भारत सरकारच्या टेलीकॉम रेग्युलेटरी अथॉरिटी ऑफ इंडिया (ट्राय) ने काही दिवसांपूर्वी एक ॲप आणलं असून याद्वारे डीटीएच व केबल ग्राहकांना वाहिन्या निवडणं सोपं होणार आहे. या ॲपचं नाव TRAI Channel Selector असं आहे. यामुळे तुम्ही तुमच्या पॅकेजमधील वाहिन्यांची निवड करू शकता, वाहिन्या काढून टाकू शकता. हे ॲप अँड्रॉइड व iOS वर उपलब्ध आहे.

TRAI Channel Selector on Google Play : https://bit.ly/384Ue94
TRAI Channel Selector on App Store : https://apple.co/2VqHOTF

ग्राहकांना योग्य पॅकेजची निवड करणं अवघड होत असल्याचं दिसून आल्यामुळे हे ॲप उपलब्ध करून देण्यात येत असल्याचं ट्राय तर्फे सांगण्यात आलं आहे. यामुळे पॅकेज किंवा बुके निवडणं त्यामधील चॅनल्स निवडणं शक्य असल्यामुळे ग्राहकांचा दर महिना खर्च काही प्रमाणात कमी होऊ शकतो.

सध्या या ॲपमध्ये टाटा स्काय, डिश टीव्ही, d2h आणि एयरटेल टीव्ही यांच्यासोबत हॅथवे, सिटी नेटवर्क, इन डिजिटल आणि एशियानेट यांचाच सहभाग आहे इतर ऑपरेटर लवकरच सहभागी होतील.

The post ट्राय चॅनल सिलेक्टर : डीटीएच व केबल ग्राहकांसाठी ॲप ! appeared first on MarathiTech - मराठीटेक.

जिओ फायबर सेवा काल रिलायन्स AGM (वार्षिक सर्वसाधारण सभा) मध्ये जाहीर झाली असून ही सेवा आता ५ सप्टेंबरपासून सर्वांसाठी उपलब्ध होईल. यावेळी श्री मुकेश अंबानी यांच्यातर्फे अशीही माहिती जाहीर करण्यात आली आहे की जिओ सध्या भारतातली सर्वात मोठी टेलीकॉम कंपनी बनली आहे.

जिओ फायबर ही एक FTTH (फायबर टू द होम) सेवा असून घरगुती ब्रॉडब्रॅंडसाठी ही उपलब्ध होणार आहे. याची चाचणी जवळपास वर्षभर सुरू असून आता ५ सप्टेंबरपासून सर्व यूजर्ससाठी ही उपलब्ध होईल.

जिओ फायबर होम ब्रॉडब्रॅंड किंमती आणि सुविधा

Jio Fiber द्वारे ग्राहकांना तब्बल 1Gbps पर्यंत इंटरनेट स्पीड मिळेल. बेस प्लॅन 100Mbps पासून सुरू होत असून यांच्या किंमती दरमहा ७०० रुपयांपासून सुरू होऊन १०००० रुपये पर्यंत अशा आहेत. Jio Fiber Welcome Offer मार्फत जे ग्राहक जिओ फायबरचा वार्षिक प्लॅन निवडतील त्यांना एचडी/4K टीव्ही आणि Jio 4K Set Top Box चक्क मोफत मिळेल.

जिओ फायबरसोबत अनेक ओव्हर द टॉप प्लॅटफॉर्म जसे की इरोस नाऊ, व्हूट, अल्ट बालाजी उपलब्ध होणार आहेत. जिओच्या सेट टॉप बॉक्सवर अनेकांना सोबत गहजेउण जिओ व्हिडिओ कॉन्फ्रेंस कॉलसुद्धा करता येईल

जिओ एक प्रीमियम मेंबरशिप सुद्धा आणत असून ज्याद्वारे ग्राहक एखादा चित्रपट ज्यादिवशी थिएटरमध्ये प्रदर्शित होईल त्याच दिवशी घरी पाहता येण्याची सोय देणार आहेत! ही सेवा २०२० च्या मध्यात सुरू होईल.

