स्‍मार्टफोन्‍सच्‍या स्‍पर्धेत मायक्रोमॅक्‍सने एक ऍडव्‍हान्‍स स्‍पेसिफिकेशन असलेला फॅबलेट लॉंच केला आहे. कोणताही गाजावाजा न करता कंपनीने हा स्‍मार्टफोन लॉंच केला. काही दिवसांपासून या स्‍मार्टफोनची इंटरनेटवर बरीच चर्चा होती. अखेर तो अधिकृतरित्‍या लॉंच झाला आहे. हा स्‍मार्टफोन आहे मायक्रोमॅक्‍स कॅनव्‍हास डूडल2 (ए240). स्‍पेसिफिकेशन्‍स आणि फिचर्सवर नजर टाकल्‍यास हा फोन सॅमसंग आणि सोनी यासारख्‍या कंपन्‍यांच्‍या फोन्‍सला निश्चितच टक्‍कर देईल अशी चर्चा आहे.

काही दिवसांपूर्वीच मायक्रोमॅक्‍सने कॅनव्‍हास4 स्‍मार्टफोन सादर केला होता. त्‍यानंतर हा एक महत्त्वाकांक्षी फोन कंपनीने बाजारात आणला आहे.
या फोनचे वैशिष्‍ट्य म्‍हणजे, 5.7 इंचाच्‍या स्‍क्रीनमुळे स्‍मार्टफोन आणि टॅबलेटचा सुवर्णमध्‍य त्‍यात साधला गेला आहे. मायक्रोमॅक्‍सचा हा सर्वात मोठा स्‍मार्टफोन आहे. त्‍यामुळे गॅजेटप्रेमींमध्‍ये फोनबद्दल उत्‍सुकता आहे.
‘Can your imagination get bigger?’ अशा टॅगलाईनने फेसबुक फॅनपेजवर प्रमोशन सुरु केले होते. या टॅगलाईनने गॅजेटप्रेमींना आकर्षित करण्‍याचा हा प्रयत्‍न होता. स्‍क्रीनचा आकार माहिती झाल्‍यानंतर स्‍पष्‍ट झाले, की हा मायक्रोमॅक्‍सचा सर्वात मोठा स्‍मार्टफोन आहे.फोनमध्‍ये 1.2 GHz क्‍वाडकोर प्रोसेसर आहे. तसेच 1280×720 स्‍क्रीन रिझॉल्‍यूशन आहे. कॅनव्‍हास4 आणि कॅनव्‍हास एचडीमध्‍येही एवढेच स्‍क्रीन रिझॉल्‍यूशन आहे.फोनमध्‍ये 12 मेगापिक्‍सेलचा मुख्‍य कॅमेरा आहे. समोरून 5 मेगापिक्‍सेलचा कॅमेरा देण्‍यात आला आहे. याशिवाय ड्युअल एलईडी फ्लॅशही देण्‍यात आला आहे.ऍण्‍ड्रॉईड 4.2 जेलीबीन ऑपरेटींग सिस्‍टीमने फोन सज्‍ज आहे. ही एक दमदार ऑपरेटींग सिस्‍टीम असून चांगला परफॉर्मन्‍स देते.हा फोन ख-या अर्थाने पॉवरफुल आहे. फोनमध्‍ये 2600 mAh क्षमतेची बॅटरी आहे. याशिवाय 1 जीबी रॅम आणि 16 जीबी इंटरनल मेमरीने फोन सज्‍ज आहे. त्‍यामुळे एचडी आणि 3डी गेम्स कोणत्‍याही अडथळ्याविना खेळता येतील. गेम्‍सच्‍या चाहत्‍यांसाठी हा फोन एक पर्वणीच आहे. कारण मोठी स्‍क्रीन आणि उत्‍कृष्‍ट रिझॉल्‍यूशनमुळे गेम्‍स खेळताना परिपूर्ण आनंद मिळेल. याशिवाय हा फोन 3जी आहे. त्‍यामुळे वेगवान इंटरनेटचाही वापर करणे शक्‍य आहे. 3जी वर 42 एमबीपीएस गतीने डाऊनलोडींग करणे शक्‍य आहे.

