सध्या व्हॉट्सॲपवर आपण आपला चॅट बॅकअप तुमच्या गूगल अकाऊंटला लिंक केला असेल तर त्यामध्ये साठवला जाणारा डेटा तुम्हाला गूगलतर्फे मिळणाऱ्या मोफत 15GB स्टोरेजमध्ये मोजला जात नाही. त्यामुळे आत्ता ही सेवा अमर्याद व्हॉट्सॲप चॅट बॅकअप देते असं म्हणता येईल. मात्र लवकरच हा सेवेमध्ये बदल करून व्हॉट्सॲप अँड्रॉइड चॅट बॅकअप गूगल अकाऊंटच्या 15GB स्टोरेजमध्येच मोजले जाणार आहेत! अनेकांचा चॅट बॅकअप बऱ्यापैकी जास्त साईज असलेला आहे आणि त्यांना यामुळे अडचण होऊ शकते.

तुमच्या गूगल अकाऊंट स्टोरेजमध्ये सध्या जीमेल, गूगल फोटोज, गूगल ड्राईव्ह अशा सर्व सेवांद्वारे साठवला जाणारा डेटा मोजला जातो.

तुमचा फोन हरवला किंवा बिघडला तर तुमचे व्हॉट्सॲप चॅट पुन्हा मिळवण्यासाठी हे चॅट बॅकअप महत्वाचे असतात. याची एक कॉपी तुमच्या फोनमध्ये आणि दुसरी कॉपी गूगल अकाऊंट लिंक केलं असेल तर त्यामध्ये साठवली जाते. सध्या समजा तुमच्या चॅट बॅकअपची साईज 7GB झाली असेल तर ती तुमच्या गूगल अकाऊंटला असणाऱ्या 15GB मर्यादेत मोजली जात नाही.

पण आता हा नवा बदल झाल्यावर मात्र हेच 7GB तुमच्या गूगल अकाऊंट मर्यादेत येईल आणि उदाहरणार्थ जर तुमचा जीमेल, ड्राइव्ह आणि गूगल फोटोजचा एकूण डेटा 11GB भरला असेल तर त्या हे 7GB व्हॉट्सॲप चॅट बॅकअप जोडलं गेलं की एकूण 18GB होईल आणि तुम्हाला मोफत मिळणारं 15GB मर्यादेच्या वर जाईल. अशावेळी तुम्हाला तुमचा डेटा काढून त्यामध्ये जागा करावी लागेल अन्यथा तुम्हाला नवे इमेल्स येणार नाहीत आणि नवीन डेटा त्यामध्ये स्टोर करता येणार नाही!

गूगलची एक Google One नावाची सोय असून यामध्ये आपण महिन्याला १३० रुपये मोजून 100GB स्टोरेज घेऊ शकतो. यामुळे स्टोरेज 15GB + 100GB असे होईल आणि मग बॅकअपची काळजी उरणार नाही आणि गूगलने यामार्फत अधिकचं उत्पन्न मिळवण्यासाठीच हा नवा बदल केला असावा. कारण व्हॉट्सॲपच्या सुरुवातीच्या काळापासून हा क्लाऊड बॅकअप मोफतच होता. मात्र आता बऱ्याच जणांना यावर पैसे द्यावे लागतील अन्यथा त्यांचा डेटा डिलिट करून जागा मोकळी करावी लागेल!

सुरुवातीला एखादी सेवा मोफत देऊन त्याची ग्राहकांना सवय लावून नंतर त्यासाठी पैसे मोजायला सुरू करणे यामध्ये आता हे नवं उदाहरण जोडलं जाईल. ज्यांचं व्हॉट्सॲप चॅट बॅकअप साईज जास्त आहे त्यांना Google One चं सबस्क्रीप्शन घ्यावंच लागेल.

