गूगल आज त्यांच्या पिक्सल फोन मालिकेत दोन नवे फोन्स सादर केले असून Pixel 2 व Pixel 2 XL हे गूगलचे स्मार्टफोन आता बाजारात दाखल झाले आहेत. गूगलच्या आज पार पडलेल्या मेड बाय गूगल कार्यक्रमात आज फोनसोबत इतरही अनेक प्रॉडक्ट सादर केली असून गूगलमध्ये मशीन लर्निंग व कृत्रिम बुद्धिमत्ता यांना देण्यात येणारी प्राथमिकता प्रामुख्याने दाखवण्यात आली. आजच्या लेखामध्ये पाहूया या सर्व प्रोडक्टसबद्दल थोडक्यात माहिती…

Made By Google 2017

जसे की आपण वरील इमेजमध्ये पाहू शकता गूगल उपकरणे सादर केली आहेत जसे कि पिक्सल २ फोन, पिक्सलबुक, पिक्सल पेन, गूगल होम मिनी व गूगल होम मॅक्स, गूगल क्लिप्स कॅमेरा, डेड्रीम व्हयू व्हीआर हेडसेट, पिक्सल बड्स…

Pixel 2 XL आणि Pixel 2

गूगल पिक्सल २ (Google Pixel 2) : नेक्सस मालिका बंद करून गूगलने नव्याने आणलेली पिक्सल मालिका म्हणावी तितकी यशस्वी झालेली नाही. आता या मालिकेत दोन नव्या फोन्सची भर पडली आहे. यामध्ये काही भन्नाट सुविधा देऊन गूगलने ग्राहकांना आकर्षित करून घेण्याचा प्रयत्न केला आहे. यामध्ये जगातला सर्वोत्तम स्मार्टफोन कॅमेरा असल्याचं सांगितलं आहे. DxO Mark मध्ये सर्वाधिक ९८ गुण मिळाले आहेत (याच DxO मार्कमध्ये आयफोन ८ व गॅलॅक्सी एस ८ ला ९५ गुण आहेत!) दोन कॅमेरा देण्याचा नवा ट्रेंड सुरु झालेला असताना गूगलने मात्र एकच कॅमेरा व त्याला मशीन लर्निंगची जोड दिली आहे! तसेच यामध्ये फोन लॉक असताना कुठेही एखादे गाणे सुरु असल्यास त्याच नाव फोनवर झळकतं म्हणजे आपण नंतर ते गाणे पाहू/ऐकू शकतो! यामध्ये अमर्याद क्लाऊड स्टोरेज देण्यात आलं आहे! सोबत गूगल लेन्स, गूगल असिस्टंट, उत्तम स्पिकर्स यांची जोड आहेच! Meet Google Pixel 2 https://youtu.be/zpLVsR8cSFo

कॅमेरा : 12.2MP, f/1.8 aperture, 4K @ 30fps, 720p @240fps
फ्रंट कॅमेरा : 8MP, f/2.4 aperture, 1080p @ 30fps
प्रॉसेसर : Qualcomm Snapdragon 835, Adreno 540 Octa-Core
रॅम : 4GB LPDDR4x RAM
स्टोरेज : 64GB / 128GB

इतर : Aluminum unibody, IP67 water व dust resistant, USB-C, Bluetooth 5.0
किंमत : $649 (Pixel 2) आणि $849 (Pixel 2 XL)
गूगल पिक्सल भारतात २६ ऑक्टोबरपासून प्री ऑर्डरसाठी उपलब्ध : भारतीय किंमती खालीलप्रमाणे
Google Pixel 2 : 64GB ₹ ६१००० आणि 128GB ₹ ७००००  (१ नोव्हेंबरपासून दुकानात उपलब्ध)
Google Pixel 2 XL : 64GB ₹ ७३००० आणि 128GB ₹ ८२००० (१५ नोव्हेंबरपासून दुकानात उपलब्ध)

