आज हॅकर्सच्या फोरमवर एका हॅकरने २०२१ मध्ये scrape केलेला डेटा मोफत प्रकाशित केला असून यामुळे जगभरातील जवळपास २० कोटी ट्विटर यूजर्सचा डेटा (ईमेल आयडी) इंटरनेटवर उपलब्ध झाले आहेत. २०२१ मध्ये ट्विटरच्या API मध्ये असलेली त्रुटी ओळखून हॅकर्सनी हा डेटा मिळवला होता.

सध्यातरी प्रकाशित झालेल्या माहितीनुसार यामध्ये कुणाचाही पासवर्ड लीक झालेला नाही. मात्र ट्विटरसोबत असा प्रकार यापूर्वीसुद्धा झाला होता मात्र यावेळी दुपटीहून जास्त प्रमाणात ईमेल आयडी हॅकर्सना मिळाले आहेत. ईमेल आयडी, युजरनेम, नाव आणि इतर सोशल मीडिया प्रोफाइलची माहिती यामधून हॅकर्सकडे गेली आहे.

आज Have I Been Pwned या वेबसाइटतर्फे या हॅकची माहिती अनेकांना ईमेल मार्फत मिळाली. या वेबसाइटवर जाऊन तुमचा ईमेल आयडी किंवा फोन नंबर टाकल्यास तुमचे कोणकोणते अकाऊंट हॅक झाले आहेत याची यादी दिसते. जर तुमचा ईमेल या हॅक झालेल्या यादीत असेल Oh no — pwned! असा मेसेज दिसेल आणि खाली आणखी माहिती दिलेली असेल.

या वेबसाइटचा डेव्हलपरने दिलेल्या माहितीनुसार या २० कोटी ईमेल आयडीपैकी ९८% ईमेल आयडी यापूर्वीच हॅक/लिक झालेल्या यादीतले आहेत. त्याअर्थी त्यांनी जुनी यादी ट्विटरच्या API ला जोडून त्या त्या ईमेलला जोडण्यात आलेल्या अकाऊंटची यादी मिळवली आहे.

आधीच इलॉन मस्कने ट्विटरचा ताबा घेतल्यापासून अनेक गोंधळ सुरू आहेत. रोज नवा काहीतरी बदल केला जातोय आणि त्यात आज या हॅकची बातमी आली आहे.

काही महिन्यांपूर्वी याच हॅकबद्दल ट्विटरने पोस्ट लिहून माहिती दिली आहे आणि यासंबंधीत त्रुटी दूर केली आहे. लिंक : Incident impacting accounts

या हॅकमध्ये पासवर्ड्स हॅकर्सच्या हाती लागले नाहीत असं दिसत असलं तरीही तुम्ही खूप दिवस पासवर्ड बदलला नसेल तर नक्की बदलून घ्या.

The post २० कोटी ट्विटर यूजर्सचा डेटा हॅक : डेटा हॅकर्सकडून प्रकाशित! appeared first on MarathiTech - मराठीटेक.

डोमेन आणि होस्टिंग मधील आघाडीची कंपनी गोडॅडी (GoDaddy) हॅक झाली असून त्यांच्या जवळपास १२ लाख ग्राहकांचा डेटा हॅक झाल्याची माहिती दिली आहे! १७ नोव्हेंबरला त्यांच्या Managed WordPress होस्टिंगमध्ये त्यांना संशयास्पद ॲक्टिविटी दिसून आली. ज्यामुळे असं कळलं की त्यामध्ये सापडलेले पासवर्ड वापरून हॅकर्स लॉगिन करण्याचा प्रयत्न करत होते!

WordPress अकाऊंट्सच्या ईमेल आयडी आणि पासवर्ड सोबत sFTP डेटाबेसचा यूजरनेम, पासवर्ड आणि काही ग्राहकांचा तर SSL प्रायव्हेट कीसुद्धा हॅकर्सच्या हाती लागल्या आहेत! याबद्दलची माहिती त्यांनी US Securities and Exchange Commission कडे दिली आहे. हॅकर्सना ही माहिती ६ सप्टेंबरपासून मिळू लागली होती आणि गोडॅडीला हे १७ नोव्हेंबरला समजलं!

