गूगल क्रोम या जगातील सर्वाधिक वापरल्या जाणाऱ्या ब्राऊजरची शंभरावी आवृत्ती आजपासून उपलब्ध होत असून गूगलच्या या ब्राऊजरने अल्पावधीत गाठलेलं अव्वल स्थान अजूनही टिकवून ठेवलं आहे. या आवृत्तीमध्ये या निमित्ताने काही विशेष फीचर जोडण्यात आलेलं नाही मात्र त्यांचा नवा लोगो आता आणखी नव्या उपकरणांवर उपलब्ध झाला आहे.

गूगल क्रोम प्रथम सप्टेंबर २००८ मध्ये Beta आवृत्तीमध्ये सादर करण्यात आलं होतं. आता तब्बल १३.५ वर्षांनी याची १०० वी आवृत्ती आली आहे आणि त्याकाळी प्रसिद्ध असलेल्या इंटरनेट एक्सप्लोरर, फायरफॉक्स अशा सर्वांना मागे टाकत गेली कित्येक वर्षं हा ब्राऊजर प्रथम स्थानी विराजमान आहे! सोपा सहज इंटरफेस, वेगवान पेज लोडिंग, सुरक्षित असा हा पर्याय लगेचच लोकप्रिय झाला होता.

गूगल क्रोमचा हा नवा लोगो तब्बल ८ वर्षांनी बदलण्यात आला आहे. याबद्दल फेब्रुवारी मध्ये माहिती देण्यात आली होती. नव्या लोगोला आता आणखी फ्लॅट डिझाईनमध्ये रूपांतरित करण्यात आलं असून हा लोगो प्रत्येक ओएसवर त्या त्या ओएसला साजेशा स्वरूपात दिसेल. उदा. मॅकवर देण्यात आलेलं थोडंसं 3D डिझाईन!

अँड्रॉइडवर Chrome 100 मध्ये आणखी ठिकाणी त्यांचं नवं Material You डिझाईन पाहायला मिळेल.

हे अपडेट मिळवण्यासाठी तुमच्या ब्राऊजरमध्ये जाऊन उजव्या कोपऱ्यात तीन डॉट्स > Help > About Google Chrome वर जा आणि क्रोम अपडेट होऊ लागेल. फोनवर अपडेट करण्यासाठी प्ले स्टोअर किंवा ॲप स्टोअरमधून अपडेट करा. “chrome://whats-new/” या URL वर गेल्यास नव्या क्रोममधील सोयी दिसतील.

गूगल क्रोम डेव्हलपर्सनी या निमित्ताने #100CoolWebMoments या हॅशटॅग अंतर्गत developer.chrome.com/100/ या वेबसाइटवर गूगल क्रोमचा आजपर्यंतचा प्रवास मांडला आहे! सोबत या काळात संबंधित क्षेत्रात घडलेल्या विशेष गोष्टीसुद्धा येथे दिसतील!

मराठीटेकवरचा पहिला लेखसुद्धा गूगल क्रोमबद्दलच होता! 🙂

The post गूगल क्रोमची १०० वी आवृत्ती नव्या लोगोसह उपलब्ध! appeared first on MarathiTech - मराठीटेक.

गूगल क्रोम (Chrome) या लोकप्रिय ब्राऊजरमध्ये आता डेस्कटॉप सह फोन्सवरही टॅब ग्रुपिंगचा (Tab Groups) पर्याय येत आहे. यामुळे आपण एका विषयावरील किंवा प्रकारानुसार किंवा आवडीनुसार टॅबचा ग्रुप करून ठेऊ शकतो. यामुळे टॅब बारवरती बरीच जागा उपलब्ध होते आणि ग्रुप्स गरजेनुसार क्लिक केल्यावरच expand होतात.

डेस्कटॉपवर ही सोय उपयोगी असली तरी फोन्ससाठी नवा लेआउट असून एका वेबसाइटवरून क्लिक करून दुसऱ्या वेबसाइटवर जात असताना त्यांचा आपोआप ग्रुप तयार होत आहे. नवी टॅब उघडल्यावर सुद्धा हा नवा ग्रिड लेआऊट उघडला जातोय. यामुळे यूजर्समध्ये बऱ्यापैकी संभ्रम निर्माण होत असून गूगलने फोन्समधील टॅब ग्रुपचं डिझाईन सोपं केलेलं नाही असं मत अनेकांनी नोंदवलं आहे.

फोन आणि डेस्कटॉपमधील क्रोम टॅब ग्रुप्समधील सुविधा सुद्धा वेगळ्या आहेत. फोनमध्ये अद्याप टॅब ग्रुपला नाव देता येत नाही. ही सोय सध्या अपडेट्स द्वारे उपलब्ध करून देण्यात येत आहे. तुम्हाला अद्याप नवा लेआऊट दिसत नसेल तर येत्या काही दिवसात तो अपडेट केल्यावर दिसू लागेल.

The post गूगल क्रोममध्ये टॅब ग्रुपिंग उपलब्ध : अनेक टॅब्ज एकत्र करता येणार! appeared first on MarathiTech - मराठीटेक.

