गेले काही महीने चाचणी सुरू असलेली गूगलची ChromeOS Flex आता सर्वांसाठी उपलब्ध करून देण्यात आली असून तुमच्याकडे असलेल्या जुन्या लॅपटॉप, पीसीमध्ये व्यवस्थित चालेल अशी ही क्लाऊड आधारित ऑपरेटिंग सिस्टम मोफत इंस्टॉल करता येते.

तुमच्याकडे असलेल्या जुन्या लॅपटॉप, पीसी, मॅकला ही आधुनिक इंटरनेटच्या माध्यमातून चालणारी सुरक्षित आणि अपडेटेड ऑपरेटिंग सिस्टम वापरण्यास सोपी आणि मोफत असणार आहे.

या ओएस मुळे आपला लॅपटॉप/पीसी अप्रत्यक्षरित्या क्रोमबुक प्रमाणे काम करतो. क्रोमओएस ही गूगलच्या बहुतेक सर्वच सेवा इंटरनेटद्वारे आपल्याला जुन्या आणि कमी क्षमतेचं हार्डवेयर असलेल्या उपकरणांवरही सहज वापरता येते. एका अर्थी ही पूर्ण ऑपरेटिंग सिस्टम क्रोम ब्राऊजरप्रमाणे काम करते. लॅपटॉप सुरू करताच अवघ्या काही सेकंदात ही ओएस बूट होते (होय अगदी जुन्या लॅपटॉप्सवरसुद्धा!)

या नव्या ChromeOS Flex मुळे इ कचऱ्याची समस्या सुद्धा काही प्रमाणात कमी होऊ शकते असं गूगलने म्हटलं आहे. ही ओएस चक्क एका पेनड्राइवमार्फतसुद्धा चालवता येते!

या ओएसमध्ये व्हायरस किंवा मॅलवेयरचा त्रास नाही, गूगलच्या क्रोमओएस प्रमाणे पूर्ण सुरक्षित, वेळोवेळी अपडेट्स मिळतील.

याची इंस्टॉल करण्याची प्रक्रिया https://support.google.com/chromeosflex/answer/11552529 या लिंकवर पाहू शकता.
(तुमच्या लॅपटॉपमध्ये असलेला आधीच्या डेटाचा बॅकअप घेऊन मगच यामधील कृती करा.)

तुमचे जुने लॅपटॉप/पीसी जे वापरात नाहीत किंवा स्लो झाल्यामुळे तुम्ही बाजूला ठेवले आहेत त्यांना यामुळे नवं आयुष्य मिळेल आणि मग तुम्ही लॅपटॉप गरजू विद्यार्थी/व्यक्तीला देऊ शकता. त्यांना त्यानंतर फक्त इंटरनेट कनेक्शनची गरज लागेल जे फास्ट नसलं तरी चालू शकेल.

गूगलच्या क्रोमओएसला लॅपटॉप्सवर उपलब्ध करून देणारी CloudReady (Neverware) कंपनी २०२० मध्ये गूगलने अधिग्रहीत केली होती आता त्यांनी त्यांचं उत्पादन सर्वाना उपलब्ध करून दिलं आहे.

The post गूगलची ChromeOS Flex जुन्या लॅपटॉप्स, पीसीसाठीही उपलब्ध! appeared first on MarathiTech - मराठीटेक.

गूगल क्रोम (Chrome) या लोकप्रिय ब्राऊजरमध्ये आता डेस्कटॉप सह फोन्सवरही टॅब ग्रुपिंगचा (Tab Groups) पर्याय येत आहे. यामुळे आपण एका विषयावरील किंवा प्रकारानुसार किंवा आवडीनुसार टॅबचा ग्रुप करून ठेऊ शकतो. यामुळे टॅब बारवरती बरीच जागा उपलब्ध होते आणि ग्रुप्स गरजेनुसार क्लिक केल्यावरच expand होतात.

डेस्कटॉपवर ही सोय उपयोगी असली तरी फोन्ससाठी नवा लेआउट असून एका वेबसाइटवरून क्लिक करून दुसऱ्या वेबसाइटवर जात असताना त्यांचा आपोआप ग्रुप तयार होत आहे. नवी टॅब उघडल्यावर सुद्धा हा नवा ग्रिड लेआऊट उघडला जातोय. यामुळे यूजर्समध्ये बऱ्यापैकी संभ्रम निर्माण होत असून गूगलने फोन्समधील टॅब ग्रुपचं डिझाईन सोपं केलेलं नाही असं मत अनेकांनी नोंदवलं आहे.

