आजवर Cowin पोर्ट्ल सह आरोग्य सेतु, Paytm सारख्या ठिकाणी लसीसाठी स्लॉट बुक करण्याचा पर्याय होता. आता थेट आपल्या फोनमार्फत व्हॉट्सॲपवरच हे बुकिंग करता येईल. नव्या पर्यायानुसार व्हॉट्सॲपवर केवळ स्लॉट बुक करता येणार असून त्या आधी करावी लागणारी नोंदणी/रजिस्ट्रेशन cowin.gov.in वेबसाइटवरच करावी लागेल. सर्व सदस्यांची नोंदणी झाल्यावर लसीकरण केंद्रामधील वेळेचा स्लॉट बुक करण्यासाठी व्हॉट्सॲपचा वापर करू शकता.

व्हॉट्सॲपने यासाठी चॅटबॉटचा वापर केला असून यामार्फत Cowin प्रमाणेच स्लॉट बुक करता येईल. मात्र इतर उपलब्ध स्लॉट्स, लसीकरण केंद्रे यांची माहिती इथे सहज दिसणार नाही.

1. प्रथम My Gov Corona Helpdesk चा +919013151515 हा क्रमांक सेव्ह करून घ्या किंवा या लिंकवर जा
2. आता Book Slot असा मेसेज पाठवा
3. त्यानंतर तुम्ही Cowin वर रजिस्टर केलेल्या नंबरवर मेसेजमार्फत OTP येईल
4. आलेला OTP टाइप करून सेंड करा
5. आता तुम्ही Cowin वर नोंदणी केलेल्या सदस्यांची नावे दिसतील
6. कुणासाठी लस घ्यायची आहे त्या त्या नावासमोरील अंक टाइप करून सेंड करा
7. आता Search By Pincode वर क्लिक करा
8. आता फ्री किंवा Paid असे दोन पर्याय येतील. तुमच्या गरजेनुसार निवडा
9. आता उपलब्ध लसीकरण केंद्रांची नावे दिसतील त्यासमोर अंक दिलेला असेल
10. जे केंद्र निवडायचे आहे त्यासमोरील अंक टाइप करून सेंड करा
11. आता तुमचा स्लॉट बुक झाल्याचा मेसेज येईल. हा मेसेज घेऊन तुम्ही लसीकरण केंद्रात दिलेल्या वेळी जाऊ शकता.

काही दिवसांपूर्वीच याच क्रमांका मार्फत लसीचं प्रमाणपत्र/सर्टिफिकेट डाउनलोड करण्याचीही सोय देण्यात आली होती.

Search Terms : How to to Book Vaccination Slots on WhatsApp MyGov Corona Helpdesk

The post कोविड लसीचा स्लॉट आता व्हॉट्सॲपवरसुद्धा बुक करता येणार! appeared first on MarathiTech - मराठीटेक.

तुमच्या कोविड लसीकरणाचं प्रमाणपत्र/सर्टिफिकेट आता तुम्हाला व्हॉट्सॲपवरच अवघ्या काही सेकंदात मिळवता येईल! केंद्रीय आरोग्य मंत्रालयाने याबद्दल काल माहिती दिली आहे.

• +919013151515 हा क्रमांक तुमच्या फोनमध्ये सेव्ह करा किंवा थेट या लिंकवर जा : bit.ly/3lFMLWD
• covid certificate असा मेसेज पाठवा
• आता आलेला OTP टाका
• तुमचं कोविड सर्टिफिकेट आलेलं दिसेल!

हा फोन क्रमांक सेव्ह करताना तपासून घ्या. ह्याच्यावर MyGov Corona Helpdesk असं नाव आणि समोर हिरव्या रंगाची टिक दिसेल.

कधीकधी CoWIN पोर्टल वर OTP न मिळण्यासारख्या अडचणी येत आहेत. काही जणांना त्यांच्या कामाच्या ठिकाणी किंवा प्रवास करते वेळी लसीकरणाचं सर्टिफिकेट दाखवणं बंधनकारक असतं अशावेळी तांत्रिक अडचणीमुळे नेमका उशीर होतो. मात्र आता थेट व्हॉट्सॲपवर हे उपलब्ध होत असल्यामुळे हे सर्टिफिकेट घेणं खूप सोपं झालं आहे.

