अडोबीने आपल्या प्रमुख क्रिएटिव्ह आणि प्रोडक्टिव्हिटी टूल्स Adobe Photoshop, Adobe Express आणि Adobe Acrobat यांचा ChatGPT मध्ये थेट समावेश केला आहे. या मोठ्या अपडेटमुळे ChatGPT वापरकर्त्यांना त्यांच्या प्लॅटफॉर्मवरच फोटोशॉपमधील काही सोयी वापरता येणार आहेत तेसुद्धा मोफत!

या नव्या इंटिग्रेशनमुळे बेसिक फोटो एडिटिंग, डिझाईन्स आणि डॉक्युमेंट एडिटिंग ChatGPT मध्येच करता येईल.

ChatGPT मध्ये फोटोशॉप कसं वापरायचं ?

1. ChatGPT वर जा त्यानंतर डाव्या कोपऱ्यात खाली तुमच्या प्रोफाइलवर क्लिक करून Settings मध्ये जा
2. आता आलेल्या स्क्रीनवर Apps & Connectors निवडा
3. आता Browse Apps मधून Adobe Photoshop सिलेक्ट करा
4. त्यानंतर आलेल्या स्क्रीनवरील मेसेज वाचून Connect वर क्लिक करा.
5. आता तुम्ही जिथे ChatGPT सोबत चॅट करता तिथे खाली असलेल्या + वर क्लिक करून More > Adobe Photoshop सिलेक्ट करा
6. आता तुम्हाला एडिट करायची असेल ती फाइल अपलोड करा आणि तुम्हाला हवा असलेला बदल ChatGPT ला सांगा.

Photoshop आता ChatGPT मध्ये फोटोशॉपच्या मदतीने आता तुम्ही:

• विशिष्ट फोटो भाग सुधारू शकता
• ब्राइटनेस, कॉन्ट्रास्ट, एक्सपोजर बदलू शकता
• इफेक्ट्स लावू शकता
• बॅकग्राऊंड काढून टाकू शकता.
• याचं सर्व नियंत्रण स्लायडर्ससहित ChatGPT मध्ये मिळते, ज्यामुळे एडिटिंग सोपं होईल.

ChatGPT मध्ये फोटोशॉपसाठी उपलब्ध prompts

• Blur background.
• Make my image look creative with effects
• Remove background
• Make colors more vibrant
• Pop subject
• Apply an effect or adjustment to the background
• Apply an effect or adjustment to a specific part of the image

या नवीन Adobe टूल्स सर्व ChatGPT वापरकर्त्यांसाठी पूर्णपणे मोफत उपलब्ध आहेत. Photoshop, Adobe Express आणि Acrobat ChatGPT च्या: डेस्कटॉप, वेब, iOS वर उपलब्ध आहेत. Android साठी तूर्तास फक्त Adobe Express चाच सपोर्ट आहे. Photoshop व Acrobat लवकरच Android च्या ChatGPT ॲपवर येत आहेत.

अर्थात हे पूर्ण फोटोशॉप सॉफ्टवेअर नाही. अगदी मर्यादित सोयी याद्वारे देण्यात आल्या आहेत. शिवाय आपल्याला आणखी पर्याय हवे असतील तर Adobe Photoshop Web कडे जा असा मेसेजसुद्धा दिसतो. थोडक्यात छोटं एडिटिंग व इफेक्टस् असतील तर ते याद्वारे करता येईल. त्यापेक्षा आणखी पर्याय हवे असतील तर फॉटोशॉप वेब वर जा आणि त्यापेक्षाही आणखी सोयी हव्या असतील तर नेहमीचं फोटोशॉप सॉफ्टवेअर वापरा.

अधिक माहितीसाठी संदर्भ : https://blog.adobe.com/en/publish/2025/12/10/edit-photoshop-chatgpt

The post अडोबी फोटोशॉप आता ChatGPT मध्ये उपलब्ध! appeared first on MarathiTech - मराठीटेक.

