गूगलने सध्याच्या काळात वाढत चाललेली व्हिडीओ कॉन्फरन्सिंग सेवांची मागणी लक्षात घेऊन त्यांची Google Meet ही सेवा आता सर्वांसाठी मोफत उपलब्ध करून देत असल्याचं जाहीर केलं आहे. सध्या गूगल ड्युओ हे अॅप, गूगल हॅंगआउट आणि गूगल मीट असे तीन पर्याय गूगलकडून देण्यात येतात. यामधील गूगल मीट ही सेवा फक्त बिझनेस यूजर्ससाठी होती आणि यासाठी पैसे मोजायला लागत होते मात्र आता इतर अॅप्सची लोकप्रियता पाहून गूगलने गूगल मीटसुद्धा मोफत दिलं आहे. ही मोफत उपलब्ध करून देण्याची प्रक्रिया सुरु झाली असून येत्या काही दिवसात सर्वांना ही सेवा मोफत वापरता येईल.

गूगल मीट सेवा वापरण्यासाठी तुम्ही meet.google.com वर जाऊ शकता किंवा त्यांचं अँड्रॉइड व iOS अॅप वापरु शकता. गूगल मीट वापरण्यासाठी गूगल अकाऊंट असणं गरजेचं आहे. तुम्ही जीमेल साठी तयार केलेलं अकाऊंट जीमेल, यूट्यूब, प्ले स्टोअर, डॉक्स, ड्राइव्ह अशा सर्व गूगल सेवांमध्ये वापरू शकता.

झुमची लोकप्रियता सध्या शिखरावर असली तरी सुरक्षेबाबत अजूनही अनेक प्रश्न आहेत. गूगल मीट हा त्यावर चांगला मोफत पर्याय ठरू शकेल. गूगल मीटमध्येही एकावेळी १०० लोक सहभागी होऊ शकतात.

https://landing.google.com/googlemeet/ वर जाऊन तुम्ही नवी सेवा तुमच्यासाठी कधी उपलब्ध होईल याची नोटिफिकेशन मिळवू शकाल. .

अपडेट : 05-05-2020 आज ही सेवा सर्वांसाठी उपलब्ध झाल्याचं दिसत आहे.

Search Terms : Google Meet video confrencing service now available for free to everyone!

The post गूगल मीट आता सर्वांसाठी मोफत : व्हिडिओ कॉन्फरन्सिंगसाठी उत्तम पर्याय! appeared first on MarathiTech - मराठीटेक.

व्हिडिओ कॉन्फरन्स अॅप्स सध्याच्या करोना व्हायरसमुळे जगभरात लॉकडाऊन स्थितीत अनेकांना वेगवेगळ्या प्रकारे उपयोगी ठरत आहेत. यामध्ये स्काइप, ,मायक्रोसॉफ्ट टीम्स, गूगल हॅंगआउट्स, हॅंगआउट्स मीट, झुम, डिस्कॉर्ड, हाऊस पार्टी इ. अनेक पर्याय उपलब्ध आहेत. यापैकी सध्या स्काइप, झुम, हॅंगआउट्स चर्चेत आहेत. झुमने अचानक या काळात मोठी झेप घेत इतरांकडून यूजर्स मोठ्या संख्येने आपल्याकडे वळवले आहेत! १४ मार्च ते २१ मार्च दरम्यान या व्हिडिओ कॉन्फरन्स अॅप्सचे तब्बल ६.२ कोटी डाउनलोड्स झाले आहेत!

कोरोना/COVID-19 मुळे सध्या बऱ्यापैकी सर्वच लोक घरी आहेत. काही जणांना वर्क फ्रॉम होम म्हणजे घरून काम करण्याची परवानगी/सक्ती करण्यात आली आहे. अशावेळी व्हिडिओ कॉन्फरन्स/व्हिडिओ कॉलद्वारे एकमेकांशी संपर्क साधून काम करणं, गप्पा मारणं सहजसोपं होऊन जातं. अनेक व्यवसाय त्यांच्या कर्मचाऱ्यांकडून अशा प्रकारे सध्या काम करून घेत आहेत. यामुळेच अशा अॅप्स/सॉफ्टवेअर/ऑनलाइन पर्यायांच्या वापरात अनेक पटींनी वाढ पाहायला मिळत आहे.

Skype : गेली अनेक वर्षं व्हिडिओ कॉन्फरन्ससाठी सर्वात लोकप्रिय असलेली सेवा म्हणजे Skype (स्काइप). स्काइपच्या अॅक्टिव यूजर्समध्ये ७० टक्क्यांनी वाढ झाली असून आता जवळपास ४.४ कोटी लोक स्काइप वापरत आहेत! स्काइप ते स्काइप कॉल्सच्या मिनिटांची संख्या सुद्धा तब्बल २२० टक्क्यानी वाढली असल्याची माहिती मायक्रोसॉफ्टने दिली आहे! त्यांच्याच Microsoft Teams या बिझनेस सेवेचे सुद्धा ४.४ कोटी यूजर्स झाले असल्याचं त्यांनी यावेळी जाहीर केलं आहे. २१ एप्रिल पासून त्यांच्या Office 365 सेवेचं नाव Microsoft 365 असं असणार आहे.
Download Skype : skype.com

