Clean Master Archives - MarathiTech - मराठीटेक

CM फाइल मॅनेजर, किका किबोर्डची प्ले स्टोअरवरुन हकालपट्टी : जाहिरातींद्वारे गैरव्यवहार!

Sooraj Bagal — Wed, 05 Dec 2018 00:34:00 +0000

अनेकांच्या फोन्समध्ये इंस्टॉल्ड असलेले क्लिन मास्टर, CM फाईल मॅनेजर, किका किबोर्ड CM लाँचर, CM लॉकर असे अॅप्स डेव्हलप करणार्‍या चिता मोबाइल व किका टेक यांच्यावर गूगल प्ले स्टोअरने जाहिरातींचा गैरव्यवहार करून क्लिक्समध्ये वाढ करून वापरकर्त्याच्या परवानगीशिवाय कृती केल्याने कारवाई केली आहे.
या डेव्हलर्सचे अॅप्स गूगल प्ले स्टोअरवरून काढून टाकून त्यांचे Admob अॅड नेटवर्क थांबवण्यात आलं आहे!

अंतर्गत अभ्यासानंतर गूगलला या अॅप्सद्वारे नकळत अॅप्स इंस्टॉल केले जात असल्याच लक्षात आलं आहे. त्यावर कारवाई म्हणून ही अॅप्स प्ले स्टोअरवरून हटवण्यात आली आहेत.

अॅड क्लिक फ्रॉड हा प्रकार अँड्रॉइडमध्ये अनेक वर्षांपासून सुरु आहे. गूगल काही कारणाने यावर कारवाई करतच नाही. यांना जर सुरवातीलाच प्रतिबंध केला तर असे अॅप्स पसरण थांबवता येऊ शकत. असे अॅप्स इंस्टॉल केले की आपल्या फोन्स जाहिरातींनी आणि आपण न इंस्टॉल केलेल्या अॅप्सने भरून गेलेला दिसतो. क्लिन मास्टरसारख्या अॅप्स द्वारे आपला फोन काही क्षण वेगवान झाल्यासारखा वाटत असला तरी त्याची मोठी किंमत चुकवावी लागत असते हे बर्‍याच जणांना लक्षात येत नाही.

गूगल प्ले स्टोअर सुरक्षेच्या बाबतीत अॅपलच्या अॅप स्टोअरच्या बरच मागे आहे असं म्हणावं लागेल. अॅपल अॅप स्टोअरवरील येणार प्रत्येक अॅप स्वतः तपासून पाहतं! गूगल मात्र कोणीही टाकलेल कुठल्याही अॅपला प्ले स्टोअरवर थेट प्रवेश देतं जोवर ते अॅप नियमांच उल्लंघन करत आहे हे लक्षात येतं तोवर ते अॅप लाखो लोकांच्या फोन्समध्ये वापरात असतं!

खालील अॅप्सवर कारवाई करण्यात आल्याच गूगलकडून सांगण्यात आलं आहे:

Clean Master
CM Launcher 3D
Security Master
Battery Doctor
Cheetah Keyboard
CM Locker

यातल्या CM File Manager व Kika Keyboard २५ कोटी डाउनलोडस पूर्ण झालेत आहेत. याचा अर्थ इतक्या मोठ्या प्रमाणावर ह्या डेव्हलपरनी वापरकर्त्याना फसवून खोट्या/फसव्या जाहिराती दाखवल्या आहेत! चिता मोबाइल (Cheetah Mobile CM) यांच्या तर एकत्रित डाउनलोडसची संख्या २०० कोटींवर आहे! यावरून अंदाज लावला जाऊ शकतो यांनी अशा खोट्या जाहिरातीतुन किती मोठा पैसा कमवला असेल आणि कित्येकांच्या फोन्सवर न सांगता अॅप्स इंस्टॉल केले असतील! सध्या हा लेख लिहताना CM चे काहीच अॅप्स हटवलेले दिसत आहेत तर क्लिनमास्टर अजूनही पाहायला मिळत आहे. त्यांच्यावर नजर ठेऊन असल्याचं सांगितलं आहे.

मराठीटेकचा सल्ला असा आहे की असे क्लिन मास्टर, अॅप किलर , अमुक तमुक फाईल मॅनेजर/ब्राउजर अॅप्स वापरू नका. त्यांचा खर्‍या कामापेक्षा जाहिराती दाखवण्यासाठीच जास्त वापर केला जात आहे हे लक्षात घ्या.

search terms : google play store removes clean master and other cheetah mobile apps

The post CM फाइल मॅनेजर, किका किबोर्डची प्ले स्टोअरवरुन हकालपट्टी : जाहिरातींद्वारे गैरव्यवहार! appeared first on MarathiTech - मराठीटेक.

