रिलायन्स जियोने त्यांच्या ग्राहकांसाठी गूगलच्या Gemini AI Pro प्लॅनमधील सेवा चक्क १८ महिने मोफत देत असल्याचं सांगितलं आहे. याची किंमत ३५१०० इतकी असून आता तेच सर्व Jio 5G ग्राहकांना मोफत मिळणार आहे! यामध्ये 2TB स्टोरेज, Gmail सारख्या सेवांमध्ये Gemini AI वापरता येईल, Veo 3.1 (AI व्हिडिओ तयार करण्यासाठी) आणि Nano Banana या इमेज तयार करण्याची टूलमध्ये अधिक जास्त लिमिट्स मिळतील.

यासाठी तुम्हाला ऑफर Claim करावी लागेल आणि किमान दरमहा रु 349 किंवा त्याहून अधिक किंमतीचा Unlimited 5G प्लॅन रीचार्ज करावा लागेल. तरच ही ऑफर सुरू राहील. शिवाय हा प्लॅन वापरण्यापूर्वी काही गोष्टी नक्की लक्षात ठेवल्या पाहिजेत त्याबद्दल पुढे नक्की वाचा.

आधी Perplexity Pro + Airtel त्यानंतर गूगलनेच विद्यार्थ्यांसाठी एक वर्ष मोफत Gemini आणलं मग ChatGPT Go प्लॅन भारतीय युजर्ससाठी फ्री करण्यात आला आणि आता गूगल Gemini + Jio ऑफर आली आहे. देशातील तरुण वर्गाला या AI टूल्सची सवय लावून भविष्यात यांना आपल्याकडे ग्राहक म्हणून घेण्यासाठी ही स्पर्धा जोरात सुरू झाली आहे.

जियो 5G ग्राहकांनी गूगल Gemini Pro ऑफर कशी Claim करायची ?

1. MyJio ॲप उघडा आणि लॉगिन करा
2. ॲप उघडल्यावर वरती Google Gemini ऑफरचा बॅनर दिसेल
3. त्यावर क्लिक करा आणि Claim करा. तुम्हाला ज्या Gmail आयडीवर जोडायचं आहे त्याची माहिती द्या
4. आता तुम्ही १८ महिने गूगल Gemini Pro AI मोफत वापरू शकता!

ही ऑफर गेले काही दिवस फक्त १८ ते २५ वयोगटातील ग्राहकांना (तरुणवर्गाला) उपलब्ध करून देण्यात आली होती. आता ८ नोव्हेंबरपासून सर्व वयोगटातील जियो ग्राहकांना ही ऑफर मिळेल. तुम्हाला MyJio मध्ये गेल्यावर Register Interest असं बटन दिसू शकतं त्याचा अर्थ तुमच्या अकाऊंटला अद्याप ही ऑफर आलेली नाही काही दिवसात येईल.

जियो 5G ग्राहकांनी ऑफर Claim करताना खालील गोष्टी लक्षात ठेवा

• ही ऑफर वापरण्यासाठी तुम्हाला पूर्ण १८ महिने किमान ३४९ रु किंवा त्याहून जास्त किंमतीचा Unlimited 5G प्लॅनने रीचार्ज करत राहावं लागेल.
• जर तुम्ही रीचार्ज केला नाही तर त्या ऑफरमधील सेवा वापरता येणार नाहीत.

• तुम्ही कोणत्या गूगल अकाऊंटला ही ऑफर लिंक करायची ते काळजीपूर्वक निवडा
• १८ महिने 2TB स्टोरेज मिळणार असलं तरी त्यासाठी १८ महिने पूर्ण झाल्यानंतर त्या प्लॅननुसार पैसे द्यावे लागतील. हे प्लॅन्स Google One वर पाहू शकता.
• 2TB च्या प्लॅनची किंमत दरमहा ₹६५० इतकी आहे आणि 2TB+Gemini ची किंमत दरमहा ₹१९५० इतकी आहे.
• तुम्ही जर तुम्हाला आधीच फ्री मिळणाऱ्या 15GB च्या वर डेटा स्टोअर केला आणि जर तुम्ही १८ महिन्यानंतर त्यांना पैसे देणार नाही असं ठरवलं तर तुम्हाला नवीन ईमेल मिळणार नाहीत किंवा पाठवतासुद्धा येणार नाहीत. तुम्हाला स्टोअर केलेला डेटा मध्ये नवीन काही अपलोड/एडिट करता येणार नाही.
• त्यामुळे तुम्ही फक्त 2TB स्टोरेजसाठी ही ऑफर घेणार असाल तर तुमच्या Primary/मुख्य वापरातील ईमेल ॲड्रेसला शक्यतो ही ऑफर जोडू नका. नवीन ईमेल आयडी बनवून त्यावर Claim करा.
• तुम्ही जर त्या 2TB डेटा स्टोरेजचा वापर करणार नसाल तर तुमच्या मुख्य ईमेल आयडीवरच ही ऑफर Claim केली तर चालेल.

