HoloLens Archives - MarathiTech - मराठीटेक

मायक्रोसॉफ्ट होलोलेन्स २ सादर : आता अधिक भन्नाट सुविधांसह!

Sooraj Bagal — Mon, 25 Feb 2019 02:30:50 +0000

मायक्रोसॉफ्टने त्यांच्या मिक्स्ड रिअॅलिटी हेडसेट होलोलेन्सची नवी आवृत्ती आज मोबाइल वर्ल्ड कॉंग्रेस (MWC) येथे सादर केली आहे! होलोलेन्स २ आता अधिक सुविधांसह औद्योगिक कारणांसाठी समोर ठेऊन बनवण्यात आलेला हेडसेट आहे ज्यामध्ये वास्तविक आणि आभासी अशा दोन्ही जगांचा मेळ साधलेला आहे. वास्तविक दृश्य आणि हेडसेटमधून होलोग्राम्सद्वारे दिसणारं आभासी जग नक्कीच खास अनुभव घ्यावं असं आहे. या Hololens चा व्हिडिओ नक्की पहा जेणेकरून हा किती गोष्टींमध्ये मदत करू शकतो आणि येणार्‍या काळात अशा प्रकारच्या गोष्टींमुळे जग कसं बदलेल याची कल्पना करता येईल!

अपडेट (०८/११/२०१९) : काही देशांमध्ये हा आता खरेदीसाठी उपलब्ध झाला आहे याची किंमत $3,500 (~₹२५००००) आहे!

आता या होलोलेन्सच वजन आधीच्या हेडसेटपेक्षा कमी असून वापरण्यास तिप्पट सोयीस्कर असल्याच सांगण्यात आलं! या नव्या हेडसेटमध्ये फील्ड ऑफ व्हयू सुद्धा दुपटीने वाढवण्यात आला आहे! हात व डोळे ट्रक करण्याची सोय सुद्धा देण्यात आली आहे. बिझनेस यूजर्सना हे भन्नाट होलोग्राम तंत्रज्ञान नक्कीच फार उपयोगी पडणार आहे. सत्या नाडेला (मायक्रोसॉफ्ट सीईओ) यांनी डिजिटल जग आणि वास्तविक जग यांच्या जोडण्यामध्ये कशा प्रकारे बदल घडून आणू शकतो याबद्दल माहिती दिली. आता मायक्रोसॉफ्ट यासाठीच अॅप स्टोअर ओपन करत असून लवकरच फायरफॉक्स ब्राउजरसुद्धा होलोलेन्सवर वापरता येईल! इतर डेव्हलपर या ओपन प्लॅटफॉर्मचा वापर करून स्वतःचे सॉफ्टवेअर/अॅप्स होलोललेन्ससाठी सहज तयार करू शकतील!
याची किंमत $3500 (~ ₹२,५०,०००)

या डॉक्टर्स समोर वास्तविक चित्र नसून होलोग्राम्स आहेत जे वरील तिघेही एकावेळी पाहू शकतात!

या होलोलेन्समध्ये डिजिटल इमेजेस वापरुन होलोग्राम तयार केलेला असतो जो आपल्याला नेहमीच्या जागा सोबत ओव्हरलेद्वारे दिसतो. उदा. आपण एका खोलीत उभारले असू तर खोली स्कॅन करून खोलीमधील वस्तु आकार यांचा अंदाज घेऊन होलोग्राम्स दिसायला सुरुवात होते अर्थात हे फक्त ज्यांनी होलोलेन्स डोक्यावर घातलं आहे त्यांनाच दिसत असणार आहे मात्र नव्या होलोलेन्समुळे दोन होलोलेन्स यूजर्स एकाच वेळी सारखे होलोग्राम पाहू शकतात तेसुद्धा एका जागी नसताना… म्हणजे एक व्यक्ती पुण्यात व एक व्यक्ती सोलापूरमध्ये असेल तर सोलापूरमधील व्यक्ती प्रत्यक्षात पुण्यात उभी असल्याच होलोग्राम्सद्वारे दिसेल! आहे न कमाल…!

या व्हिडिओमध्ये लाईव्ह डेमो पाहता येईल

याच कार्यक्रमात Azure Kinect सुद्धा सादर करण्यात आलं. गेमिंगसाठी वापरलं जाणार तंत्रज्ञान आता डेव्हलपर्ससाठी विविध गोष्टींना वापरता यावं अशा प्रकारे डिझाईन करून स्वतंत्र रित्या उपलब्ध करून देण्यात आलं आहे. हे नवं अझुर कायनेक्ट $399 मध्ये मिळेल. यामध्ये मायक्रोफोन्स, डेप्थ सेन्सर, हाय डेफीनेशन कॅमेरा जोडलेला आहे!