The post मायक्रोमॅक्‍सचा कॅनव्‍हास डुडल2 स्‍मार्टफोन लॉंच, सॅमसंगला देणार टक्‍कर appeared first on MarathiTech - मराठीटेक.

अनेक परदेश ब्रॅम्डच्या तोडीस तोड फोन उपलब्ध करुन अल्पावधीत नावारुपाला आलेल्या मायक्रोमॅक्स कंपनीने अखेर आपल्या कॅनव्हास-४ या बहुप्रतीक्षित मोबाईल फोनच्या किंमतीची घोषणा केली आहे. हा मोबाईल १७ हजार ९९९ रुपयांना मिळणार असून कॅनव्हास फोर हाच आता मायक्रोमॅक्स कंपनीच्या अॅड्रॉइन फोन्सचा नवीन चेहरा असणार आहे.



अनेक बाबतीमध्ये कॅनव्हास-४ हा एचडीशी साधर्म्य साधणारा आहे. एचडीमध्ये वापरण्यात आलेल्या एमटी ६५८९ क्वॉड कोअर प्रोसेसरवरच कॅनव्हास फोर चालणार असून हा फोन प्रोसेसर ‘मीडीया टेक’ या कंपनीने बनवलेला आहे. कॅनव्हास फोरचा लुकही इतर मोबाईलच्या तुलनेत बऱ्याच मोठ्या प्रमाणात बदलण्यात आला आहे. यामध्ये ७२० पिक्स रेझुलेशनची ५ इंच टच स्क्रीन देण्यात आली आहे. या फोनची इंटर्नल मेमरी १६ जीबी असून एक जीबी रॅम असणार आहे. एक्स्टर्नल मेमरी मायक्रो एसडी वाढवता येईल. सर्वात लेटेस्ट असणारी अॅड्रॉइड ४.२ (जेलीबीन) ऑपरेटिंग सिस्टीम या फोनमध्ये वापरण्यात आली असून यामध्ये २ हजार एमएएच पॉवर बॅटरी असणार आहे.


कॅनव्हास फोरचे हार्डवेअर स्पेसीफिकेशन जरी कॅनव्हास एचडीसारखे असले तरी इतर मायक्रोमॅक्स फोन्सपेक्षा या फोनची रचना आणि सॉफ्टवेअर डिझाईन वेगळे आणि वैशिष्ट्यपूर्ण आहे. प्लॅस्टीक आणि अॅल्यूमिनियमचा वापर करुन कॅनव्हास-४ ची बॉडी तयार करण्यात आली आहे. या मोबाईलचे आणखी एक वैशिष्ट्य म्हणजे मोबाईलमध्ये १३ मेगापिक्सलचा कॅमेरा असून फ्रन्ट कॅमेराही पाच मेगापिक्सल आहे.


मायक्रोमॅक्स-४ साठी प्री बुकींगची सुविधा उपलब्ध करुन देण्यात आली होती. पाच हजार रुपये भरुन मोबाईल लाँचींगच्या आधीच अनेकांनी हा फोन बुक केला आहे. १० तारखे पासून मोबाईलची डिलीव्हरी सुरु होणार असून आतापर्यंत साडे अकरा हजार कॅनव्हास फोर मोबाईल्सचे बुकींग झाल्याची माहिती कंपनीने दिली आहे. पहिल्यांदाच भारतीय मोबाईल ब्रॅण्डच्या मोबाईल लाँचसाठी अशा प्रकारची उत्सुकता लोकांमध्ये दिसून येत आहे.


मायक्रोमॅक्स-४ चे काही खास फिचर्स


> ब्लो टू अनलॉक फोन (फूंक मारुन फोन अनलॉक करणे) सारखे विशेष फिचर्सही आहेत.
> फोन वाजत असल्यास फक्त फोन उचलून कानाला लावल्यास बटन न दाबता कॉल रिसिव्ह करता येणार.
> फोन उलटा ठेवल्यास तो सायलेन्ट मोडवर टाकण्याचे अनोखे फिचरही या फोनमध्ये आहे.
> प्रॉक्सी सेन्सर्सच्या मदतीने फोन लावण्याचीही सोय मायक्रोमॅक्स कॅनव्हास फोरमध्ये आहे.
> स्मार्ट पॉझसारखे सॅमसंग मोबाईलमध्ये असणारे फिचरही कॅनव्हास फोरमध्ये देण्यात आले आहेत. या फीचरमध्ये व्हिडीओ पाहताना तुम्ही स्क्रीनवरुन नजर हटवल्यास व्हिडीओ आपोआप पॉज होतो. पुन्हा तुम्ही व्हिडीओ पाहण्यास सुरुवात केल्यास तो पुन्हा प्ले होतो.
> व्हिडीओमध्येही अनेक विशेष फिचर्स देण्यात आले आहेत.