ZOOM : या गेल्या काही दिवसांच्या काळात मोठी प्रगती केलेली कंपनी म्हणजे Zoom Video Communications. या अॅपचा वापर इतक्या मोठ्या प्रमाणावर होत आहे की यांनी आता गूगल प्ले स्टोअरवर टिकटॉक, व्हॉट्सअॅप, इंस्टाग्राम यांनाही मागे टाकलं आहे! या अॅपचं प्रमुख वैशिष्ट्य म्हणजे यामध्ये व्हिडिओ कॉन्फरन्सला एकाचवेळी १०० जण सहभागी होऊ शकतात! तेसुद्धा मोफत बेसिक प्लॅनमध्ये. झुम कंपनीची ही वाढ पाहून अॅडवीकने झुम म्हणजे करोना क्वारटाईन अर्थव्यवस्थेचा राजा म्हटलं आहे! अधिकअधिक लोक घरून काम करत असताना रिमोट वर्किंग आणि व्हिडिओ कॉन्फरन्ससाठी झुमला प्राधान्य दिलं जात आहे. सध्या हे भारतात सर्वाधिक डाउनलोड केलं जात असलेलं अॅप आहे!
Download Zoom : https://zoom.us/

WhatsApp : व्हॉट्सअॅपच्या अॅक्टिव यूजर्समध्येही ४० टक्क्यानी वाढ झाली असून व्हिडिओ कॉल्स, चॅट मेसेजेस, स्टेट्स असं सर्वच गोष्टींचं प्रमाण वाढलं आहे! अर्थात हे तर होणारच होतं. मात्र प्रमाण इतक वाढलं आहे की भारतात नेटवर्क लोड कमी व्हावा म्हणून व्हॉट्सअॅपने स्टेट्ससाठी ३० सेकंदाची मर्यादा आता १५ सेकंदावर आणली आहे!

Download Links for Video Conferencing/Calling Apps

• Microsoft Teams : teams.microsoft.com
• Zoom : https://zoom.us
• Skype : skype.com
• Google Hangouts : hangouts.google.com
• Hangouts Meet : gsuite.google.com/products/meet
• Houseparty : houseparty.com
• Discord : discordapp.com
• GoToMeeting : https://gotomeeting.com
• Slack : https://slack.com

The post व्हिडिओ कॉन्फरन्स अॅप्सचे ६.२ कोटी डाउनलोड्स : यूजर्समध्ये ७०% वाढ! appeared first on MarathiTech - मराठीटेक.

The post मेसेंजर आपला आपला appeared first on MarathiTech - मराठीटेक.

ही सेवा वापरण्यासाठी युजर्सनी केवळ जीटॉकच्या पॅनेलशेजारी असलेल्या व्हिडीओ कॅमेरावर क्लिक करायचे आहे . यानंतर एक नवीन विंडो पॉप – अप होईल . यात गुगल प्लसमधील आपल्या मित्रांची यादी दिसणार आहे .यामध्ये आपण त्यांच्या जीमेल आयडीवर क्लिक करून त्यांना व्हिडीओ चॅटलिस्टमध्ये अॅड करू शकतो . 
                    गुगल प्लसमध्ये नसलेल्या एखाद्या मित्राशी आपल्याला चॅट करायचे असेल तर आपण जीमेल आयडीवरून त्यांना इन्व्हिटेशन पाठवू शकतो . हे चॅट आपण हँगआऊट या फिचरचा वापर करून सर्वांसाठी खुले करू शकतो . यासाठी युट्यूबचे अकाऊंट लागते . यानंतर ते चॅट ब्रॉडकास्ट होताना दिसेल . आपण त्या ग्रुपमध्ये करत असलेल्या विविध चर्चा आपल्या फोटोसह सर्वांना पाहवयास मिळणार आहेत . एकदा हँगआऊट सुरू झाले की , आपल्या ग्रुपमेंबर्सची यादी आपल्याला स्क्रीनच्या खालच्या बाजूस दिसते तर व्हिडीओ वरच्या बाजूस दिसतो .

जीमेलच्या विंडोच्या डाव्या बाजूला चॅट्स , स्क्रीनशेअर , गुगल ड्राइव्ह , गुगल डॉक्स , इफेक्ट्स आणि पिंग पाँग हँगआऊट असे पर्याय दिसू लागतील . चॅट आणि हँगआऊटच्या माध्यमातून मित्रांना मेसेजेसही पाठवता येणार आहेत . तर स्क्रीनशेअर या सुविधेमध्ये मित्रांशी स्क्रीनशॉट शेअर करता येणार आहेत . हे शेअर केल्यावर आपल्या ग्रुपमधील सर्व मेंबर्सना तो व्हिडीओ पाहता येणार आहे . गुगल ड्राइव्ह आणि गुगल डॉक्स हे व्हिडीओ चॅट्समध्ये अधिक गंमत आणतील , असा विश्वास गुगलने व्यक्त केला आहे . 


हँगआऊटमध्ये जाऊन मज्जा – मस्ती करायची असेल तर गुगलने हँगआऊटमध्ये गेम्सचीही सुविधा दिली आहे .यामध्ये आपल्या ग्रुपमधील एखाद्याशी गेम्स खेळता येणार आहेत . याचबरोबर यामध्ये आपण विविध वॉलपेपर्स ,साऊंड इफेक्ट्स , फोटो आदी गोष्टी आणि आपल्या आवडीचे अॅप्सही वापरू शकणार आहोत . भविष्यात गुगलच्या सर्व सुविधा म्हणजे कॅलेंडर , ई – मेल यालाही हँगआऊट करता येणार आहे . म्हणजे एकाच वेळी आपण एखादी गोष्ट आपल्या विविध मित्रांशी शेअर करू शकतो . त्यामुळे आता मित्रांसोबत हँगआऊट करण्यासाठी जीमेलचा नवा पर्याय खुला झाला आहे . 

The post गुगलचे हँगआऊट जीमेलवर : मित्रांसोबत चॅट जीमेलचा नवा पर्याय appeared first on MarathiTech - मराठीटेक.