गूगल पिक्सलबुक Google Pixelbook : लॅपटॉप आणि टॅब्लेटचं मिश्रण असलेली क्रोमबुक म्हणजे पिक्सलबुक
मायक्रोसॉफ्ट आणि अॅपलनंतर आता गूगलनेही त्यांच्या लॅपटॉपला टचस्क्रिन व पेन इनपुट दिलं आहे! या पिक्सलबुकचं वैशिष्ट्य म्हणजे यामध्ये प्ले स्टोर चालतं त्यामुळे सर्व अॅप्स लॅपटॉपवर मोठ्या स्क्रिनमध्ये पाहता/वापरता येतील!  सोबतच यामध्ये गूगल असिस्टंट सुद्धा आहे! यामध्ये गुगलची ChromeOS असून i5/i7 प्रॉसेसर,512GB SSD, 12.2″ स्क्रिन मिळेल. याची किंमत $999 ते  $1,649 पर्यंत आहे! याबरोबर पिक्सल नावाचा पेन (Wacom ने बनवललेला) स्वतंत्र विकत घेता येईल जो चित्र, एडिटिंगसाठी मदत करेल त्याची किंमत $99 असेल. एखाद्या चित्रावर गोल करताच त्याबद्दल माहिती सुद्धा दाखवली जाईल! https://youtu.be/umhPrOo47-A

गूगल होम मिनी Google Home Mini : गूगल होमच्या स्मार्ट होम मालिकेत ह्या छोट्याश्या उपकरणाची जोड मिळाली आहे! हा एक स्मार्ट होम असिस्टंट असून यामध्ये गूगल असिस्टंट जोडलेला आहे त्यामुळं आपण दिलेल्या आज्ञा जसे कि Play Music,Whats the weather today?, Alarm, लाइट्स, रीमोट कंट्रोल, सीसीटीव्ही कॅमेरा याच्याशी बोलून नियंत्रित करता येतात! याची किंमत 49$ (₹ ३२००) Meet Google Home Max | Big help meets big sound : https://youtu.be/jT13rEAq9d8

गूगल होम मॅक्स Google Home Max : हा आहे गुगलचा नवा स्मार्ट होम स्पीकर, स्मार्ट होम स्पीकर गूगल वॉइस असिस्टंट, साऊंड वुफर्स, स्मार्ट AI सुविधा उपलब्ध. ब्लुटुथ/ऑक्स केबल/गुगल कास्ट असे पर्याय उपलब्ध. गूगल होमची सर्व कामे करून उत्तम आवाजात ऐकवतो! किंमत $399 (₹ २६०००) Meet Google Home Max | Big help meets big sound : https://youtu.be/2_pE3f4lJio

पिक्सल बड्स Pixel Buds : कृत्रिम बुद्धिमत्ता असलेले हे ईयरफोन जगातील ४० भाषांमध्ये लाईव्ह भाषांतर करतो! म्हणजे समोरचा माणूस त्याच्या भाषेतच बोलेल मात्र आपल्याला त्याच बोलणं भाषांतरित करून यामध्ये ऐकू येईल व आपलेही भाषांतरित होऊन त्याला ऐकायला जाईल! यामध्ये देखील Artificial Intelligence ची जोड देण्यात आली आहे! आहे न कमाल! यांची किंमत $159 (₹ ११०००)

गूगल क्लिप्स Google Clips : आपल्या घरातील घडामोडी कायम टिपत राहत त्या आठवणी जपण्यासाठी गुगलचा हवा नवा कॅमेरा जो कोठेही ठेऊन देता येतो. आपल्याला आवडतील अशा घडामोडी बनवून आपल्याला दाखवतो. हा कॅमेरा पालकांना समोर ठेऊन बनवण्यात आला आहे. यामध्ये सुद्धा कृत्रिम बुद्धिमत्तेचा समावेश आहे! याची किंमत $249 (₹ १७०००) Meet Google Clips : https://youtu.be/JXh1yyvXpwo

डे ड्रीम व्हयू : हा एक VR हेडसेट असून उच्च प्रतीच्या फॅब्रिकपासून बनवलेला आभासी दुनियेची सफर करण्यासाठी बनवलेला हा हेडसेट $99 मध्ये मिळेल, पिक्सल सोबत सॅमसंग एस ८, LG V30 अशा फोन्सना देखील सपोर्ट करतो! Meet Google Daydream View https://youtu.be/PNBL2DpB1YE

गूगलच्या #MadeByGoogle ऑक्टोबर कार्यक्रमात  काही नवीन उत्पादने सादर केली असून स्मार्टफोन्स, व्हीआर, AI, वायफाय अशा अनेक क्षेत्रात या उत्पादनांचा समावेश होतो. गूगल पिक्सेल स्मार्टफोन, गूगल होम, गूगल असिस्टंट, क्रोमकास्ट अल्ट्रा, गूगल वायफाय, डेड्रीम व्हीआर यांचं सादरीकरण काल पार पडलं.
या सर्वांमध्ये गूगल असिस्टंटवर गूगलने भर दिलाय हे स्पष्ट जाणवत असून त्याविषयीसुद्धा त्यांनी अनेक डेमो दाखवले.
आजच्या लेखामध्ये जाणून घेऊया या सर्वांबद्दल माहिती…

