गूगलने काही महिन्यांपूर्वी बंद करण्याचा निर्णय घेतलेलं सोशल नेटवर्क गूगल प्लस पुन्हा एकदा डेटा चोरीचं लक्ष्य ठरलं आहे. तीन महिन्यात दुसऱ्यांदा झटका बसल्याने गूगलने गूगल प्लस नियोजित वेळेच्या चार महिने आधीच एप्रिल महिन्यात बंद करण्याचा निर्णय घेतला आहे. मात्र एव्हढी आघाडीची कंपनी असूनही गूगलला एव्हढ्या कमी कालावधीत दोनदा सुरक्षेबाबत अडचणी येतात हि नक्कीच आश्चर्याची बाब आहे!

ऑक्टोबरमध्ये गूगलने सांगितलं होतं की पाच लाख गूगल प्लस वापरकर्त्यांच्या बाबतीत घडलेली सुरक्षेतील त्रुटी उघड झाली होती आणि त्यात गूगलने ही माहिती बऱ्याच उशिरा माध्यमांसमोर आणली. यामुळे गूगल प्लस बंद करण्याचा निर्णय झाला होता. आता पुन्हा एकदा डेटा चोरी ज्यामध्ये यूजर्सचे नाव,  ईमेल, जन्मदिनांक, वय अशी Public म्हणून सेट न केलेली माहितीसुद्धा लीक झाल्याचं सांगण्यात येत आहे! आणखी भर म्हणजे यावेळी तब्बल ५.२५ कोटी वापरकर्त्यांना फटका बसला आहे!

API मधील बगमुळे असं झाल्याचं गूगलकडून सांगण्यात आलं आहे. मात्र हा डेटाचा गैरवापर करता येणार नाही असंही म्हटलं आहे! हा बग दूर करण्यात आला असून जोवर साईट उपलब्ध आहे तोवर वापरकर्ते व्यवस्थित वापरू शकतील. (आता गूगल प्लस वापरण्यात किती जणांना स्वारस्य आहे हे त्यांनाच ठाऊक!)   

गूगल प्लसच्या लाखो यूजर्सचा गोपनीय डेटा गूगलकडून उघड पडला असून त्याबाबत गूगलने चक्क माहिती न देण्याचं ठरवत ही गोष्ट लपवून ठेवली! ही गोष्ट जाहीर केली असती तर कायदेशीर गोष्टींना सामोरं जावं लागलं असतं आणि प्रतिष्ठेचा प्रश्न असल्याची भीती असल्यामुळे गूगलने ही बातमी बाहेर येऊ दिली नाही असं सांगण्यात येत आहे. याबाबत वॉल स्ट्रीट जर्नलने माहिती प्रसिद्ध केली आहे.       

या घटनेवर उपाय म्हणून अल्फाबेट (ज्या कंपनीकडे गूगलची मालकी आहे) कंपनीतर्फे गूगल प्लस यूजर्ससाठी  कायमच बंद करत असल्याचं जाहीर केलं आहे! फेसबुकसोबत स्पर्धा करण्यासाठी २०११ मध्ये सुरु करण्यात आलेलं हे सोशल नेटवर्क कधीच फारसं वापरात आलं नाही आणि आता या घटनेमुळे का होईना गूगलने ही सेवा बंद करण्याचा निर्णय घेतला आहे! गूगल प्लस गूगलच्या उत्पादनांमध्ये एक फसलेलं प्रॉडक्ट मानलं जातं.

सॉफ्टवेअरमध्ये असलेल्या काही त्रुटींमुळे २०१८ ते मार्च २०१८ दरम्यान बाहेरच्या डेव्हलपर्सना व्यक्तिगत प्रोफाईल्सना सुद्धा ऍक्सेस मिळत होता. याबाबत गूगलच्या अंतर्गत अधिकाऱ्यांना माहिती देण्यात आली आणि त्यांच्या सर्वानुमते ही माहिती बाहेर जाऊ न देण्याचं ठरवून आजवर लपवून ठेवण्यात आली! जवळपास त्याच वेळी इतर कंपन्यांवर आरोप होत होते जसे की फेसबुकचं केंब्रिज अनॅलिटिका त्यामुळे आपलीही बदनामी होईल आणि लगेच कायदयाच्या कचाट्यात सापडू असं गूगलच्या कायदेतज्ञाना वाटलं.

गूगल + बंद करण्यासोबत गोपनीयता जपण्यासाठी अनेक बदल करण्यात येणार असून API मधील नव्या बदलांमुळे डेव्हलपर्सना अँड्रॉइड व जीमेल यूजर डेटा घेताना  मर्यादा येतील. इथून पुढे कॉल लॉग आणि SMS ची परवानगी मिळणार नाही!

अधिकृत माहिती : Protecting your data and sunsetting consumer Google+

search terms : google plus shutting down due to security lapses and exposed user data

‘फेसबुक’च्या वाढत्या लोकप्रियतेला स्पर्धा निर्माण करण्याच्या उद्देशाने गुगलने सुरू केलेल्या ‘गुगल प्लस’ या सोशलसाइटला कंपनीने ‘मायनस’ करण्याचे ठरवले आहे! म्हणजेच ‘गुगल प्लस’चे आता स्वतंत्र अस्तित्व राहणार नसून ‘गुगल’च्या अन्य उत्पादनातच त्याचा समावेश केला जाईल. 



‘गुगल प्लस’ ही आत्तापर्यंत सोशल नेटवर्किंग साइट असल्याने त्याची वेगळी टीम कार्यरत होती. गुगलच्या अन्य सेवांमध्येच ‘गुगल प्लस’ हा आणखी एक प्लॅटफॉर्म म्हणूनच चालवला जाणार आहे. 


‘गुगल प्लस’चे प्रमुख गुंडोट्रा यांनी गुगलला सोडचिठ्ठी दिल्यानंतर कंपनीने ‘गुगल प्लस’चे स्वतंत्र अस्तित्व संपवण्याचा निर्णय घेतला आहे. गुगलच्या अन्य उत्पादनांचा वापर करताना ‘गुगल प्लस’शी जोडून घेण्याची सक्ती ग्राहकांवर केली जात असे. हे बंधन शिथिल करण्यात येणार आहे. त्यामुळे ‘गुगल प्लस’ला किती महत्त्व उरेल, हा प्रश्न निर्माण झाला आहे. नव्या निर्णयामुळे ‘गुगल प्लस’साठी इतके मनुष्यबळ वापरण्याची गरज कंपनीला उरलेली नाही. त्यामुळे ‘गुगल प्लस’ची पूर्ण टीम मोडित काढली जाईल. ‘कोअर टीम’मधील उपयुक्त ठरणारे कर्मचारी ‘अॅण्ड्रॉइड टीम’मध्ये समाविष्ट केले जातील.