Search Terms : how to get covid vaccination certificate eon WhatsApp

The post आता कोविड लसीकरण सर्टिफिकेट व्हॉट्सॲपवर मिळवा! appeared first on MarathiTech - मराठीटेक.

गेल्या वर्षी सुरू झालेला कोरोना रोगाचा प्रसार दुसऱ्या लाटेमुळे आता आणखी तीव्र झाला आहे. यावेळी आरोग्य व्यवस्थेवर बराच ताण येताना दिसत असून अनेकांना बेड्स, ऑक्सिजन, इंजेक्शन्स मिळवण्यासाठी अडचणी येत आहेत. यामध्ये काही प्रमाणात काळाबाजार होण्याचंही प्रमाण दिसून येत आहे. यावर उपाय म्हणून सरकार, वैद्यकीय संस्था व सामाजिक संस्थांनी पुढाकार घेत ऑनलाइन मदत केंद्रे तयार केली आहेत ज्यामार्फत आपण आपल्या शहरातील गरजेनुसार माहिती मिळवू शकाल. याद्वारे रुग्णांना शक्य तेव्हढी मदत करण्यात येत आहे.

आम्ही काही ऑनलाइन वेबसाइट, सोशल मीडिया यांच्या लिंक्स, क्रमांक देण्याचा प्रयत्न करत आहोत. ही माहिती शक्य तितकी अधिकृत असल्याची खात्री करून पोस्ट करत आहोत.
शिवाय खाली काही काळजी घेण्याबद्दल मुद्देसुद्धा जोडत आहोत ते सुद्धा नक्की पाहून घ्या.

कोरोना/COVID19 लसीकरणासाठी नोंदणी

https://cowin.gov.in या वेबसाइटवर केंद्र शोध, नोंदणी करता येईल.

कोरोना लक्षणं आढळल्यास चाचणी करण्यासाठी केंद्र शोधा

• गूगलवर covid 19 testing असं सर्च केल्यावर तुमच्या जवळ असणाऱ्या टेस्टिंग सेंटर्सची माहिती दर्शवली जाईल. तिथे कशी प्रक्रिया असेल याचीही थोडी माहिती दिलेली आहे.

महाराष्ट्र सरकार

• COVID-19 ची रोजची माहिती : COVID-19 Dashboard by Government of Maharashtra : https://www.covid19maharashtragov.in/mh-covid/dashboard
• हॉस्पिटल्सची माहिती : Maharashtra State-Dedicated COVID Facilities-Logistic Report : https://arogya.maharashtra.gov.in/1177/Dedicated-COVID-Facilities-Status
• रक्तासंबंधित माहितीसाठी : Maharashtra Blood Transfusion Council : http://mahasbtc.org/sbtc
• प्लास्मा दान करण्यासाठी किंवा मिळवण्यासाठी DONATE or REQUEST PLASMA : https://plasma.mahasbtc.org

• Maha Arogya IEC Bureau Facebook : https://www.facebook.com/MahaArogyaIECBureau
• Maha Arogya IEC Bureau Twitter : https://twitter.com/mahahealthiec
• MAHARASHTRA DGIPR : https://twitter.com/MahaDGIPR : विविध सरकारी आदेश, घडामोडी, रिपोर्टस यांची अधिकृत माहिती

मुख्यमंत्री सहाय्यता निधी

मुख्यमंत्री सहाय्यता निधी COVID-19 मध्ये आपली मदत देण्यासाठी अधिकृत ऑनलाइन पर्याय (महाराष्ट्र राज्य)
UPI ID : cmrfmahacovid19@sbi
Name of the Account : Chief Minister’s Releif Fund Covid19
Account Number : 39239591720
Branch : State Bank of India, Mumbai main Branch, Fort Mumbai Code : 00300
IFSC : SBIN0000300

