गूगल फॉर इंडिया हा कार्यक्रम गूगलचे भारतीय वापरकर्त्यांसाठी सुरु असलेले प्रयत्न अधोरेखित करण्यासाठी आयोजित केला जातो. Google For India मध्ये यंदाच्या सहाव्या वर्षीही बऱ्याच नव्या गोष्टी आणल्या आहेत. गूगल आता देशातील नागरिकांच्या दैनंदिन समस्या सोडवण्यासाठी पर्याय शोधण्याचं काम करणार आहे. यासोबत गूगलचे प्रमुख सुंदर पिचाई यांनी यावेळी भारतात तब्बल ७५००० कोटींची गुंतवणूक करणार असल्याचं जाहीर केलं आहे!

भारतातील डिजिटल अर्थव्यवस्थेला चालना देण्यासाठी गूगल आता नवा फंड सुरु करत असून याचं नाव Google for India Digitization Fund असं असणार आहे. याद्वारे येत्या पाच ते सात वर्षात ७५००० कोटींची गुंतवणूक गूगल करणार आहे.

या गुंतवणुकीद्वारे भारताला डिजिटल बनवण्यासाठी प्रमुख चार गोष्टी असतील

1. भारतीयांना त्यांच्या मातृभाषेत माहिती उपलब्ध करून देणे
2. भारतीयांच्या गरजा ओळखून त्यानुसार उत्पादने आणि सेवा तयार करणे
3. डिजिटल बदलासाठी व्यवसायांना प्रोत्साहन देणे
4. आरोग्य, शिक्षण आणि कृषी क्षेत्रात तंत्रज्ञान आणि कृत्रिम बुद्धिमत्तेचा वापर करून चांगल्या गोष्टीत अंमलात आणणे

या प्रमुख घोषणेसह त्यांनी असंही जाहीर केलं आहे की गूगल आता दहा लाख CBSE शिक्षकांना ऑनलाइन वर्ग घेण्याच्या दृष्टीने मोफत प्रशिक्षण देणार आहे!

सोबत आजवर गूगल इंडिया तर्फे घेण्यात आलेल्या विविध उपक्रमांची, गुंतवणुकीची आणि सेवांची माहिती देण्यात आली आहे. या कार्यक्रमात पंतप्रधान मोदी, माहिती व तंत्रज्ञान मंत्री रवीशंकर प्रसाद, मानव संसाधन मंत्री रमेश पोखरियाल हे सुद्धा व्हिडिओमार्फत सहभागी झाले होते.

Google For India 2020 अधिक माहिती : https://bit.ly/3foWoTN

The post गूगल करणार ७५००० कोटींची गुंतवणूक! : गूगल फॉर इंडिया २०२० appeared first on MarathiTech - मराठीटेक.

गूगल फॉर इंडिया हा कार्यक्रम गूगलचे भारतीय वापरकर्त्यांसाठी सुरु असलेले प्रयत्न अधोरेखित करण्यासाठी आयोजित केला जातो. Google For India मध्ये यंदाच्या पाचव्या वर्षीही बऱ्याच नव्या गोष्टी आणल्या असून मराठी भाषेतही अनेक सुविधा प्रथमच उपलब्ध करून देण्यात येत आहेत. गूगलने बेंगळुरूमध्ये AI Lab स्थापन केली असून कृत्रिम बुद्धिमत्ता वापरून अभ्यास करून त्याद्वारे देशातील दैनंदिन समस्या सोडवण्यासाठी पर्याय शोधण्याचं काम करणार आहे. लॅब सुरु करत असल्याचं जाहीर केलं आहे. आजच्या या लेखामध्ये काही विशेष उत्पादनांविषयी माहिती देण्यात आली आहे त्यांची ओळख करून घेऊया…

गूगल लेन्स (Google Lens) : या खास सुविधेद्वारे आपण आपल्या फोनच्या कॅमेराचा वापर करून बऱ्याच गोष्टी करू शकतो जसे की भाषांतर, वस्तु/प्रेक्षणीय स्थळे/फुले/पदार्थ ओळखणे. फोटो काढून त्यामधील टेक्स्ट स्कॅन करून त्याची माहिती सांगणे किंवा सर्च करणे, इ. तर आता ही गूगल लेन्स सुविधा मराठीत सुद्धा उपलब्ध होत असून यामुळे तुम्ही तुमचा फोन तुम्हाला माहीत नसलेल्या भाषेतला फलक/जाहिरातीकडे करून स्कॅन केल्यास तो मराठीत भाषांतर करून दाखवेल!