The post मायक्रोसॉफ्ट होलोलेन्स २ सादर : आता अधिक भन्नाट सुविधांसह! appeared first on MarathiTech - मराठीटेक.

व्हर्च्युअल रिअॅलिटी (VR) म्हणजे काय ?

Sooraj Bagal — Sat, 07 May 2016 22:00:00 +0000

VR मधील दृश्य आणि त्याचा VR हेडसेटच्या माध्यमातून अनुभव घेताना

काही वेळा आपण आंतर्राष्ट्रीय बातम्या वाचताना हल्ली VR शब्द बर्‍याच वेळा समोर येतोय. त्यावरून अनेक वाचकांनी VR म्हणजे काय ? असा प्रश्न विचारला आणि याच उत्तर मराठी भाषेत इंटरनेटवर सुद्धा बहुधा सापडणार नाही! म्हणूनच आज आम्ही व्हर्च्युअल रिअॅलिटी (VR) मराठीत समजावून सांगण्याचा प्रयत्न करत आहोत…

व्हर्च्युअल रिअॅलिटी (Virtual Reality VR) म्हणजे आभासी वास्तविकता

Virtual म्हणजे आभासी : ज्याचा भास होतो की अमुक गोष्ट तिथे आहे पण खरेतर ती नसते!

Reality म्हणजे वास्तविकता : वास्तव म्हणजे आपण जे पाहतोय आणि त्याच खरच वास्तव्य आजूबाजूला आहे.

Virtual Reality म्हणजे वास्तविक जगात आभासी दुनियेचा घेतलेला अनुभव !

तांत्रिक भाषेत : व्हर्च्युअल रिअॅलिटी (VR) म्हणजे एक कम्प्युटरवर तयार केलेलं त्रिमिती (3D) वातावरण जे एका व्यक्तिकडून आभासी प्रवासाद्वारे पाहिलं आणि अनुभवलं जाऊ शकतं !

व्हर्च्युअल रिअॅलिटी (VR) काम कसे करते? : सध्याचे बहुतांश VR अनुभव हे एका हेडसेटद्वारेच घेतले जातात. हेडसेट हे उपकरण असतं जे आपण डोक्यावर बसवू शकतो आणि आपल्या डोळ्यांसमोर एक स्क्रीन असेल. हे वापरत असताना खर्‍या आयुष्यातील वस्तु शक्यतो दिसत नाहीत(डोळे पूर्ण झाकल्यामुळे). ह्यामध्ये हालचाल टिपणारे, डोक्याची व डोळ्याची स्थिती पाहणारे सेन्सर्स बसवलेले असतात. काही हेडसेटवर आवाजासाठी हेडफोन्सची सुविधा असते.
आपल्या दोन्ही डोळ्यांना वेगळं चित्र दिसत असतं मात्र मेंदुमध्ये अॅक्चुअल प्रतिमा तयार होताना दोन्ही चित्रं एकत्र होऊन एक प्रतिमा दिसते. त्याचाच वापर करून VR मध्ये तंत्रज्ञान बनवलं जातंय!

3D चित्रपट आणि VR मधील फरक : 3D चित्रपटामध्ये केवळ पडद्यावर दिसणार्‍या भागाचाच 3D अनुभव मिळतो मात्र VR मध्ये आपण त्या ठिकाणी उभे आहोत आणि तिथे फिरत, न्याहाळत त्याच्यासोबत इंटरॅक्ट करू शकतो ! व्हर्च्युअल रिअॅलिटी (VR) शक्यतो कम्प्युटर तंत्रज्ञानानेच बनवलेली असते. आपल्या नजरेच्या टप्प्यात जितकी स्क्रीन दिसते त्यामुळे आपल्याला असा भास होतो की आपण त्या दृश्याचा सर्व भाग पाहत आहोत.

समजा आपण आपल्या घरी VR हेडसेट घालून बसलो आहोत आणि VR हेडसेटमध्ये मंगळ ग्रहाच वातावरण दाखवलेल असेल तर आपण घरी असूनसुद्धा मंगळावर उभे असल्याचा भास होईल. आपण जर डावीकडे मान वळवली तर मंगळावरचा एक भाग दिसेल. आणि उजवीकडे वळवल्यास दूसरा तसेच मागे व पुढेसुद्धा होईल आणि त्यामुळे आपल्याला अगदी खरोखर तिथे असल्याचा अनुभव येईल! हीच आहे VR ची खासियत !

