गेले काही आठवडे भारत आणि चीनदरम्यान सुरू असलेल्या वादाच्या पार्श्वभूमीवर चीनी ॲप्सवर बंदी आणणार असल्याची चर्चा सुरू होती. आजवर त्यावर एकदाची कार्यवाही करत भारताच्या केंद्र सरकारने ५९ चीनी ॲप्सवर बंदी आणली आहे. यामध्ये टिकटॉक, युसी ब्राऊजर, शेयरइट, कॅमस्कॅनर, झेंडर, पॅरलल स्पेस, वुईचॅट, Helo, Vigo, इएस फाइल एक्सप्लोरर, क्लीन मास्टर अशा प्रसिद्ध ॲप्सचा समावेश आहे. (पूर्ण यादी खाली दिलेली आहे.)

भारतीय सार्वभौमत्व आणि अखंडत्व, संरक्षण, सुरक्षा यांना बाधा आणतील अशा ॲप्सबाबत हा निर्णय घेण्यात आल्याचं PIB तर्फे प्रेस रिलीजमध्ये जाहीर करण्यात आलं आहे.

यामध्ये पब्जी मोबाइलचा समावेश केला गेला नाही याची अनेकजण तक्रार सध्या सोशल मीडियावर करत आहेत. पब्जी गेम मुळात चीनी नसली तरी पब्जी मोबाइल आवृत्ती टेनसेंट गेमिंग तर्फे डेव्हलप करण्यात आली आहे आणि ती कंपनी चीनी आहे.
तसेच यामधील काही ॲप्स यापूर्वीसुद्धा बॅन झाले होते मात्र त्यांना पुन्हा परवानगी देण्यात आली होती. यावेळी घालण्यात आलेली बंदी किती दिवस टिकेल हे येत्या काळात समजेलच…

येत्या काही दिवसात आम्ही या ॲप्सना पर्यायी सुरक्षित ॲप्सची यादी प्रसिद्ध करण्याचा प्रयत्न करणार आहोत. यामधील काही ॲप्स इतर देशातील डेव्हलपर्सनी तयार केले होते मात्र नंतर प्रसिद्ध झाल्यावर चीनी कंपन्यानी त्यांना विकत घेऊन त्यामध्ये मॅलवेयर, ॲड्स भरून टाकल्या आहेत. असं अजूनही काही ॲप्सबाबत येत्या काळात होऊ शकतं म्हणून आपण नेहमी अपडेट्सकडे लक्ष ठेवायला हवं…

बॅन करण्यात ॲप्सची यादी

TikTok, Shareit, Kwai, UC Browser, Baidu map, Shein, Clash of Kings, DU battery saver, Helo, Likee, YouCam makeup, Mi Community, CM Browser, Virus Cleaner, APUS Browser, ROMWE, Club Factory, Newsdog, Beauty Plus, WeChat, UC News, QQ Mail, Weibo, Xender, QQ Music, QQ Newsfeed, Bigo Live, SelfieCity, Mail Master, Parallel Space, Mi Video Call – Xiaomi, WeSync, ES File Explorer, Viva Video – QU Video Inc, Meitu, Vigo Video, New Video Status, DU Recorder, Vault- Hide, Cache Cleaner DU App studio, DU Cleaner, DU Browser, Hago Play With New Friends, Cam Scanner, Clean Master – Cheetah Mobile, Wonder Camera, Photo Wonder, QQ Player, We Meet, Sweet Selfie, Baidu Translate, Vmate, QQ International, QQ Security Center, QQ Launcher, U Video, V fly Status Video, Mobile Legends, DU Privacy.

Search Terms : 59 Chinsese apps such as TikTok, ShareIt, Helo, Vigo, UC Browser, CleanMaster, WeChat, Xender, Xiaomi apps, ES Explorer banned by Indian Government

The post भारत सरकारकडून टिकटॉक, कॅमस्कॅनरसह ५९ चीनी ॲप्सवर बंदी! appeared first on MarathiTech - मराठीटेक.

आपण जर अँड्रॉइड फोन वापरत असाल तर अॅप्स डाउनलोड करण्यासाठी गूगल प्ले स्टोअरचाच वापर करतो. सुरक्षिततेसाठी ते गरजेचं आहेच कारण गूगल स्वतः या अॅप्सची तपासणी करून प्ले स्टोअरवर उपलब्ध करून देत असतं. पण अलीकडे बऱ्याच चीनी डेव्हलपर्सनी इंस्टॉल केल्यानंतर मागच्या दाराने जाहिराती दाखवणारे/डेटा चोरणारे अॅप्स इंस्टॉल करण्याचा मार्ग शोधला आहे. अशा वाईट उद्देशाने इंस्टॉल केलेल्या अॅप्सना मॅलवेअर म्हणतात. हेच चीनी मॅलवेअर आता Camscanner या तब्बल १० कोटी डाउनलोड्स असलेल्या अॅप्समध्ये सापडले आहेत. हे अॅप डॉक्युमेंट/फोटो स्कॅन करून त्यांची पीडीएफ सेव्ह करण्यास मदत करतं. यासंबंधी कस्परस्की अॅंटीव्हायरसने माहिती देताच गूगलने हे अॅप आता प्ले स्टोअरवरून काढून टाकले आहे!

याआधी कमी डाउनलोड्स असलेल्या अॅप्सबाबत असे प्रकार घडायचे. मात्र आता कोट्यवधी डाउनलोड्स असलेल्या अॅप्सबाबत असे प्रकार उघडकीस येणं नक्कीच धक्कादायक आहे. कॅमस्कॅनरमध्ये सापडलेला मॅलवेअर हा Trojan Dropper प्रकारचा असून हे मोडयूल (Trojan-Dropper.AndroidOS.Necro.n) अॅपसोबत डाउनलोड होतं. इंस्टॉल झाल्यावर हे स्वतःला extract करून दुसरं मोडयूल फोनमध्ये समाविष्ट करतं आणि त्याद्वारे आपल्याला न सांगता अॅप्स इंस्टॉल होऊ लागतात किंवा विविध जाहिराती दिसणं सुरू होतं. कॅमस्कॅनर नेहमीच अशा स्वरूपाचं अॅप नव्हतं मात्र अलीकडे आलेल्या अपडेटमधून हा मॅलवेअर घुसवण्याचा प्रयत्न झाल्याच दिसून येत आहे.

कॅमस्कॅनर अॅप जर वापरत असाल तर Uninstall करून टाका आणि खाली दिलेल्या अॅप्सपैकी कोणतेही अॅप वापरू शकता.

Camscanner या अॅपसाठी पर्याय

• Office Lens (Microsoft)
• Adobe Scan (Adobe)
• WPS Office

यापूर्वी क्लिनमास्टर बाबतसुद्धा असा प्रकार घडला आहे. CleanMaster, CM फाईल मॅनेजर, किका किबोर्ड CM लाँचर, CM लॉकर असे अॅप्स डेव्हलप करणार्‍या चिता मोबाइल व किका टेक यांच्यावर गूगल प्ले स्टोअरने जाहिरातींचा गैरव्यवहार करून क्लिक्समध्ये वाढ करून वापरकर्त्याच्या परवानगीशिवाय कृती केल्याने कारवाई केली होती.  

The post कॅमस्कॅनरमध्ये चीनी मॅलवेअर : गूगलने प्ले स्टोअरवरून काढून टाकलं! appeared first on MarathiTech - मराठीटेक.