गूगल फॉर इंडिया हा कार्यक्रम गूगलचे भारतीय वापरकर्त्यांसाठी सुरु असलेले प्रयत्न अधोरेखित करण्यासाठी आयोजित केला जातो. Google For India मध्ये यंदाच्या पाचव्या वर्षीही बऱ्याच नव्या गोष्टी आणल्या असून मराठी भाषेतही अनेक सुविधा प्रथमच उपलब्ध करून देण्यात येत आहेत. गूगलने बेंगळुरूमध्ये AI Lab स्थापन केली असून कृत्रिम बुद्धिमत्ता वापरून अभ्यास करून त्याद्वारे देशातील दैनंदिन समस्या सोडवण्यासाठी पर्याय शोधण्याचं काम करणार आहे. लॅब सुरु करत असल्याचं जाहीर केलं आहे. आजच्या या लेखामध्ये काही विशेष उत्पादनांविषयी माहिती देण्यात आली आहे त्यांची ओळख करून घेऊया…

गूगल लेन्स (Google Lens) : या खास सुविधेद्वारे आपण आपल्या फोनच्या कॅमेराचा वापर करून बऱ्याच गोष्टी करू शकतो जसे की भाषांतर, वस्तु/प्रेक्षणीय स्थळे/फुले/पदार्थ ओळखणे. फोटो काढून त्यामधील टेक्स्ट स्कॅन करून त्याची माहिती सांगणे किंवा सर्च करणे, इ. तर आता ही गूगल लेन्स सुविधा मराठीत सुद्धा उपलब्ध होत असून यामुळे तुम्ही तुमचा फोन तुम्हाला माहीत नसलेल्या भाषेतला फलक/जाहिरातीकडे करून स्कॅन केल्यास तो मराठीत भाषांतर करून दाखवेल!

बोलो (Bolo) : हे अॅप लहान मुलांना भाषा शिकवण्यासाठी मदत करण्याच्या हेतूने बनवण्यात आलं असून याद्वारे वाचन, उच्चार सुधारणे हा उद्देश असेल. हिंदी व इंग्लिशमध्ये सादर झालेलं हे अॅप आता मराठीत सुद्धा उपलब्ध झालं आहे. सोबत बंगाली, तामिळ, तेलुगू, उर्दूमध्येसुद्धा हे उपलब्ध होत आहे. यामध्ये वेगवेगळ्या कथा, गोष्टींचा सुद्धा समावेश आहे! आजवर ८ लाख मुलांनी याचा लाभ घेतला आहे अशी माहिती गूगलने दिलीय!

गूगल असिस्टंट (Google Assistant) : या स्मार्ट व्हॉइस असिस्टंटमध्ये आता अनेक नव्या सोयी खास भारतीय यूजर्ससाठी जोडण्यात येत आहेत. गेल्या वर्षीच हा असिस्टंट मराठीत उपलब्ध झाला आहे. यावेळी असं जाहीर करण्यात आलं आहे कि भारतीय यूजर्समध्ये गूगल असिस्टंटचा वापर करण्याचं प्रमाण वाढत असून याचा सर्वाधिक वापर करण्यात हिंदी आता इंग्लिशनंतर जगातली दुसरी भाषा ठरली आहे.

आता गूगल असिस्टंटला वेगळी भाषा आणि फोनसाठी वेगळी भाषा निवडता येईल. सर्च करताना गूगल असिस्टंटला ओके गूगल स्पीक टू मी इन मराठी असं सांगा त्यापुढे असिस्टंट तुमच्याशी मराठीत बोलेल!

गूगल असिस्टंट आता इंटरनेटशिवायसुद्धा वापरता येणार असून ही सुविधा तूर्तास व्होडाफोन आयडिया ग्राहकांसाठीच आहे. यासाठी तुम्हाला 8009191000 या टोल फ्री क्रमांकावर संपर्क साधून प्रश्न विचारून गूगलकडून उत्तरे मिळवता येतील! क्रिकेट स्कोर विचारा, हवामान विचारा, अगदी काहीही…!