शिवभोजन थाळी केंद्र यादी : List of ShivBhojan Thali Centers

या योजनेद्वारे सध्या गरीब व गरजू जनतेला मोफत जेवण उपलब्ध करून देण्यात येत आहे.
यादी पाहण्यासाठी अधिकृत लिंक : http://mahaepos.gov.in/ShivBhojanTrans.jsp

भारत सरकार

आरोग्य मंत्रालय अधिकृत वेबसाइट : https://www.mohfw.gov.in
आरोग्य मंत्रालय अधिकृत ट्विटर हॅंडल : https://twitter.com/MoHFW_INDIA
#IndiaFightsCorona : https://www.mygov.in/covid-19

#MahaCovid मोहीम

सध्या ट्विटरवर सर्व मराठी हँडल्सनी एकत्र येत #MahaCovid हा हॅशटॅग सुरू केला आहे. याअंतर्गत ट्विटस मार्फत मदत केली जात आहे. कोव्हिडसंदर्भात बेड/ऑक्सिजन/औषधं/व्हेंटिलेटर कोणत्याही गोष्टी मिळविण्यात अडचण येत असेल तर तुमचे प्रश्न किंवा माहिती ट्वीट करा आणि सोबत #MahaCovid तसंच #Sosशहराचेनाव असे हॅशटॅग जोडा असं सांगण्यात आलं आहे.

मराठी चित्रपट कलाकार स्वप्निल जोशी, सोनाली कुलकर्णी, हेमंत ढोमे यांनी ट्विटर अकाऊंटचा वापर या कारणासाठीच करणार असल्याचं जाहीर केलं आहे. कबड्डी संघ U Mumba आणि फुटबॉल संघ Mumbai City FC यांनीही त्यांची सोशल मीडिया या कामासाठी वापरत असल्याचं सांगून त्यानुसार ट्विट्ससुद्धा केल्या आहेत. शिवाय उर्मिला मातोंडकर, सुहृद गोडबोले, निखिल महाजन यांनीही यामध्ये सहभाग नोंदवला आहे. यांच्यासोबत इतरही अनेकांनी आता शक्य ती मदत पुरवण्यास सुरुवात केली आहे.

गूगल COVID-19 Information Centre

• गूगलवर covid 19 testing किंवा coronavirus testing असं सर्च केल्यावर तुमच्या जवळ असणाऱ्या टेस्टिंग सेंटर्सची माहिती दर्शवली जाईल. तिथे कशी प्रक्रिया असेल याचीही थोडी माहिती दिलेली आहे.
• गूगलवर COVID-19 vaccine असं सर्च केल्यावर तुमच्या जवळ असणाऱ्या लसीकरणाची माहिती दर्शवली जाईल.

फेसबुक Coronavirus (COVID-19) Information Centre

https://www.facebook.com/coronavirus_info/

ट्विटर COVID-19 Information Centre

https://twitter.com/explore/tabs/covid-19
ट्विटरवर कशी माहिती मिळवायची हे पहा : https://twitter.com/TwitterIndia/status/1386608572377694210

इतर
मायक्रोसॉफ्ट बिंग मराठी कोविड ट्रॅकर : bing.com/covid/local/india?setlang=mr

खाली काही मुद्दे मांडत आहोत ते एकंदरीत सध्या सुरू असलेल्या परिस्थितीचा थोडासा अंदाज घेऊन व्यक्त केलेले आहेत. प्रत्यक्ष माहितीसाठी तज्ञांची मदत घेऊनच पाऊल उचला.

• सध्या लॉकडाऊन लावण्यात आलेलं आहे त्याचं काटेकोर पालन करा. अतिशय गरज असल्याशिवाय अजिबात बाहेर पडू नका.
• वस्तु, भाजीपाला, किराणा, औषधे, जेवण घरपोच देण्यासाठी अनेक ठिकाणी नव्या सोयी करण्यात आल्या आहेत. ऑनलाइन डिलिव्हरी सेवांचा उपयोग करा.
• बाहेर पडणार असाल तर मास्क नक्की घाला आणि तो घरी आल्यावरच काढा. घरी आल्यावर प्रवेश करण्याआधी हात sanitizer ने धुवून प्रवेश करा.
• बाहेर जाऊन आल्यावर हात, पाय, तोंड धुवून घ्या.
• रोजचा सकस आहार घ्या. प्रतिकारशक्ती वाढेल असा आहार डॉक्टरांसोबत बोलून त्यानुसार घ्या.