• तुमच्याकडे आधीच Google One चं सबस्क्रिप्शन असेल आणि तुम्ही ही ऑफर Claim केली तर ती आधीची ऑफर बंद होऊन त्या जागी हा नवा 2TB चा प्लॅन सुरू होईल.
• १८ महिने झाल्यानंतर तुम्हाला किती GB चा प्लॅन वापरायचा आहे त्यानुसारच प्लॅन आणि अकाऊंट निवडा.

हे सर्व सांगण्याचं कारण की फ्री मिळणारी सेवा समोरून फ्री वाटत असली तरी शेवटी त्यांच्या उद्याच्या व्यावसायिक उद्देशानेच ह्या सोयी मोफत दिल्या आहेत. सुरुवातीला फ्री वापरण्यास देऊन त्याची सवय लावून मग नंतर भरमसाठ पैसे लावायचे आणि त्या सिस्टम्समध्ये अडकवून त्यांच्याच सेवा वापरण्यास भाग पाडायचं असं चित्र AI मधील किंवा एकंदर सर्वच टेक कंपन्या करताना दिसून येत आहे. म्हणून हे सबस्क्रिप्शन घेताना काळजीपूर्वक अकाऊंट निवडून त्यामागील छुप्या किंमती समजावून घेऊनच वापर सुरू करा…

The post जियोतर्फे Gemini AI Pro १८ महिने मोफत : आता सर्व 5G ग्राहकांसाठी उपलब्ध! appeared first on MarathiTech - मराठीटेक.

गूगलने काही दिवसांपूर्वी पार पडलेल्या आपल्या वार्षिक डेव्हलपर परिषदे (Google I/O 2025) मध्ये एआय, स्मार्ट डिव्हाइसेस आणि त्यांनी लवकरच उपलब्ध करून देण्यात येत असलेल्या सेवांची माहिती दिली. या वर्षीसुद्धा एआय हे केंद्रस्थानी होते, ज्यामुळे गूगलच्या विविध सेवांमध्ये कृत्रिम बुद्धीमत्तेवरच भर असणार असं दिसत आहे.

AI Mode आणि AI Overviews: शोधाचा नवा अनुभव
गूगलने आपल्या सर्च इंजिनमध्ये “AI Mode” आणि “AI Overviews” या नवीन वैशिष्ट्यांची घोषणा केली आहे. AI Mode वापरकर्त्यांना अधिक संवादात्मक आणि सखोल शोध अनुभव देतो, तर AI Overviews जटिल प्रश्नांची संक्षिप्त आणि अचूक उत्तरे प्रदान करतो. या दोन्ही वैशिष्ट्यांमध्ये गूगलच्या नवीनतम Gemini 2.5 मॉडेलचा वापर करण्यात आला आहे, ज्यामुळे शोध अधिक वैयक्तिक आणि प्रभावी झाला आहे.

Veo 3 आणि Imagen 4: AI द्वारे इमेजेस आणि व्हिडिओ तयार करण्यासाठी नवीन साधने!
Veo 3 हे गूगलचे नवीन व्हिडिओ जनरेशन टूल आहे, जे वापरकर्त्यांना उच्च दर्जाचे व्हिडिओ तयार करण्यास मदत करते. Imagen 4 हे इमेज जनरेशन टूल आहे, जे जलद आणि अचूक प्रतिमा निर्माण करते. या दोन्ही साधनांमध्ये एआयचा वापर करून हवे तसे व्हिडिओ तेसुद्धा सध्या उपलब्ध टूल्सच्या मानाने बऱ्याच चांगल्या पद्धतीने आणि आवाजासकट तयार करता येणार आहे. यासोबत Flow नावाची सेवा असेल जी नवी फिल्ममेकिंग सोय असून गूगलच्या DeepMind मधील मॉडेल्सचा वापर करून अगदी चित्रपटातील दृश्यं तयार करता येणार आहेत!

