आज आपण ॲपलच्या मॅकबुक, आयमॅकवर मराठीत टायपिंग कसं करायचं हे पाहणार आहोत. macOS Ventura या नव्या मॅकओएसमध्ये ही सोय देण्यात आली असून याद्वारे Transliteration पद्धतीने मराठी भाषेत टाइप करता येईल!

Transliteration मुळे टाइप करत असलेल्या शब्दांचं इंग्रजी स्पेलिंग लिहिलं की शब्द मराठीत टाइप होतो! उदा. तुम्ही या किबोर्डवर maharashtra असं स्पेलिंग टाइप केलं की महाराष्ट्र असं टाइप झालेलं दिसेल! यामुळे मराठीत टाइप करण्याचा वेग बऱ्याच पटीत वाढतो कारण आपल्याला कोणतं मराठी अक्षर कुठे आहे हे किबोर्डवर शोधत बसावं नाही.

सर्वात आधी तुमचा मॅकमध्ये नवी macOS Ventura इंस्टॉल केली आहे का ते पहा. त्यानंतर पुढील प्रमाणे कृती करा.

1. सेटिंग्स मध्ये जा
2. त्यानंतर Keyboard
3. आता Text Input मधील Edit वर क्लिक करा.
4. आता डाव्या कोपऱ्यात खाली + चिन्हावर क्लिक करा
5. आलेल्या यादीत marathi सर्च करा.
6. आता Marathi Transliteration A-अ हा पर्याय सिलेक्ट करा आणि Add वर क्लिक करा.
7. आता तुम्ही मराठी भाषेत टाइप करू शकता.

अधिक माहितीसाठी खालील व्हिडिओ पहा.

Search Terms : Apple MacBook Marathi Typing Marathi Fonts Keyboard macOS Ventura

The post नवा व्हिडिओ : ॲपल मॅकवर मराठीत टायपिंग! appeared first on MarathiTech - मराठीटेक.

UPI म्हणजेच Unified Payment Interface ने भारतातील व्यवहार करण्याच्या पद्धतीमध्ये क्रांतीच आणली आहे. आजवर आपण UPI ॲप्सच्या सहाय्याने व्यवहार करत आहोत. मात्र आता इंटरनेट नसलेल्या किंवा स्मार्ट नसलेल्या फीचर फोन्समध्येही आपण UPI मार्फत व्यवहार करू शकणार आहोत. रिझर्व बँक ऑफ इंडियाने आज झालेल्या कार्यक्रमात याबद्दल माहिती दिली आहे. अजूनही ४० कोटी लोक फीचर फोन्सचाच वापर करत आहेत त्यांना डिजिटल इंडियासोबत जोडण्यासाठी हा एक महत्वाचा पर्याय ठरेल असं RBI ने सांगितलं आहे.

ही सेवा वापरण्यासाठी 08045163666 या IVR क्रमांकावर कॉल करून तुम्हाला नोंदणी करावी लागेल.

हा क्रमांक NPCI च्या अधिकृत ट्विटमध्ये देण्यात आला असून यावर रजिस्टर केल्यास Ultracash व IDFC मार्फत सेवा दिली जात आहे असं दिसून आलं आहे. याबद्दल अधिक माहिती सध्या तरी उपलब्ध नाही. मात्र या दोन्ही संस्था खासगी आहेत. शिवाय ही नवी सेवा फक्त इंग्लिश व हिन्दी भाषांमध्येच उपलब्ध करून देण्यात आली आहे जी अर्थातच मोजकी राज्ये सोडली तर ग्रामीण भागात समजण्यासाठी अवघड किंवा अशक्यच असेल. इतर भाषा लवकरच आणल्या जातील असं सांगण्यात आलं आहे.

तुमचा फोन स्मार्ट असेल तरीही तुम्ही ही सेवा वापरू शकता कधी कधी आपण इंटरनेटला स्पीड नसलेल्या ठिकाणी गेलो तर ही सेवा नक्की उपयोगी पडू शकेल. UPI ची २०१६ मध्ये उपलब्ध झालेली सेवा आता बऱ्यापैकी सर्वत्र उपलब्ध झाली असून मॉल्स, हॉटेल्स, मोठी दुकाने यापासून टपऱ्या, फिरते विक्रेते यांच्याकडेही UPI चा QR कोड दिसतोच.