“कॅनव्हास फोरच्या लॉन्चिंगने आम्ही नवीन संशोधन आणि तंत्रज्ञान स्वस्तात उपलब्ध करुन देण्याच्या दिशेने आणखी एक पाऊल पुढे टाकले आहे. कॅनव्हास फोर हा फक्शन, स्टाइल आणि वापरण्यास योग्य अशा मोबाईलसाठी आदर्श असा फोन आहे. तसेच या फोनमधील अॅप्लिकेशन आमच्या नवीन ग्राहकांना आकर्षीत करणारे आहेत.”
– राहूल शर्मा (सह संस्थापक मायक्रोमॅक्स)


“मायक्रोमॅक्स या ब्रॅण्डचा भारतातील विस्तार जलदगतीने होत आहे. त्यामुळे आम्ही खूपच उत्साहीत आहोत. २०१३च्या पहिल्या तिमाहीमध्ये भारतातील एकूण स्मार्टफोन मार्केटपैकी १७.१ टक्के मार्केटवर मायक्रोमॅक्सचे वर्चस्व असून भारतात आम्ही दूस-या क्रमांकावर आहोत. तर सायबर मिडीया रिसर्चच्या अहवालाप्रमाणे आम्ही एप्रिलमध्ये २४.३ टक्के मार्केट काबीज केले आहे.”
– दीपक मन्होत्रा (सीईओ मायक्रोमॅक्स)

The post मायक्रोमॅक्स फोरची घोषणा Micromax lauches flagship model one the top 10 mobiles Canvas 4 appeared first on MarathiTech - मराठीटेक.

सॅमसंग गॅलेक्सी एस ३ – ८ मेगापिक्सल 


स्मार्टफोनचं मार्केट कुणी खाल्लं असेल तर ते या कंपनीने. अँड्रॉइड या अफलातून ऑपरेटिंग सिस्टीमबरोबरच कॅमेऱ्याच्या वैशिष्ट्यांमुळेही या कंपनीचे स्मार्टफोन्स चर्चेत आहेत. त्यापैकीच गॅलेक्सी एस-३ या फोनमधला ८ मेगापिक्सेल ताकदीचा कॅमेरा त्याच्या बॅक साइड इल्युमिनिटेड या नव्या फीचरमुळे चांगलाच लोकप्रिय आहे. या फीचरमध्ये फोटो काढताना अधिक प्रकाश पडतो आणि त्यामुळेच तो चांगला येतो. याशिवाय बर्स्ट नावाचं एक खतरनाक फीचरही या कॅमेऱ्यामध्ये आहे. हे फीचर तुम्हाला एका विशिष्ट क्षणाचे २० फोटो काढून त्यातील आपल्या आवडीचा फोटो निवडण्याचा पर्याय देतो. त्यापैकी हवे तितके फोटो ठेऊन बाकीचे डीलिट करता येऊ शकतात. याशिवाय टच फोकस , स्माइल डिटेक्शन , जीओ-टॅगिंग , इमेज एडिटर हे फीचर्सही सोबतीला आहेतच.
किंमत – ३१ , ९०० रुपये. 


मायक्रोमॅक्स कॅनव्हास २ ए-११० – ८ मेगापिक्सेल 


अॅपल , सॅमसंग , सोनी , नोकिया अशा दादा कंपन्यांना तगडी स्पर्धा देणारी अस्सल देसी कंपनी म्हणजे गुडगाव स्थित मायक्रोमॅक्स. अत्यंत स्वस्त आणि मस्त हे ब्रीद घेऊन मोबाइल फोन्सची निर्मिती करणारी ही कंपनी भलतीच लोकप्रिय ठरत आहे. त्यातच कॅनव्हास २ ए-११० या नव्या मॉडेलने तर बाजारात धुमाकूळ घातला आहे. इतर फीचर्सबरोबरच नाइटमोडची सोय असणारा ८ मेगापिक्सेल कॅमेरा हेही या फोनचं वैशिष्ट्य आहे. डिजीटल ४ एक्स झूम , ऑटो फोकस , जिओ टॅगिंग अशा सगळ्या सुविधाही या फोनमध्ये आहेत. 
किंमत – १० , २९९ रुपये. 


