यूट्यूबने त्यांचा यूट्यूब पार्टनर प्रोग्रॅम आता मोठ्या व्हिडिओसोबत शॉर्ट्स तयार करणाऱ्या क्रिएटर्ससाठीसुद्धा उपलब्ध करून दिला आहे. यामुळे शॉर्ट्स म्हणजेच एक मिनिटापर्यंत लांबी असलेले उभे व्हिडिओ तयार करून पैसे कमावता येतील. Creator Music नावाच्या नव्या सोयीद्वारे यूट्यूबवर व्हिडिओसोबत लावण्यासाठी गाणी आणि संगीत उपलब्ध करून दिलं जाईल ज्यामुळ क्रिएटर आणि संगीतकार दोघांनाही उत्पन्न मिळेल!

सध्या यूट्यूबवर जर पैसे जाहिरातीमार्फत पैसे कमवायचे असतील तर त्यांच्या यूट्यूब पार्टनर प्रोग्रॅमचा (YPP) सदस्य असावं लागतं. त्याचं सदस्य बनण्यासाठी तुमच्या चॅनलवर १००० सबस्क्रायबर्स आणि गेल्या बारा महिन्यात तुमचे 4000+ Watch Hours (व्हिडिओ पाहिले गेल्याची एकूण वेळ) ४००० तासांपेक्षा अधिक असावी लागते. जे नवीन क्रिएटर्स अर्थातच खूप अवघड आहे.

अपडेट : १ फेब्रुवारी २०२३ पासून हा पर्याय (Shorts Monetization) उपलब्ध होणार आहे!

मात्र आता त्या ऐवजी जर तुम्ही शॉर्ट्स व्हिडिओ तयार करत असाल तर YPP सदस्य बनण्यासाठी तुमच्या चॅनलवर १००० सबस्क्रायबर्स आणि गेल्या तीन महिन्यात तुमच्या शॉर्ट व्हिडिओना एक कोटी व्ह्यूज पूर्ण झालेले असले पाहिजेत! तसं पाहायला गेलं तर हे सुद्धा खूप अवघड असणार आहे. पण किमान Watch Hours च्या ऐवजी आणखी एक पर्याय उपलब्ध झालेला आहे. हा पर्याय २०२३ च्या सुरुवातीपासून उपलब्ध होणार आहे. ज्यानंतर या प्रोग्रॅमचे सदस्य बनल्यावर तिथून पुढे तुम्हाला मिळणाऱ्या उत्पन्नापैकी हिस्सा ४५% तुम्हाला आणि उर्वरित ५५ टक्के यूट्यूबकडे जाईल.

यासोबत आता Super Thanks, Super Chat, Super Stickers आणि चॅनल मेंबरशिप असे पर्यायसुद्धा तुम्हाला पैसे मिळवून देतील जे थेट तुमच्या व्हिडिओ पाहणाऱ्या viewers कडून आलेले असतील आणि त्याबदल्यात त्यांना खास स्टीकर्स, चॅनलचा खास वेगळा कंटेंट पाहायला मिळेल असा पर्याय आहे. याला YPP Fan Funding असं म्हटलं जाईल.

यूट्यूब व्हिडिओवर गाणी वापरण्यासाठी आता नवा Creator Music नावाचा पर्याय देण्यात येणार आहे. यामध्ये जास्त लांबीच्या व्हिडिओमध्ये वापरण्यासाठी गाणी विकत घेता येतील आणि मग हव्या तेवढया वेळा वापरता येतील जेणेकरून कॉपीराइट स्ट्राइकची भीती राहणार नाही.

ज्यांना संगीत विकत घ्यायचं नाही त्यांना त्या व्हिडिओमार्फत आलेल्या उत्पन्नामधून त्या संगीत तयार करणाऱ्या व्यक्ति/कंपनीसोबत त्यांचं उत्पन्न वाटून घ्यावं लागेल. याची सुरुवात अमेरिकेत २०२३ पासून करण्यात येणार आहे.