Gemini 2.5: गूगलचं प्रगत एआय मॉडेल
Gemini 2.5 हे गूगलचे नवीनतम एआय मॉडेल आहे, जे वेगवेगळ्या कार्यांसाठी वापरले जात आहे. फोटो, व्हिडीओ, मजकूर, आवाज यावर आधारित उत्तरे देण्यात आणि त्यानुसार कामं करण्यात हे मॉडेल निपुण आहे. शिक्षणासाठी खास LearnLM नावाचं मॉडेल देखील याचाच भाग आहे.

Android XR आणि Aura: स्मार्ट चष्म्यांची नवी पिढी
गूगलने Android XR आणि Aura या नवीन स्मार्ट चष्म्यांचे प्रोटोटाइप सादर केले आहेत. हे स्मार्ट चष्मे एआय आणि ऑगमेंटेड रिअॅलिटीच्या साहाय्याने वापरकर्त्यांना अधिक सजीव खरा वाटेल असा अनुभव देतात. Android XR चष्मे स्मार्टफोनशी जोडले जातात, तर Aura चष्मे Qualcomm चिपवर आधारित छोट्या कॉम्प्युटरसोबत कार्य करतात. यांची चाचणी अंतिम टप्प्यात असून, लवकरच बाजारात उपलब्ध होतील.

Android 16 आणि Material 3 Expressive: अँड्रॉइडमध्ये नवीन डिझाइन आणि सुरक्षा
गूगलने Android 16 ची घोषणा केली आहे, ज्यामध्ये Material 3 Expressive डिझाइन लँग्वेजचा समावेश आहे. या नवीन डिझाइनमुळे वापरकर्त्यांना अधिक आकर्षक आणि सोपा इंटरफेस मिळतो. तसेच, गूगलने Advanced Protection प्रोग्राममध्ये नवीन सुरक्षा वैशिष्ट्ये जोडली आहेत, ज्यामुळे वापरकर्त्यांची गोपनीयता आणि डेटा सुरक्षित राहतो.

Project Astra: सर्वसमावेशक एआय सहाय्यक : डेमो व्हिडिओ
Project Astra हे गूगलचे नवीन एआय सहाय्यक आहे, जो विविध कार्यांसाठी वापरला जाऊ शकतो. अगदी कॅमेरा वापरून ‘हे काय आहे?’ असं विचारल्यावर उत्तर देऊ शकतं! या सहाय्यकाच्या (असिस्टंट) साहाय्याने वापरकर्ते संवाद साधू शकतात, माहिती शोधू शकतात आणि विविध कार्ये पार पाडू शकतात. गूगलने हे सहाय्यक Gemini मॉडेलवर आधारित विकसित केले आहे, ज्यामुळे त्याची कार्यक्षमता अधिक वाढली आहे. अंध व्यक्तींना तर यामधील तंत्रज्ञानाचा खूप चांगला उपयोग होईल.

The post गूगल I/O 2025: एआय आणि गूगलच्या सेवांमधील स्मार्ट तंत्रज्ञान appeared first on MarathiTech - मराठीटेक.

गूगलने काल रात्री झालेल्या कार्यक्रमात त्यांचे नवे Pixel 9 सिरीज स्मार्टफोन्स सादर केले असून यासोबत Pixel Watch 3 आणि Pixel Buds Pro 2 सुद्धा सादर झाले आहेत. Pixel 9 सिरीजमध्ये Pixel 9, Pixel 9 Pro, Pixel 9 Pro XL आणि नवा Pixel 9 Pro Fold उपलब्ध होणार आहे. गूगलने यावेळी त्यांचा Gemini AI आता या स्मार्टफोनमध्येच जोडला असून यामुळे बऱ्याच नव्या गोष्टी करता येतील.

या सर्व फोन्समध्ये AI आधारित Magic Eraser, Best Take, Photo Unblur, Night Sight प्रथमच Super Res Zoom Video ची व्हिडिओ मध्ये झुम करण्याची सोय देण्यात आली आहे. Pro मॉडेल्समध्ये 8K 30fps व्हिडिओ रेकॉर्डिंग करता येईल.