लवकरच गूगल असिस्टंटला बोलून आपल्याला डॉमिनोजचा पिझ्झा मागवता येईल, ओलाद्वारे कॅब बुक करता येईल!

गूगल सर्च डिस्कव्हर (Google Search Discover) : आपण गूगल सर्चमध्ये असताना डावीकडे स्वाईप केल्यावर आपल्याला आपण सर्च केलेल्या गोष्टींवर आधारित लेख पाहायला मिळतात. यासाठी गूगल Discover या सेवेचा वापर करतं आता ही मराठीतसुद्धा उपलब्ध होत आहे. यामुळे यापुढे तुम्हाला केवळ इंग्लिश कंटेंट ऐवजी मराठी बातम्या, लेख पाहायला मिळतील.

गूगल पे (Google Pay) : गूगल पे या गूगलच्ये पेमेंट सेवेमध्ये त्यांनी अनेक नव्या सोयी जाहीर केल्या आहेत. गेल्या वर्षभरात गूगल पेच्या यूजर्समध्ये तिप्पट वाढ झाली आहे. वार्षिक 110 बिलियन डॉलर्सचे व्यवहार आता या अॅपद्वारे पार पडत आहेत.

• Spot Platform : ही एक नवी सेवा गूगल पे उपलब्ध करून देत असून यामुळे ऑनलाईन व ऑफलाईन विक्रेते, दुकानदार, व्यावसायिक यांना त्यांच्या ग्राहकांना खरेदीसाठी सोपा पर्याय उपलब्ध करून देता येईल. UrbanClap, Goibibo, MakeMyTrip, RedBus, Eat.Fit व Oven Story हे सध्या या सेवेचा वापर करत आहेत. याद्वारे विक्रेत्यांना त्यांची उत्पादने सहजरित्या दाखवता येतील आणि विक्रीसुद्धा करता येईल यासाठी वेगळ्या अॅप/वेबसाइटची गरज उरणार नाही.
• Google Pay for Business : हे नवं अॅप खास विक्रेते/दुकानदार/व्यावसायिकांसाठी असून याद्वारे त्यांना त्यांच्या बिझनेससाठी पेमेंट पर्याय उपलब्ध करून देता येईल. पैसे स्वीकारणे त्यांची नोंद ठेवणं अधिक सोपं जाईल.
• Tokenized cards : यामुळे पैसे देताना आपल्या कार्ड नंबर ऐवजी एका डिजिटल टोकनचा वापर केला जाईल ज्यामुळे व्यवहार अधिक सुरक्षित व गोपनीय राहतील.
• Google Pay Jobs : गूगलने स्किल इंडिया अंतर्गत National Skills Development Corporation सोबत भागीदारी करून गूगल पे अॅपद्वारे नोकऱ्या उपलब्ध करून देण्याची सोय दिली आहे. यासाठी काही कंपन्यासोबत गूगल काम करणार असून आपण आपली माहिती देऊन आपल्याला योग्य अशा जॉबचा शोध गूगल पेमध्येच घेऊ शकू…!

search terms Google For India Google Assistant Now in Marathi Discover Google Pay India Small Businesses Google Pay Jobs Search Spot Platform Bolo Google Lens

The post गूगल फॉर इंडिया : गूगल लेन्स, असिस्टंट, बोलो अॅप आता मराठीत! appeared first on MarathiTech - मराठीटेक.

एअरटेलच्या ग्राहकांना आता गूगल असिस्टंटद्वारे अकाउंट बॅलन्स, डेटा बॅलन्स, ऑफर्स पाहण्याची उत्तम सोय उपलब्ध करून देण्यात आली आहे. अशाप्रकारची सुविधा गूगल असिस्टंटद्वारे देणारी एअरटेल पहिलीच कंपनी आहे. यामुळे ग्राहकांना विविध USSD कोड लक्षात ठेवण्याची गरज भासणार नसून अगदी मनोरंजकपणे अकाऊंटबद्दल माहिती मिळवता येणार आहे.

कसे वापराल ?