VR साठी हल्ली नवे हेडसेट आपल्या स्मार्टफोनचा स्क्रीनसारखा वापर करतात. आपला स्मार्टफोन VR हेडसेटमध्ये ठेवायचा, VR अॅप सुरू करा आणि आभासी दुनियेची सफर करायला व्हा तयार!

व्हीआरसाठी सर्वात सोपा मार्ग म्हणजे गूगल कार्डबोर्ड, गूगल कार्डबोर्ड हा काही पुठ्ठ्याचे तुकडे, लेन्स जोडून तयार केलेला VR हेडसेट होय. यासाठी केवळ रु. ४००-५०० खर्च येतो ! ह्यामध्ये आपला स्मार्टफोन ठेऊन गूगल कार्डबोर्ड अॅप्लिकेशन सुरू करून लगेच व्हीआर अनुभवता येतं

VR Content प्रकार : VR मध्ये आपण खालील प्रकारेचे अनुभव घेऊ शकतो

पर्यटन स्थळांचा घरबसल्या अनुभव
गेम्स : अनेक गेम्स VR साठी योग्य बनवल्या जात आहेत त्यामुळे गेमर्ससाठी VR पर्वणीच ठरणार आहे!
व्हिडिओ : यामध्ये आपण 360° मध्ये व्हिडिओ पाहू शकतो ! नक्की अनुभव घ्या > Star Wars 360°
शिक्षण : विद्यार्थी ह्याचा अनुभव वेगवेगळे भाग समजून घेण्यासाठी करू शकतात जसे की इंजिनाचा अंतर्गत भाग, शरीराचे अंतर्गत भाग,इ.
खेळ : आपण चक्क क्रिकेटचे सामने मैदानाच्या मध्ये उभारून पाहत असल्याचा अनुभव !
जंगलात उभे राहून प्राण्यांच्या जवळ फिरण्याचा अनुभवसुद्धा !
रीयल इस्टेटच्या उद्योगात जागा कधीही दाखवण्यासाठी उपयोग केला जात आहे!
न्यूज माध्यमे : एखाद्या निदर्शनाचा व्हिडिओ पाहताना त्या निदर्शकांमध्ये उभारून पाहण्याचा अनुभव!
Concert/कार्यक्रम : अगदी स्टेजवर उभारून कार्यक्रमाचा अनुभव!
चित्रपट : स्क्रीनवर पाहतानाच चित्रपटगृहात बसून पाहत असल्याचा अनुभव मिळतो!

VR व्हिडिओ : व्हर्च्युअल रियालिटी (VR) साठी शूट केलेले व्हिडिओ हे खास कॅमेरा वापरतात. त्यांच्यामध्ये एकाचवेळी 360° अंशात व्हिडिओ टिपण्याची क्षमता असते! बर्‍याच वेळा हे कॅमेरे अनेक कॅमेरे एकत्र बसवून बनवलेले असतात ! म्हणूनच यांना 360° व्हीडिओ सुद्धा म्हणतात. यूट्यूब आणि फेसबुकने या व्हिडिओसाठी खास सोय केली आहे. हे व्हिडिओ कम्प्युटरवर आणि मोबाइलवर सुद्धा पाहता येतात !

Virtual Reality कॅमेरा (VR Cameras)

उपलब्ध असलेले व्हीआर हेडसेट : ऑक्युलस ही कंपनी VR नवीन असताना सुरू झालेली, बर्‍यापैकी प्रगति केल्यानंतर ह्या कंपनीला फेसबुकने विकत घेतलं ! त्यांचा ऑक्युलस रिफ्ट हा हेडसेट लोकप्रिय आहे. त्यांनीच सॅमसंगसोबत मिळून गियर व्हीआर तयार करून मार्क झुकरबर्गला बोलावून सादर केला होता!
बाकी एचटीसी, सोनी यांनी त्यांच्या फोन्स, प्लेस्टेशन गेम्ससाठी खास हेडसेट बनवले आहेत.

