काही दिवसांपूर्वी झालेल्या पुलवामा येथील दुर्दैवी घटनेनंतर हुतात्मा झालेल्या सैनिकांच्या कुटुंबाला आपल्या परीने शक्य ती मदत करण्यासाठी काही ऑनलाईन पर्याय उपलब्ध करून देण्यात आले असून या अधिकृत पर्यायांद्वारे केली जाणारी मदत योग्य ठिकाणी पोहचेल.

अशा क्षणी काही विघ्नसंतोषी व्यक्तींकडून गैरफायदा घेण्याचा प्रयत्न केला जातो. स्वतःचे अकाउंट क्रमांक सैन्याच्या खातं असल्याचं सांगून व्हॉट्सअॅपसारख्या माध्यमातून खोटे अकाउंट क्रमांक पसरवून चुकीच्या ठिकाणी पैसे मिळवण्याचे प्रकार घडतात. असे प्रकार होऊ नयेत म्हणून आज आम्ही CRPF कडून अधिकृतरित्या जाहीर करण्यात आलेल्या पर्यायांबद्दल माहिती देत आहोत…
हे पर्याय अधिकृत आहेत हे तुम्ही स्वतः लेखाच्या शेवटी दिलेल्या लिंक्सवर जाऊन तपासू शकता.

१. भारत के वीर UPI आयडी द्वारे : स्टेट बँक ऑफ इंडियाने bharatkeveer@sbi हा UPI आयडी (VPA) उपलब्ध करून दिला असून हा VPA वापरुन BHIM, Google Pay, PhonePe अशा अॅपमध्ये वरील VPA टाकून तुम्ही शक्य ती मदत थेट भारत के वीर या उपक्रमाकडे पाठवू शकता.
२. भारत के वीर अॅप/वेबसाइटद्वारे : bharatkeveer.gov.in या अधिकृत वेबसाईटवर सुद्धा आपण मदत पाठवू शकता. भारत के वीर द्वारे केलेली मदत थेट हुतात्मा सैनिकाच्या बँक खात्यामध्ये जमा होते आणि त्यांच्या कुटुंबियांना उपलब्ध होते!
३. पेटीएमद्वारे उपलब्ध पर्याय : खालील लिंक वापरून तुम्ही CRPF सैनिकांच्या कुटुंबियांना मदत पाठवता येईल. गेल्या काही दिवसात तब्बल १० कोटी रुपये या पर्यायाद्वारे CRPF Welfare Fund साठी उभे केल्याची पेटीएमने दिली आहे!
paytm.com/helpinghand/crpf-wives-welfare-association

अधिकृत माहिती लिंक
1. भारत के वीर UPI : SBI UPI for #BharatKeVeer bharatkeveer@sbi
2. पेटीएमद्वारे सैनिकांच्या कुटुंबाला मदत : CRPF Wives Welfare Association

The post CRPF सैनिक व हुतात्म्यांच्या कुटुंबाला मदतीसाठी ऑनलाइन पर्याय appeared first on MarathiTech - मराठीटेक.

नमस्कार,

मराठी वेबविश्वात मराठी लोकांना टेक्नॉलजीच्या जगतातील ताज्या घडामोडींबद्द्ल माहिती मिळावी आणि सोप्या टिप्स & ट्रिक्स मराठीमध्ये वाचायला मिळाव्यात या उद्देशाने ह्या ब्लॉगची सुरवात केली होती. तुमच्या सर्वांच्या प्रतिसादामुळे आज मराठीटेकची वाचकसंख्या १,००,००० पार गेली आहे. आणि यासोबत “मराठीटेक” मराठी मधला सर्वात वेगाने वाढणारा ब्लॉग ठरला आहे. मराठीटेक हा ब्लॉग स्वतःच अॅप्लिकेशन पब्लिश करणारा पहिलाच ब्लॉग! त्यालासुद्धा आपणा सर्वांनी भरभरून प्रतिसाद दिलाय. (५०००+ यूजर)

• १,००,००० + वाचकसंख्या 
• ५०० + फेसबूक चाहते 
• ५००० + App यूजर , ~३०० Daily Reach
• मराठीटेक फोरम – प्रश्नोत्तरे 

मात्र आजपर्यंत हा ब्लॉग Ads मुक्त राहिलाय. त्यामुळे आम्हाला कोणताही उत्पन्नाचा मार्ग नाही. काही वेळा आर्थिकदृष्ट्या काही प्रकल्प बंद होतात. मात्र आम्हाला तसे न करता मराठीटेकला आणखी पुढेच न्यायचे आहे. म्हणूनच आज आम्ही तुम्हा सर्वांना मदतीच आवाहन करत आहोत…  
मदतसुद्धा फूल न फुलाची पाकळी अशीच मागतोय !

