Disney+ या डिज्नी या मनोरंजन क्षेत्रातील मोठ्या कंपनीच्या स्ट्रीमिंग सेवेस आजपासून भारतात सुरूवात झाली आहे. यापूर्वी जाहीर केलेल्या तारखेच्या १८ दिवस आधीच ही सेवा उपलब्ध होत आहे! भारतीय स्ट्रीमिंग सेवा हॉटस्टार यांच्यासोबत त्यांनी भागीदारी केली असून भारतात त्यांचे कार्यक्रम, चित्रपट, मालिका डिज्नी + हॉटस्टार या नावाखाली उपलब्ध होतील.
हॉटस्टारची मालकी स्टार इंडियाकडे असून स्टार इंडियाची मालकी वॉल्ट डिज्नी कंपनीकडे आहे!

डिज्नी + च्या स्वतःच्या मालिका (Originals) जसे की मॅन्डोलोरीयन, मार्व्हलचा हीरो प्रोजेक्ट आता प्रेक्षकांना भारतात पाहावयास मिळेल. यासोबत काही दिवसांपूर्वी जाहीर केलेले मार्व्हल सिनेमॅटिक युनिव्हर्समधील चित्रपट जसे की कॅप्टन अमेरिका सिव्हिल वॉर, डॉक्टर स्ट्रेंज आणि पिक्सारचे ए बग्स लाईफ, कार्स ३ नॅशनल जिओग्राफिकच्या डॉक्युमेंटरी सुद्धा उपलब्ध झाल्या आहेत. शिवाय मिकी माऊस सारखे लहान मुलांसाठीचे कार्यक्रम तर आहेतच.

हॉटस्टारच्या अॅपचा लोगो, थीम असं सर्वकाही बदलण्यात आलं असून अँड्रॉइड (प्ले स्टोअर) व iOS (अॅप स्टोअर) वर नव्या अपडेटद्वारे ही बदल पाहायला मिळतील. ही सेवा खरेतर २९ मार्च पासून उपलब्ध होत आहे असं अधिकृतरित्या सांगण्यात आलं होतं. अजूनही हॉटस्टार त्यांच्या ट्विटरवर हेच सांगत आहे मात्र प्रत्यक्षात त्यांच्या अॅपवर डिज्नी + कंटेट पाहावयास मिळतोय!
Disney+ चा कंटेट पाहण्यासाठी तुम्हाला Hotstar Premium सेवा घ्यावी लागेल. ही सेवा वर्षाला ९९९ रुपये किंवा २९९ रुपये/दरमहा या किंमतीत उपलब्ध आहे.

नेटफ्लिक्स, अॅमेझॉन प्राइम व्हिडिओ, Zee5, Voot, Hungama, ErosNow, हॉटस्टार असे बरेच पर्याय उपलब्ध असताना आता आणखी एक नवा पर्याय प्रेक्षकांना उपलब्ध झालाय. कारण प्रत्येक सेवेसाठी पैसे मोजण ग्राहकांना शक्य होणार नाहीच. आता प्रत्येकजण स्वतःची सेवा समोर आणण्याच्याच प्रयत्नात दिसत आहे. या गर्दीत कोण यशस्वी होत जाईल ते दिसेलच.

अपडेट 02/04/2020 : डिज्नी प्लसच्या भारतीय किंमती आता अधिकृतरित्या जाहीर करण्यात आल्या असून ही सेवा उद्या म्हणजे ३ एप्रिलपासून भारतात सुरू होत आहे.
सध्याच्या हॉटस्टार ग्राहकांना नव्या प्लॅन्समध्ये समाविष्ट केलं जाईल. त्यांचा सध्याचा प्लॅन संपेपर्यंत कोणतेही अतिरिक्त पैसे द्यावे लागणार नाहीत. प्लॅन्स संपल्यावर renew करताना नव्या किंमतीनुसार पैसे द्यावे लागतील

डिज्नी+ हॉटस्टारच्या नव्या ग्राहकांना खालील प्रमाणे पैसे द्यावे लागतील.
Basic Tier : मोफत मात्र जाहिरातीसह
VIP प्लॅन : वार्षिक ३९९ : लाईव्ह स्पोर्ट्स, भारतीय टीव्ही मालिका, भारतीय चित्रपट, हॉटस्टारचे स्वतःचे शो
Premium प्लॅन : वार्षिक १४९९ : लाईव्ह स्पोर्ट्स, भारतीय टीव्ही मालिका, भारतीय चित्रपट, हॉटस्टारचे स्वतःचे शो + अमेरिकन टीव्ही मालिका, डिज्नी+ चित्रपट व मालिका, हॉलीवुड चित्रपट

डिज्नी + वर सुरू असलेले / उपलब्ध कार्यक्रम

Diary of a Future President: Season 1, ongoing
Disney Family Sundays: Season 1, ongoing
Disney’s Fairy Tale Weddings: Season 2, ongoing
Encore!: Season 1
Forky Asks a Question: Season 1
High School Musical: The Musical: The Series: Season 1
The Imagineering Story: Limited Series
Lady and the Tramp (2019)
Lamp Life
The Mandalorian: Season 1
Marvel’s Hero Project: Season 1, ongoing
Noelle
One Day at Disney
One Day at Disney: Season 1, ongoing
Pick of the Litter: Season 1
Pixar in Real Life: Season 1, ongoing
Shop Class: Season 1, ongoing
Short Circuit: Season 1
SparkShorts: Season 1
Timmy Failure: Mistakes Were Made
Togo
The World According to Jeff Goldblum: Season 1

यादी संदर्भ : Disney + Hotstar App

सर्व स्ट्रीमिंग सेवांवरील उपलब्ध चित्रपट/मालिकांची अद्ययावत माहिती मिळवण्यासाठी जस्टवॉच उत्तम वेबसाइट आहे : justwatch.com/in/provider/hotstar-disney

The post डिज्नी+ स्ट्रीमिंग सेवा भारतात उपलब्ध : डिज्नी+ हॉटस्टारद्वारे सुरुवात! appeared first on MarathiTech - मराठीटेक.