यावेळी Add Me नावाची एक खास सोय देण्यात आली असून यामुळे आपण ग्रुप फोटो काढताना अनोळखी व्यक्तीची मदत घेण्याची गरज उरणार नाही. आपण पहिला फोटो काढला की त्यामधील व्यक्ती ओळखून त्याचा Overlay दिसू लागेल. मग पहिला फोटो काढणारी व्यक्ती फ्रेम मध्ये येऊ शकेल आणि त्याची जागा दुसरी व्यक्ती फोटो काढेल मग AI च्या मदतीने हे दोन्ही फोटो जोडले जातील आणि सर्वजण एकाच फोटोत आहेत असं दिसेल!

• AI helpfulness, powered by Google Tensor G4
• Gemini Live helps you get the answers you need
• Pixel Studio is a canvas for your creativity
• Pixel Screenshots to remember more without doing more
• More camera improvements for stunning photos and videos
• Better weather app

गूगलच्या या नव्या Pixel 9 सिरीजमध्ये त्यांचा स्वतःचा Tensor G4 नावाचा प्रोसेसर असेल. Pixel 9 मध्ये 6.3″ Actua OLED 120Hz डिस्प्ले, 4700mAh बॅटरी, 45W फास्ट चार्जिंग, USB Type C 3.2, 50MP Wide + 48MP Quad PD Ultrawide कॅमेरा सेटप, फ्रंट कॅमेरा 10.5MP, Corning Gorilla Glass Victus 2, IP68 अशा सुविधा दिल्या आहेत.

Pixel 9 Pro मध्ये 6.3″ Super Actua (LTPO) OLED 120Hz डिस्प्ले, 4700mAh बॅटरी, 45W फास्ट चार्जिंग, USB Type C 3.2, 50MP Wide + 48MP Quad PD Ultrawide + 48MP Quad PD Telephoto कॅमेरा सेटप, फ्रंट कॅमेरा 42MP, Corning Gorilla Glass Victus 2, IP68, temperature sensor अशा सुविधा दिल्या आहेत.

Pixel 9 Pro XL मध्ये 6.8″ Super Actua (LTPO) OLED 120Hz डिस्प्ले, 5060mAh बॅटरी, 45W फास्ट चार्जिंग, USB Type C 3.2, 50MP Wide + 48MP Quad PD Ultrawide + 48MP Quad PD Telephoto कॅमेरा सेटप, फ्रंट कॅमेरा 42MP, Corning Gorilla Glass Victus 2, IP68, temperature sensor अशा सुविधा दिल्या आहेत.

Pixel 9 Pro Fold मध्ये 8″ LTPO OLED Super Actual Flex inner screen 120Hz डिस्प्ले, 6.3″ OLED Actual display Outer Screen, 4650mAh बॅटरी, 45W फास्ट चार्जिंग, USB Type C 3.2, 48MP Wide + 10.5MP Ultrawide + 10.8MP Telephoto कॅमेरा सेटप, फ्रंट कॅमेरा 10MP कव्हर डिस्प्ले आणि आतील फ्रंट कॅमेरासुद्धा 10MP, Corning Gorilla Glass Victus 2, IP68 अशा सुविधा दिल्या आहेत.

Pixel 9 Pro Specs

डिस्प्ले : 6.8″ Super Actua (LTPO) OLED 120Hz, 495ppi pixel density, up to 3,000 nits peak brightness
प्रोसेसर : Google Tensor G4
रॅम : 12GB LPDDR5
स्टोरेज : 256GB
कॅमेरा : 50MP Wide + 48MP Telephoto + 48MP Ultrawide
फ्रंट कॅमेरा : 42MP
बॅटरी : 5060mAh 45 watt Fast Charging Wired
ऑपरेटिंग सिस्टम : Android 14
इतर : Corning Gorilla Glass Victus 2, IP68, wireless charging through Qi charger

Google Pixel 9 Series भारतीय किंमती खालीलप्रमाणे :

• Google Pixel 9 : ₹79,999 (12+256)
• Google Pixel 9 Pro : ₹1,09,999 (16+256)
• Google Pixel 9 Pro XL : ₹1,24,999 (16+256)
• Google Pixel 9 Pro Fold : ₹1,72,999 (16+256)
• Google Pixel Watch 3 : ₹39,900
• Google Pixel Buds Pro 2 : ₹22,900

भारतात हे फोन्स २२ ऑगस्टपासून फ्लिपकार्ट, Croma, रिलायन्स डिजिटलवर उपलब्ध होतील. याच्या प्रि ऑर्डर आता सुरू झालेल्या आहेत. प्रि ऑर्डर करणाऱ्यांना ICICI तर्फे कॅशबॅक आणि Pixel Buds Pro ₹7999 मध्ये मिळतील!