मोटोरोला रेजर मॅक्स – ८ मेगापिक्सेल 


भारतात मोटोरोला या कंपनीचे फोन्स तितकेसे लोकप्रिय नाहीत. पण अमेरिकेत मात्र अॅपलनंतर दुसऱ्या नंबरावर हीच कंपनी आहे. नेहमी बॅकस्टेज तंत्रज्ञानात अव्वल काम करणारी ही कंपनी स्मार्टफोनच्या क्षेत्रात तगडी कामगिरी करत आहे. रेजर मॅक्स हे मॉडेल त्याच्या एकापेक्षा एक वैशिष्ट्यांमुळे चर्चेत आहे. ८ मेगापिक्सेल कॅमेराबरोबरच ८ एक्स डिजीटल झूम आणि ३० फ्रेम्स प्रति सेकंद रेकॉर्डिंगमुळे उभरत्या फिल्म मेकर्ससाठी स्वस्त आणि मस्त असा हा पर्याय आहे. हाय डेफिनेशन व्हिडियो रेकॉर्डिंगची सोयही या फोनमध्ये आहे. 
किंमत – ३० , ९९० रुपये 

सोनी एक्सपेरिया एस – १२.१ मेगापिक्सल 


स्मार्टफोनच्या दुनियेत सोनीच्या एक्सपेरिया या सिरीजची विशेष ओळख आहे. इतर फीचर्सबरोबरच त्यांच्या कॅमेऱ्यासाठीही या फोनला ग्राहकांची पसंती आहे. एक्सपेरिया एस या मॉडेलमध्ये असणारा १२.१ मेगापिक्सेलचा प्रायमरी कॅमेरा आणि १.३ मेगापिक्सेलचा फ्रंट कॅमेरा आहे. १९२० बाय १०८० पिक्सेल बरोबरच ३० फ्रेम्स प्रति सेकंद या वेगाने व्हिडिओ रेकॉर्डिंग आहे. पण या सगळ्यापेक्षा या फोनमधल्या कॅमेऱ्याचं वैशिष्ट्य म्हणजे १६ एक्स एवढं डिजीटल झूम. हे फीचर इतर कॅमेऱ्यांमध्ये क्वचितच सापडतं. याशिवाय ऑटो फोकस , थ्रीडी-स्वीप पॅनोरमा , फेस रिकग्निशन , एलइडी फ्लॅश जिओ-टॅगिंगसारखी फीचर्स आहेतच. जिओ-टॅगिंग म्हणजे एखादा फोटो कुठे काढला आहे , याविषयीची माहिती तो अपलोड करताना देता येण्याची सोय. 
किंमत – २५ , ९९० रुपये. 


नोकिया लूमिया ९२० – ८.७ मेगापिक्सल 

स्मार्टफोनच्या शर्यतीत मागे पडेल की काय , असे वाटत असतानाच नोकियाने ल्युमिया नावाची स्मार्टफोन सिरीज आणली आणि ‘ हम किसी से कम नही ‘ हे दाखवून दिलं. विंडोजसोबत ऑपरेटिंग सिस्टीमसाठी टायअप करतानाच फीचर्सचा खजानाही ग्राहकांसाठी खुला केला. ल्युमिया ९२० हा सध्याच्या घडीला चर्चेतला मोबाइल. ८.७ मेगापिक्सल कॅमेरा हे ह्या फोनचं खास वैशिष्ट्य आहे. ह्यात खास अशी इमेज-स्टेबिलाइजिंग टेक्नॉलॉजी आहे ज्यामुळे तुमचे फोटो आधी काढलेल्या फोटोंच्या तुलनेत अधिक स्पष्ट दिसतात. सर्वात महत्त्वाचं म्हणजे ह्यामधे ब्लर फोटोज येण्याची शक्यता जवळपास नाहीच आहे. याशिवाय टच फोकस , ऑटो-फोकस , जिओ-टॅगिंग , इमेज एडिटर ही फीचर्सही आहेतच. 
किंमत – ३८ , १९९ रुपये. 