गोडॅडी या हॅकचा तपास करत असून आयटी फॉरेन्सिक आणि कायद्यासंबंधित विभागाला या तपासात समाविष्ट करण्यात आलं आहे. ज्या ज्या अकाऊंटचा हॅकमध्ये समावेश आहे त्यांचे आयडी पासवर्ड रिसेट करण्यात आले आहेत आणि नवीन SSL Certificate देण्यात येत आहेत असं सांगितलं आहे.

गोडॅडीने जरी पासवर्ड्स रिसेट केले असले तरीही सुरक्षिततेसाठी तुम्हीही स्वतः पासवर्ड्स बदलून घ्या जेणेकरून तुमचं अकाऊंट त्या हॅक मध्ये होतं की नाही हे पाहत बसावं लागणार नाही. यामध्ये नेमके कोणते यूजर्स आहेत त्याची माहिती गोडॅडीने दिलेली नाही. शिवाय याबद्दल अद्याप कोणतंही ट्विटसुद्धा करण्यात आलेलं नाही हे विशेष!

The post GoDaddy हॅक : १२ लाख वर्डप्रेस यूजर्सचा डेटा हॅक! appeared first on MarathiTech - मराठीटेक.

काही दिवसांपूर्वी उघडकीस आलेल्या माहितीनुसार २०१९ मध्ये फेसबुकच्या आजवरच्या सर्वात मोठ्या डेटा लीकमध्ये तब्बल ५३.३ कोटी युजर्सचा डेटा आता डार्क वेबवर उपलब्ध झाला आहे. यामध्ये भारतातल्या ६० लाख लोकांचा डेटा आहे. या हॅकमध्ये पूर्ण नाव, लोकेशन, जन्मतारीख, ईमेल आयडी, फोन क्रमांक, रिलेशनशिप स्टेट्स अशी संवेदनशील माहिती आता प्रकाशित झाली आहे.

विशेष म्हणजे ह्या लीकमध्ये फेसबुकचे संस्थापक मार्क झकरबर्ग यांचाही डेटा सापडला आहे. त्यांचा फोन क्रमांक आणि इतर पर्सनल माहितीही ऑनलाइन आली आहे. आश्चर्याची गोष्ट अशी आहे की यामधील माहीतीनुसार फेसबुकचे संस्थापक आणि WhatsApp ची मालकी असलेले हे महाशय स्वतः सिग्नल (Signal) ॲप वापरत आहेत असंही यामध्ये दिसून आलं आहे! ही माहिती सिक्युरिटी रिसर्चर्सनी ट्विटरवर प्रकाशित करून दिली आहे.

आणि हे एवढं मोठं प्रकरण होऊन सुद्धा फेसबुकने अद्याप या लीकमध्ये सापडलेल्या लोकांना notify करून कळवलेलं नाही. केवळ आम्हाला एक त्रुटी सापडली आणि आम्ही ती २०१९ मध्ये दुरुस्त केली आहे असं सांगितलं आहे. मात्र ज्यांची माहिती चोरण्यात आली त्यांचं काय करायचं याचं उत्तर कंपनी अजूनही देऊ शकलेली नाही. दुसऱ्यांना आमचा प्लॅटफॉर्म सुरक्षित आहे, युजर्सची माहिती गोपनीय आहे असं सांगणारा झकरबर्ग स्वतः मात्र सिग्नल वापरतोय!