फोन आणि डेस्कटॉपमधील क्रोम टॅब ग्रुप्समधील सुविधा सुद्धा वेगळ्या आहेत. फोनमध्ये अद्याप टॅब ग्रुपला नाव देता येत नाही. ही सोय सध्या अपडेट्स द्वारे उपलब्ध करून देण्यात येत आहे. तुम्हाला अद्याप नवा लेआऊट दिसत नसेल तर येत्या काही दिवसात तो अपडेट केल्यावर दिसू लागेल.

The post गूगल क्रोममध्ये टॅब ग्रुपिंग उपलब्ध : अनेक टॅब्ज एकत्र करता येणार! appeared first on MarathiTech - मराठीटेक.

फोटोची साईज अनेक पटींनी कमी करण्याची सर्वात सोपी पद्धत! फोटोची क्वालिटी खराब न करता साईज कमी करा आणि ते सुद्धा इंटरनेटशिवाय! कॉम्पुटर, फोन्सवरही करता येईल… कोणतंही अॅप किंवा सॉफ्टवेअर डाउनलोड करण्याची गरज नाही…!

व्हिडीओ लिंक : https://youtu.be/QIwTlmbF8UU

ही सोय थेट ब्राऊजरमध्येच वापरता येईल ह्यासाठी स्वतंत्र डाउनलोडची गरज नाही. अगदी स्मार्टफोन्समधील ब्राऊझरमध्येही ही सुविधा उत्तम प्रकारे चालेल! Squoosh मध्ये सध्या OptiPNG, MozJPG, WebP, Browser PNG, Browser JPG व WebP हे इमेज फॉरमॅट सपोर्ट करत असून यांचे पॅरामीटर बदलण्याची सुद्धा सोय देण्यात आली आहे! Resize, Convert व Compress ही कामे Squoosh करू शकेल!

Search Terms How to compress images, compress images without internet, reduce image size offline Make images smaller using best-in-class codecs, right in the browser Squoosh is an image compression web app that allows you to dive into the advanced options provided by various image compressors. Compress photos, images in your android phone

The post नवा व्हिडीओ : फोटोची साईज कशी कमी करायची? क्वालिटी खराब न करता! appeared first on MarathiTech - मराठीटेक.

मायक्रोसॉफ्टने काल त्यांचा क्रोमियम आधारित एज ब्राऊजर विंडोज आणि MacOS साठी सादर केला आहे. गेले काही महिने चाचणी स्वरूपात असलेला हा ब्राऊजर आता सर्वांसाठी उपलब्ध झाला. नव्या ब्राऊजरसाठी त्यांनी गूगल क्रोममध्ये वापरलेल्या Chromium या ब्राऊजर इंजिनचा वापर करण्यास सुरुवात केली असल्याचं जाहीर केलं होतं. इंटरनेट एक्सप्लोरर कालौघात मागे पडत गेल्यावर त्यांनी स्वतःच्या एज इंजिन आधारित एज ब्राऊजर सादर केला विंडोज १० मध्ये समाविष्ट करण्यात आला होता. मात्र या ब्राऊजरचा वापर फारच कमी लोक करत असल्याचं लक्षात आल्यावर मायक्रोसॉफ्टने आता क्रोमियमचा मार्ग स्वीकारला आहे.

Download Microsoft Edge Browser : www.microsoft.com/en-us/edge

नव्या एज ब्राऊजरमध्ये तुम्ही गूगलच्या क्रोममध्ये उपलब्ध असलेले सर्व एक्स्टेंशन्स वापरू शकाल. हा मोठा फायदा एज वापरकर्त्यांना मिळणार आहे. गूगल क्रोममध्ये उपलब्ध सोयींसह एज आणखी काही खास सोयी सुद्धा जोडल्या आहेत.
हा ब्राऊजर आता तुम्ही वरील लिंकवरून डाउनलोड करून वापरू शकाल. पुढील विंडोज १० अपडेटमध्ये हा आधीपासून जोडलेला असणार आहे. आता इन्स्टॉल केल्यावर जुना एज ब्राऊजरला रिप्लेस करेल.

