फ्लिपकार्टने काही दिवसांपूर्वीच ईबे इंडियाचं अधिग्रहण पूर्ण करून त्यांची वेबसाइट बंद करत लवकरच एक नवा प्लॅटफॉर्म आणत असल्याच जाहीर केलं होतं. तर त्यानुसार काल 2GUD.com ही नवी वेबसाइट सुरू करण्यात आली आहे. यावर आता रिफर्बिश्ड वस्तू जसे की स्मार्टफोन्स, टॅब्लेट्स, लॅपटॉप्स, इ. मिळतील.
लवकरच इतर प्रकारच्या वस्तूसुद्धा उपलब्ध होतील असं सांगण्यात आलं आहे. सध्या 2GUD ची वेबसाइट केवळ फोनवर किंवा अॅपद्वारेच वापरता येईल.   

Refurbished products म्हणजे काय ? : एखाद्या ग्राहकाने वापरलेल्या किंवा बॉक्समधून उघडलेल्या वस्तु काही दोष असल्यास परत/ Return केल्या जातात. त्यामधील दोष कंपनीमार्फत दूर करून चाचण्या करून वॉरंटीसह विकल्या जाणार्‍या वस्तूंना रिफर्बिश्ड प्रोडक्टस म्हटलं जातं!

वॉलमार्टच्या अधिपत्याखाली असलेल्या फ्लिपकार्टने 2GUD (टूगुड) वेबसाइटवरील रिफर्बिश्ड वस्तू अनेक चाचण्या करून वॉरंटी सर्टीफाय केलेल्या आहेत आणि विश्वासू आहेत असं सांगितलं! त्यांच्यातर्फे विकल्या
जाणार्‍या वस्तूंवर ३ ते १२ महीने वॉरंटी मिळेल.

१४ ऑगस्ट रोजी बंद झालेल्या eBay India चा अनुभव वापरुन जुन्या वस्तू विकण्यात येतील असं सीईओ कृष्णमूर्ती यांनी सांगितलं. फ्लिपकार्टचा सर्विस अनुभव यासाठी वापरला जाईल जो ग्राहकांना फायदेशीर ठरेल आणि उत्तम गुणवत्तेच्या वस्तू योग्य दरात मिळतील असही फ्लिपकार्टकडून सांगण्यात आलं आहे.

रिफर्बिश्ड वस्तू कशा प्रोसेस केल्या जातील याबद्दल व्हिडिओ : https://youtu.be/gHoUdmfk32I

भारतात सध्या GreenDust, Amazon सारख्या वेबसाइटवर सुद्धा वापरलेल्या वस्तू विकत घेता येतात.

search terms Flipkart shutting down eBay India launch new platform for selling refurbished goods

फ्लिपकार्ट ह्या भारतातल्या सर्वात मोठ्या ऑनलाइन शॉपिंग वेबसाइटने एक स्पर्धक इबे इंडिया (eBay) विकत घेतलं असून eBay या आंतरराष्ट्रीय कंपनीचा भारतातला कारभार आता फ्लिपकार्टकडे सोपवला जाणार आहे.
सोबतच फ्लिपकार्टने मायक्रोसॉफ्ट, Tencent आणि eBay यांच्या गुंतवणूकीच्या सहाय्याने तब्बल १४० कोटी डॉलर्स भांडवल उभारलं आहे. भारताच्या आजपर्यंतच्या इतिहासात उद्योगासाठी उभारलेलं हे सर्वात मोठं भांडवल आहे!
• मायक्रोसॉफ्ट तर आपणा सर्वांच्या परिचयाची सॉफ्टवेअर कंपनी आहे. काही महिन्यांपूर्वी सीईओ सत्या नाडेला आणि फ्लिपकार्ट सीईओ सचिन बन्सल यांची भेट झाली होती.
• Tencent ही चीन देशातील मोठी कंपनी असून भारत व जगातील बऱ्याच सॉफ्टवेअर कंपन्यामध्ये त्यांनी गुंतवणूक केली आहे. या कंपनीने यापूर्वी SuperCell क्लॅश ऑफ क्लॅन्स, टेस्ला मोटर्स, WeChat, Hike मध्ये काही भाग अशा मोठमोठ्या गुंतवणुकी केल्या आहेत!
• eBay इबे ही जगातील आघाडीची ऑनलाईन शॉपिंग कंपनी असून त्यांनी फक्त भारतातील कारभार फ्लिपकार्टला विकला आहे. इबे इंडिया फ्लिपकार्टला विकून त्यांनी स्वतः पुन्हा फ्लिपकार्टमध्येच गुंतवणूकसुद्धा केली आहे!