तुमचं फेसबुक अकाऊंट या लीकमध्ये सापडलं आहे का ते खालील वेबसाइटवर पाहू शकता
लिंक : https://haveibeenpwned.com

या वेबसाइटवर जाऊन तुमचा ईमेल आयडी टाकून पहा. आजवर तुमचा ईमेल कोणकोणत्या वेबसाइटवरून हॅक झाला आहे ते समजेल. जर तुम्ही फेसबुकवर ईमेल आयडी जोडला असेल तरच तुम्हाला या लीकमधील तुमच्या अकाऊंटची माहिती मिळेल. तुम्ही जर केवळ फोन क्रमांक वापरुन अकाऊंट तयार केलं असेल तर ते इथं हॅक झालं आहे की नाही ते सांगू शकणार नाही. या संबंधी माहिती देण्याचे प्रयत्न सुरू असल्याचं या वेबसाइटच्या ट्रॉय हंट यांनी सांगितलं आहे. येत्या काही तासात फोन नंबर टाकूनही माहिती मिळवता येईल.

जर तुमचं अकाऊंट हॅक झालेल्या यादीत असेल तर Oh no — pwned! असा लाल रंगाचा मेसेज दिसेल आणि त्या वेबसाइटचं नाव व तो डेटा कधी हॅक झाला आहे ते समजेल. जर हॅक झालेल्या यादीत सापडला असेल तर तुम्ही त्वरित त्या त्या अकाऊंटचे पासवर्ड बदलून घ्या. जर ते अकाऊंट वापरतच नसाल तर ते डिलिट करून टाका.

महत्वाच्या लिंक्स
https://haveibeenpwned.com
https://twitter.com/haveibeenpwned
https://twitter.com/troyhunt

The post फेसबुक डेटा लीक : तुमचं अकाऊंट हॅक झालं आहे का ते असं पहा… appeared first on MarathiTech - मराठीटेक.

सोशल मीडिया वेबसाइट ट्विटर हॅक करून प्रसिद्ध व्यक्तींच्या हँडल वरुन बिटकॉईन स्कॅम करणारी माहिती ट्विट करण्यात आली होती. बराक ओबामा, जो बायडन, मायकल ब्लुमबर्ग, बिल गेट्स, जेफ बेझोस, इलॉन मस्क, कान्ये वेस्ट, उबर व अॅपल यांच्या ट्विटर अकाऊंट्सचा यामध्ये समावेश होता. आजवरच्या सर्वात मोठ्या हॅकिंग घटनांमध्ये या घटनेची नोंद होईल.

आज पहाटे या अकाऊंट्स वरून “खालील बिटकॉईन अॅड्रेस वर पैसे पाठवले तर त्याच्या दुप्पट पैसे तुम्हाला ३० मिनिटात परत पाठवण्यात येतील” असे ट्विटस करण्यात आले होते. या मेसेजेस या अधिकृत अकाऊंट वरून ट्विट केल्यामुळे अनेकांनी त्यावर पैसे पाठवले असल्याचंही समोर येत असून याद्वारे लाखो रुपये हॅकर्सनी उकळले आहेत.

यासाठी हॅकर्सनी ट्विटरच्याच काही अंतर्गत गोष्टी वापरुन काही कर्मचाऱ्यांना हाताशी धरून हा अटॅक घडवून आणला असल्याची शक्यता सध्या व्यक्त केली जात आहे.दरम्यान ट्विटरने ते सर्व ट्विटस डिलीट केले असून व्हेरीफाईड अकाऊंट्सना तूर्तास बंधने घालण्यात आहेत तर काहींना आणखी काही काळ ट्विटस करता येणार नाहीत असे बदल करण्यात आले आहेत.

आमच्यासाठी हा खूप कठीण दिवस आहे. झालेल्या घटनेबद्दल आम्हाला वाईट वाटतं. आम्ही या गोष्टीचा तपास करत आहोत आणि आम्हाला नेमकं के झालं हे समजताच त्याची माहिती शेयर करत आहोत असं ट्विटरचे सीईओ जॅक डॉर्सी यांनी ट्विटद्वारे सांगितलं आहे.

ट्विटरच्या कर्मचाऱ्यांना टार्गेट करून त्यांच्यामार्फत हे हॅकिंग घडवून आणलं असल्याचं ट्विटरकडूनही सांगण्यात आलं आहे. सध्या हे अकाऊंट लॉक करण्यात आले आहेत. त्यांच्या सुरक्षिततेची खात्री झाल्यावरच त्यांना पुन्हा अॅक्सेस देण्यात येईल.