अधिक माहितीसाठी यूट्यूबचा ब्लॉग पहा : https://blog.youtube/news-and-events/supporting-the-next-wave-of-creative-entrepreneurs/

यूट्यूबने आता स्पष्टपणे टिकटॉक आणि इंस्टाग्रामच्या रील्सच्या स्पर्धेमुळेच शॉर्ट्स तयार करणाऱ्या क्रिएटर्सना प्रोत्साहन देऊन त्याचा वापर वाढावा या उद्देशाने हा निर्णय घेतला आहे. सर्वच प्लॅटफॉर्म आता शॉर्ट व्हिडिओकडे पळत असताना यामध्ये वाढत्या स्पर्धेमुळे व्हिडिओचा दर्जा मात्र ढासळत चालला आहे हे नक्की.

The post यूट्यूब शॉर्ट्स मार्फत पैसे कमावता येणार : क्रिएटर्सना उत्पन्नासाठी नवे पर्याय! appeared first on MarathiTech - मराठीटेक.

वर्षापूर्वी अमेरिकेत उपलब्ध करून दिलेली फेसबुक वॉच ही व्हिडीओ सेवा आता जगभरात उपलब्ध करून देण्यात येत आहे. फेसबुक वॉचद्वारे वापरकर्त्यांना व्हिडीओ, कार्यक्रम, विविध क्रिएटर्स/सेलिब्रिटीजचे व्हिडीओ, बातम्या, खेळांचे सामने लाईव्ह तेसुद्धा फेसबुकवरच पाहता येतात. अलीकडे ऑनलाईन स्ट्रीमिंगद्वारे कार्यक्रम, टीव्ही, चित्रपट अशी माध्यमे फोन्स, लॅपटॉप्सवर कुठेही उपलब्ध झाली आहेत. यामध्ये नेटफ्लिक्स, युट्यूब, अॅमेझॉन प्राईम व्हिडीओ यांनी आघाडी घेतलेली पाहून फेसबुकने सुद्धा त्यांचा स्वतःचा प्लॅटफॉर्म उपलब्ध करून दिला आहे. या वॉच सेवेसाठी अॅपमध्ये स्वतंत्र टॅब दिलेली आहे. याबद्दल खाली पोस्ट केलेल्या व्हिडीओमध्ये कशा प्रकारे काम करेल हे पाहू शकाल…  

अधिकृत माहिती : Facebook Watch Is Going Global

या वॉच सेवेमध्ये आता काही शोज सुद्धा सुरु होत असून हॉलीवूड अभिनेत्री एलिझाबेथ ओल्सन हिची सॉरी फॉर युअर लॉस ही फेसबुक वॉच वरील पहिली मालिका असेल. बियर ग्रिल्सची फेस द वाईल्ड नावाची मालिका उपलब्ध होत आहे. यासाठी ABC, Fox News, Vice व Buzzfeed हे सुद्धा लवकरच त्यांचे व्हिडीओ कार्यक्रम उपलब्ध करून देण्याची शक्यता आहे.         

नवे व्हिडीओ पाहण्यासाठी : मनोरंजन, खेळ, बातम्या अशा क्षेत्रातील नवे व्हिडीओ लगेच पाहता येतील!
क्रिएटर मंडळींचे व्हिडीओज : तुमच्या आवडत्या क्रिएटर्सचे व्हिडीओ प्रथम पाहता येतील अशा सोयी. आपण फॉलो करत असलेल्या पेजेसची वेगळी फीड आपल्याला वर पाहता येईल.
सेव्ह केलेले व्हिडीओ एकाजागी : वॉचमध्ये आपण सेव्ह केलेले व्हिडीओ पाहू शकतो. फेसबुक वापरताना वेळ नसल्यास आपण व्हिडीओ Save करून ठेवू शकतो. (डाउनलोड नव्हे)

search terms facebook watch on demand video service launched world wide what is facebook watch

The post फेसबुक वॉच आता जगभरात उपलब्ध : फेसबुकचा नवा व्हिडिओ प्लॅटफॉर्म! appeared first on MarathiTech - मराठीटेक.