जिओच्या ब्रॉडब्रॅंडसोबत अमर्याद कॉलिंग सेवा दिली जाणार आहे. ती सुद्धा मोफतच! Jio Fiber Landline द्वारे ही सेवा पुरवली जाईल. 4K सेट टॉप बॉक्सद्वारे DTH क्षेत्रातसुद्धा जिओ आता प्रवेश करत असून यामुळे नव्या प्रकारचा अनुभव मिळेल अशी आशा त्यांच्यातर्फे व्यक्त करण्यात आली आहे.

या सेट टॉप बॉक्सद्वारेच गेमिंग कॉन्सोल प्रमाणे गेमिंगसुद्धा करता येणार आहे. यासाठी त्यांनी मायक्रोसॉफ्ट स्टुडिओ, टेनसेंट गेमिंग, राएट गेम्स, गेमलॉफ्ट, इ सोबत भागीदारी केली आहे. सोबत जिओ मिक्स्ड रिअॅलिटी हेडसेट Jio Holoboard सुद्धा आणत असून याद्वारे शॉपिंग, शिक्षण, मनोरंजन यासाठी आभासी जगात फिरत कपडे घालून पाहणे, सौरमंडलाचा घरबसल्या अभ्यास करणे अशा गोष्टी करता येतील. जिओने मायक्रोसॉफ्टसोबत क्लाऊड सेवांबाबतही करार केला असून यामुळे मायक्रोसॉफ्ट अझुर क्लाऊड सेवा भारतात स्वस्त व सहज उपलब्ध होतील.

The post रिलायन्स जिओ फायबर सेवा सादर : 1Gbps पर्यंत इंटरनेट स्पीड! appeared first on MarathiTech - मराठीटेक.

टेलिकॉम रेग्युलेटरी अथॉरिटी ऑफ इंडिया (ट्राय-TRAI) ने अलीकडेच नवा नियम काढला आहे ज्याद्वारे टीव्ही चॅनल्स, त्यांचे पॅक्स आणि त्यांच्या किंमतींच नियमन करण्यात आलेलं आहे. या नव्या नियमांनुसार ग्राहकांना त्यांना पहायच्या असलेल्या वाहिन्यांचेच पैसे द्यायचे आहेत.
या नव्या नियमानुसार वाहिन्या निवडणं सोपं व्हावं या उद्देशाने ट्रायनेच एक वेबसाईट सादर केली आहे!

Channel Selector Application https://channel.trai.gov.in

हे नवे बदल ग्राहकांना समोर ठेऊन करण्यात आलेले असले तरी त्यांना या नव्या नियमानुसार प्लॅन्स घ्यायला लावणं अधिक अवघड काम आहे. नव्या सिस्टीममध्ये जाण्याचं प्रमाण अगदीच नगण्य असल्याचं सध्यातरी दिसून येत आहे. अर्थात हे साहजिकच असून नवी सिस्टीम अवलंबण्यासाठी ग्राहकांनाच बऱ्यापैकी त्रास सोसावा लागेल.
वरवर सोपं वाटत असलेलं चॅनल निवडीचं काम वाटतं तेव्हढं सोपं नाही. निवडताना ठराविक मर्यादेच्या वर वाहिन्या गेल्यावर अनेकांना असं लक्षात येत आहे कि आपण आधीच्या प्लॅन्सनुसारच कमी पैसे देऊन अधिक वाहिन्या पाहत होतो आणि आता त्याच वाहिन्या पाहण्यासाठी अधिक पैसे द्यावे लागतील या विचाराने बरेच जण याकडे वळण्यास तयार नाहीत. उर्वरित देशात याबाबत काहीच माहिती नसलेल्यांचं प्रमाण फारच मोठं असणार आहे.
या नव्या सिस्टीममध्ये जाण्यास ३१ जानेवारी पर्यंत मुदत केबल, DTH कंपन्यांना देण्यात आली आहे.