डिज्नी (Disney) ने त्यांची बर्‍याच दिवसांपासून चर्चा सुरू असलेली स्ट्रिमिंग सेवा आज जाहीर केली असून ही सेवा १२ नोव्हेंबरपासून अमेरिकेत उपलब्ध होईल! या सेवेचं नाव डिज्नी प्लस असं असणार आहे. या सेवेची किंमत $6.99/महिना (~₹४८५) व $69.99/वर्ष (~₹४९००) अशी असेल. भारतीय बाजारात उपलब्धतता किंवा किंमतीबद्दल माहिती देण्यात आलेली नाही.

डिज्नीच्या केव्हीन मेयर यांनी कंपनीच्या या नव्या उत्पादनाची आज गुंतवणूकदारांना माहिती दिली. यावेळी Disney+ अॅप इंटरफेससुद्धा दाखवण्यात आला आहे. नेटफ्लिक्सप्रमाणेच आडव्या रांगामध्ये आपल्याला चित्रपट, मालिका यांची यादी पाहता येईल. मात्र याचं वेगळेपण म्हणजे वर आपल्याला पाच स्वतंत्र नावे असलेली जागा दिसेल ज्यामध्ये डिज्नीसोबत त्यांच्याच पिक्सार, मार्व्हल, स्टार वॉर्स व नॅशनल जिओग्राफिक यांना स्थान दिलेलं असेल. त्यानुसार ज्या त्या franchise चा चित्रपट/मालिका आपण सहज पाहू शकू…

डिज्नी प्लसची सेवा जवळपास सर्वच उपकरणांवर उपलब्ध होत असून स्मार्ट टीव्ही, वेब ब्राऊजर, टॅब्लेट्स, स्मार्टफोन्स, गेम कॉन्सोल्स, क्रोमकास्ट,इ अशा सर्व ठिकाणी आपण डिज्नी प्लस सेवा स्ट्रिम करू शकणार आहोत.

Disney+ च्या सभासदांना प्रोफाइल्स जोडता येणार असून त्यानुसार घरातील सर्वांना स्वतःची वेगळी प्रोफाइल देता येईल व त्यानुसार कंटेंट पाहता येईल. लहान मुलांसाठी पॅरेंटल कंट्रोल्ससुद्धा देण्यात आले आहेत. या सेवेमधील सर्व कंटेंट ऑफलाइन पाहण्यासाठी डाऊनलोड सुद्धा करता येणार आहे. 4K HDR सपोर्टेड टीव्ही असल्यास त्या प्रकारचा कंटेंट सुद्धा उपलब्ध करून देण्यात येणार आहे.

खास डिज्नी प्लससाठी नव्याने कंटेंट तयार करण्यात येणार असून याबद्दलसुद्धा माहिती देण्यात आलेली आहे. मार्व्हलसोबत फाल्कन, विंटर सोल्जर यांच्यावर आधारित मालिका, सोबत लोकी व हॉकआय यांची लाईव्ह अॅक्शन, मोंस्टर्स. इंक शो, स्टार वॉर्सची मालिका तयार करण्यात येत आहे.

गेले कित्येक महीने अनेक स्ट्रिमिंग सर्व्हिसेस/ टीव्ही चॅनल्सवरून नेहमीचा करार रद्द करण्याचे प्रकार पाहून लवकरच डिज्नी स्वतःची सेवा आणणार हे स्पष्ट होत होतं. त्यांचे स्वतःचे सर्व चित्रपट डिज्नी प्लस वर उपलब्ध होणार आहेतचं शिवाय आता 21st Century Fox च्या अधिग्रहणानंतर त्यांचेही सर्व चित्रपट/मालिका डिज्नीकडे उपलब्ध होतील!

आता नेटफ्लिक्स, अॅमेझॉन प्राइम व्हिडिओ, अॅपल यांना डिज्नीच्या मोठ्या स्पर्धेचा सामना करावा लागेल. मनोरंजन क्षेत्रात या सर्वांपेक्षा डिज्नीकडे साहजिकच फार मोठी ताकद असून अनेकांनी डिज्नी या क्षेत्रात एकाधिकारशाहीसुद्धा निर्माण करू शकेल अशी भीती व्यक्त केली आहे. ज्या वेगाने डिज्नीने इतरांकडून चित्रपट/मालिका खेचून घेतल्या आहेत त्यावरून त्यामध्ये तथ्य सुद्धा असू शकेल. ही सेवा आधीच उपलब्ध सेवांसमोर कशा प्रकारे चालेल हे येणार्‍या काळात कळेलच…

Search Terms : Disney+ streaming service launched to be available from November

The post डिज्नी प्लस : बहुचर्चित स्ट्रिमिंग सेवा सादर : नोव्हेंबरपासून उपलब्ध! appeared first on MarathiTech - मराठीटेक.