक्रोसॉफ्ट बिंग सर्च आता ChatGPT सोबत : एज ब्राऊजरमध्येही AI ! appeared first on MarathiTech - मराठीटेक.

मायक्रोसॉफ्टचा Microsoft Rewards नावाचा प्रोग्राम भारतातसुद्धा उपलब्ध झाल्याचं दिसून येत आहे. या प्रोग्राममध्ये मायक्रोसॉफ्ट आपल्याला त्यांच्या वेगवेगळ्या सेवा वापरल्याबद्दल बक्षिसे पाठवतं! यासाठी त्यांच्या एज ब्राऊजरमध्ये वेबसाइट्स पाहणं, बिंग या सर्च इंजिनचा माहिती शोधण्यासाठी वापर करणं, एक्सबॉक्सवर गेम्स खेळणं अशा गोष्टी कराव्या लागतात.

1. https://rewards.microsoft.com/welcome या लिंकवर जा
2. मायक्रोसॉफ्टच्या ईमेल आयडीने Sign Up करा.
3. नंतर येणाऱ्या डॅशबोर्डवर सांगितलेल्या टास्क पूर्ण करा.
4. तुम्हाला लगेच रिवॉर्ड पॉइंट जमा झालेले दिसतील.

ही सेवा पूर्वी Bing Rewards म्हणून उपलब्ध होती. २०१८ मध्येही ही सेवा भारतात आणण्यात आली होती मात्र सहा महिन्यातच पुन्हा बंद करण्यात झाली. आतासुद्धा त्यांच्या अलीकडे प्रकाशित करण्यात आलेल्या यादीत भारताचं अधिकृतरित्या नाव दिसत नाही मात्र तुम्ही मायक्रोसॉफ्ट रिवॉर्डसच्या साईटवर जाऊन संबंधित प्रक्रिया पूर्ण करून उपलब्ध कुपन्ससारखी बक्षिसे पाहू शकता जी भारतात वापरण्यासाठी देण्यात येत आहेत.

खालील प्रमाणे विविध गेम्ससाठी गिफ्ट कार्ड, Flipkart, Croma, Amazon, CCD, BookMyShow, Uber सारख्या सेवांमध्ये वापरता येतील असे गिफ्ट कार्ड किंवा कुपन्स मिळवू शकता!

तुम्हाला मिळालेले पॉईंट्स तुम्ही वरीलपैकी आवडीनुसार कोणत्याही कुपन साठी redeem करू शकता.

सध्या जगभरात जवळपास सर्वच डिव्हाईसवर युजर्स ब्राऊजरसाठी गूगलच्या क्रोम ब्राऊजरचा आणि कोणत्याही गोष्टीचा शोध घेण्यासाठी गूगलचा वापर करतात. त्यांना स्वतःच्या सेवांकडे वळवण्यासाठी मायक्रोसॉफ्टने हा rewards प्रोग्राम सुरू केला आहे. यासाठी वेगळं काही करण्याचीही गरज नसून केवळ त्यांचा ब्राऊजर वापरुन तुमच्या नेहमीच्या वेबसाइट्स पहायच्या आहेत!

प्रायव्हसी संबंधित प्रश्न असेल तर तुमचा ब्राऊजिंग डेटा क्रोममधून गूगलकडे जातो त्याऐवजी मायक्रोसॉफ्टकडे जाईल एव्हढाच काय तो फरक..!

Search Terms : Microsoft Rewards Bing Rewards in India

The post मायक्रोसॉफ्ट रिवार्ड्स भारतात उपलब्ध : एज ब्राऊजर वापरा व बक्षिसे मिळवा! appeared first on MarathiTech - मराठीटेक.