व्हॉट्सॲप या बदलाबद्दल खालील माहिती दिली आहे

1. हा बदल डिसेंबर २०२३ पासून बीटा वापरकर्त्यांसाठी रोल आउट होईल आणि २०२४ च्या पहिल्या सहा महिन्यांमध्ये सर्व व्हॉट्सॲप अँड्रॉइड वापरकर्त्यांसाठी हळूहळू रोल आउट होईल.
2. हा बदल होण्याच्या ३० दिवस आधी व्हॉट्सॲप सेटिंग्ज > चॅट्स > चॅट बॅकअप यामध्ये बॅनरद्वारे तुम्हाला सूचित करू.
3. तुम्हाला तुमच्या गूगल खात्यावर चॅट्सचा बॅकअप घ्यायचा नसेल, तरीही तुम्ही WhatsApp चॅट ट्रान्सफर वापरून अँड्रॉइड डिव्हाइसेसदरम्यान तुमची चॅट्स ट्रान्सफर करू शकता.
   ते कसे करावे हे https://faq.whatsapp.com/209942271778103 येथे जाणून घ्या.

काही महत्वपूर्ण लिंक्स

• WhatsApp च्या Android बॅकअप्सविषयी माहिती : https://faq.whatsapp.com/1498366720959422
• तुम्ही सध्या गूगल अकाऊंटवर किती स्टोरेज वापरत आहात ते तुम्ही पाहू शकता : https://one.google.com/storage
• Google One च्या स्टोरेज आणि बॅकअप प्लॅन्सबद्दल माहिती : https://one.google.com/about/plans
• WhatsApp वर स्टोरेज कसे मोकळे करावे : https://faq.whatsapp.com/5503646096388294

The post व्हॉट्सॲप चॅट बॅकअप आता गूगलच्या 15GB स्टोरेज मर्यादेमध्ये मोजला जाणार! appeared first on MarathiTech - मराठीटेक.

गूगलची गूगल फोटोज नावाची सेवा आहे ज्याद्वारे आपण आपल्या फोनमधील सर्वच्या सर्व फोटो कोणत्याही मर्यादेशिवाय अपलोड करून बॅकअप घेऊ शकता. ते सुद्धा पूर्णपणे मोफत आणि अनलिमिटेड! गूगलच्या या सेवेला लाभ अनेक जण त्यांच्या फोनमधील फोटोज, व्हिडिओजचा बॅकअप गूगलकडे घेण्यासाठी करतात. मात्र आता १ जून २०२१ नंतर यावर मर्यादा येणार असून यामध्ये घेतला जाणारा बॅकअपसुद्धा तुमच्या गूगल अकाऊंटसोबत मिळणाऱ्या 15GB स्टोरेजमध्येच मोजला जाणार आहे! अनेकांसाठी ही बातमी विशेष असू शकते कारण या स्टोरेजवर बरेच जण अवलंबून त्यांचे बॅकअप घेत आहेत.

जर तुमच्याकडे भरपूर फोटोज असतील आणि त्यांचा बॅकअप घेऊन ठेवायचा असेल तर आजच तो बॅकअप घेऊन ठेवा आणि तो सुद्धा नवा Gmail अकाऊंट तयार करून घ्या जेणेकरून तुमचं नेहमीचं जीमेल अकाऊंटवरील स्टोरेज कमी होणार नाही.

गूगल फोटोजमध्ये High Quality आणि Original असे दोन पर्याय आहेत. आत्ता हाय क्वालिटी पर्यायाद्वारे अपलोड केल्यास तो फोटो किंवा व्हिडिओ compress केला जातो आणि मग अशा प्रकारे आपण अनलिमिटेड अपलोड्स करत फ्री बॅकअप घेऊ शकता (आता १ जून २०२१ पर्यंतच). Original पर्यायाद्वारे अपलोड केल्यास आहे असा फोटो आहे त्या साईजमध्ये अपलोड होतो त्यामुळे हा फोटो गूगल अकाऊंटच्या 15GB मध्ये मोजला जाईल.

गूगल हा निर्णय पुढे ढकलण्याची शक्यता सध्यातरी दिसत नाही कारण त्यांनी हा निर्णय नोव्हेंबर २०२० पासून सर्व यूजर्सना वारंवार कळवला आहेच.

photos.google.com/storage या लिंकवर तुम्हाला तुमच्या गूगल अकाउंटमधील स्टोरेज कशा प्रकारे वापरण्यात आलं आहे ते समजेल.