बोलो (Bolo) : हे अॅप लहान मुलांना भाषा शिकवण्यासाठी मदत करण्याच्या हेतूने बनवण्यात आलं असून याद्वारे वाचन, उच्चार सुधारणे हा उद्देश असेल. हिंदी व इंग्लिशमध्ये सादर झालेलं हे अॅप आता मराठीत सुद्धा उपलब्ध झालं आहे. सोबत बंगाली, तामिळ, तेलुगू, उर्दूमध्येसुद्धा हे उपलब्ध होत आहे. यामध्ये वेगवेगळ्या कथा, गोष्टींचा सुद्धा समावेश आहे! आजवर ८ लाख मुलांनी याचा लाभ घेतला आहे अशी माहिती गूगलने दिलीय!

गूगल असिस्टंट (Google Assistant) : या स्मार्ट व्हॉइस असिस्टंटमध्ये आता अनेक नव्या सोयी खास भारतीय यूजर्ससाठी जोडण्यात येत आहेत. गेल्या वर्षीच हा असिस्टंट मराठीत उपलब्ध झाला आहे. यावेळी असं जाहीर करण्यात आलं आहे कि भारतीय यूजर्समध्ये गूगल असिस्टंटचा वापर करण्याचं प्रमाण वाढत असून याचा सर्वाधिक वापर करण्यात हिंदी आता इंग्लिशनंतर जगातली दुसरी भाषा ठरली आहे.

आता गूगल असिस्टंटला वेगळी भाषा आणि फोनसाठी वेगळी भाषा निवडता येईल. सर्च करताना गूगल असिस्टंटला ओके गूगल स्पीक टू मी इन मराठी असं सांगा त्यापुढे असिस्टंट तुमच्याशी मराठीत बोलेल!

गूगल असिस्टंट आता इंटरनेटशिवायसुद्धा वापरता येणार असून ही सुविधा तूर्तास व्होडाफोन आयडिया ग्राहकांसाठीच आहे. यासाठी तुम्हाला 8009191000 या टोल फ्री क्रमांकावर संपर्क साधून प्रश्न विचारून गूगलकडून उत्तरे मिळवता येतील! क्रिकेट स्कोर विचारा, हवामान विचारा, अगदी काहीही…!

लवकरच गूगल असिस्टंटला बोलून आपल्याला डॉमिनोजचा पिझ्झा मागवता येईल, ओलाद्वारे कॅब बुक करता येईल!

गूगल सर्च डिस्कव्हर (Google Search Discover) : आपण गूगल सर्चमध्ये असताना डावीकडे स्वाईप केल्यावर आपल्याला आपण सर्च केलेल्या गोष्टींवर आधारित लेख पाहायला मिळतात. यासाठी गूगल Discover या सेवेचा वापर करतं आता ही मराठीतसुद्धा उपलब्ध होत आहे. यामुळे यापुढे तुम्हाला केवळ इंग्लिश कंटेंट ऐवजी मराठी बातम्या, लेख पाहायला मिळतील.

गूगल पे (Google Pay) : गूगल पे या गूगलच्ये पेमेंट सेवेमध्ये त्यांनी अनेक नव्या सोयी जाहीर केल्या आहेत. गेल्या वर्षभरात गूगल पेच्या यूजर्समध्ये तिप्पट वाढ झाली आहे. वार्षिक 110 बिलियन डॉलर्सचे व्यवहार आता या अॅपद्वारे पार पडत आहेत.

• Spot Platform : ही एक नवी सेवा गूगल पे उपलब्ध करून देत असून यामुळे ऑनलाईन व ऑफलाईन विक्रेते, दुकानदार, व्यावसायिक यांना त्यांच्या ग्राहकांना खरेदीसाठी सोपा पर्याय उपलब्ध करून देता येईल. UrbanClap, Goibibo, MakeMyTrip, RedBus, Eat.Fit व Oven Story हे सध्या या सेवेचा वापर करत आहेत. याद्वारे विक्रेत्यांना त्यांची उत्पादने सहजरित्या दाखवता येतील आणि विक्रीसुद्धा करता येईल यासाठी वेगळ्या अॅप/वेबसाइटची गरज उरणार नाही.
• Google Pay for Business : हे नवं अॅप खास विक्रेते/दुकानदार/व्यावसायिकांसाठी असून याद्वारे त्यांना त्यांच्या बिझनेससाठी पेमेंट पर्याय उपलब्ध करून देता येईल. पैसे स्वीकारणे त्यांची नोंद ठेवणं अधिक सोपं जाईल.
• Tokenized cards : यामुळे पैसे देताना आपल्या कार्ड नंबर ऐवजी एका डिजिटल टोकनचा वापर केला जाईल ज्यामुळे व्यवहार अधिक सुरक्षित व गोपनीय राहतील.
• Google Pay Jobs : गूगलने स्किल इंडिया अंतर्गत National Skills Development Corporation सोबत भागीदारी करून गूगल पे अॅपद्वारे नोकऱ्या उपलब्ध करून देण्याची सोय दिली आहे. यासाठी काही कंपन्यासोबत गूगल काम करणार असून आपण आपली माहिती देऊन आपल्याला योग्य अशा जॉबचा शोध गूगल पेमध्येच घेऊ शकू…!