फ्लिपकार्टने याआधी २०१५ साली भांडवल उभारलं होतं. सध्या Tiger Global Management, Naspers Group, Accel Partners and DST Global अशी मोठी नावं फ्लिपकार्टचे गुंतवणूकदार आहेत!  २००७ साली फ्लिपकार्टची सुरुवात सचिन बन्सल व बिन्नी बन्सल यांनी केली होती.

इबेचा व्यवहार : ebay.in ची मालकी फ्लिपकार्टला 50 कोटी डॉलर्सना विकली असून eBay च्या आंतरराष्ट्रीय वस्तू फ्लिपकार्टवर तर फ्लिपकार्टवरील eBay वर उपलब्ध होतील. हा करार वर्षाच्या शेवटी पूर्ण होईल.
आता फ्लिपकार्टचं मूल्यांकन 1120 कोटी डॉलर्सवर पोचलं आहे! फ्लिपकार्टने यापूर्वी Jabong, ngpay, फोनपे, myntra, LetsBuy या कंपन्यांचं विकत घेऊन अधिग्रहण केलं आहे.

फ्लिपकार्ट संस्थापक सचिन बन्सल आणि बिन्नी बन्सल

 या बद्दल फ्लिपकार्ट सीईओ सचिन बन्सल यांचं ट्विट

Fantastic fusion of synergies!Tencent @eBay @Microsoft & @Flipkart! Giant leap for Indian ecommerce https://t.co/tNjd6phftC #FlipkartBigWin

— Sachin Bansal (@_sachinbansal) April 10, 2017

आश्चर्याची गोष्ट म्हणजे eBay चा स्नॅपडीलमध्ये सुद्धा हिस्सा आहे. फ्लिपकार्ट लवकरच स्नॅपडीलसुद्धा विकत घेणार असल्याची शक्यता आहे!  यामुळे इथून पुढे फ्लिपकार्टची प्रमुख स्पर्धा फक्त अॅमॅझॉनसोबतच असेल.  

• Snapdeal Diwali Offers

आणखी ऑफर्स त्या त्या साइटवर जाऊन, त्यांच्या फेसबुक पेजवर जाऊन पाहता येतील!

काही सूचना :

• जरी या साइटवर या काळात किंमती कमी केल्या आहेत असं वाटत असेल तरी थोडीफार इकडेतिकडे शोधाशोध करूनच वस्तु विकत घ्या कारण या काळात किंमत वाढवून त्यावर सूट देण्याची घाणेरडी सवय कंपन्यांना आहे. यापूर्वी अशी प्रकरणे घडली आहेत. 
• तसेच डेलिवेरीबाबत म्हणायचे तर या काळात विक्री खूप मोठ्या प्रमाणात होत असल्याने वस्तु वेळेवर डीलिव्हर होण्याची शक्यता कमी असते. 
• Payment साठी उपलब्ध असणारे पर्याय Debit Card,Credit Card,NetBanking,Cash On Delivery काळजीपूर्वक निवडा!

हातात स्मार्टफोन आला आणि कुठलीही कामं एका क्लिकवर होऊ लागली. कडक उन्हाळ्याच्या या दिवसांत तर बहुतेकांनी , दुकानांमध्ये जाऊन घामाघूम होत खरेदी करण्यापेक्षा ऑनलाइन शॉपिंगलाच पसंती दिली आहे. 

आपल्या हातात स्मार्टफोन आल्यापासून आपली अनेक कामं सोपी झाली आहेत. खूप लोक आपलं शॉपिंगही या स्मार्टफोनच्याच माध्यमातून करू लागली आहेत. मोबाइलवर फक्त एक क्लिक करून , आपल्या घरात आपल्याला पाहिजे ती वस्तू मिळत असेल तर ते कोणाला नको असेल ? त्यामुळे या एम शॉपर्सच्या संख्येत कमालीची वाढ झाल्याचं दिसून येतंय. बहुतांश कंपन्यांनी देऊ केलेलं स्वस्त थ्रीजी कनेक्शन आणि परवडण्याजोगे स्मार्टफोन यामुळे त्याचा वापर वाढला आहे. सर्वांना एम शॉपिंग करणं सोयीचं वाटू लागलं आहे. 

