गूगल पे ने भारतात त्यांचा स्वतःचा SoungPod उपलब्ध करून दिला असून याद्वारे दुकानदार/व्यावसायिक UPI पेमेंट्स स्वीकारल्यानंतर त्याबद्दल ऑडिओ नोटिफिकेशन ऐकू शकतात. जवळपास वर्षभर काही ठराविक ठिकाणी याची चाचणी केल्यानंतर गूगल इंडियाने त्यांचं हे उत्पादन आता सर्वांसाठी उपलब्ध केलं आहे.

Google Pay SoundPod बद्दल अधिकृत माहिती : https://support.google.com/pay-offline-merchants/answer/14011657?hl=mr

सध्या बाजारात Paytm Soundbox, PhonePe SmartSpeaker, mSwipe Soundbox, BharatPe Speaker असे बरेच पर्याय उपलब्ध आहेत. अलीकडेचे Paytm वर RBI ने केलेल्या कारवाईमुळे त्यांच्या ग्राहकांना बऱ्याच अडचणी येत आहेत. त्यामुळे नेमकी हीच वेळ साधत गूगलने त्यांचा SoundPod आणला आहे.

या SoundPod मध्ये एक छोटा LCD डिस्प्ले, एक स्पीकर, 4G Network आहे. यामधील नोटिफिकेशन भाषेसाठी मराठी, हिंदी, बंगाली, तमिळ, गुजराती, कन्नड आणि इंग्लिशचा पर्याय आहे.

याचे प्लॅन्स खालील प्रमाणे असतील.

• दैनिक प्लॅन: ₹४९९ रुपये एक वेळचे शुल्क, त्यानंतर तुमच्या सेटलमेंट खात्यामधून महिन्यातील २५ दिवसांसाठी दररोज ₹५ रुपये वजा केले जातात.
• वार्षिक प्लॅन: तुमच्या सेटलमेंट खात्यामधून एका वर्षासाठी ₹१४९९ रुपये (₹५०० वाचवा) वजा केले जातात.
• टीप: तुम्ही ऑडिओ सूचना देणाऱ्या सेवांसाठी निवडलेले वरीलपैकी कोणत्याही प्रकारचे सदस्यत्व हे अ‍ॅक्टिव्हेशनच्या तारखेपासून सुरू होते आणि दरवर्षी दिले जाते. वर नमूद केलेल्या सेवा प्लॅनमध्ये करांचा समावेश आहे.
• टीप: तुम्हाला GPay QR कोडद्वारे एका महिन्यात ४०० पेमेंट मिळतात, तेव्हा ₹१२५ रुपयांच्या कॅशबॅकची हमी दिली जाते.

अधिक माहितीसाठी वर दिलेल्या लिंकवर जाऊ शकता किंवा 18003097597 या फोन क्रमांकावर संपर्क साधा.

The post आता गूगल पे SoundPod उपलब्ध : UPI पेमेंट अलर्ट्ससाठी नवा पर्याय! appeared first on MarathiTech - मराठीटेक.

गूगल फॉर इंडिया हा कार्यक्रम गूगलचे भारतीय वापरकर्त्यांसाठी सुरु असलेले प्रयत्न अधोरेखित करण्यासाठी आयोजित केला जातो. Google For India मध्ये यंदाच्या पाचव्या वर्षीही बऱ्याच नव्या गोष्टी आणल्या असून मराठी भाषेतही अनेक सुविधा प्रथमच उपलब्ध करून देण्यात येत आहेत. गूगलने बेंगळुरूमध्ये AI Lab स्थापन केली असून कृत्रिम बुद्धिमत्ता वापरून अभ्यास करून त्याद्वारे देशातील दैनंदिन समस्या सोडवण्यासाठी पर्याय शोधण्याचं काम करणार आहे. लॅब सुरु करत असल्याचं जाहीर केलं आहे. आजच्या या लेखामध्ये काही विशेष उत्पादनांविषयी माहिती देण्यात आली आहे त्यांची ओळख करून घेऊया…

गूगल लेन्स (Google Lens) : या खास सुविधेद्वारे आपण आपल्या फोनच्या कॅमेराचा वापर करून बऱ्याच गोष्टी करू शकतो जसे की भाषांतर, वस्तु/प्रेक्षणीय स्थळे/फुले/पदार्थ ओळखणे. फोटो काढून त्यामधील टेक्स्ट स्कॅन करून त्याची माहिती सांगणे किंवा सर्च करणे, इ. तर आता ही गूगल लेन्स सुविधा मराठीत सुद्धा उपलब्ध होत असून यामुळे तुम्ही तुमचा फोन तुम्हाला माहीत नसलेल्या भाषेतला फलक/जाहिरातीकडे करून स्कॅन केल्यास तो मराठीत भाषांतर करून दाखवेल!