search terms Google For India Google Assistant Now in Marathi Discover Google Pay India Small Businesses Google Pay Jobs Search Spot Platform Bolo Google Lens

The post गूगल फॉर इंडिया : गूगल लेन्स, असिस्टंट, बोलो अॅप आता मराठीत! appeared first on MarathiTech - मराठीटेक.

गूगल फॉर इंडिया हा कार्यक्रम गूगलचे भारतीय वापरकर्त्यांसाठी सुरु असलेले प्रयत्न अधोरेखित करण्यासाठी आयोजित केला जातो. Google For India मध्ये यंदाच्या चौथ्या वर्षीही बऱ्याच नव्या गोष्टी आणल्या असून मराठी भाषेतही अनेक सुविधा प्रथमच उपलब्ध करून देण्यात येत आहेत. भारतीय भाषांमीध्ये कंटेंट उपलब्ध होण्याच्या दृष्टीने गूगल अनेक प्रयत्न करत आहे. तर खालीलप्रमाणे आज विविध प्रकारच्या उत्पादनांविषयी माहिती देण्यात आली आहे त्यांची ओळख करून घेऊया…खाली दिलेले बदल काही दिवसात पाहायला मिळतील तर काही लगेचच याची नोंद घ्यावी… 

गूगल असिस्टंट आता मराठीत उपलब्ध! : दैनंदिन जीवनात अनेक गोष्टीत मदत करणारा गूगलचा असिस्टंट भारतात इंग्लिश आणि हिंदीनंतर आता मराठी भाषेतसुद्धा उपलब्ध झाला आहे. हा वापरण्यासाठी तुमच्या गूगल सेटिंग्जमध्ये मराठी भाषा जोडावी लागेल त्यानंतर तुम्ही मराठीत विचारलेल्या मराठी प्रश्नांना मराठी भाषेतच उत्तरे मिळतील! आहे न कमाल! नक्की वापरुन पहा. याबद्दल आमचा व्हिडिओ

1. गूगल असिस्टंट उघडा  (Home बटन दाबून धरा / Ok Google म्हणा / डाऊनलोड करा व उघडा
2. त्यानंतर उजव्या कोपर्‍यात   More   Settings
3. Devices मध्ये जा आणि तुमचा फोन निवडा 
4. Assistant language निवडा आणि मग language preferences मध्ये जा 
5. Add language निवडून इथे मराठी (Marathi) निवडा 
6. प्रमुख भाषा म्हणून सेट करायचे असल्यास मराठी समोरील  Reorder पर्याय दाबून धरूनवर सरकवा
7. आता मराठी तुमच्या फोनमधील प्रमुख भाषा म्हणून वापरली जाईल!

   गूगलचा मराठी असिस्टंट : Google Assistant in Marathi  

गूगलचे भारतीय भाषांसाठी प्रयत्न :

• गूगलची सर्व प्रमुख उत्पादने ८ प्रमुख भारतीय भाषांमध्ये उपलब्ध!
• Gboard ५० भारतीय भाषा पुरवणारा एकमेव कीबोर्ड!
• ८ प्रमुख भाषांमध्ये व्हॉइस सर्चची सोय!
• गूगल सर्च फीड आता भारतीय भाषांमध्ये! : जी आपल्याला सर्व रिझल्ट्स वाचून दाखवेल! मराठीतही लवकरच उपलब्ध 
• जाहिराती हिंदी, बंगाली, तामिळ, तेलुगू मध्ये उपलब्ध (अद्याप मराठीत नाही!)     

गूगलचे मराठी भाषेतले नवे पर्याय! :

• गूगल सर्च फीड आता मराठीत! : जी आपल्याला सर्व रिझल्ट्स वाचून दाखवेल! मराठीतही लवकरच उपलब्ध  
• गूगल गो मराठी भाषेत उपलब्ध! : याद्वारे आता वेबसाईट्स मराठी भाषेत वाचून दाखवल्या जातील अगदी 2G नेटवर्क असल्यावरही ! 
• Definition : एखाद्या शब्दाची व्याख्या विचारण्याची सोय मराठी भाषेत सुद्धा! शब्दाचे उच्चार कसे करावे याबद्दलही मिळेल मदत!  