• फोन/टीव्ही/लॅपटॉप अशा उपकरणांवर आपण कोरोना संबंधित काय माहिती पाहता यावर नियंत्रण ठेवा. बातम्या पाहणं मर्यादित ठेवा.
• जास्त घटना/बातम्या पाहून भीती निर्माण होऊ शकते. पुढे चुकून आपणच +ve झालो तर मनात आणखी भीती वाटण्यास सुरुवात होऊ शकते.
• घरी राहून शक्य तितकं मनोरंजनात्मक व्हिडिओ, गाणी पाहण्याचा प्रयत्न करा.
• व्हॉट्सॲपवरील मेसेज, स्टेट्स पाहत बसू नका. काही लोकांना विनाकारण अफवा पसरवण्यात आनंद वाटत असतो. त्यांच्यापासून, त्यांच्या मेसेजेसपासून दूर रहा.
• वारंवार कोरोना माहिती, मृत्यू, पॉसिटीव संख्या पाहू नका. याचा नकारात्मक परिणाम होतो.
• लक्षात घ्या या रोगामधून बरे झालेल्या व्यक्तींची संख्या सुद्धा खूप मोठी आहे.
• जर आपल्याला दुसरे आजार असतील तर मात्र आपल्याला अधिक काळजी घ्यावी लागेल.

• घरातील वृद्ध व्यक्ती, आई वडील यांना शक्य तितक्या लवकर लस देण्याचा प्रयत्न करा.
• लसीविषयी अफवांवर विश्वास ठेवून लस घेणं टाळू नका.
• जर काही शंका असेल तर आपल्या डॉक्टरकडे संपर्क साधून शंका निरसन करून घ्या.
• लसींचे दोन्ही डोस घेणं गरजेचं आहे. कोणती लस घेतली त्यानुसार त्यांचे दिवस पाहून लस घ्या.
• लसीचे दोन्ही डोस घेऊनही कोरोना होऊ शकतो हे खरं असलं तरी आजवर उपलब्ध असलेल्या सर्वच लसीबाबतही असंच म्हणावं लागेल.
• सामान्य माहितीनुसार अमुक रोगावर १००% यश मिळेल अशी लस कोणत्याही आजारावर उपलब्ध नाही. मग हा कोरोना तर तुलनेने नवा रोग आहे.
• म्हणूनच लस घेतल्यावरही काळजी घेणं तितकंच गरजेचं आहे.
• १ मे पासून १८ वर्षावरील सर्वाना लस मिळणार आहे मात्र त्यांची उपलब्धता साहजिकच पुरेशी नसणार आहे.
• लसीकरणासाठी जाताना उपलब्धतता, गर्दी यांचा अंदाज घेऊन मग जा. तिथे असतानाही योग्य ती काळजी घ्या.

• व्हॉट्सॲपवरील मेसेज वाचून त्रास/दुखणं अंगावर काढायला जाऊ नका. अशा गैरसमजातूनच यावेळी जास्त जीव गेल्याचं पाहायला मिळत आहे.
• लक्षणं जाणवल्यास किंवा संपर्कात आलेल्या व्यक्तीला कोरोना झाला असेल तर लगेच चाचणी करून घ्या.
• चाचणी केल्यावर रिपोर्ट येईपर्यंत विलगीकरण करून रहा.
• रिपोर्ट +ve आल्यावर डॉक्टरांना संपर्क साधून योग्य ती व्यवस्था करून पहा.
• किती त्रास आहे याचा अंदाज घेऊन डॉक्टर सांगतील त्याप्रमाणे पुढील पाऊल उचला.
• कमी त्रास असलेल्या व्यक्तीना विलगीकरण केंद्र किंवा शक्य नसेल तर घरीच Quarantine केलं जात आहे.
• अशावेळी आहारावर जास्त लक्ष द्या. सकारात्मक विचार करत रहा. जर कोणी अॅडमिट असतील तर त्यांना फोनवरून व्हिडिओ कॉल करून आधार देत रहा.