बोलो (Bolo) : हे अॅप लहान मुलांना भाषा शिकवण्यासाठी मदत करण्याच्या हेतूने बनवण्यात आलं असून याद्वारे वाचन, उच्चार सुधारणे हा उद्देश असेल. हिंदी व इंग्लिशमध्ये सादर झालेलं हे अॅप आता मराठीत सुद्धा उपलब्ध झालं आहे. सोबत बंगाली, तामिळ, तेलुगू, उर्दूमध्येसुद्धा हे उपलब्ध होत आहे. यामध्ये वेगवेगळ्या कथा, गोष्टींचा सुद्धा समावेश आहे! आजवर ८ लाख मुलांनी याचा लाभ घेतला आहे अशी माहिती गूगलने दिलीय!

गूगल असिस्टंट (Google Assistant) : या स्मार्ट व्हॉइस असिस्टंटमध्ये आता अनेक नव्या सोयी खास भारतीय यूजर्ससाठी जोडण्यात येत आहेत. गेल्या वर्षीच हा असिस्टंट मराठीत उपलब्ध झाला आहे. यावेळी असं जाहीर करण्यात आलं आहे कि भारतीय यूजर्समध्ये गूगल असिस्टंटचा वापर करण्याचं प्रमाण वाढत असून याचा सर्वाधिक वापर करण्यात हिंदी आता इंग्लिशनंतर जगातली दुसरी भाषा ठरली आहे.

आता गूगल असिस्टंटला वेगळी भाषा आणि फोनसाठी वेगळी भाषा निवडता येईल. सर्च करताना गूगल असिस्टंटला ओके गूगल स्पीक टू मी इन मराठी असं सांगा त्यापुढे असिस्टंट तुमच्याशी मराठीत बोलेल!

गूगल असिस्टंट आता इंटरनेटशिवायसुद्धा वापरता येणार असून ही सुविधा तूर्तास व्होडाफोन आयडिया ग्राहकांसाठीच आहे. यासाठी तुम्हाला 8009191000 या टोल फ्री क्रमांकावर संपर्क साधून प्रश्न विचारून गूगलकडून उत्तरे मिळवता येतील! क्रिकेट स्कोर विचारा, हवामान विचारा, अगदी काहीही…!

लवकरच गूगल असिस्टंटला बोलून आपल्याला डॉमिनोजचा पिझ्झा मागवता येईल, ओलाद्वारे कॅब बुक करता येईल!

गूगल सर्च डिस्कव्हर (Google Search Discover) : आपण गूगल सर्चमध्ये असताना डावीकडे स्वाईप केल्यावर आपल्याला आपण सर्च केलेल्या गोष्टींवर आधारित लेख पाहायला मिळतात. यासाठी गूगल Discover या सेवेचा वापर करतं आता ही मराठीतसुद्धा उपलब्ध होत आहे. यामुळे यापुढे तुम्हाला केवळ इंग्लिश कंटेंट ऐवजी मराठी बातम्या, लेख पाहायला मिळतील.

गूगल पे (Google Pay) : गूगल पे या गूगलच्ये पेमेंट सेवेमध्ये त्यांनी अनेक नव्या सोयी जाहीर केल्या आहेत. गेल्या वर्षभरात गूगल पेच्या यूजर्समध्ये तिप्पट वाढ झाली आहे. वार्षिक 110 बिलियन डॉलर्सचे व्यवहार आता या अॅपद्वारे पार पडत आहेत.