अडोबी (Adobe) ने त्यांच्या लोकप्रिय फॉटोशॉप सॉफ्टवेअरमध्ये नवी Generative Fill ची सोय आणली आहे. याद्वारे काही शब्द लिहून क्लिक केल्यास कोणत्याही फोटोमध्ये हवे तसे बदल करता येतील! ही सोय सध्या चाचणी आवृत्तीत असून लवकरच सर्वांसाठी उपलब्ध होणार आहे!

Adobe Firefly हे या कंपनीचं generative AI engine असून याच्या मदतीनेच फॉटोशॉप आता हे Generative टूल वापरू शकेल. कोणत्याही इमेजचा आपल्याला हवा तेव्हढा आकार वाढवणे, कल्पना होईल ती वस्तू जोडणे, काही मोजक्या शब्दांच्या इनपुटवर एका क्लिकने इमेजमध्ये बदल करणे शक्य होणार आहे.

अर्थात यामुळे AI आधारित टूल्सबद्दल व्यक्त होत असलेली भीती आणखी वाढतच जाईल. असं तंत्रज्ञान कोणत्याही व्यक्तीच्या हातात सहज उपलब्ध होत असल्यामुळे गैरप्रकरांमध्ये नक्कीच वाढ होईल आणि येत्या काही दिवसात हे दिसून येईलच…

The post अडोबीची फोटोशॉपमध्ये नवी सोय : Generative Fill appeared first on MarathiTech - मराठीटेक.

अडोबी फॉटोशॉप कॅमेरा हे ॲप आता सर्व अँड्रॉइड व iOS यूजर्ससाठी मोफत उपलब्ध करून देण्यात आलं आहे. गेले काही महिने याची ठराविक फोन्सवरच चाचणी सुरू होती. मात्र आता हे Adobe Photoshop Camera ॲप उपलब्ध होत आहे.

या ॲपमध्ये अडोबीच्या सेन्सई नावाच्या प्लॅटफॉर्मची जादू आहे. या AI (कृत्रिम बुद्धिमत्ता) आधारित प्लॅटफॉर्ममुळे फॉटोशॉप कॅमेरा ॲपला अनेक सुविधा उपलब्ध करून देता येत आहेत ज्या शक्यतो त्यांच्या डेस्कटॉप सॉफ्टवेअरमध्ये पाहायला मिळतात. या ॲपद्वारे तुम्ही फोटो काढू शकता, एडिट करू शकता त्यावर लेन्स अप्लाय करू शकता!

डाउनलोड लिंक :
Download Adobe Photoshop Camera from Google Play (Android)
Download Adobe Photoshop Camera from App Store (iOS)

इतर जाहिरातींनी भरलेली ॲप्स वापरण्यापेक्षा हा नक्कीच एक चांगला पर्याय म्हणता येईल. क्लाऊडवर फोटो साठवण्यासाठी मात्र या ॲपमध्ये पैसे द्यावे लागतील. काढलेला/एडिट केलेला फोटो तुम्ही तुमच्या फोनमध्ये मोफत साठवू शकाल किंवा शेयरसुद्धा करू शकाल.

फॉटोशॉप कॅमेरा ॲपमधील काही खास सुविधा :

• फिल्टर्स : Over 80 custom filters : Portrait, Studio Light, Bloom, Pop Art, Spectrum, Desync, Food, Scenery, Natural Skies, Analog, Night Shift, Comic Skies, Interstellar, Dreamcatcher, Celestial, Supersize, Double Expo, Prism, Color Echo, Mixed Media, Blue Skies, Artful, and more.
• रियल टाइम फॉटोशॉप इफेक्टस
• ऑटो टोन
• Content Aware Recommendations
• Portrait Controls

अजूनही हे ॲप प्ले स्टोअरवर काही जणांना device isn’t compatible असं दाखवत आहे. तूर्तास हे केवळ गूगल पिक्सल, सॅमसंग गॅलक्सी आणि नव्या वनप्लस फोन्सवर आधी येत असल्याचं दिसत आहे.

Search Terms : Adobe Photoshop Camera app now available for everyone to download free!

The post अडोबीचं नवं फॉटोशॉप कॅमेरा ॲप आता सर्वांसाठी मोफत उपलब्ध! appeared first on MarathiTech - मराठीटेक.