गूगल पिक्सेल स्मार्टफोन :  गूगलची यापूर्वीची नेक्सस Nexus ही सुप्रसिद्ध सिरिज बंद करून गूगल नवी पिक्सेल सिरिज सुरू करत आहे. गूगलच्या नेक्सस सिरिजचं सर्वोत्तम वैशिष्ट्य म्हणजे त्यांना मिळणारे अँड्रॉइड व्हर्जन अपडेटस! ज्यामुळे गूगल अँड्रॉइडचं कोणताही नवीन व्हर्जन सादर केल्यावर जगात सर्वप्रथम नेक्सस फोन्सवरच याचं अपडेट दिलं जात होतं! तेच आता या नव्या पिक्सेल सिरिजबाबत घडणार असून आताच हा फोन अँड्रॉइड 7.1 नुगट सोबत सादर होतोय! हा फोन HTC ने बनवला आहे.
हा फोन दोन रूपात आणि तीन रंगात सादर केला गेला असून ह्या फोन्समध्ये आजपर्यंतचा सर्वोत्तम कॅमेरा आणि परफॉर्मेंस असल्याचा दावा गूगलने केलाय. पिक्सेल आणि पिक्सेल XL ही दोन रूपं Quite Black, Very Silver, Really Blue या रंगामध्ये उपलब्ध होईल. या नावांमध्ये सुद्धा गूगलने गमतीशीर नवे देऊन अॅपलची चेष्टा केल्याच म्हटलं जातंय !
भारतात हे फोन्स १३ ऑक्टोबरपासून prebooking साठी खुले होतील आणि नंतर महिनाखेरीस शिपिंग सुरू होईल.
याविषयी लॉंच व्हिडिओ पहा : Introducing Pixel, Phone by Google

गूगल पिक्सेल फीचर्स :
• डिस्प्ले : 5.0 इंच FHD AMOLED at 441ppi 2.5D Corning® Gorilla® Glass 4
• प्रॉसेसर : स्नॅपड्रॅगन 821 Quad Core
• रॅम : 4 Gb
• स्टोरेज :  32 Gb / 128Gb
• मुख्य कॅमेरा :  12.3MP IMX378 1.55μm f/2.0 Aperture 4K व्हिडिओ रेकॉर्डिंग
• पुढील कॅमेरा :  8MP IMX179 f/2.4 Aperture
• बॅटरी : 2,770 mAh battery
• फास्ट चार्ज : १५ मिनिट चार्ज केल्यावर तब्बल ७ तास चालेल !!
• इतर : फिंगरप्रिंट सेन्सर, USB Type C. NFC
• किंमत :  Google Pixel 32GB ~Rs. 57,000
• किंमत :  Google Pixel 128GB ~Rs. 66,000

• डिस्प्ले : 5.5 इंच QHD AMOLED at 534ppi 2.5D Corning® Gorilla® Glass 4
• बॅटरी : 3450 mAh battery
• इतर सर्व फीचर्स पिक्सेल प्रमाणेच
• किंमत : Google Pixel XL 32GB ~Rs. 67,000
• किंमत : Google Pixel XL 128GB ~Rs. 76,000

गूगल डेड्रीम व्हीआर ( Daydream VR Viewer) :  व्हर्च्युअल रिअॅलिटी (आभासी वास्तव) क्षेत्रात जवळपास सर्वच कंपन्या आपापले VR व्यूअर सादर करत आहेत. गूगलने सुद्धा कार्डबोर्ड नावाचा पुठ्ठयाचा व्यूअर आणला होता आणि काही अंशी तो यशस्वीसुद्धा झालाय. पण Daydream VR बाबत जशा अपेक्षा होत्या त्या अपेक्षा पूर्ण करण्यात अपयशी ठरल्याच अनेकांच म्हणणं आहे! कारण हा जवळपास कार्डबोर्ड सारख्याच तत्वावर काम करतो! यामध्येदेखील आपला स्मार्टफोन ठेवायचा आणि हे आपल्या डोळ्यासमोर घालायच की आभासी दुनियेच्या सफरीला तयार ! ह्याच कुशन ही ह्याची एक खासियत आहे.  

Google WiFi