• Spot Platform : ही एक नवी सेवा गूगल पे उपलब्ध करून देत असून यामुळे ऑनलाईन व ऑफलाईन विक्रेते, दुकानदार, व्यावसायिक यांना त्यांच्या ग्राहकांना खरेदीसाठी सोपा पर्याय उपलब्ध करून देता येईल. UrbanClap, Goibibo, MakeMyTrip, RedBus, Eat.Fit व Oven Story हे सध्या या सेवेचा वापर करत आहेत. याद्वारे विक्रेत्यांना त्यांची उत्पादने सहजरित्या दाखवता येतील आणि विक्रीसुद्धा करता येईल यासाठी वेगळ्या अॅप/वेबसाइटची गरज उरणार नाही.
• Google Pay for Business : हे नवं अॅप खास विक्रेते/दुकानदार/व्यावसायिकांसाठी असून याद्वारे त्यांना त्यांच्या बिझनेससाठी पेमेंट पर्याय उपलब्ध करून देता येईल. पैसे स्वीकारणे त्यांची नोंद ठेवणं अधिक सोपं जाईल.
• Tokenized cards : यामुळे पैसे देताना आपल्या कार्ड नंबर ऐवजी एका डिजिटल टोकनचा वापर केला जाईल ज्यामुळे व्यवहार अधिक सुरक्षित व गोपनीय राहतील.
• Google Pay Jobs : गूगलने स्किल इंडिया अंतर्गत National Skills Development Corporation सोबत भागीदारी करून गूगल पे अॅपद्वारे नोकऱ्या उपलब्ध करून देण्याची सोय दिली आहे. यासाठी काही कंपन्यासोबत गूगल काम करणार असून आपण आपली माहिती देऊन आपल्याला योग्य अशा जॉबचा शोध गूगल पेमध्येच घेऊ शकू…!

search terms Google For India Google Assistant Now in Marathi Discover Google Pay India Small Businesses Google Pay Jobs Search Spot Platform Bolo Google Lens

The post गूगल फॉर इंडिया : गूगल लेन्स, असिस्टंट, बोलो अॅप आता मराठीत! appeared first on MarathiTech - मराठीटेक.

गूगलने भारतात त्यांच्या गूगल प्ले स्टोअरवर युनिफाईड पेमेंट्स इंटरफेस (यूपीआय) हा नवा पर्याय उपलब्ध करून दिला आहे. यामुळे युजर्सना अॅप्स, गेम्स, पुस्तके, चित्रपट खरेदी करण्यासाठी UPI चा वापर करता येणार आहे. UPI द्वारे पेमेंट करण्यासाठी आपण BHIM, Google Pay, Paytm, PhonePe अशा कोणत्याही अॅपचा वापर करू शकाल.

हा पर्याय काही यूजर्सना गेल्या काही आठवड्यापासून दिसण्यास सुरुवात झाली होती मात्र गूगलने आता यासंबंधी अधिकृत घोषणा केली असून आता डेबिट कार्ड, क्रेडिट कार्ड, नेटबँकिंग सोबत यूपीआय हा नवा पर्याय उपलब्ध झालेला पाहायला मिळेल.

युजर्सना यासाठी गूगल प्ले स्टोअरच्या सेटिंग्समध्ये जाऊन त्यांचा UPI ID (VPA) लिंक करायचा आहे जेणेकरून तिथून पुढे कधीही पेमेंट करणं सोपं जाईल.

गूगल प्ले रिटेल अँड पेमेंट्स विभागाचे प्रमुख सौरभ अगरवाल यांनी अशी माहिती दिली की “भारतीय अॅप डेव्हलपर्स सध्या वेगवेगळ्या प्रकारचे उत्तम अॅप्स तयार करून त्यामार्फत चांगला व्यवसाय करत आहेत आणि आम्ही त्यांना मदत करण्यासाठी कटिबद्ध आहोत.” यासाठी एक मार्ग म्हणजे युजर्सना अॅप, गेम्स खरेदी करण्यासाठी सोपे पेमेंट पर्याय उपलब्ध करून देणं असून Credit Cards, Debit Cards, Carrier Billing (थेट सीम कार्ड बॅलन्सद्वारे खरेदी) व गिफ्ट कार्ड हे पर्याय आधीपासून आहेत. आता यामध्ये UPI जोडल्यामुळे पेड अॅप्स, गेम्स, अॅप्स मध्ये उपलब्ध पेड कंटेंट यासाठी पैसे देणं सोपं होईल.