गूगल अकाऊंटसोबतचं मोफत 15GB स्टोरेज जीमेल, गूगल ड्राइव आणि आता गूगल फोटोज यांना एकत्र करणारं असेल. त्यामुळे जर तुमचा जीमेल अटॅचमेंटचा वापर जास्त असेल किंवा गूगल ड्राइव तुम्ही बऱ्याच फाइल्स ठेवल्या असतील तर गूगल फोटोजचं साठी नक्कीच जागा पुरणारी नाही. गूगलच्या म्हणण्यानुसार अनेकांची ही 15GB स्टोरेजची मर्यादा पूर्ण होत नाही म्हणून हा निर्णय घेण्यात आला आहे.

तुम्ही अजूनही १ जून २०२१ पर्यंत मोफत अनलिमिटेड बॅकअप घेऊ शकता. १ जून २०२१ नंतर त्यामधील डेटा डिलिट होणार नाही.

जून २०२१ नंतर अपलोड करताना जर तुमचं 15GB गूगल अकाऊंट स्टोरेज भरलं तर तुम्हाला पैसे देऊन Google One चं सदस्यत्व (Subscription) घ्यावं लागेल. ज्यानंतर तुम्हाला 15GB वर 100GB अधिकचं स्टोरेज मिळेल. गूगल वन ही गूगलची क्लाऊड स्टोरेज सेवा आहे. यामध्ये प्लॅन्सनुसार अधिक स्टोरेजसुद्धा घेता येईल. गूगल वनमध्ये स्टोरेजसोबत इतरही अनेक सोयी मिळतात.

Google One Plans : https://one.google.com/about/plans

खरं सांगायचं तर गूगल फोटोजची ही अनलिमिटेड फ्री बॅकअपची सोय लवकर विश्वास बसणार नाही इतकी चांगली ऑफर होती. हे पुढे कधीतरी बंद होणार हे साहजिकच होतं. आता स्टोरेजची मागणी वाढत जात आहे हे पाहून त्यांनी हा निर्णय घेतला आहे. शिवाय ही नवी मर्यादा सुरू होईल तेव्हा ते एक टुल देणार आहेत ज्याद्वारे ब्लर झालेले फोटो काढून टाकता येतील जेणेकरून आपलं स्टोरेज काही प्रमाणात मोकळं होईल.

जर तुम्हाला अजूनही तुमच्याकडील सर्व फोटोज मोफत ऑनलाइन बॅकअप घेऊन ठेवायचे आहेत तर १ जून २०२१ च्या आत घेऊन ठेवा

गूगलच्या फोटोज व ड्राइव्हची सेवा तुम्ही पैसे देऊन सुद्धा चांगलीच आहे कारण त्यामध्ये येणारया सुविधा आणि ऑनलाइन बॅकअप सेवा निश्चितच इतरांपेक्षा सरस आहेत. मात्र तरीही गूगल फोटोजला पर्याय शोधत असाल तर खालील काही पर्याय उपलब्ध आहेत

Amazon Photos : जर तुमच्याकडे Amazon Prime सेवा असेल तर तुम्ही बॅकअपसाठी अनलिमिटेड स्टोरेज वापरू शकता. जर प्राइम सेवेची नोंदणी नसेल तर 5GB पर्यंत मोफत फोटो, व्हिडिओ साठवता येतील.

Microsoft OneDrive : मायक्रोसॉफ्टच्या वन ड्राइव्हमध्येही बॅकअप सेवा मिळते. यामार्फत 5GB मोफत स्टोरेज उपलब्ध करून मिळतं. त्यावर स्टोरेजसाठी पैसे द्यावे लागतील.
जर तुमच्याकडे Office 365 चं सबस्क्रिप्शन असेल तर तुम्हाला त्यासोबतच 1TB स्टोरेज मोफत मिळतं.

Apple iCloud : ॲपल त्यांच्या ग्राहकांना फोटोज मार्फत 5GB मोफत स्टोरेज उपलब्ध करून देतं. मात्र हे फक्त ॲपलच्याच उपकरणांवर उपलब्ध आहे. 5GB पेक्षा अधिक iCloud स्टोरेजसाठी तुम्हाला 50GB: Rs 75, 200GB: Rs 219, 2TB: Rs 749 असे पर्याय आहेत. यामध्ये तुमचा सर्वच डेटा sync करू शकता.