‘ इबे इंडिया ‘ या ऑनलाइन शॉपिंग कंपनीने नुकतंच याबाबत एक सर्वेक्षण केलं होतं. त्यानुसार बहुतांश लोकांनी उन्हाळी खरेदीसाठी एमशॉपीचाच पर्याय स्वीकारला आहे. एप्रिल महिन्यात केलेल्या या सर्वेक्षणामध्ये १ ‌हजार ३४५ ग्राहकांची पाहणी करण्यात आली. यात सहभागी झालेल्यांमध्ये ९२ टक्के ग्राहक पुरुष होते. त्यापैकी ३९ टक्के ग्राहक हे १८ ते २५ वर्ष या वयोगटातले तर ३१ टक्के ग्राहक २६ ते ३० वर्ष वयोगटातले होते. त्यामुळे खरेदीचं हे माध्यम तरुणांमध्ये किती लोकप्रिय होतं , हे समजतं. यापैकी ४९ टक्के मोबाइल शॉपर्स हे भारतातल्या छोट्या शहरातले होते. म्हणजे महानगरांपेक्षा छोट्या शहरांमध्ये एम शॉपर्सचं प्रमाण अधिक आहे. 

समर मोबाइल कॉमर्स सर्व्हेमधून समोर आलेली काही ठळक वैशिष्ट्यं… 

– उन्हाची तीव्रता आणि दुकानांमधली गर्दी टाळण्यासाठी ५९ टक्के मोबाइल शॉपर्सनी आपल्या मोबाइलवरूनच वस्तूंची खरेदी करणं पसंत केलं. 

– या ग्राहकांनी सनग्लासेस (४९ टक्के) , सुती कपडे (४३ टक्के) , टीज (३६ टक्के) , शॉर्टस (३४ टक्के) आणि टोप्या (१८ टक्के) अशी खरेदी करून उन्हाळ्यात ‘ कूल ‘ राहणं पसंत केलंय. 

– मोबाइल शॉपर्समधला सर्वात आवडता रंग हा पांढरा असून ५६ टक्के ग्राहकांनी या रंगालाच पहिली पसंती दर्शवली आहे. त्यापाठोपाठ निळा (५० टक्के) , हिरवा (२२टक्के) , काळा (२० टक्के) आणि क्रीम (२० टक्के) अशी टक्केवारी आहे. 

– आपल्या कुटुंबियांसाठी आणि मित्रमैत्रिणींसाठी मोबाइल कॉमर्स शॉपर्स कपडे आणि फूटवेअर (४२ टक्के) घेणं सर्वाधिक पसंत करतात. 

– उपकरणांच्या किमतींची तुलना करणं (७२ टक्के) ही मोबाइल शॉपर्सची सर्वात लोकप्रिय अॅक्टिव्हिटी होती. 

– ४३ टक्क्यांहून अधिक ग्राहकांनी रात्रीच्या वेळी शॉपिंग साइट्सवर जाणं पसंत केलं. 

– स्टोअर किंवा मॉलमध्ये जाऊन खरेदी करण्यापूर्वी ६२ टक्के मोबाइल शॉपर्स नेहमी आपल्या फोनवरून किंमती मात्र तपासून पाहतात. 

– मोबाइल शॉपर्स आपल्या आवडत्या शॉपिंग साइट्स अॅक्सेस करण्यासाठी ब्राऊजरचा (४६ टक्के) वापर करतात. २१ टक्क्यांहून अधिक शॉपर्स आपल्या मोबाइलवर अॅप्स आणि ब्राऊजर असा दोन्हींचा वापर करतात. 

– ५७ टक्के ग्राहक थ्रीजी , ३२ टक्के टूजी तर केवळ ११ टक्के एज वापरतात. 

– सॅमसंग हा सर्वात लोकप्रिय मोबाइल उपकरण (३९ टक्के) ब्रॅण्ड असून त्यापाठोपाठ नोकिया (१६ टक्के) आणि अॅपलचा (११ टक्के) क्रमांक लागतो. त्यानंतर इतर कंपन्या येतात.

Some Sites for mobile shopping : 

1. m.flipkart.com
2. m.ebay.in