गूगल क्रोमच्या नव्या अपडेटमध्ये Send To Device ही सोय जोडण्यात आली असून हे अपडेट आता विंडोज, मॅक, iOS आणि अँड्रॉईडवर उपलब्ध करून देण्यास सुरुवात झाली आहे. क्रोममध्ये या अपडेटद्वारे बऱ्याच गोष्टींमध्ये बदल करण्यात आले आहेत. यामधील प्रमुख सोय सेंड टू डिव्हाईस म्हणावी लागेल. तुम्ही डेस्कटॉप/लॅपटॉपवर क्रोमद्वारे एखादी वेबसाइट पाहत असाल आणि आता तुम्हाला ती वेबसाइट फोनमध्ये उघडायची आहे तर तो वेबसाइट URL फोनमध्ये टाइप करणे किंवा मेल/मेसेज करून मग त्याद्वारे उघडणे असं काही करावं लागणार नाही. त्या वेबसाइटवर असताना राइट क्लिक करा आलेल्या मेनूमधून Send to phone (किंवा जे काही नाव असेल ते) निवडा की तुमच्या फोनवर नोटिफिकेशन आलेली दिसेल! आणि त्यावर क्लिक केलं की ते वेबसाइट लगेच फोनमध्ये उघडलेली दिसेल!

Chrome 77 अपडेट मध्ये ही सुविधा देण्यात आलेली आहे. बरेच दिवस ही सोय Chrome Flag च्या रूपात उपलब्ध होती आता सर्वांसाठी सहज उपलब्ध करून देण्यात आली आहे. यामुळे लिंक्स वेगवेगळ्या डिव्हाईस वरून एकमेकांना पाठवणं सोपं होईल आणि यामुळे बराच वेळ वाचेल!
क्रोम अपडेट करण्यासाठी कोपऱ्यात तीन डॉट असलेल्या चिन्हवर क्लिक करून Help > About मध्ये जा क्रोम अपडेट व्हायला सुरूवात होईल.
फोनसाठी अॅप स्टोअर/प्ले स्टोअरवर जाऊन अपडेट करू शकता.

1. प्रथम तुमच्या फोन व पीसी/लॅपटॉपवर क्रोम इंस्टॉल केलेलं आहे का हे पहा
2. त्यानंतर दोन्हीकडे तुम्ही तुमच्या गूगल अकाऊंटद्वारे लॉगिन केलेलं आहे का हे पहा
3. आता तुम्ही जर डेस्कटॉपवर असाल तर तुम्हाला वेबसाइटच्या लिंकवर क्लिक केल्यास उजवीकडे Send This Page चं चिन्ह दिसेल (लॅपटॉप आणि मोबाइल यांचं मिश्रण असलेला आयकॉन)
4. त्यावर क्लिक करून आलेल्या यादीतून तुमचा फोन निवडा
5. आता तुम्हाला तुमच्या फोनवर एक नोटिफिकेशन आलेली दिसेल
6. त्यावर क्लिक केल्यास टी वेबसाइट तुमच्या फोनवरील क्रोमवर उघडलेली दिसेल!
7. हीच सोय फोनवर उघडलेली वेबसाइट डेस्कटॉप/लॅपटॉपवर पाठवण्यास सुद्धा वापरता येते!

Search Terms : Send Links from PC to phone Phone to PC Windows Mac Android iOS Google Chrome Devices

The post गूगल क्रोमवरून लिंक्स, वेब पेजेस फोन व इतर डिव्हाईसवर सहज पाठवता येणार! appeared first on MarathiTech - मराठीटेक.

गूगलने आज त्यांच्या लोकप्रिय क्रोम ब्राऊजरला नवं ७४ अपडेट उपलब्ध करून दिलं असून यामध्ये काही सोयी नव्याने जोडण्यात आल्या आहेत. हे अपडेट आजच विंडोज, मॅक, लिनक्स, अँड्रॉइडवर मिळेल. काही नव्या सुविधा आणि सुरक्षेसंबंधित बग फिक्सेस पाहायला मिळतील. विशेष सुविधा म्हणजे मॅक नंतर आता विंडोजवरही डार्क मोड उपलब्ध होतोय ज्यामुळे सर्व मेन्यू पांढर्‍या ऐवजी काळ्या रंगात दिसतील. यामुळे डोळ्यावरचा ताण कमी होण्यास मदत होते.

हा डार्क मोड सुरू करण्यासाठी सध्यातरी क्रोममध्ये सेटिंग्स नाहीयेत. तुम्ही जर विंडोज १० च नवं अपडेट वापरत असाल तर Personalize > Colors > Choose Your Default App Mode > Dark असा बदल करून सर्व कम्प्युटर डार्क मोडमध्ये वापरू शकाल. यामुळे क्रोममधील पंधरा रंग डार्क मोडमध्ये बदलेलला दिसेल.