तुम्हाला शक्य असेल अथवा जेव्हढी मदत करण्याची इच्छा असेल तेव्हढी मदत तुम्ही देऊ शकता अगदी १० रुपयापासून! यासाठी आम्ही सोपा मार्ग निवडलाय..
 Paytm नावाची मोबाइल/DTH रीचार्ज करण्यासाठी वापरली जाणारी वेबसाइट आपणा सर्वांना माहीत असतेच. तर या Paytm च्या Send Money या सुविधेचा वापर करून आम्हाला मदत करा.
त्यासाठी सूचना खालील प्रमाणे :

1. प्रथम Paytm च्या वेबसाइटवर जा 
2. मग उजव्या बाजूला वर Paytm Wallet वर क्लिक करा. 
3. जर वॉलेट मध्ये बॅलेन्स नसेल तर Add Money या पर्यायाचा वापर करून Wallet मध्ये पैसे घाला. 
4. हे पैसे पूर्णतः सुरक्षित असतील व यापुढे जेव्हा तुम्हाला रीचार्ज करायचा असेल तेव्हा वापरता येतील. 
5. यानंतर Send Money वर क्लिक करा 
6. येथे Mobile/Email च्या बॉक्स मध्ये bagalsooraj@gmail.com हा ईमेल अॅड्रेस टाका 
7. नंतर Enter Amount बॉक्समध्ये तुमच्या वॉलेट मधील किती रक्कम मराठीटेकला मदत म्हणून द्यायची आहे ते टाका  (रु. १०/२०/३०/४०…. तुमच्या इच्छेनुसार) 
8. Comment बॉक्स मध्ये MarathiTech Trasnfer व तुमचे नाव लिहा लिहा. * 
9. आणि क्लिक करा Send Money ह्या निळ्या बटनवर … आणि धन्यवाद तुमची मदत आम्हाला लगेच मिळेल!

*लिहलच पाहिजे असं नाही 
तुम्ही Enter Amount बॉक्स मध्ये जेव्हढी रक्कम लिहाल तेव्हढीच अमाऊंट तुमच्या वॉलेट मधून घेतली जाईल . 

तुमच्या मदतीबद्दल आमच्या Helpers पेजवर तुमचं नाव असेल. यासाठी आम्ही आभारी  राहू आणि मराठी वेबविश्वासाठी असेच योगदान देत राहू.  

याबाबत काही शंका असल्यास admin@marathitech.in या ईमेल अॅड्रेसवर संपर्क साधा. 

  

The post मराठीटेकला हवी आहे तुमची मदत appeared first on MarathiTech - मराठीटेक.

अधिकाधिक युजर्सना जोडण्यासाठी गुगलने आता हेल्पआऊट ही नवीन सुविधा सुरू केली आहे. हँगआऊटप्रमाणे या ठिकाणीही व्हिडीओ चॅटिंग करता येणार आहे. मात्र यामध्ये मित्रांऐवजी तज्ज्ञांशी चॅटिंग होणार असून विविध विषयांवरील समस्यांबाबत त्यांच्याकडून सशुल्क मार्गदर्शन मिळणार आहे. याविषयी गुगलच्या भाषेतच सांगायचे झाले तर ही ‘खऱ्याखुऱ्या माणसांकडून लगेच मिळणारी अचूक मदत’ ठरेल. 

सध्या गुगलने कला, संगीत, कम्प्युटर, इलेक्ट्रॉनिक्स, शिक्षण, करिअर, फॅशन, सौंदर्य, फिटनेस, आहार, आरोग्य, घरे आणि बगीचे यांसारख्या विषयांवर मदतीसाठी ही सुविधा सुरू केली आहे. या सुविधेचा लाभ घेण्यासाठी युजर्सना त्यांच्या गरजेच्या क्षेत्रातील तज्ज्ञांशी व्हिडीओ चॅटिंग करता येईल. यासाठी उपलब्ध तज्ज्ञांचे शिक्षण, अनुभव, त्यांना मिळालेले रेटिंग आणि त्यांच्या सेवेबाबत इतरांनी दिलेले रेटिंग यांचा आधार घेता येईल. त्यासाठी संबंधित तज्ज्ञांशी लगेच कनेक्ट होता येईल किंवा आगाऊ अपॉइंटमेंट घेऊन ठेवता येईल. 

गुगलने सुरू केलेली ही सुविधा सशुल्क आहे. त्यासाठी प्रति मिनिट किंवा प्रति हेल्पआऊट पैसे मोजावे लागणार आहेत. हे पैसे गुगल वॉलेटच्या आधारे द्यावयाचे आहेत. यातील २० टक्के पैसे गुगलच्या खात्यात जमा होणार आहेत. काही सुविधांसाठी मोफत सल्लादेखील मिळणार आहे. यासाठी तज्ज्ञांची निवड करताना, प्रामुख्याने आरोग्य क्षेत्रातील तज्ज्ञांची निवड करताना त्यांच्या पार्श्वभूमीची काटेकोर तपासणी करण्यात आल्याचा कंपनीचा दावा आहे. हेल्पआऊटचा लाभ घेत असताना युजर्स ते इतरांशी शेअर करू शकतात, एडिट करू शकतात किंवा रेकॉर्ड करूनही ठेवू शकतात. तसेच एखाद्या हेल्पआऊटमुळे पूर्ण समाधान झाले नाही, तर पूर्ण पैसे परत देण्याची खात्रीही गुगल देत आहे. सध्या हजाराहून अधिक ब्रँडनी यासाठी गुगलशी टाय-अप केले आहे. येत्या काही काळात ही संख्या आणखी वाढेल, अशी कंपनीला अपेक्षा आहे. 