The post ट्विटर हॅक : बराक ओबामा, बिल गेट्ससारख्या प्रसिद्ध व्यक्तींची अकाऊंट्स हॅक! appeared first on MarathiTech - मराठीटेक.

भारतातील सर्वात मोठ्या ई लर्निंग प्लॅटफॉर्म पैकी एक असलेल्या Unacademy (अनअकॅडेमी) चा डेटाबेस जानेवारी मध्ये हॅक झाला होता. त्यावेळी १.१ कोटी युजर्सचा डेटा हॅक झाल्याचं सांगण्यात आलं होतं मात्र प्रत्यक्षात तब्बल २.२ कोटी म्हणजे जवळपास सर्वच यूजर्सचा डेटा हा हॅकमध्ये हॅकर्सच्या तावडीत सापडला आहे. आता हॅकरने तो डेटाबेस डार्क वेबवरती 2000 डॉलर्स म्हणजे जवळपास दीड लाख रुपयांना विक्रीसाठी ठेवला असल्याचं समोर आलं आहे!

या हॅकमध्ये गूगल, इन्फोसिस, कॉग्निझंट, फेसबुकच्या कर्मचाऱ्यांचे ईमेल्ससुद्धा असल्याचं सांगण्यात येत आहे. Cyble नावाच्या अमेरिकन सेक्युरिटी संस्थेने याची माहिती दिली आहे. त्यांच्या माहितीनुसार या डेटाबेसमध्ये युजरनेम, पासवर्ड, ईमेल, जॉइन केलेली तारीख, शेवटचं लॉगिन केलेली तारीख, नाव, प्रोफाइल अशी माहिती आहे!

डार्क वेब म्हणजे इंटरनेटवरची अशी जागा जी अॅक्सेस करायला खास सॉफ्टवेअर, कॉन्फिगरेशन करावं लागतं. येथील वेबसाइट गूगलसारख्या सर्च इंजिनवर सापडत नाहीत. नावाप्रमाणेच ही इंटरनेटची काळी बाजू आहे जिथे अवैध गोष्टी जास्त चालतात. अर्थात याचा वापर गोपनियतेसाठीही केला जातो. तर या डार्क वेबवर हॅकर्स त्यांनी हॅक केलेले डेटाबेस विक्रीसाठी ठेवतात जेणेकरून विक्री करणारा आणि खरेदी करणारा दोघांची ओळख बाहेर पडू नये.

यामध्ये लीक झालेले पासवर्ड SHA-256 hash ने एनक्रिप्ट केलेले असल्यामुळे हॅकर्सना ते वाचता येणार नाहीत असं सीईओ गौरव मुंजाळ यांनी सांगितलं आहे. मात्र तरीही जर कोणी यासोबत इतर वेबसाइटवरही तेच पासवर्ड वापरले असतील तर त्यांनी ते दोन्ही ठिकाणी बदलून घ्यावेत असंही सांगितलं आहे. यामध्ये कोणतीही आर्थिक माहिती (क्रेडिट/डेबिट कार्डस) हॅकर्सकडे गेली नाही असं त्यांनी म्हटलं आहे.

तुम्ही जर Unacademy वापरत असाल तर तुम्ही तुमचा पासवर्ड नक्की बदला असं आवाहन आम्ही करत आहोत. सोबत पुन्हा एकदा सांगत आहोत की एकच पासवर्ड दोन ठिकाणी वापरू नका. जगात हॅक होणार नाही अशी कोणतीही वेबसाइट नाही ही गृहीत धरून प्रत्येक वेबसाइटवर Sign Up करताना वेगळा पासवर्ड टाका. त्यामध्ये आपलं नाव, फोन नंबर अशा सोप्या गोष्टी टाकू नका.

The post Unacademy चा डेटाबेस हॅक : २.२ कोटी यूजर्सची माहिती डार्क वेबवर! appeared first on MarathiTech - मराठीटेक.