• कोव्हिड संदर्भात बेड/ऑक्सिजन/औषधं/व्हेंटिलेटर अशा गोष्टी मिळवण्यात स्थानिक माहिती हवी असेल तर तुमचे प्रश्न किंवा माहिती संबंधित ठिकाणी ट्वीट करा
• मदत मागते वेळी जिल्हाधिकारी, आयुक्त, आरोग्य अधिकारी, आमदार, नगरसेवक, सामाजिक संस्था यांना टॅग करू शकता.
• ज्यांची वरीलपैकी गोष्ट मिळाली आणि गरज संपली की मग ट्विट्स, मेसेजेस डिलिट करा जेणेकरून पुढे इतराना मदत पुरवणे सोपे होईल.
• Remdesivir सारख्या औषधे आता फक्त हॉस्पिटलमध्येच उपलब्ध करून देण्यात येत आहे. त्यामुळे बाहेरून खरेदी करण्यास जाऊ नका. त्यामार्फत नकली औषधं देण्याच्या घटना उघडकीस आल्या आहेत. खाजगी रुग्णालयात याचं वितरण जिल्हाधिकारी यांच्यातर्फे होत आहे.
• Remdesivir मिळाल्यावर जीव वाचेलच असं नाही. हे जीवरक्षक औषध नाही असं अनेक डॉक्टर्सनी व सरकारतर्फेही अधिकृतरित्या सांगितलं आहे. हे औषध रिकव्हर होण्याच्या प्रक्रियेचा वेग वाढवण्यास मदत करतं.
• अशा काळात सुद्धा काही महाभाग गैरफायदा घेताना दिसून येत आहे. असे प्रकार दिसून आल्यास संबंधित प्रशासन. पोलिस, मीडिया यांना कळवा. स्वतःला गरज असेल तर योग्य ती खात्री करूनच खरेदी करा. आपली फसवणूक होऊ देऊ नका.
• मदतीची विनंती करत असताना सामाजिक भान बाळगून इतर अनावश्यक गोष्टी टाळा.

वरील लेख तंत्रज्ञानावर आधारित नसला तरी सध्याची वेळ पाहता गरजेचा आहे आणि म्हणून जनहितार्थ ही माहिती पोस्ट करण्यात आली आहे याची नोंद घ्यावी. या लेखामधील माहिती चुकीची आढळल्यास किंवा आणखी काही माहिती/मुद्दे जोडायला हवे असं वाटल्यास आम्हाला नक्की कळवा.

The post कोरोनारुग्णांना मदत मिळवण्यासाठी ऑनलाइन पर्याय व इतर माहिती appeared first on MarathiTech - मराठीटेक.

२०२१ च्या कन्झ्युमर इलेक्ट्रॉनिक्स शो (CES) या इलेक्ट्रॉनिक्स, तंत्रज्ञान जगातातल्या सर्वात मोठया कार्यक्रमात रेझरने प्रोजेक्ट हेजल (Project Hazel) नावाने स्मार्ट मास्क सादर केला आहे! हा एक पुनर्वापर करता येणारा N95 मास्क असून हा वॉटरप्रूफ आहे व हा रिसायकल केलेल्या प्लास्टिक पासून बनवलेला आहे. रेझरने हा जगातला सर्वात स्मार्ट मास्क असल्याचा दावा केला आहे!