मात्र आजही ओळखीच्या व्यक्तींशिवाय अन्य कोणाचा सल्ला घ्यावयाचा असेल, तर यू-ट्युब हाऊ टू, याहू आन्सर, फेसबुक किंवा ट्विटर या माध्यमातून विचारलेल्या एखाद्या प्रश्नाला मोफत उत्तर मिळते. त्यामुळे गुगलच्या मोफत सेवेची सवय झालेले किती जण या सेवेचा लाभ घेतात, हे येत्या काळात कळेलच. पण जगभरातील तज्ज्ञांकडून थेट मार्गदर्शन मिळणार असेल तर पैसे मोजायलाही काही जण होतील, ही शक्यताही आहेच.

The post गुगल मदतनीस : गुगल हेल्पआऊट (तज्ज्ञांशी चॅटिंग) appeared first on MarathiTech - मराठीटेक.

टीम व्ह्यूअर 

हा एक चांगला आणि घरगुती वापरासाठी मोफत उपलब्ध असलेला तांत्रिक मदतनीस आहे. यावर तुमच्या समस्यांवर चांगला पर्याय दिला जातो किंवा एकाहून अधिक तज्ज्ञ याबाबत ऑनलाइन मार्गदर्शन करू शकतात. यासाठी तुमच्या कम्प्युटरवर टीम व्ह्यूअरचे सॉफ्टवेअर आणि ब्रॉडबँड कनेक्शन असणे आवश्यक आहे. विंडोज, मॅक, लिनक्स कम्प्युटर, लॅपटॉप तसेच अँड्रॉइड आणि विंडोज मोबाइलवर पण ते चालते. 

आययोगी डॉट इन 

वार्षिक २,५९९ रुपये वर्गणी भरल्यावर २४ बाय ७ अमर्यादित तांत्रिक मदत यावर मिळते. तुमच्या कम्प्युटरमधील प्रॉब्लेम शोधून ते दुरुस्त तर करतीलच, पण उपकरण अधिक चांगल्या प्रकारे सुरू रहावे म्हणून मार्गदर्शनही करतील. विशेष म्हणजे, यामध्ये हार्डवेअर सेटअप आणि इन्स्टॉलेशनचा खर्च समाविष्ट आहे. 

जॉइन डॉट मी 

वेबसाइटवर मोफत अकाऊंट तयार केल्यावर स्टार्ट मीटिंगवर क्लिक केल्यावर एक छोटा सेटअप सुरू होईल. त्यातून तुमच्या कम्प्युटरवर जॉइन डॉट मी चा कंट्रोल पॅनल येईल. हा कंट्रोल पॅनल तुमच्या कम्प्युटरसाठी एक युनिक अॅक्सेस कोड तयार करेल. या कोडच्या सहाय्याने जॉइन डॉट मी च्या वेबसाइटवर तुमची स्क्रीन दिसेल. या कंट्रोल पॅनेलच्या मार्फत तुम्ही प्रॉब्लेम सोडविण्यासाठी तज्ज्ञांना तुमच्या कम्प्युटरचा अॅक्सेस देऊ शकता. 

क्रोम रिमोट डेस्कटॉप 

काही समस्येमुळे एखादे सॉफ्टवेअर जर तुमच्या कम्प्युटरवर इन्स्टॉल होत नसेल तर गुगलच्या क्रोम ब्राऊझरच्या या फ्री प्लग इनची तुम्ही मदत घेऊ शकता. याआधारे दोन कम्प्युटरमध्ये रिमोट अॅक्सेस निर्माण होतो. या आधारे अॅक्सेस कोड तयार करून तुम्ही तुमचा कम्प्युटर दूरवर बसलेल्या तज्ज्ञासोबत शेअर करू शकता. तो त्याआधारे प्रॉब्लेम शोधून सोल्युशन पुरवेल. 

विकी रेफरन्स डेस्क 

जर तुम्हाला प्रॉब्लेमचे उत्तर मिळवण्याची घाई नसेल तर विकीपीडिया रेफरन्स डेस्क हा एक चांगला पर्याय आहे. विकीपीडिया रेफरन्स डेस्कवर जाऊन उपलब्ध विविध कॅटेगरीमधून आवश्यक कॅटेगरीची निवड करा. त्याठिकाणी नेहमीचे प्रॉब्लेम आणि त्यांची उत्तर दिली आहेत. जर त्यात तुमचा प्रॉब्लेम नसेल तर तिथे दिलेल्या प्राथमिक माहितीच्या आधारे तुमची समस्या लिहा, १४ दिवसाच्या आत तुम्हाला पर्याय मिळेल. 

The post ऑनलाइन तांत्रिक मदतनीस टीम व्ह्यूअर विकी रेफरन्स डेस्क appeared first on MarathiTech - मराठीटेक.