होलोलेन्स : होलोलेन्स हे एक भन्नाट यंत्र. हा खरतर व्हीआर म्हणता येणार नाही कारण हा वास्तविक आणि आभासी दुनिया मिसळून काम करतो. हयामधून व्हिडिओ पाहताना आपल्याला आपल्या घरातल्या खर्‍या आयुष्यात पाहता येतं ! होलोग्राम तंत्राचा वापर करण्यात आला आहे. मायक्रोसॉफ्टच्या ह्या किमयेला प्रचंड प्रतिसाद मिळाला असून अनेक लोक हा हेडसेट बाजारात येण्याची वाट पाहत आहेत. मराठीटेकचे होलोलेन्सविषयी लेख वाचा येथे : होलोलेन्स

Microsoft Hololens

प्रसिद्ध कंपन्यानि सादर केलेले व्हीआर हेडसेट

येणार्‍या काळात ह्या तंत्रज्ञानाचा मोठ्या प्रमाणात संशोधन होऊन विकास होणार यात शंका नाही. अगदी प्राथमिक अवस्थेतच हे तंत्र प्रत्येकाच्या मोबाइलवर उपलब्ध झालं आहे. भविष्यात अनेक मार्गांनी VR आपल्या पाहण्याच्या आणि अनुभव घेण्याच्या दृष्टीकोणातून बदलून ठेवेल!

मार्क झुकरबर्ग (संस्थापक-फेसबुक)

वरील छायाचित्रात आपण येणार्‍या काळाची छोटी झलक पाहू शकतो कसे सर्व पत्रकार हेडसेट अडकवून प्रॉडक्ट लॉंच कार्यक्रमाचा आभासी दुनियेत अनुभव घेत आहेत! फेसबुकने F8 कार्यक्रमात VR मध्ये सेल्फीसुद्धा काढून दाखवली आहे ! समजा तुम्ही पुण्यात बसला आहात, VR मधून तुम्ही स्वीत्झर्लंडमधील ठिकाणाचा अनुभव घेत आहात तर तुम्हाला स्वीत्झर्लंडमधील दृश्याचा तुमच्यासोबत सेल्फी काढता येईल !

काही उपयुक्त लिंक्स :

गूगल कार्डबोर्डच्या काही आवृत्ती अमाझोन, इबे, फ्लिपकार्टवर सुद्धा उपलब्ध आहेत.
यूट्यूबच्या 360° व्हिडिओसाठी लिंक : 360° व्हिडिओ
फेसबुकच्या 360° व्हिडिओसाठी लिंक : Facebook 360
Minecraft ही प्रसिद्ध गेम गियर व्हीआर आणि होलोलेन्सवर उपलब्ध असून व्हीआरचा पुरेपूर वापर गेमद्वारा केला जातो.
पहा कसे लोक VR चा अनुभव घेताना अक्षरशः त्याच जगात जातात हसून हसून पोट दुखेल : व्हिडिओ लिंक 🙂
रोलरकोस्टरचा VR अनुभव लिंक : RoallerCoasterVR

Mashable या प्रसिद्ध संस्थेने अपलोड केलेला VR बद्दलचा व्हिडिओ : लिंक

incoming search terms : marathi technology virtual reality VR in marathi oculus rift gear vr hololens how VR works

The post व्हर्च्युअल रिअॅलिटी (VR) म्हणजे काय ? appeared first on MarathiTech - मराठीटेक.

मायक्रोसॉफ्ट लुमिया 950, सर्फेस बूक, बॅंड, होलोलेन्स सादर

Sooraj Bagal — Wed, 07 Oct 2015 08:47:00 +0000

बर्‍याच दिवसांपासून चर्चेत असलेला मायक्रोसॉफ्टचा फ्लॅगशिप फोन लुमिया 950 शेवटी काल त्यांच्या इवेंट मध्ये सादर करण्यात आला. सोबतच जगातला सर्वात स्लीम आणि ताकदवान लॅपटॉप देखील मायक्रोसॉफ्टने सादर केलाय! आजच्या लेखात वाचूया या प्रॉडक्टसोबत आणखी काय काय सादर झालय ते ….

मायक्रोसॉफ्ट लुमिया 950 आणि 950 XL : हे दोन फोन्स मायक्रोसॉफ्टने सादर केले असून त्यांच्या हार्डवेअरमध्ये थोडासा फरक सोडला तर बाकी काही वेगळेपण नाही. यामध्ये त्यांनी फोनच्या गरम होण्याच्या प्रॉब्लेमवर उपाय म्हणून लॅपटॉपसारखी लिक्विड कूलिंग सिस्टम दिली आहे! तसेच हा फोन पीसी सारखा चालेल असं त्यांचं म्हणणं आहे.