यामध्ये मायक्रोफोन्स आणि amplifiers सुद्धा असून यामुळे मास्क घातलेला असताना समोरच्या व्यक्तीला बोलणं सोपं होईल अस कंपनीचं म्हणणं आहे! शिवाय नेहमीप्रमाणे रेझरने या सुद्धा उत्पादनात RGB लाईट्स (Chroma RGB LEDs) जोडल्या आहेतच. यामुळे आपण आपल्या आवडीनुसार रंग निवडून ते या मास्कवरील रिंगवर लावू शकता आणि मग त्यानुसार मास्कमधील लाईट्स चमकतील. आता याचा नेमका उपयोग काय असेल तर काहीच नाही. फक्त RGB लाईट्स असलेला मास्क घातल्याचा आनंद मात्र मिळेल!

याची किंमत अद्याप जाहीर करण्यात आलेली नसून कंपनी सध्या सरकारी परवानगी मिळवण्याच्या प्रयत्नात आहे.

या मास्क सोबत प्रोजेक्ट ब्रुकलिन ( नावाची गेमिंग खुर्ची सुद्धा सादर करण्यात आली आहे. यामध्ये नेहमीच्या सोयींसह curved OLED screen सुद्धा जोडलेली आहे!

The post Razer कंपनीचा स्मार्ट मास्क सादर : स्मार्ट सुविधांसह RGB लाइट्ससुद्धा! appeared first on MarathiTech - मराठीटेक.

वनप्लस या स्मार्टफोन कंपनीने आता त्यांचा फिटनेस बॅंड आणला असून यामध्ये १३ स्पोर्ट मोड, AMOLED डिस्प्ले, हार्ट रेट सेन्सर, SpO2 सेन्सरचा समावेश आहे. आता या क्षेत्रात स्वस्त बॅंडसाठी त्यांची शायोमी, रियलमी यांच्यासोबत स्पर्धा असेल. या OnePlus Band बॅंडची किंमत २४९९ आहे. १३ जानेवारीपासून ॲमेझॉन, फ्लिपकार्ट आणि वनप्लसच्या दुकानांमध्ये उपलब्ध होईल.

या खास फिटनेससाठी आणलेल्या बॅंडमध्ये 1.1 इंची AMOLED कलर टचस्क्रीन डिस्प्ले असून त्याच रेजोल्यूशन 294×126 असं आहे. हृदयाचे ठोके मोजण्यासाठी हार्ट रेट सेन्सर आणि ब्लड ऑक्सिजन मोजण्यासाठी SpO2 सेन्सर दिलेला आहे. Outdoor running, Outdoor cycling, Outdoor walking, Indoor Cycling, Indoor running, Fat loss running, Free training, Badminton, Cricket, Swimming, Yoga, Elliptical machine आणि weight training असे १३ स्पोर्ट मोड यामध्ये देण्यात आले आहेत.

याची बॅटरी लाईफ १४ दिवसांची असेल. IP68 water आणि dust-resistant असल्यामुळे पाण्यातही हा बॅंड वापरू शकता. OnePlus Health app द्वारे या बॅंडमधील माहिती फोनमध्ये पाहू शकाल. यासाठी यात Bluetooth 5.0 दिलेलं आहे. लवकरच वनप्लसचं स्मार्ट वॉचसुद्धा येईल अशी चर्चा आहे!

वनप्लस कंपनीने पुन्हा एकदा ओप्पोचच उत्पादन rebrand करून स्वतःच्या नावाने बाजारात आणलं आहे. शायोमी हे गेले कित्येक दिवस करत आली आहे. आता वनप्लससुद्धा त्याच वाटेवर आहे. BBK Electronics कडे विवो, ओप्पो आणि वनप्लस या तिघांची मालकी आहे. हे झाल्यापासून वनप्लसचे अलिकडचे जवळपास सर्वच फोन्स ओप्पोच्या कुठल्या तरी फोन सारखेच दिसून येत आहेत.

अनेक ग्राहकांनीही आता याबाबत नाराजी व्यक्त करण्यास सुरुवात केली असून आत्ताची वनप्लस आधी सारखी राहिली नाही असं अनेकांचं मत दिसून येत आहे. वनप्लसचे फोन्ससुद्धा आता ओप्पोच्याच फॅक्टरीमध्ये तयार होतात.

The post OnePlus चा आता फिटनेस बॅंड भारतात सादर ! appeared first on MarathiTech - मराठीटेक.