गेली कित्येक वर्षं बऱ्यापैकी सारख्याच प्रकारचं डिझाईन असणाऱ्या फेसबुकने आता नव्या रूपात आपली वेबसाइट सादर केली आहे. यासोबत त्यांनी आता डेस्कटॉप वेबसाइटवर सुद्धा डार्क मोड आणला आहे. नव्या डिझाईनमध्ये डार्क मोड, वाढलेला वेग, गोष्टी पाहण्यासाठी सोपं सुटसुटीत डिझाईन आणत आहोत आणि त्यासाठी आम्हाला तुमचा अभिप्राय हवा आहे असं फेसबुकतर्फे सांगण्यात येत आहे. नवं डिझाईन सरसकट सर्वांना लागू करण्यात आलेलं नाही मात्र जर तुम्हाला हवं असेल तर तुम्ही आता लगेच ते वापरुन पाहू शकता.

अपडेट 11-05-2020 : फेसबुक डेस्कटॉप वेबसाइटवरील डार्क मोड आणि नवं डिझाईन आता सर्वांसाठी उपलब्ध झालं आहे.

How to get new Facebook Design and Dark mode on Desktop Website 2020?

उजव्या कोपऱ्यात दिसणाऱ्या उलट्या बाणावर (🔽) क्लिक करा आणि समोर आलेल्या पर्यायात Switch to New Facebook हा नवा पर्याय दिसेल त्यावर क्लिक करा आणि काही सेकंदात नव्या रुपातलं फेसबुक लोड झालेलं दिसेल. तुम्हाला डार्क मोड हवा असेल तर पुन्हा त्या कोपऱ्यातल्या बाणावर क्लिक करा आणि Dark Mode डार्क मोड स्विच उजवीकडे सरकवा डार्क मोड सुरू झालेला दिसेल!

गेले अनेक दिवस याची चाचणी सुरू होती. अजूनही यामध्ये सर्व पर्याय नव्या रूपात दिसत नाहीत. काही पर्यायांसमोर तसं सांगितलं जात आहे. सध्यातरी हा नवा लूक पूर्ण वेबसाइटवर लावण्यात आलेला नाही. यूजर्सना तसा जुन्या डिझाईनकडे परत जाण्याचाही पर्याय ठेवण्यात आला आहे. जो आपण परत कधीही वापरुन नवं किंवा जुनं डिझाईन कधीही बदलून वापरू शकता.

फेसबुकने याआआधी इंस्टाग्राम, फेसबुक अॅप, व्हॉट्सअॅप या त्यांच्या सेवांमध्ये डार्क मोड उपलब्ध करून दिलेला आहे. आता सर्व प्रमुख वेबसाइट्स व अॅप्सवर डार्क मोड उपलब्ध असून याचा वापर नक्की करा जेणेकरून तुमच्या डोळ्यांना होणारा त्रास किंवा त्यांवर पडणारा ताण कमी होईल आणि बॅटरी सुद्धा वाचेल!

The post फेसबुकची डेस्कटॉप वेबसाईट आता नव्या रूपात डार्क मोडसह! appeared first on MarathiTech - मराठीटेक.

व्हॉट्सअॅप या लोकप्रिय मेसेजिंग अॅपवर आता डार्क मोड देण्यात आला असून अँड्रॉइड व iOS अशा दोन्ही प्लॅटफॉर्मवरील यूजर्ससाठी उपलब्ध झाला आहे. गेले काही महीने याची चाचणी सुरू होती. अनेक महीने यूजर्स याची मागणी करत होते. इतर अॅप्सच्या मानाने व्हॉट्सअॅपचा वापर जास्त असल्याने डोळ्यांना जास्त त्रास व्हायचा. डिस्प्लेवरील प्रखर लाइटमुळे डोळ्यांवर पडणारा ताण आता डार्क मोडमुळे कमी होईल. या मोड मध्ये काळा, करडा असे गडद रंग वापरुन डिझाईन केलेलं आहे. यासाठी आधी तुम्हाला व्हॉट्सअॅप प्ले स्टोअर/अॅप स्टोअरमधून अपडेट करून घ्यावं लागेल.

व्हॉट्सअॅपवर डार्क मोड सुरू करण्यासाठी व्हॉट्सअॅपमध्ये Settings > Chats > Theme > select ‘Dark’ असा बदल करा.

व्हॉट्सअॅप OLED डिस्प्ले साठी खास पूर्ण काळ्या रंगात असणारा आणखी एक मोड आणण्याची शक्यता होती मात्र सध्यातरी तो पर्याय आलेला नाही.