अँड्रॉइड युझर्ससाठी…काही टिप्स…

Sooraj Bagal — Fri, 19 Jul 2013 21:00:00 +0000

सध्याच्या काळात सर्वाधिक वेगाने वाढणारी मोबाइल ऑपरेटिंग स्टिस्टीम म्हणून अँड्रॉइड ओळखली जातेय. पण अनेकवेळा मेमरी नसल्यामुळे अॅप्स इन्स्टॉल करताना प्रॉब्लेम येणे , अॅप्स अचानक बंद पडणे यासारख्या समस्या जाणवतात. त्यांच्यावर मात करण्यासाठी या काही टिप्स…

> जवळपास सर्व अँड्रॉइड डिव्हाइसमध्ये टास्क मॅनेजर असतो. होम की बराच वेळ प्रेस करून ठेवली की तो पर्याय येतो. त्यात सध्या कोणकोणती अॅप्लिकेशन्स सुरू आहेत त्याची माहिती मिळते. त्यातून अनावश्यक अॅप्लिकेशन्स बंद केली तर मेमरी मोठ्या प्रमाणात वाचवता येईल तसेच डिव्हाइसचा वेगही वाढेल. टास्क मॅनेजरसाठी काही अॅप्सही उपलब्ध आहेत.

> गुगल प्ले व्यतिरिक्त इतर ठिकाणांवरून अॅप्स डाऊनलोड करायची तुम्हाला सवय असेल तर तुमच्या डिव्हाइसमध्ये मालवेअर असण्याची शक्यता खूप अधिक आहे. अशावेळी अॅव्हास्ट , एव्हीजी , नॉर्टन, TrustGo यासारखे मोफत उपलब्ध असलेले अॅप्स डिव्हाइसमध्ये असण्याची खूप आवश्यकता आहे. मात्र एकावेळी एकापेक्षा अधिक अँटीव्हायरस इन्स्टॉल करू नका.

> ५१२ एमबी किंवा १ जीबी रॅम असणाऱ्यांना अनेक वेळा रॅमच्या कमतरतेचा प्रॉब्लेम जाणवतो. यावर तोडगा काढण्यासाठी >> क्लिन मास्टर << नावाचे फ्री अॅप इन्स्टॉल करा. हे अॅप अनावश्यक अॅप्लिकेशन बंद तर करते पण ब्राऊझर हिस्टरी आणि कॅचे क्लिअर करते.

> तुमचे एखादे अकाऊंट तुम्ही वापरत नसाल तर ते डिव्हाइसमधून काढून टाका. तसेच ब्लू-टूथ , वायफाय यासारखे कनेक्शन उपयुक्त नसताना बंद करा.

> अनेक वेळा खूप प्रयत्न करूनही डिव्हाइसच्या स्पीडमध्ये परफॉर्मन्समध्ये फरक पडत नाही. अशावेळी डिव्हाइस फॅक्टरी रिसेट करणे हा एक सर्वोत्तम पर्याय आहे. यामुळे तुमचे डिव्हाइस अगदी सुरुवातीला होते त्या स्थिती जाते. मात्र त्यापूर्वी कॉन्टॅक्ट , एसएमएसचा बॅकअप घेऊन ठेवा.

> खूप काळापासून तुम्ही डिव्हाइस वापरत असाल तर त्यात अनेक जुनेपुराणे एसएमएस , फोटो असण्याची शक्यता आहे. ते डिलीट करा. खूप मोठी स्पेस मुक्त होईल.

> तुमच्याकडे इनबिल्ट १६ जीबी मेमरी असली तरी त्यातील काही भाग ऑपरेटिंग सिस्टीम आणि अत्यावश्यक अॅप्ससाठी वापरली जाते. त्यामुळे किमान २ जीबी फ्री ठेवा. इतर अॅप्स , डेटा एक्स्टर्नल मेमरी कार्डला ट्रान्सफर करा. सेटींग्जमध्ये जाऊन हे ट्रान्सफर करता येते किंवा >> App2SD << हे अॅप त्यासाठी वापरता येईल.

> अॅनिमेटेड वॉलपेपर वापरल्यामुळे डिव्हाइसच्या प्रोसेसरचा खूप उपयोग होतो. त्यामुळे अॅप्स सुरू होण्याचा स्पीड कमी होतो. त्यामुळे असे वॉलपेपर बंद ठेवणे हे स्पीड आणि बॅटरीचे आयुष्य अशा दोन्ही दृष्टीने फायदेशीर आहे.

The post अँड्रॉइड युझर्ससाठी…काही टिप्स… appeared first on MarathiTech - मराठीटेक.