लुमिया 950 :

स्क्रीन : 5.2″ WQHD OLED डिस्प्ले 2560×1440 रेजोल्यूशन, गोरीलाग्लास 3
प्रॉसेसर : हेक्सा कोर क्वालकॉम विंडोज 10 ओएस
रॅम : 3जीबी
स्टोरेज : 32जीबी इंटर्नल (Expandable upto 2TB!)
कॅमेरा : 20MP प्यूयरव्यू कॅमेरा + 5MP फ्रंट, कार्ल झईस लेन्स 4के विडियो शूटिंग, तीन एलईडीचा फ्लॅश
पोर्ट : यूएसबी टाइप C सोबत फास्टचार्ज (50% बॅटरी अवघ्या अर्ध्या तासात चार्ज)
बॅटरी : 3000mAh वायरलेस चार्जिंग सपोर्ट
किंमत : $549 (रु. 35,500)

लुमिया 950 XL :

स्क्रीन : 5.7″ WQHD OLED डिस्प्ले 2560×1440 रेजोल्यूशन, गोरीलाग्लास 4
प्रॉसेसर : हेक्सा कोर क्वालकॉम विंडोज 10 ओएस
रॅम : 3जीबी
स्टोरेज : 32जीबी इंटर्नल (Expandable upto 2TB!)
कॅमेरा : 20MP प्यूयरव्यू कॅमेरा + 5MP फ्रंट, कार्ल झईस लेन्स 4के विडियो शूटिंग, तीन एलईडीचा फ्लॅश
पोर्ट : यूएसबी टाइप C सोबत फास्टचार्ज 5Gbps स्पीडने फाइल ट्रान्सफर !
(50% बॅटरी अवघ्या अर्ध्या तासात चार्ज)
बॅटरी : 3340mAh वायरलेस चार्जिंग सपोर्ट, कूलिंग सिस्टम असलेला फोन
किंमत : $649 (रु. ४२१२० )

सोबत एक एंट्री लेवल फोन लुमिया 550 सादर करण्यात आला ज्याची किंमत $139 (~रु9000) आहे, 5″ स्क्रीन, 8MP + 2MP कॅमेरा, 8जीबी स्टोरेज. ह्याची किंमत भारतात आणखी कमी असेल.

डिस्प्ले डॉक : या छोट्या डिवाइसमुळे तुमच्या विंडोज फोनला पूर्ण पीसीमध्ये रूपांतरित करता येईल. तुमचा फोन या डिवाइस द्वारे मॉनिटरल जोडा आणि यूएसबी केबलने फोनजोडा की झाला तुमचा फोन पूर्ण पीसी

हा डॉक विंडोज १० च्या यूनिवर्सल Apps चा फायदा उचलतो. उदा. तुमच्या फोनमध्ये ऑफिसचं मोबाइल व्हर्जन दिसेल मात्र जेव्हा तुम्ही या डिवाइसला जोडलं तेव्हा पीसी व्हर्जन दाखवलं जाईल.

सर्फेस बूक : हा मायक्रोसॉफ्टचा पहिलाच लॅपटॉप. पहिलीच एंट्री दमदार केलेली दिसत आहे. हा लॅपटॉप अल्टिमेट असल्याचा दावा मायक्रोसॉफ्टने केलाय. यामध्ये लॅपटॉप स्क्रीनचं hinge (ज्या भागातून लॅपटॉपचा अॅंगल बदलला जातो) त्याचं एकदम नवं आणि आकर्षक डिजाइन आणलं आहे. हा लॅपटॉप सर्फेस पेनल सुद्धा सपोर्ट करतो आणि विशेष म्हणजे याचा डिस्प्ले सहज काढून घेता येतो !!!

फीचर्स : 13.5″ डिस्प्ले, 16जीबी पर्यन्त रॅम, 12तासांची बॅटरी लाइफ, इंटेल लेटेस्ट प्रोसेसर,
किंमत : $1,499 (for the 128GB/8GB Core i5, Intel HD graphics)
$2,699.00 (512GB/16GB, Core i7, NVIDIA GPU)

या सोबतचं त्यांनी सर्फेस टॅब्लेट सिरीजमध्ये आणखी एका टॅब्लेटला लॉंच केलं सर्फेस प्रो 4
आणखी एक प्रॉडक्ट म्हणजे मायक्रोसॉफ्ट फिटनेस बॅंड : मायक्रोसॉफ्टने याधीच्या बॅंडमध्ये असलेल्या त्रुटि दूर करून हा बॅंड आता अँड्रॉइड, विंडोज, iOS या सर्वांना वापरता येईल असा बनवला आहे.

होलोलेन्स गेमिंग XRay :

काल दिलेल्या माहितीनुसार विंडोज १० आता तब्बल ११० मिलियन डिवाइसवर सुरू आहे! (११०० लाख)
विंडोज १० फोन्ससाठी अपडेट डिसेंबरमहिन्यात देण्यास सुरवात केली जाईल. यासाठी सध्यातरी ८जीबी स्टोरेज आणि डेनिम अपडेट इंस्टॉल केलेलं असलं पाहिजे.