मायक्रोसॉफ्टने काही दिवसांपूर्वी RAW Image Extension उपलब्ध करून दिलं असून याद्वारे विंडोज् १० मध्ये कोणत्याही अतिरिक्त सॉफ्टवेअरशिवाय रॉ इमेजेस फोटोज/गॅलरी अॅपमध्ये पाहता येतील! यापूर्वी विविध कॅमेरा कंपनीसाठी वेगवेगळे सॉफ्टवेअर घ्यावे लागायचे किंवा अडोबीच्या टूल्सवर अवलंबून राहावं लागायचं. विंडोज १० मध्ये असलेल्या फोटोज अॅपमध्ये नेहमीच्या JPG, PNG फाइल्स प्रमाणे आता कॅननच्या crw, सोनीच्या arw, निकॉनच्या nef, अडोबीच्या dng फाइल्ससुद्धा सहज पाहता येतील!

हे एक्सटेन्शन वापरण्यासाठी आधी तुम्ही Windows 10 May 2019 अपडेट इंस्टॉल केलं असल्याची खात्री करा. त्यानंतर RAW Image Extension या लिंकवर जा आणि ते अॅप डाउनलोड करा. (किंवा तुम्ही मायक्रोसॉफ्ट स्टोअरवर जाऊन RAW Image Extension असं सर्च करू शकता.) यानंतर सर्व कोडेक्स इंस्टॉल होऊन तुम्हाला आता एक्सप्लोरर मध्ये सुद्धा रॉ इमेजेसचे प्रीव्यू दिसू लागतील. कुठल्याही RAW फोटोवर Right Click करा आणि Open With निवडून Photos वर क्लिक करा. इथून पुढे तुम्ही फोटोजमध्ये कोणत्याही कंपनीच्या रॉ फाइल्स उघडून पाहू शकाल.

RAW Format Images म्हणजे काय ?

RAW इमेज म्हणजे अशी इमेज जिच्यावर डिजिटल कॅमेराद्वारे फोटो काढल्यावर कोणतीही प्रक्रिया केलेली नसते. (शब्दशः अर्थ कच्च्या स्वरूपात) थेट सेन्सरद्वारे टिपलेला फोटो आहे असा त्या त्या कंपनीच्या खास raw फॉरमॅट मध्ये मेमरी कार्डवर साठवला जातो.

कोणत्याही कॅमेरामध्ये फोटो काढायला गेलात तर सुरुवातीला कॅमेरा ते फोटो JPG/PNG या फॉरमॅटमध्येच साठवत असतो. मात्र हे JPG/PNG फोटो कॅमेराद्वारे प्रक्रिया करून त्यामध्ये डेटा जोडून साठवलेले असतात. यांच्या डेटावर त्यानंतर फारसं नियंत्रण नसतं. मात्र जर रॉ फॉरमॅटमध्ये फोटो काढला तर त्या फोटोवर फोटो काढल्यानंतरसुद्धा आपल्याकडे पूर्ण नियंत्रण असतं. उदा. रंग, उजेड, सावल्या, प्रकाश अशा प्रत्येक गोष्टीवर आपण लाईटरूम सारखे सॉफ्टवेअर वापरून हव्या त्या प्रकारे इमेज डेव्हलप करू शकतो.

रॉ इमेजेस पाहण्यासाठी आता विंडोजने पर्याय दिलेला असला तरी आजवर Adobe Photoshop Lightroom, Capture One, Corel AfterShot Pro, Raw Studio, RawTherapee, darktable, इ. सॉफ्टवेअर्सचा वापर फोटो पाहण्यासाठी करायला लागायचा. आता हे सॉफ्टवेअर फोटो डेव्हलप करतानाच उपयोगी पडतील. आता तर कॅमेरासोबत फोन्समध्येही रॉ फॉरमॅटमध्ये फोटो काढता व पाहता येतात! फोनवर रॉ फोटो प्रोसेस करण्यासाठी Snapseed अॅप उत्तम पर्याय आहे.