मायक्रोसॉफ्टने काल जाहीर केलेल्या माहितीनुसार त्यांच्या ट्रान्सलेटर सेवेमध्ये आता मराठीसह ५ नव्या भाषा (गुजराती, कन्नड, मल्याळम, पंजाबी) उपलब्ध झाल्या आहेत. या भाषा Bing Translator, Microsoft Office 365, SwiftKey Keyboard, Bing & Microsoft Translator App on Android & iOS आणि लवकरच मायक्रोसॉफ्ट एज ब्राऊजर अशा जवळपास सर्व प्रमुख मायक्रोसॉफ्ट सेवांमध्ये जोडण्यात आल्या आहेत. आता दहा भारतीय भाषांमध्ये या सेवा उपलब्ध असतील. मायक्रोसॉफ्ट ट्रान्सलेटर केवळ टेक्स्ट किंवा आवाजातूनच नव्हे तर फोटोमधील मजकूर सुद्धा भाषांतरित करू शकेल. या सेवेला कृत्रिम बुद्धीमत्ते(AI)चीही जोड देण्यात आली आहे. नव्या भाषा अझ्युर (Azure)च्या API द्वारे मशीन लर्निंग व AI algorithms बिझनेस यूजर्ससाठीही देण्यात आल्या आहेत!

गूगल ट्रान्सलेटमध्ये मराठी भाषा जोडण्यात आल्या नंतर मायक्रोसॉफ्टनेही त्यांच्या सेवा मराठीत द्याव्यात अशी मागणी होत होती ती आता अनेक वर्षांच्या प्रतिक्षेनंतर पूर्ण होत आहे. अनेक प्रसिद्ध वेबसाईट जसे की फेसबुक, ट्विटर बिंग ट्रान्सलेटर वापरायच्या मात्र यामध्ये मराठी नसल्याने त्या सरळ मराठीला हिंदी समजून भाषांतर करायच्या. आता असं चित्र दिसणार नाही.

कोरोना/COVID-19 च्या सध्याच्या परिस्थिती अनेक जण घरून काम करत आहेत अशावेळी जगभरात संपर्क साधण्यासाठी मायक्रोसॉफ्ट ही ट्रान्सलेटर सेवा अधिक लोकांपर्यंत पोहचवत आहे.
मायक्रोसॉफ्ट आता न्यूरल इंजिन्स, मशीन लर्निंग व AI यांची मदत घेत भाषांतर सेवा शक्य तितकी अचूक करण्याच्या प्रयत्नात आहे. भारतातील प्रत्येकाकडे AI ची ताकद देण्याच्या दृष्टीने आमचे प्रयत्न सुरू आहेत. मायक्रोसॉफ्ट भारतीय भाषांचं वैविध्य साजरं करत असून अधिकाधिक लोकांना इंटरनेटसोबत जोडण्याच्या प्रयत्नांचा हा एक भाग आहे. गेली दोन दशके मायक्रोसॉफ्ट भारतीय भाषांना संगणकीय विश्वात सपोर्ट देत आहे असं सुंदर श्रीनिवासन (जनरल मॅनेजर, मायक्रोसॉफ्ट इंडिया) यांनी सांगितलं आहे.

मराठी भाषेबद्दल मायक्रोसॉफ्ट : Details about these languages : Marathi (pronounced məˈrati) is an Indo-Aryan language spoken by approximately 83 million people in the Indian state of Maharashtra. The language has some of the oldest literature of all modern Indian languages, dating from around 600 AD, written in Devanagari script. The release of this languages happens to coincide closely with formation day of the state of Maharashtra, which is the 1st of May.

मायक्रोसॉफ्ट ट्रान्सलेटर : ही सेवा एकमेकांची संवाद साधत असताना लाईव्ह भाषांतर करण्यासाठी आहे. (translator.microsoft.com)
बिंग ट्रान्सलेटर : ही सेवा नेहमीप्रमाणे टाइप केलेला मजकूर, आवाज, वेब पेजेस भाषांतरित करण्यासाठी आहे. (bing.com/translator)

Search Terms : Microsoft translator now available in Marathi alongwith Gujarati, Punjabi, Malayalam, Kannada, Bengali, Urdu,

The post मायक्रोसॉफ्ट ट्रान्सलेटर आता मराठीत : रियलटाइम भाषांतर उपलब्ध! appeared first on MarathiTech - मराठीटेक.