The post गूगलची Pixel 9 सिरीज सादर : आता Gemini AI सह! appeared first on MarathiTech - मराठीटेक.

OpenAI कंपनीने बनवलेल्या ChatGPT ची वाढत चाललेल्या लोकप्रियतेची धास्ती घेऊन गूगलनेसुद्धा त्यांचा विचारलेल्या प्रश्नांना समजून घेऊन AI द्वारे उत्तर देणारं मॉडेल आणलं असून याची चाचणी आता सुरू झाली आहे. OpenAI मध्ये मायक्रोसॉफ्टने केलेली मोठी गुंतवणूक आणि त्यानंतर ChatGPT ला त्यांच्या Bing या सर्च इंजिनमध्ये जोडणार असल्याची घोषणा ही गूगलसाठी नक्कीच त्यांच्या भविष्याची काळजी वाटेल अशी होती.

अपडेट : गूगलने Bard चं नाव आता बदललं असून याचं नवं नाव Gemini असं असणार आहे! https://gemini.google.com/app

आता त्यावर उत्तर म्हणून त्यांच्या LaMDA (Language Model for Dialogue Applications) या प्रत्यक्ष संवादाप्रमाणे संभाषण करू शकणाऱ्या AI मॉडेलचा वापर करून Bard नावाची सेवा तयार केली आहे. सध्या काही मोजक्या ठराविक टेस्टर्सना याचा ॲक्सेस देण्यात आला असून सर्वाना वापरण्यासाठी ही सेवा येत्या काही आठवडयात उपलब्ध होऊ शकते. आजच्या या बार्डच्या घोषणेबद्दल स्वतः गूगलचे सीईओ सुंदर पिचाई यांनीच ब्लॉग पोस्टमार्फत माहिती दिली आहे.

ChatGPT मधील उत्तरे २०२१ पर्यंतच्याच माहितीवर आधारित असून त्याला इंटरनेटसोबत जोडण्यात आलेलं नाही मात्र गूगल त्यांच्या बार्डला वेबवरील सर्च रिजल्ट्सवरून माहिती उपलब्ध करून देत असल्यामुळे यामधील उत्तरे नव्या माहितीवर आधारित असू शकतील!

लवकरच गूगलसुद्धा त्यांच्या सर्च रिजल्ट्समध्ये त्यांच्या LaMDA, PaLM, Imagen, MusicLM अशा AI तंत्रज्ञानाचा वापर करून विचारलेल्या प्रश्नांना अभ्यास करून तिथेच उत्तर देण्याचा प्रयत्न करेल. उदा. सध्याच्या गूगलमध्ये पियानोमध्ये किती कीज् असतात असे प्रश्न विचारल्यावर तशी माहिती असलेल्या वेबसाइट्सवर घेऊन जातो. मात्र आता पियानो शिकणं सोपं आहे की गिटार आणि दोन्हीसाठी किती वेळ लागेल असे प्रश्न विचारल्यावरसुद्धा स्वतः त्याची माहिती AI मार्फत मिळवून उत्तरे देऊ शकेल!

मायक्रोसॉफ्टच्या बिंगला प्रसिद्धीच्या वाटेवर जाण्याला गूगलने आणलेल्या या नव्या सेवांमुळे पुन्हा एकदा सुरुंग लागू शकतो. अर्थात अशा कंपन्यांची स्पर्धा असणं युजर्ससाठी नक्कीच एक चांगली गोष्ट आहे ज्यामुळे अधिकाधिक सुधारणा व सोयी असलेल्या सेवा मिळू शकतील.

The post गूगलचं ChatGPT ला उत्तर : Bard नावाचा AI चॅटबॉट! appeared first on MarathiTech - मराठीटेक.