चॅनल्स निवडण्यासाठी काही लिंक्स :
Videocon D2h : https://www.d2h.com/my-account/manage-pack.html
Airtel Digital TV : https://www.airtel.in/digital-tv/consumercorner
Tata Sky : https://www.tataplay.com/explore/set-top-boxes-packs/dth-packages

अधिक माहितीसाठी आमच्या यापूर्वीचा लेख वाचा
ट्रायचे डीटीएच, केबल ऑपरेटर्स व ग्राहकांसाठी नवे नियम goo.gl/QVTzhB

The post टीव्ही वाहिन्यांच्या निवडीसाठी ट्रायची नवी वेबसाइट! appeared first on MarathiTech - मराठीटेक.

ट्राय या सरकारी संस्थेने डीटीएच व केबल ऑपरेटर्ससाठी नवे नियम लागू केले असून यामुळे आपल्या दैनंदिन आयुष्यात महत्वाच्या असणार्‍या टीव्ही वाहिन्या पाहण्यात कोणते बदल होतील याविषयी थोडक्यात माहिती…

ट्रायच्या नव्या फ्रेमवर्कद्वारे ग्राहकांना निवडीच स्वातंत्र्य मिळेल आणि कोणत्या वाहिन्या पहायच्या, दरमहा किती पैसे द्यायचे यावर थेट नियंत्रण मिळेल! यामुळे डीटीएच (उदा. एयरटेल,व्हिडिओकॉन d2H, डिश टीव्ही), केबल टीव्ही (सिटी, डेन, हॅथवे, इ.) सेवांच्या ग्राहकांना विशिष्ट चॅनल्सची निवड करावी लागणार आहे.

ट्रायच्या नव्या नियमांनुसार ग्राहकांना एक बेस पॅक दिला जाईल ज्यामध्ये १०० वाहिन्या असतील आणि त्यासाठी १३० रु + टॅक्स असे एकूण जवळपास १५० रुपये द्यावे लागतील. या १०० वाहिन्यात २६ वाहिन्या दूरदर्शनच्या असतील! ५०० वाहिन्या निवडीसाठी उपलब्ध असतील. बेस पॅकमध्ये येणार्‍या ७४ चॅनल्सची निवड करणं बंधनकारक करण्यात आलं असून या फ्री टू एयरपैकी कोणतेही चॅनल्स आपण निवडू शकता. या निवडीसाठी ३१ जानेवारी २०१९ ची मुदत सध्यातरी देण्यात आली आहे. मात्र या मुदतीनंतर काय होईल याबद्दल कोणतीही माहिती प्रसिद्ध करण्यात आलेली नाही. शक्यतो ही मुदत वाढवण्यात येईलच कारण या बदलाबद्दल ग्राहकांना माहिती नाहीय किंवा याबद्दल ते पूर्णतः अनभिज्ञ आहेत.

काही वाहिन्याचे नेटवर्क्स (उदा. स्टार, झी, सोनी) जाहिरातींद्वारे त्यांचे पॅक घेण्याबद्दल आवाहन करत आहेत जे बेस पॅकच्या वर जोडावे लागतील. समजा तुम्हाला बेस पॅकवर झी नेटवर्कच्या वाहिन्या (उदा. झी मराठी, झी टीव्ही, झी युवा) घ्यायच्या असतील तर बेस पॅक + झी नेटवर्क पॅक/बुकेचे ₹३० असे ₹१३० + ₹३० + GST असे पैसे द्यावे लागतील.