UPI द्वारे पेमेंट्सची भारतात प्रचंड वेगाने वाढ

युनिफाईड पेमेंट्स इंटरफेस (यूपीआय) पर्याय उपलब्ध झाल्यापासून देशभरात सर्वत्र याचा मोठ्या प्रमाणात वापर केला जात असून आता सर्व दुकाने, हॉटेल्स, मॉल अशा सर्वच ठिकाणी UPI साठी लावलेले QR कोड्स पाहायला मिळतात. फोनपे याबाबत अलीकडे पुढाकार घेऊन सर्वच अॅप्सना पेमेंट करता येईल असा QR कोड बऱ्याच ठिकाणी लावला आहे. BHIM, Google Pay, Paytm, PhonePe, Amazon Pay UPI व बँकांचे स्वतःचे UPI अॅप्स असे अनेक अॅप्स एकाच UPI प्लॅटफॉर्मद्वारे पैसे देवाण घेवाण करण्यासाठी सहजसोपे पर्याय ठरत आहेत.

ऑगस्ट महिन्यात प्रथमच UPI पेमेंट्सनी ९० कोटी व्यवहार ज्यांची किंमत तब्बल १.५४ लाख कोटी असेल इतके व्यवहार पार पाडले आहेत! जुलै महिन्याच्या तुलनेत ही वाढ तब्बल ११.६% अधिक होती! किंमतीच्या दृष्टीने पाहता ५.५% टक्क्यांची वाढ नोंदवण्यात आली आहे. छोट्या शहरांमध्ये वाढलेला स्मार्टफोन्स व इंटरनेटचा वापर UPI च्या वाढीस कारणीभूत ठरत असल्याचं सांगण्यात येत आहे. त्यातच अशा अॅप्सद्वारे अनेकदा कॅशबॅकसुद्धा दिला जातो त्यामुळे तर याच्या लोकप्रियतेत आणखी भर पडली आहे! UPI मध्ये सध्या १४१ बँका सहभागी आहेत.

• यूपीआय (UPI) म्हणजे काय, ते कसे वापरायचे?
• यूपीआयची दुसरी आवृत्ती : UPI 2.0 सादर !

The post गूगल प्ले स्टोअरवर UPI पेमेंट उपलब्ध! : ऑगस्टमध्ये UPI व्यवहारांत ११.६% वाढ! appeared first on MarathiTech - मराठीटेक.

गूगलच्या यूपीआय आधारित पेमेंट अॅप ‘गूगल पे’ (पूर्वीचं तेझ) मध्ये आता रेल्वे तिकीट आरक्षित करता येणार असून अॅपमध्येच बुकिंग करून पे करण्याची सोय देऊन तिकीट बुकिंग सहज केलं आहे. आयआरसीटीसीच्या अॅपमध्ये आपण सध्या गूगल पे द्वारे पैसे देऊ शकतोच मात्र आता गूगल पेमध्येच ही सोय उपलब्ध झाल्यामुळे आणखी सोयिस्कररित्या तिकीट्स काढता येतील…

यासाठी आता गूगल पे अॅपमध्ये Trains नावाचा पर्याय दिसेल जो Businesses अंतर्गत दिलेला आहे. त्यावर टॅप करून आपण रेल्वे तिकीट बुक, कॅन्सल, स्टेट्स पाहू शकाल. मात्र इतर ट्रेन बुकिंग सुविधा असलेल्या अॅप्स (पेटीएम, फोनपे) प्रमाणे या सुद्धा अॅपला आयआरसीटीसीचा स्वतःचा लॉगिन आधी असलाच पाहिजे. तसा नियमच असल्याच सांगण्यात आलं आहे.

गूगल पेवर आता वीज बिल, रीचार्ज, फोन बिल्स, मेट्रो तिकीट्स, कॅब बुकिंग, बस बुकिंग, इ अनेक पर्याय/सेवा उपलब्ध करून देण्यात आले असून यूपीआय या सोप्या पेमेंट पद्धतीमुळे दिवसेंदिवस अधिकाधिक लोक गूगल पेचा वापर करत असल्याच पाहायला मिळत आहे…!

The post गूगल पे अॅपमध्ये रेल्वे तिकीट बुकिंगची सोय उपलब्ध! appeared first on MarathiTech - मराठीटेक.