The post गूगल फोटोजचं फ्री अनलिमिटेड बॅकअप १ जून पासून बंद होणार! appeared first on MarathiTech - मराठीटेक.

गूगलची गूगल फोटोज नावाची सेवा आहे ज्याद्वारे आपण आपल्या फोनमधील सर्वच्या सर्व फोटो कोणत्याही मर्यादेशिवाय अपलोड करून बॅकअप घेऊ शकता. ते सुद्धा पूर्णपणे मोफत आणि अनलिमिटेड! गूगलच्या या सेवेला लाभ अनेक जण त्यांच्या फोनमधील फोटोज, व्हिडिओजचा बॅकअप गूगलकडे घेण्यासाठी करतात. मात्र आता जून २०२१ नंतर यावर मर्यादा येणार असून यामध्ये घेतला जाणारा बॅकअपसुद्धा तुमच्या गूगल अकाऊंटसोबत मिळणाऱ्या 15GB स्टोरेजमध्येच मोजला जाणार आहे! अनेकांसाठी ही बातमी विशेष असू शकते कारण या स्टोरेजवर बरेच जण अवलंबून त्यांचे बॅकअप घेत आहेत.

गूगल फोटोजमध्ये High Quality आणि Original असे दोन पर्याय आहेत. आत्ता हाय क्वालिटी पर्यायाद्वारे अपलोड केल्यास तो फोटो किंवा व्हिडिओ compress केला जातो आणि मग अशा प्रकारे आपण अनलिमिटेड अपलोड्स करत फ्री बॅकअप घेऊ शकता (आता जून २०२१ पर्यंतच). Original पर्यायाद्वारे अपलोड केल्यास आहे असा फोटो आहे त्या साईजमध्ये अपलोड होतो त्यामुळे हा फोटो गूगल अकाऊंटच्या 15GB मध्ये मोजला जाईल.

photos.google.com/storage या लिंकवर तुम्हाला तुमच्या गूगल अकाउंटमधील स्टोरेज कशा प्रकारे वापरण्यात आलं आहे ते समजेल.

गूगल अकाऊंटसोबतचं मोफत 15GB स्टोरेज जीमेल, गूगल ड्राइव आणि आता गूगल फोटोज यांना एकत्र करणारं असेल. त्यामुळे जर तुमचा जीमेल अटॅचमेंटचा वापर जास्त असेल किंवा गूगल ड्राइव तुम्ही बऱ्याच फाइल्स ठेवल्या असतील तर गूगल फोटोजचं साठी नक्कीच जागा पुरणारी नाही. गूगलच्या म्हणण्यानुसार अनेकांची ही 15GB स्टोरेजची मर्यादा पूर्ण होत नाही म्हणून हा निर्णय घेण्यात आला आहे.

तुम्ही अजूनही जून २०२१ पर्यंत मोफत अनलिमिटेड बॅकअप घेऊ शकता. जून २०२१ नंतर त्यामधील डेटा डिलिट होणार नाही.

जून २०२१ नंतर अपलोड करताना जर तुमचं 15GB गूगल अकाऊंट स्टोरेज भरलं तर तुम्हाला पैसे देऊन Google One चं सदस्यत्व (Subscription) घ्यावं लागेल. ज्यानंतर तुम्हाला 15GB वर 100GB अधिकचं स्टोरेज मिळेल. गूगल वन ही गूगलची क्लाऊड स्टोरेज सेवा आहे. यामध्ये प्लॅन्सनुसार अधिक स्टोरेजसुद्धा घेता येईल. गूगल वनमध्ये स्टोरेजसोबत इतरही अनेक सोयी मिळतात.
अधिक माहिती : https://one.google.com/about

जर तुमच्याकडे गूगलचा पिक्सल फोन असेल तर तुम्हाला वरील गोष्टीबद्दल चिंता करण्याची गरज नाही तुम्हाला आधीप्रमाणे पुढेसुद्धा मोफत अनलिमिटेड बॅकअप घेता येईल!