डार्क मोड मुळे नेहमीच्या अंगवळणी पडलेल्या WhatsApp वापरास एक फ्रेश लुक मिळाला आहे. कमी प्रकाश असणाऱ्या ठिकाणी डोळ्यावर कमी ताण पडावा यादृष्टीने याची निर्मिती केली आहे. आणि अंधाऱ्या खोलीत तुमच्या फोनचा प्रखर लाईट चालू झाल्याने जी पंचाईत होते ती आता टळू शकेल असे आम्हाला वाटते. – WhatsApp अधिकृत पोस्ट

मराठीटेकतर्फे आम्ही एक आवाहन करत आहोत की जिथे शक्य असेल तिथे आपल्या फोन/लॅपटॉप मध्ये डार्क मोडचा वापर करा.

विंडोज १०, अँड्रॉइड, iOS अशा सर्व प्रमुख ऑपरेटिंग सिस्टममध्ये डार्क मोड देण्यात आला आहे. शिवाय गूगल, इंस्टाग्राम, क्रोम, यूट्यूब, फेसबुक अशा सर्व प्रमुख अॅप्समध्येही आता डार्क मोड उपलब्ध आहे. डार्क मोडमुळे डोळ्यांना सतत स्क्रीनपुढे राहिल्यामुळे होणारा त्रास बराच कमी होतो. शिवाय काही डिस्प्लेवर तर बॅटरीची सुद्धा बचत होते.

व्हॉट्सअॅप मराठीतसुद्धा वापरता येतं : अधिक माहिती : http://bit.ly/2Tj6JrN

Search Terms : Dark mode for WhatsApp now available for all iOS and Android Users How to enable dark mode on whatsapp

The post व्हॉट्सअॅपवरील डार्कमोड आता सर्वांसाठी उपलब्ध! appeared first on MarathiTech - मराठीटेक.

गेले काही दिवस इंस्टाग्रामवर अनेक नव्या फीचर्सची जोड दिली जात असून आज आता अनेक महीने न बदललेल्या स्टोरीज मधील कॅमेराचं डिझाईन बदलण्यात आलं आहे. या नव्या कॅमेरा डिझाईनमुळे इफेक्टस आणि फिल्टर्स सहज वापरता येतील असं इंस्टाग्राम प्रमुख Adam Mosseri यांनी सांगितलं आहे. क्रिएट मोडमध्ये स्टीकर्समधील पर्याय वापरता येणार असून यासाठी आधी फोटो काढलेला नसला तरी चालेल. याद्वारे आपण आपल्या स्टोरीच्या बॅकग्राउंडसाठी GIF अॅनिमेशनचाही वापर करू शकाल.

मराठीटेकला इंस्टाग्रामवर फॉलो करा : https://www.instagram.com/marathitech

सध्या अनेक अॅप्सचा डार्क मोड उपलब्ध करून देण्याचा ट्रेंड आता इंस्टाग्रामवरही पाहायला मिळेल. पांढऱ्या रंगातील मेन्यू, इंटरफेसमुळे डोळ्यांना होणार त्रास लक्षात घेत आता डेव्हलपर्स आवर्जून डार्क मोडचा समावेश करत आहेत. यामुळे काही प्रमाणात बॅटरीसुद्धा वाचते. या डार्क मोडला यूजर्सचाही मोठा प्रतिसाद लाभत आहे. आता याची गरज होती ती इंस्टाग्रामला आणि सरतेशेवटी कालपासून इंस्टाग्रामवर डार्क मोड उपलब्ध झाला आहे. सध्यातरी हा डार्क मोड Android 10 आणि iOS 13 वापरणाऱ्यांनाच पाहता येईल. येत्या काळात आणखी फोन्सना ही सोय उपलब्ध करून दिली जाईल. यासाठी System wide डार्क मोड सुरू केलेला हवा आहे जो तुम्ही Settings > Display मध्ये जाऊन सुरू करू शकाल.

याशिवाय आणखी एक विशेष बदल इंस्टाग्रामवर पाहायला मिळेल तो म्हणजे यापुढे Following Tab दिसणार नाही. या टॅबमध्ये आपण फॉलो करत असलेल्या यूजर्सने कुठे कमेंट केली, कोणता फोटो लाइक केला की लगेचच पाहता येत होतं. मात्र याचा गैरवापर होत असल्याचं लक्षात आलं आहे. सर्वच यूजर्सना त्यांची इंस्टाग्राम अॅक्टिविटी इतराना समजत आहे याची माहिती नव्हती म्हणून हे फीचर काढणं योग्य ठरेल असं इंस्टाग्रामकडून सांगण्यात आलं आहे. ही टॅब २०११ मध्ये उपलब्ध करून देण्यात आली होती.

चारच दिवसांपूर्वी इंस्टाग्रामने थ्रेड्स नावाचं स्वतंत्र अॅप सादर केलं असून आपल्या जवळच्या मित्रांसोबत इंस्टाग्रामच्या माध्यमातून संवाद साधण्यासाठी ते सादर करण्यात आलं आहे.

The post इंस्टाग्रामवर नवं कॅमेरा डिझाईन : डार्क मोड, क्रिएट मोडचा समावेश! appeared first on MarathiTech - मराठीटेक.