1. गूगल असिस्टंट उघडा  (Home बटन दाबून धरा / Ok Google म्हणा /येथे डाऊनलोड करा व उघडा 
2. यानंतर आपणास “टॉक टू एअरटेल“(Talk to Airtel), “आस्क एअरटेल”(Ask Airtel) किंवा  or “गेट एअरटेल” (Get Airtel) असे गूगल असिस्टंटला सांगावे लागेल. 
3. एअरटेल असिस्टंट यामध्येच चालू होईल. जर आपण प्रथमच ही सुविधा वापरत असाल तर फोन नंबर विचारला जाईल व OTP द्वारे आपणास अकाउंट लिंक करावे लागेल. 

आता तुम्ही खालील प्रश्न विचारून गूगल असिस्टंटद्वारे सहजरित्या अकाउंटबद्दल माहिती मिळवू शकता.

सध्या ही सुविधा फक्त इंग्रजीमध्ये उपलब्ध असून लवकरच मराठीसह प्रादेशिक भाषांत उपलब्ध होईल असे एअरटेलतर्फे सांगण्यात आले आहे. गूगल असिस्टंट आता मराठीत उपलब्ध झाला असल्याने (लेख पहा) लवकरच मराठीमध्ये ही सुविधा उपलब्ध होईल अशी आशा आहे.

• गूगल असिस्टंट मराठी भाषेत कसा वापरायचा ? याबद्दल व्हिडीओ पाहण्यासाठी येथे क्लिक करा.  

The post आता गूगल असिस्टंटमध्ये एअरटेलच्या अकाऊंटची माहिती! : बॅलन्स विचारा, ऑफर्स पहा! appeared first on MarathiTech - मराठीटेक.

गूगल असिस्टंट आता मराठीत उपलब्ध! : दैनंदिन जीवनात अनेक गोष्टीत मदत करणारा गूगलचा असिस्टंट भारतात इंग्लिश आणि हिंदीनंतर आता मराठी भाषेतसुद्धा उपलब्ध झाला आहे. हा वापरण्यासाठी तुमच्या गूगल सेटिंग्जमध्ये मराठी भाषा जोडावी लागेल त्यानंतर तुम्ही मराठीत विचारलेल्या मराठी प्रश्नांना मराठी भाषेतच उत्तरे मिळतील! आहे न कमाल! नक्की वापरुन पहा.  गूगल असिस्टंटच्या मदतीने बर्‍याच गोष्टी करता येतात जसे की हवामान पाहणे, माहिती मिळवणे, गाणी लावणे, प्रश्नांची उत्तरे, विनोद, खेळ, SMS पाठवणे, अलार्म लावणे, इ. 

1. गूगल असिस्टंट उघडा  (Home बटन दाबून धरा / Ok Google म्हणा / डाऊनलोड करा व उघडा
2. त्यानंतर उजव्या कोपर्‍यात   More   Settings
3. Devices मध्ये जा आणि तुमचा फोन निवडा 
4. Assistant language निवडा आणि मग language preferences मध्ये जा 
5. Add language निवडून इथे मराठी (Marathi) निवडा 
6. प्रमुख भाषा म्हणून सेट करायचे असल्यास मराठी समोरील  Reorder पर्याय दाबून धरूनवर सरकवा
7. आता मराठी तुमच्या फोनमधील प्रमुख भाषा म्हणून वापरली जाईल!
8. यानंतर Ok Google असा उच्चार करून गूगल असिस्टंट सोबत संवाद साधता येईल! 

संदर्भ : 

1. गूगल फॉर इंडिया २०१८ : गूगलच्या भारतीयांसाठी खास सोयी!
2. अॅमेझॉन अलेक्सा असिस्टंटला आता मराठी भाषासुद्धा समजेल!

search terms : How to use google assistant in marathi? Google Assistant now supports Marathi
Google has launched Marathi language support for its virtual assistant, called the Google Assistant
how to operate your smartphone hands-free by using Marathi voice commands After English and Hindi Google Assistant now available in Marathi Soon in Bengali, Tamil, Telugu, Gujarati, Malayalam, Kannada, Urdu 

The post गूगल असिस्टंट मराठी भाषेत कसा वापरायचा ? appeared first on MarathiTech - मराठीटेक.