The post मायक्रोसॉफ्ट लुमिया 950, सर्फेस बूक, बॅंड, होलोलेन्स सादर appeared first on MarathiTech - मराठीटेक.

विंडोज १०, होलोलेन्स, कोर्टाना व एज ब्राऊजर बद्दल …

Sooraj Bagal — Fri, 01 May 2015 13:00:00 +0000

मायक्रोसॉफ्टच्या Build २०१५ मध्ये झालेल्या महत्वाच्या घडामोडींबद्दल थोडक्यात माहिती.
मायक्रोसॉफ्ट Build २०१५ २८ एप्रिल रोजी पार पडला जिथे मायक्रोसॉफ्टने अनेक गोष्टींबद्दल जबरदस्त प्रेझेंटेशन्स दिली. येणार्‍या विंडोज १० बद्दल अधिक फीचर्स, HoloLens ह्या क्रांतिकारी प्रॉडक्टचे आणखी डेमो तसेच इंटरनेट एक्सप्लोरर बंद करून नव्याने सादर केलेला एज (Edge) ब्राऊजर ……

गेल्या काही वर्षात मायक्रोसॉफ्ट चुकीच्या निर्णयामुळे बरच माग पडलय मात्र आता नव्याने ओएस सादर करत त्यात अनेक दमदार फीचर्सची जोड देत पुन्हा पूर्वीसारखं राज्य निर्माण करण्याचा प्रयत्न असेल. मोबाइलचं मार्केट अँड्रॉइडने आधीच खाऊन टाकलं आहे तेच आता पीसीबद्दल होऊ नये याची काळजी मायक्रोसॉफ्टला नक्कीच घ्यावी लागेल.

विंडोज ७ / विंडोज ८ / विंडोज ८.१ वापरणार्‍या “प्रत्येक यूजर”ला विंडोज १० ही ओएस एक वर्ष “मोफत” देण्याचा निर्णय मायक्रोसॉफ्टने घेतलाय! अगदी तुम्ही विंडोजची pirated कॉपी वापरत असाल तरीही ! (मात्र pirated कॉपी ही विंडोज १० मध्ये सुद्धा pirated चं राहील.)

डेवलपर सपोर्ट : सध्या सर्व डेवलपरचा ओढा अँड्रॉइडकडे दिसत आहे मात्र ही परिस्थिती बदलण्यासाठी मायक्रोसॉफ्टने अँड्रॉइड व iOS apps विंडोजवर वापरता येण्याची सोय केली आहे (त्याच Appsचा कोड सोप्या पद्धतीने compile करून विंडोज स्टोअरवर टाकता येईल) तसेच विंडोजसाठीचे कोडिंग टूल्स आता OS X व लिनक्स वर देखील उपलब्ध करण्यात आले आहेत.

डिवाइस सपोर्ट : मायक्रोसॉफ्टने सर्व प्रकारच्या डिवाइसवर विंडोज वापरता येण्यासाठी काही बदल केले आहेत.
जेणेकरून तुम्ही टॅब्लेट वापरत असाल तर टचच्या दृष्टीने चांगला UI व लॅपटॉप वापरत असाल तर विंडोज ७ सारखा UI दिला जाणार आहे. (मायक्रोसॉफ्टने विंडोज ८ मधली जवळपास सर्व चुका दुरुस्त करण्याचा प्रयत्न चालवला आहे !)मायक्रोसॉफ्टचं येत्या काही वर्षात विंडोज १० तब्बल १ बिलियन डिवाइसवर आणण्याच लक्ष्य आहे !

कोर्टाना : पीसीसाठीचा पहिलाच वॉइस असिस्टंट ज्यात कोर्टाना नावाची Halo गेममधील पात्र आपल्याला कम्प्युटर वापरण्यात व आपले काम अधिक जलद करण्यात मदत करते जसे की हवामान विचारल्यास लगेच सांगणे किंवा प्रश्न विचारल्यास इंटरनेटव्हीआर उत्तर शोधून लगेच सांगणे इ. तसेच आपण cortana कडून अलार्म, रीमेंडर, ठिकाणे, फोटोज, मूवीज, म्यूजिक, कॉल, इंटरनेट सर्च, मॅप सहाय्य, इत्यादि अनेक कामे करून घेऊ शकतो.
कोर्टानाबद्दल अधिक माहिती साठी हा लेख वाचा