1. बेस पॅक : याची किंमत ₹ १३० + टॅक्स अशी असेल हा पॅक घेणं सर्वांना अनिवार्य असेल. यामध्ये २६ फ्री टू एयर चॅनल्स ( उदा. दूरदर्शन, सह्याद्री) आणि ७४ इतर चॅनल्सचा समावेश असेल. हे ७४ चॅनल्स आपल्याला आवडीनुसार निवडायचे आहेत. लिस्टमध्ये उपलब्ध वाहिन्यांचा समावेश असू शकेल.
2. बेस पॅकची ही एकूण २६+७४=१०० चॅनल्सची मर्यादा वाढवायची असेल तर २० चॅनल्ससाठी ₹ २५ रुपये द्यावे लागतील.
3. बेस पॅकवर अधिक चॅनल्स हवे असतील तर प्रत्येक चॅनलचे स्वतंत्र पैसे द्यावे लागतील किंवा नेटवर्क्सनी जाहीर केलेले खास पॅक/बुके घ्यावे लागतील (उदा स्टार मराठी पॅक ४९ रुपये) याला BOUQUET (बुके) म्हटलं जाईल (काही डीटीएच कंपन्या याला a-la-carte सुद्धा म्हणतात)
4. विविध कंपन्या त्यांचे स्वतःचे BOUQUET (बुके) जाहीर करत आहेत. उदा. झी, स्टार इंडिया, डिज्नी, टाइम्स नेटवर्क, सोनी, एबीपी, टीव्ही टूडे, इ.) या BOUQUET
   (बुके)ची यादी इथे पहा
5. उदा. तुम्हाला झी नेटवर्कच्या सर्व मराठी वाहिन्या पहायच्या आहेत तर तुम्हाला बेस पॅक +
   Zee Family Pack Marathi SD बुके घ्यावा लागेल. ज्याची किंमत बुके यादी मध्ये ₹६० दिलेली आहे. त्यानुसार १३०+६०+GST असे पैसे द्यावे लागतील.
6. तुमच्या आवडीची वाहिनी कोणत्याच बुकेमध्ये नसेल तर त्या वाहिनीसाठी स्वतंत्र पैसे द्यावे लागतील. यासाठी प्रत्येक चॅनलची किंमत येथे उपलब्ध (बुकेशिवाय स्वतंत्र वाहिनी हवी असेल तरी हाच पर्याय लागू होईल)

अधिकृत माहितीसाठी लिंक
Tariff Information Framework on Broadcasting & Cable Service

याबाबत माहितीसाठी तुम्हाला तुमच्या केबल ऑपरेटर किंवा डीटीएच प्रोव्हायडरशी संपर्क साधावा लागेल. डीटीएच बाबत तुम्ही तुमच्या प्रोव्हायडरच्या वेबसाइटवर माहिती पाहू शकता. अशा प्रकारे तुम्ही चॅनल निवडीची माहिती त्यांना देऊन त्यानुसार बदल करून घेऊ शकता…

• Airtel : Airtel Digital TV Packs
• Videocon : Videocon d2H Plans
• DishTV : DishTV Plans TV Channels

काही डीटीएच कंपन्या कॉम्बो पॅक सादर करत आहेत जसे की स्पोर्ट्स पॅक, मराठी वाहिन्या पॅक ज्यामध्ये ठराविक चॅनल्स जोडलेले असतील आणि त्यांचेच पैसे देऊन आपण आवडत्या वाहिन्या पाहू शकाल…

३१ जानेवारी नंतरही चॅनल्स निवडले नाहीत तर टीव्ही बंद पडणार नाहीये. मात्र ट्रायने लवकरात लवकर चॅनल्सच्या निवडी पूर्ण कराव्यात असं आवाहन केलं आहे.

स्टार इंडिया मराठी बुके खालील प्रमाणे : (उदा. स्टार प्रवाह)
▸Marathi Value SD / Value HD
▸Marathi Premium SD / Premium HD
TV 18 इंडिया मराठी बुके खालील प्रमाणे : (उदा. कलर्स मराठी)
▸Maharashtra budget SD / HD
▸Maharashtra value SD / HD
▸Maharashtra Family SD / HD
Sony Networks India मराठी बुके खालील प्रमाणे : (उदा. सोनी मराठी)
▸Happy India
झी नेटवर्क मराठी बुके खालील प्रमाणे : (उदा. झी मराठी)
▸Zee Family Pack Marathi SD / HD
▸Zee All-in-1 Pack Marathi SD / HD
ABP News मराठी बुके खालील प्रमाणे : (उदा. एबीपी माझा)
▸ANN-1

The post ट्रायचे डीटीएच, केबल ऑपरेटर्स व ग्राहकांसाठी नवे नियम appeared first on MarathiTech - मराठीटेक.