स्मार्टफोनमधील इतर फीचर्समुळे तंत्रज्ञान क्षेत्राला कलाटणी मिळाली हे खरंच आहे. पण यामध्ये असणाऱ्या स्मार्टफोन्समुळे वेगळा असा डीजीटल कॅमेरा जवळ बाळगण्याची गरज जवळपास संपलीच आहे. 

The post स्मार्टफोनमध्ये असलेल्या स्मार्ट कॅमेऱ्यांची ही ओळख appeared first on MarathiTech - मराठीटेक.

मोबाईल चाहत्यासाठी खूशखबर आहे. ती म्हणजे मायक्रोमॅक्स कंपनीने कमी किमतीत एक शानदार फीचर्स आणि बिग स्क्रीन असलेला सुपरफोन लॉन्च केला आहे. ड्युअल कोर प्रोसेसर, दीर्घकाळ चालणारी बॅटरी, क्लासिक लूक, म्युझिक स्टोअर्ससह अनेक अद्ययावत फीचर्स या शानदार स्मार्टफोनमध्ये आहे. मायक्रोमॅक्सच्या या नव्या मॉडेलचे नाव आहे. ‘कॅनव्हास 2 a 110’

‘कॅनव्हास 2 a 110’ मध्ये अनेक अ‍ॅप्स प्रीलोडेड आहेत तसेच तुम्हाला हव्या असलेल्या अ‍ॅप्स देखील तुम्हाला डाऊंडलोडिंग करता येतील. या सुपरफोनच्या शानदार रिझोल्यूशनमुळे व्हिडिओ पाहणे, गेम खेळताना खूप मज्जा येते. तसेच कॅमेराही दर्जेदार आहे.
 विशेषज्ज्ञाच्या मते, इतका अत्याधुनिक फीचर्स असलेल्या या सुपरफोनची किमत फारच कमी आहे.

ऑपरेटिंग सिस्टिम

मायक्रोमॅक्सने आपल्या स्मार्टफोनमध्ये अँड्रॉयड 4.0.4 ऑपरेटिंग सिस्टिमचा (OS) वापर केला आहे. ही लेटेस्ट ऑपरेटींग सिस्टिम आहे.

डिस्प्ले

पाच इंचाचा डिस्प्ले असलेल्याने अन्य स्मार्टफोन्सच्या तुलनेत ‘कॅनव्हास’ची स्क्रीन मोठी आहे. यात व्हिडिओ चांगल्या प्रकारे तुम्ही पाहू शकतात. गेम्स खेळू शकतात. या फोनचे टचस्क्रीन देखील खूपच स्मूथ आहे. 

प्रोसेसर

1 GHz ड्युअल कोर या प्रोसेसरमुळे यात मोठ्या फाईल सहज डाउनलोड करू शकता. हेवी अ‍ॅप्स देखील यात कोणतीही अडचण येता डाउनलोड करु शकता.

मेमरी

‘कॅनव्हास’मध्ये 4 GB ची इंटरनल मेमरी आहे. याच रेंजमधील मोबाईलमध्ये इतकी इंटरनल मेमरी मिळत नाही. याशिवाय तुम्ही मायक्रो एसडी कार्डच्या माध्यमातून 32 GB पर्यंत वाढवू शकतात.

कॅमेरा

मायक्रोमॅक्स कॅनव्हासमध्ये 8 मेगापिक्सलचा कॅमेरा आहे. कॅमेरा दर्जेदार असल्याने तुम्ही फोटोग्राफीही करू शकता.

अन्य फीचर्स

ड्युअल सिमसोबत ब्लूटूथची सुविधा या फोनमध्ये आहे. यात जीमेल, फेसबुकसह अनेक फीचर्स प्री लोडेड आहेत.

The post मायक्रोमॅक्सचा गुड लुकिंग सुपरफोन बाजारात, कमी किंमतीत बिग स्क्रीन appeared first on MarathiTech - मराठीटेक.