Edge ब्राऊजर : इंटरनेट एक्सप्लोररचा स्लो स्पीड तर आपणा सर्वांना परिचयाचा आहेच. त्यात काळासोबत जुळवून न घेता आल्यामुळे मायक्रोसॉफ्टने सरळ इंटरनेट एक्सप्लोररला बंद करण्याचा निर्णय घेतलाय. आता विंडोज १० मध्ये Edge नावाचा ब्राऊजर असेल. ज्यात अनेक आधुनिक फीचर्स असतील व वापरण्यास अधिक वेगवान, सोपा असेल. एक्सबॉक्स स्ट्रीमिंगसाठी तर हा बेस्ट ब्राऊजर ठरणार आहे. स्क्रीनवरचा कोणताही भाग निवडून तो लगेच शेअर करण्याचं मस्त फीचर देखील यात आहे. (याच ब्राऊजरला आधी Spartan ब्राऊजर म्हणण्यात आल होत)

क्रांतिकारी होलोलेन्स : मायक्रोसॉफ्टचं हे प्रॉडक्ट पाहून अनेकांना धक्का बसला होता. अॅक्चुअल होलोग्राम्स नसले तरी VR हेडसेटद्वारा आपल्या आसपासच्या जगाशी संबंध ठेऊन देणारं हे आधुनिक यंत्र आहे. याची भविष्यातील नव्या प्रकारच डिवाइस म्हणून गणना होईल. Build 2015 मध्ये याच्यावरील आणखी Apps चा डेमो दाखवण्यात आलाय. अक्षरशः थक्क व्ह्यायला होईल इतक भन्नाट प्रॉडक्ट बनवलं आहे. minecraft ही प्रसिद्ध sandbox गेम देखील खास ह्यासाठीच विकत घेतल्याच म्हणणं आहे. ही गेम अश्या प्रॉडक्ट साथी परफेक्ट ठरेल असा त्यांना विश्वास आहे.
हयावरील नवीन विडियो देखील त्यांनी सादर केला आहे. यूट्यूब वर पाहू शकता. (नक्की पहा!)

अपडेट : विंडोज १० हे विंडोज ओएसचं शेवटचं व्हर्जन असणार आहे !

डायरेक्ट यूट्यूब लिंक : https://www.youtube.com/embed/YrB5bSjAcxI

Incoming Search Terms :
Hololens Windows 10 android linux iOS edge browser download cortana dveleopers

The post विंडोज १०, होलोलेन्स, कोर्टाना व एज ब्राऊजर बद्दल … appeared first on MarathiTech - मराठीटेक.

मायक्रोसॉफ्टचा धमाका : विंडोज १०, सर्फेस हब, होलोलेन्स, स्पार्टन ब्राऊजर, कोर्टाना

Sooraj Bagal — Sun, 25 Jan 2015 08:55:00 +0000

गेल्या काही वर्षांमध्ये मायक्रोसॉफ्टच्या इवेंटमध्ये काय होणार याची जवळपास सर्वच माध्यमांना आधीच खबर असायची. मात्र यावेळच्या इवेंटमधील काही गोष्टी अतिशय गुप्त ठेवण्यात मायक्रोसॉफ्ट यशस्वी झालं. दिनांक २१ जानेवारी रोजी झालेल्या इवेंटमध्ये मायक्रोसॉफ्टने अनेक भन्नाट प्रोडक्टस सादर केली.

मायक्रोसॉफ्टने सादर केलेली प्रोडक्टस :

विंडोज १०
कोर्टाना इंटिग्रेशन
स्पार्टन ब्राऊजर
Win 7/Win 8/Win 8.1 यूजर्सना Win 10 साठी 1वर्ष फ्री अपग्रेड
सर्फेस हब (84 इंच 4K डिस्प्ले)
विंडोज होलोग्राफिक

विंडोज १० ऑपरेटिंग सिस्टम Win ७, Win ८ & Win ८.१ वापरणार्‍या यूजर्सना एक वर्ष मोफत दिली जाणार आहे ! मायक्रोसॉफ्टचं हे एक मोठ पाऊल म्हणावं लागेल. ह्या निर्णयाला विंडोज ८ वरील यूजर्सची नाराजीच कारणीभूत ठरली. मात्र या मोफत स्कीमसाठी तुमच्याकडील ओएसदेखील ओरिजिनल असावी लागेल (भारतात जास्त लोक पायरेटेड ओएस वापरतात)

पीसी : स्टार्ट मेनू विंडोज 8 प्रमाणे नसणार तर त्याऐवजी स्टार्ट मेनू रिडिजाइन करण्यात आला आहे. उजव्या बाजूला अॅक्शन सेंटर देण्यात आला आहे. तसेच अनेक बदल करण्यात आले आहेत जे पीसीवर काम करण अधिक सोपं बनवतील. विंडोज Apps आता लहान साइज मध्ये देखील पाहता येतील.