गूगलने जाहीर केली खास माहिती :

• भारतात येत्या तीन वर्षानी इंटरनेट वापरकर्त्यामध्ये ४५% स्त्रिया असतील! 
• २०१२ नंतर इंटरनेट वापरकर्त्यांमध्ये चौपट वाढ!
• दरमहा प्रत्येक जण जवळपास 8GB इंटरनेट डेटा वापरत आहे !    
• दरमहा ३९ कोटी भारतीय इंटरनेट ऍक्टिव्हली वापरत आहेत! 
• व्हॉइस सर्च वापरणाऱ्यामध्ये २७०% वाढ!
• फोनवर वापरल्या जाणाऱ्या इंटरनेटमध्ये ७५% व्हिडीओच पाहिले जातात!
• भारतीय भाषांमध्ये इंटरनेट वापरणाऱ्यांची संख्या दोन वर्षात ५० कोटींवर पोहोचणार!
• ९५% व्हीडिओज स्थानिक भाषेत पाहिले जातात!  
• दोन कोटी लोकांनी  वापरला गूगल मॅप्सवरील टू व्हीलर मोड!
• २०१८ मध्ये ५ कोटी इमारतीची माहिती गूगल मॅप्सवर जोडली गेली आहे!     

गूगल तेझ आता गूगल पे (Google Pay India) : UPI द्वारे पैसे देण्याची सोपी सोय देणाऱ्या तेझ सेवेचं आता गूगल पे मध्ये नामांतरण झालं आहे! तेझवरून तब्बल ७५ कोटी व्यवहार पार पडले आहेत! २ कोटी दरमहा वापर करत आहेत. लवकरच गूगलची ही सेवा पेटीएमप्रमाणे दुकानांमध्येही उपलब्ध होईल!


इंटरनेट साथी : गूगलचा टाटा ट्रस्ट सोबतचा उपक्रम जो ग्रामीण भागातील स्त्रियांना इंटरनेट विश्वाची ओळख करून देतो! ह्या क्षणी ५०००० हुन अधिक इंटरनेट साथी ज्यांनी दोन कोटी महिलांना इंटरनेटची ओळख करून दिली आहे!

कृत्रिम बुद्धिमत्तेद्वारे (AI) मदत! : पुराबद्दल अचूक माहिती वेळेआधी पुरवली जाईल! ज्याठिकाणी अधिक नुकसान होऊ शकेल याचा अंदाज व्यक्त करणं, मदत अधिक लोकांपर्यंत जलद पोहोचवणे यासाठी पर्याय! यासाठी भारताच्या जल मंत्रालयासोबत भागीदारी!

प्रोजेक्ट नवलेखा :  भारतातील प्रिंट मीडियामध्ये काम करणाऱ्या प्रकाशकांपैकी ९०% जणांची वेबसाईट नाही. त्यांचा कन्टेन्ट इंटरनेटवर आणण्यासाठी Navlekha हा प्रकल्प सुरु करण्यात येत आहे! ज्याद्वारे सोप्या पद्धतीने वेबसाइट तयार करणे, फ्री होस्टिंग, जाहिराती या सोयी मिळतील! यामुळे ऑफलाईन असलेले प्रकाशक ऑनलाईन आणण्यासाठी मदत होईल!

इतर महत्वाच्या घोषणा :
अँड्रॉइड गो पाय जाहीर : कमी क्षमतेच्या फोन्ससाठी अँड्रॉइडचं नवं व्हर्जन अँड्रॉइड गो पाय
Where’s My Train : या अॅपची गूगल असिस्टंटसोबत भागीदारी, प्रश्न विचारताच ट्रेनच्या जागेची माहिती!
रेडबस : RedBus या अॅपसोबत भागीदारी, बसच्या थांब्याबद्दल अलर्ट्स!
गूगल स्टेशन : पूर्ण झाल्यावर १ कोटी लोकांपर्यंत पोहचेल ही सेवा! 
गूगलकडून केरळ पूरग्रस्तांसाठी दहा लाखांची मदत जाहीर!
Google’s India for India Video : https://youtu.be/MBe_z9TPmSg

search terms Google For India Google Assistant Now in Marathi Internet Saathis Using AI for flood perdition Project Navlekha Google Tez is now Google Pay India Android Pie Go

The post गूगल फॉर इंडिया २०१८ : गूगलच्या भारतीयांसाठी खास सोयी! appeared first on MarathiTech - मराठीटेक.