क्रोमियम हे गूगलतर्फे डेव्हलप केलं जाणारं ब्राऊजर इंजिन असून ते गूगल क्रोम, ऑपेरा अशा जवळपास सर्व प्रमुख ब्राऊजरमध्ये समाविष्ट केलेलं आहे. क्रोमियम सध्या ओपन सोर्स उपलब्ध असून त्यावर आधारित ब्राऊजर कोणीही मोफत तयार करू शकतो.
आता फक्त मायक्रोसॉफ्ट एज आणि फायरफॉक्स हे दोनच ब्राऊजर क्रोमियमचा वापर करत नव्हते. मात्र आता एजने सुद्धा क्रोमियमची वाट धरली आहे. यावर अनेक तज्ज्ञांनी नकारात्मक प्रतिक्रिया दिली होती कि यामुळे सर्वच इंटरनेट वापर क्रोमियमकडे एकवटून जाईल. यावर फायरफॉक्सने खास पोस्ट लिहून ते यापुढेही एक पर्याय म्हणून फायरफॉक्स आधारित ब्राऊजर उपलब्ध असेल.

Search Terms Microsoft’s Chromium based new Edge Browser now available to download for everyone

The post मायक्रोसॉफ्ट एज डेस्कटॉप ब्राउजर आता नव्या रूपात सर्वांसाठी उपलब्ध! appeared first on MarathiTech - मराठीटेक.

गूगल क्रोमच्या नव्या अपडेटमध्ये Send To Device ही सोय जोडण्यात आली असून हे अपडेट आता विंडोज, मॅक, iOS आणि अँड्रॉईडवर उपलब्ध करून देण्यास सुरुवात झाली आहे. क्रोममध्ये या अपडेटद्वारे बऱ्याच गोष्टींमध्ये बदल करण्यात आले आहेत. यामधील प्रमुख सोय सेंड टू डिव्हाईस म्हणावी लागेल. तुम्ही डेस्कटॉप/लॅपटॉपवर क्रोमद्वारे एखादी वेबसाइट पाहत असाल आणि आता तुम्हाला ती वेबसाइट फोनमध्ये उघडायची आहे तर तो वेबसाइट URL फोनमध्ये टाइप करणे किंवा मेल/मेसेज करून मग त्याद्वारे उघडणे असं काही करावं लागणार नाही. त्या वेबसाइटवर असताना राइट क्लिक करा आलेल्या मेनूमधून Send to phone (किंवा जे काही नाव असेल ते) निवडा की तुमच्या फोनवर नोटिफिकेशन आलेली दिसेल! आणि त्यावर क्लिक केलं की ते वेबसाइट लगेच फोनमध्ये उघडलेली दिसेल!

Chrome 77 अपडेट मध्ये ही सुविधा देण्यात आलेली आहे. बरेच दिवस ही सोय Chrome Flag च्या रूपात उपलब्ध होती आता सर्वांसाठी सहज उपलब्ध करून देण्यात आली आहे. यामुळे लिंक्स वेगवेगळ्या डिव्हाईस वरून एकमेकांना पाठवणं सोपं होईल आणि यामुळे बराच वेळ वाचेल!
क्रोम अपडेट करण्यासाठी कोपऱ्यात तीन डॉट असलेल्या चिन्हवर क्लिक करून Help > About मध्ये जा क्रोम अपडेट व्हायला सुरूवात होईल.
फोनसाठी अॅप स्टोअर/प्ले स्टोअरवर जाऊन अपडेट करू शकता.

1. प्रथम तुमच्या फोन व पीसी/लॅपटॉपवर क्रोम इंस्टॉल केलेलं आहे का हे पहा
2. त्यानंतर दोन्हीकडे तुम्ही तुमच्या गूगल अकाऊंटद्वारे लॉगिन केलेलं आहे का हे पहा
3. आता तुम्ही जर डेस्कटॉपवर असाल तर तुम्हाला वेबसाइटच्या लिंकवर क्लिक केल्यास उजवीकडे Send This Page चं चिन्ह दिसेल (लॅपटॉप आणि मोबाइल यांचं मिश्रण असलेला आयकॉन)
4. त्यावर क्लिक करून आलेल्या यादीतून तुमचा फोन निवडा
5. आता तुम्हाला तुमच्या फोनवर एक नोटिफिकेशन आलेली दिसेल
6. त्यावर क्लिक केल्यास टी वेबसाइट तुमच्या फोनवरील क्रोमवर उघडलेली दिसेल!
7. हीच सोय फोनवर उघडलेली वेबसाइट डेस्कटॉप/लॅपटॉपवर पाठवण्यास सुद्धा वापरता येते!

Search Terms : Send Links from PC to phone Phone to PC Windows Mac Android iOS Google Chrome Devices

The post गूगल क्रोमवरून लिंक्स, वेब पेजेस फोन व इतर डिव्हाईसवर सहज पाठवता येणार! appeared first on MarathiTech - मराठीटेक.