यासोबत डेव्हलपर्ससाठी काही नव्या सोयी देण्यात आल्या आहेत. क्रोम अँड्रॉइडमध्ये Data Saver ला आता Lite Mode हे नवं नाव देण्यात आलं आहे. क्रोममध्ये आता वेबसाइट डेव्हलपर्सना मोशन सिकनेस कमी करण्यासाठी पर्याय देता येणार असून यामुळे वेबसाइट पाहताना कधीकधी डिझाईनमधील भागांमुळे स्क्रोलिंगवेळी होणार्‍या हालचालींचा त्रास होतो तो कमी होईल!

टीप : क्रोम ७४ अपडेट किंवा यामधील नवे बदल तुम्हाला दिसत नसतील तर आणखी काही दिवस वाट पहावी लागेल. या अपडेटची रोलआऊट प्रक्रिया सुरू आहे.

The post गूगल क्रोम ७४ अपडेट आता उपलब्ध : डार्क मोडसह! appeared first on MarathiTech - मराठीटेक.

गूगलचा सर्वात लोकप्रिय ब्राऊजर गूगल क्रोम आज दहा वर्षांचा होत आहे आणि त्यानिमित्त गूगलने बऱ्याच वर्षांनंतर आज क्रोमच्या यूजर इंटरफेस डिझाईनमध्ये बदल केला आहे! त्यांच्या प्रसिद्ध मटेरियल डिझाईन आधारीत पर्याय आता क्रोमवर उपलब्ध असतील! २ सप्टेंबर २००८ रोजी क्रोम ब्राऊजर विंडोज एक्सपीसाठी प्रथम उपलब्ध झाला होता.

काही वर्षांपूर्वी अगदी तळाशी असलेला गूगलचा हा ब्राऊजर त्या काळच्या सर्वांना मागे टाकत सध्या जगातला सर्वात जास्त वापरला जाणारा ब्राऊजर आहे! इंटरनेट एक्सप्लोरर, फायरफॉक्स, सफारी, ऑपेरा, एज या सर्वांना एकत्रित जरी धरलं तरीही क्रोमच्या एकूण वापरकर्त्यांच्या संख्येपेक्षा कमीच वापरकर्ते आहेत! डेस्कटॉप कॉम्पुटर्सवर ६५% आणि फोन्सवर ६०% हिस्सा आज एकट्या क्रोम ब्राऊजरकडे आहे! या यशाचं मुख्य कारण म्हणजे वेबसाइट उघडण्यास बऱ्याच प्रमाणात कमी वेळ घेणं आणि सोपं सुटसुटीत डिझाईन.

नव्या अपडेटमध्ये बऱ्याच गोष्टी अधिक वेगवान होणार असून यामुळे एकंदर अनुभवात मोठा फरक पडेल असं गूगलकडून सांगण्यात येत आहे! नव्या लूकमध्ये टॅबचा आकार बदलला असून यामुळे अनेक टॅब्स उघडल्या असतील तर आयकॉन पाहून स्विच करणं सहज जमेल! असे बदल अँड्रॉइड व iOS वर सुद्धा पाहायला मिळतील! यासाठी क्रोम अपडेट करून घ्यावं लागेल…

1. डेस्कटॉप/लॅपटॉप : उजव्या कोपऱ्यात तीन डॉट असलेला पर्याय > Help > About Chrome
2. अँड्रॉइड स्मार्टफोन : प्ले स्टोरमध्ये Updates > Google Chrome > Update 
3. आयफोन : अॅप स्टोरमधून गूगल क्रोम अपडेट करा.         

आता क्रोममधील ऑटो फील (AutoFill) अधिक उत्तमरीत्या काम करेल ज्यामुळे पासवर्ड्स, पत्ते, क्रेडिट/डेबिट कार्ड्सची माहिती साठवून गरजेनुसार वापरणं सोपं झालं आहे.

• क्रोम आता नव्या पासवर्ड जनरेटरद्वारे स्वतः सुरक्षित पासवर्ड्स तयार करेल जे तुम्ही विविध साईट्सवर वेगवेगळे वापरून तुमची ऑनलाईन अकाउंट्स सुरक्षित करू शकता!   

क्रोमचा सर्चबार सुद्धा आता स्मार्ट झाला असून बऱ्याच प्रश्नांची उत्तरे आपल्याला या बारमध्येच मिळून जातील! उदा. गणितं, व्याख्या, हवामान, भाषांतर यांची माहिती सर्च बारवरच मिळेल! तसेच तुम्ही २० टॅब्स उघडल्या असतील आणि नेमकी टॅब सापडत नसेल तर सर्च बारमध्येच स्विच टॅब द्वारे योग्य ती टॅब सुचवली जाईल!

• क्रोमच्या होमपेज/स्टार्टपेजवर स्वतःची बॅकग्राऊंड इमेज सेट करता येईल! उजव्या कोपऱ्यात खाली नवा पर्याय ज्याद्वारे आपल्या कॉम्पुटरमधील हवी ती इमेज अपलोड करून आपण क्रोमची बॅकग्राऊंड म्हणून वापरू शकतो!

Fun Fact : मराठीटेकवरील सर्वात पहिली पोस्ट गूगल क्रोमबद्दलच होती!    

The post गूगल क्रोमला दहा वर्षे पूर्ण : आता नवं डिझाईन, नवे पर्याय! appeared first on MarathiTech - मराठीटेक.