RAW फॉरमॅटमध्ये फोटो काढण्याचे फायदे

• रंगांच्या अधिक छटा वापरायला येतात. JPEG मध्ये आपण 8bit रंग वापरतो तर RAW मध्ये 12/14 Bits
• फोटोची अधिक चांगली गुणवत्ता
• कॅमेराकडून गरज नसताना केलं जाणारं sharpening आणि noise reduction थांबवता येतं
• फोटोवर अधिक चांगलं नियंत्रण lightness, white balance, hue, saturation अशा गोष्टी प्रोसेस करता येतात
• इतर अनेक गोष्टी ज्यामुळे आपल्याला मूळ फोटोला नुकसान न करता हवे तसे बदल करून हव्या त्या स्वरूपाचं आउटपुट घेता येतं.

RAW फॉरमॅटमध्ये फोटो काढण्याचे तोटे

• RAW फॉरमॅटमध्ये फोटो काढताना फोटोची साईज JPEG च्या मानाने जास्त असते. एकेका फोटोलाच जवळपास २ ते ६ पट अधिक जागा लागू शकते.
• रॉ फॉरमॅटमध्ये प्रत्येक कंपनीने स्वतःच फाइल एक्सटेन्शन तयार केलं आहे त्यामुळे एक स्टँडर्ड नाहीये.
• स्टँडर्ड फाइल फॉरमॅट नसल्यामुळे प्रत्येक एक्सटेन्शनसाठी सॉफ्टवेअर सपोर्ट वेगवेगळा द्यावा लागतो.
• रॉ फोटो काढून ते प्रोसेस करून प्रत्यक्षात वापरण्यास बरंच जास्त वेळ जातो. JPEG फॉरमॅटमधील फोटो मात्र लगेच वापरण्यास तयार असतात.

search terms : what is raw photo image format in marathi pros and cons of raw Viewing Camera RAW Files Raw JPEG Difference

The post RAW फॉरमॅट इमेजेस पाहण्यासाठी विंडोज १० प्लगिन उपलब्ध! appeared first on MarathiTech - मराठीटेक.

अडोबीच्या फोटोशॉपमधल्या सर्वात भन्नाट सुविधांपैकी एक म्हणजे Content Aware Fill यामुळे आपल्या फोटोमध्ये नको असलेल्या गोष्टी एका क्लिकवर काढून टाकल्या जातात आणि त्याजागी आजूबाजूला असलेल्या गोष्टी समजून घेऊन त्यानुसार रंग दिला जातो. आता ही सोय काही मोबाइल अॅप्समध्येही पाहायला मिळते. तसे पाहायला गेलं तर ही गोष्ट फोटो हा एकेच फ्रेम असूनही अवघड आहे. मात्र अडोबीने फोटोसोबत आता चक्क व्हिडिओलाही कंटेंट अवेयर फिल दिला आहे! अडोबी आफ्टर इफेक्ट्स २०१९ मध्ये ही सोय पाहायला मिळेल!

अडोबीचं आफ्टर इफेक्ट्स हे सॉफ्टवेअर प्रामुख्याने व्हिडिओ एडिटिंग व व्हिडिओ ग्राफिक्स तयार करण्यासाठी वापरलं जातं. याच्या २०१९ आवृत्तीमध्ये अडोबीच्या सेन्सई मशीन लर्निंग प्लॅटफॉर्मचा वापर करून व्हिडिओमध्ये नको असलेल्या गोष्टी काढून टाकू शकेल! सध्या जर हे करायचं असेल तर तासंतास फ्रेम अन फ्रेम एडिट करत बसावं लागतं मात्र आता नव्या सुविधेमुळे एडिटर मंडळींच काम बरच सोपं होणार आहे!

अडोबीनी त्यांच्या सर्वच उत्पादनांमध्ये एप्रिल २०१९ चं नवं अपडेट जोडून अनेक नव्या सोयी आणल्या आहेत. यामध्ये प्रीमियर प्रो, कॅरक्टर अॅनिमेटर, ऑडीशन, आफ्टर इफेक्ट्स यांचा समावेश आहे!

Adobe चा उच्चार बरेच जण अडोबे असा करतात मात्र याचा खरा उच्चार अडोबी असा आहे! 😃

The post आता व्हिडिओमध्येही कंटेंट अवेयर फिल : अडोबी आफ्टर इफेक्ट्सची कमाल! appeared first on MarathiTech - मराठीटेक.