खरं सांगायचं तर गूगल फोटोजची ही अनलिमिटेड फ्री बॅकअपची सोय लवकर विश्वास बसणार नाही इतकी चांगली ऑफर होती. हे पुढे कधीतरी बंद होणार हे साहजिकच होतं. आता स्टोरेजची मागणी वाढत जात आहे हे पाहून त्यांनी हा निर्णय घेतला आहे. शिवाय ही नवी मर्यादा सुरू होईल तेव्हा ते एक टुल देणार आहेत ज्याद्वारे ब्लर झालेले फोटो काढून टाकता येतील जेणेकरून आपलं स्टोरेज काही प्रमाणात मोकळं होईल.

जर तुम्हाला अजूनही तुमच्याकडील सर्व फोटोज मोफत ऑनलाइन बॅकअप घेऊन ठेवायचे आहेत तर जून २०२१ पर्यंत घेऊन ठेवा

काही जणांनी सोशल मीडियावर चेष्टेत असंही म्हटलं आहे की आता गूगलकडे सर्वांच्या चेहऱ्यांचा डेटा बऱ्यापैकी गोळा झाला आहे त्यामुळे आता त्यांनी ही सेवा मोफत देणं बंद केलं आहे!

Search Terms : Google Photos to discontinue unlimited free backups from June 2021 Suggests users to get Google One Subscription instead

The post गूगल फोटोजमधील फ्री अनलिमिटेड बॅकअप बंद होणार! appeared first on MarathiTech - मराठीटेक.

अँड्रॉइड वन म्हणजे काय ?
-अँड्रॉइड वन हा गूगलतर्फे सादर केला गेलेला एक कार्यक्रम असून ज्याद्वारे गूगल काही स्मार्टफोन बनवणार्‍या कंपन्याना ठराविक स्पेसीफिकेशन निवडण्यासाठी देतं. ह्याचा अर्थ त्या कंपन्यानी स्वस्त भावात पूर्ण अँड्रॉइड अनुभव द्यावा. थोडक्यात तुम्हाला अँड्रॉइड सपोर्ट असणारा स्वस्त फोन थेट गूगलच्या मदतीने मिळेल.

फायदे :
1. चांगला परफॉर्मेंस :
2. भारतासाठी केलेली customizations :
3.अपडेटस : हमखास लेटेस्ट अँड्रॉइड व्हर्जनला अपडेट (खात्रीशीर)  
4. कॅमेरा : 5MP, 8MP, 13MP अशा रेंजमध्ये कॅमेरा मिळेल
5.बिल्ड आणि डिजाइन :
6.ब्रॅंड : Micromax, Karbonn, Spice (सध्या उपलब्ध)
           Lenovo, Asus, Panasonic, Acer, Xolo, Lava (येत आहेत)

सादर झालेले फोन्स :
Micromax Canvas A1 – किंमत ६४९९ (amazon)
Karbonn Sparkle V – किंमत ६३९९ (SnapDeal)
Spice Dream UNO – किंमत ६२९९ (फ्लिपकार्ट)

फीचर्स :
अँड्रॉइड 4.4.4 | 4.5 इंच स्क्रीन | 480×854 पिक्सेल |
1700 mAh बॅटरी | ड्युयल सिम | 1जीबी रॅम |
मोटो ई व Xiaomi RedMi 1S पेक्षा अधिक चांगला परफॉर्मेंस(बेंचमार्क रिजल्ट्स नुसार

एयरटेल ऑफर :
अँड्रॉइड वन स्मार्टफोन घेणार्‍या ग्राहकांना एयरटेलतर्फे मोफत अपडेटस व 200 एमबी/महिना असे सहा महिन्यासाठी मोफत पॅकेज आहे

यूट्यूब फ्री ऑफलाइन  : गूगलने हेही जाहीर केलय की त्यांची यूट्यूब ऑफलाइन सेवा देखील ह्याच फोन्सवर प्रथम येईल ज्याद्वारे यूट्यूब विडियो ऑफलाइन पहाण्यासाठी देखील उपलब्ध असतील

फोन्स विकत घेण्यासाठी लिंक्स :

• फ्लिपकार्ट
• Amazon.in
• SnapDeal

ऑफिशियल लिंक  : Android – One Program Official

Update : micromax चा कॅनवस ए 1 फोन अवघ्या काही तासात आऊट ऑफ स्टॉक झालाय.  

The post अँड्रॉइड वन – स्वस्तात मस्त फोन्ससाठी गूगलचा उपक्रम appeared first on MarathiTech - मराठीटेक.