कोर्टाना : मायक्रोसॉफ्टचा वॉइस असिस्टेंट कोर्टाना जो अॅक्चुअली विंडोज फोनवर उपलब्ध आहे तो आता विंडोज 10 पीसीवर देखील उपलब्ध करण्यात आला आहे. कोर्टाना ही अॅक्चुअली Halo या गेम मधली कॅरक्टर आहे तीच नाव या असिस्टेंटला देण्यात आलय. आपल्या कोणत्याही प्रश्नाच उत्तर कोर्टाना सहज देईल.

यूनिवर्सल अॅप्स : आजपर्यंत फोन,टॅब्लेट, लॅपटॉप, पीसी अश्या प्रत्येक डिवाइससाठी वेगळी सॉफ्टवेअर बनवावी लागायची मात्र विंडोज 10 या सर्व डिवाइसना सपोर्ट करेल. मायक्रोसॉफ्टने इवेंटवेळी काही ऑफिस अॅप्ससुद्धा सादर करून दाखवली. सॉफ्टवेअर इंडस्ट्रीत एकप्रकारची क्रांतीच म्हणावी लागेल.

एक्सबॉक्स : मायक्रोसॉफ्टने एक्सबॉक्स आता पीसीवरच उपलब्ध करून दिलं आहे. जर तुमच्याकडे एक्सबॉक्स असेल तर तुमच्या विंडोज 10 पीसी वर देखील एक्सबॉक्स गेम्स वापरू शकता, मित्रांना मेसेजेस, स्क्रीनरेकॉर्ड पाठवू शकता. डायरेक्टएक्स 12 चा सपोर्ट हे देखील याच एक वैशिष्ठ्य. एक्सबॉक्सवर मायक्रोसॉफ्टच खास लक्ष दिसून येत आहे.

सर्फेस हब : मायक्रोसॉफ्टने आणखी एक नवं टच डिवाइस सादर केल आहे हे मुख्यतः टीम मध्ये ग्रुप मीटिंग करताना उपयोगी पडेल. 84 इंच डिसप्ले असलेल हे मॉनिटर सारखं डिवाइस विंडोज 10 वर चालेल. एका वेळी दोन मेंबर्ससोबत स्काइपवरुन कॉल करून त्यांनाही ह्यात सहभागी करता येईल. ह्या डिवाइसमध्ये 4K डिसप्ले, 1080 रेजोल्यूशनचे 2 विडियो कॅमेरा, आणि मायक्रोफोन व कायनेक्ट टेक आहे.

स्पार्टन ब्राऊजर : या ब्राऊजरबद्दल माहिती आधीच लीक झाली होती. हा फोन प्रथमतः विंडोज फोनवर सादर करण्यात येईल. ह्यामध्ये Pocket App सारखे नोट घेण्याचे फीचर आहे, तसेच वेबसाइटवरील ठराविक पार्ट शेअर करता येईल व नंतर वाचण्यासाठी Reader मध्ये साठवता येईल.

वरील प्रोडक्टस स्पष्ट करणार्‍या विडिओजची प्लेलिस्ट पोस्टच्या शेवटी दिलेली आहे, ती नक्की पहा….

विंडोज होलोग्राफिक : मायक्रोसॉफ्टने क्रांतिकारी टेक्नॉलजी सादर केली आहे जिला त्यांनी होलोलेन्स असं नाव दिलय. मायक्रोसॉफ्ट होलोलेन्स कंपनीने बनवलेल सर्वात इनोवेटीव प्रॉडक्ट आहे. आजपर्यंत सायन्स फिक्शन असणार्‍या होलोग्राम्सना सायन्स फॅक्ट बनवण्याचा प्रयत्न झालाय. अत्यंत भन्नाट असं हे प्रॉडक्ट आपल्याला आपल्या रूम मध्ये फिरत फिरत असताना आपण गेममध्ये स्वतः फिरत असल्याचा अनुभव देईल. हवेत बोटे फिरवून 3डी आकार बनवता येतील.

अधिक सोप्या पद्धतीने ही टेक्नॉलजी समजण्यासाठी खालील विडियो पाहाच….

वरील सर्व प्रोडक्टसचे यूट्यूब विडियोज ::

सर्फेस हब

विंडोज १०

मायक्रोसॉफ्ट होलोलेन्स

विंडोज १० इवेंट हायलाइट

The post मायक्रोसॉफ्टचा धमाका : विंडोज १०, सर्फेस हब, होलोलेन्स, स्पार्टन ब्राऊजर, कोर्टाना appeared first on MarathiTech - मराठीटेक.