यामध्ये IVR क्रमांकासोबत इतरही पर्याय येत असून आवाजावर आधारित टॅप अँड पे, मिसकॉल द्वारे पेमेंट, फीचर फोनवरील ॲप असे पर्याय लवकरच उपलब्ध होतील.

Digisaathi 24*7 हेल्पलाइन सादर

डिजीसाथी द्वारे तुम्हाला UPI संबंधी जे काही प्रश्न तक्रारी असतील त्यांचं निराकरण करून मिळेल. RTGS, NEFT, IMPS, UPI, NACH, PPI Wallets, credit, debit, prepaid cards अशा सर्व NPCI सेवांबद्दल माहिती या डिजीसाथीद्वारे देण्यात येईल.

ही सेवा वापरण्यासाठी 14431 किंवा 18008913333 या क्रमांकावर फोन करू शकता किंवा www.digitalsaathi.info या वेबसाइटवर पाहू शकता.

search terms : how to use upi123pay how send money with upi without internet

The post UPI आता फीचर फोन्सवरही उपलब्ध : इंटरनेटशिवाय पैसे पाठवा : UPI123Pay appeared first on MarathiTech - मराठीटेक.

व्हॉट्सॲप या प्रसिद्ध मेसेजिंग सेवेमध्ये आता आपण स्वतःचे स्टीकर्स व्हॉट्सॲपमध्येच तयार करून शेयर करू शकणार आहोत. त्यांनी सध्यातरी हा पर्याय WhatsApp Web या व्हॉट्सॲपच्या डेस्कटॉप साईटवर दिलेला आहे. येत्या काही आठवड्यात हाच पर्याय त्यांच्या डेस्कटॉप ॲपमध्येही उपलब्ध होणार आहे. २४ नोव्हेंबरपासून हा पर्याय उपलब्ध होण्यास सुरुवात झाली आहे.

या पर्यायामुळे आपल्याला बाहेरच्या साइट्स किंवा ॲप्सची गरज उरणार नाही. या नव्या पर्यायाद्वारे स्टीकर्स तयार करणं अतिशय सोपं आहे.

1. WhatsApp Web तुमच्या लॅपटॉप/पीसीवर उघडा
2. कोणतंही एक चॅट उघडा
3. अटॅचच्या पेपरक्लिप आयकॉनवर क्लिक करा (📎)
4. आता इथे नवीन स्टीकरचा पर्याय दिसेल.
5. आता स्टीकरसाठी फोटो निवडा आणि पर्याय वापरुन एडिट करा
6. Outline टुल वापरुन बॅकग्राउंड काढून टाका. (✂️), टेक्स्ट टुलने काही टेक्स्ट लिहा, इमोजी जोडा.
7. एडिट झाल्यावर Send बटन वर क्लिक करा.

The post व्हॉट्सॲपवर आता स्टीकर्स तयार करण्याचाही पर्याय! appeared first on MarathiTech - मराठीटेक.

या व्हिडिओमध्ये आपण पाहणार आहोत आपल्या जुन्या लॅपटॉपमध्ये हार्ड डिस्कच्या जागी SSD (Solid State Drive) लावून त्याला फास्ट कसं बनवायचं… व्हिडिओबद्दल आपल्या प्रतिक्रिया नक्की कळवा. तुमचे काही प्रश्न असतील, सूचना असतील खाली कमेंट करा.

SSD चा वापर का करावा आणि त्याचे फायदे : SSD वापरण्याचे प्रमुख कारण म्हणजे त्यामुळे मिळणारा वेग. SSD ही HDD पेक्षा कितीतरी पटीने वेगाने काम करते त्यामुळेच त्याचा उपयोग लवकर पीसी/लॅपटॉप बूट (चालू) करणे यासाठी होतो. जिथे HDD वर एखादा मिनीट जातो त्याच ठिकाणी SSD अगदी काही सेकंदात हे काम पार पडते. एवढेच नव्हे तर आपण इंस्टॉल केलेले अॅप्लिकेशन / गेम्स लवकर चालू होण्यास व परफॉर्मेंस सुधारण्यास SSD चा उपयोग होतो. SSD मध्ये फॉटोशॉप, ऑफिस, मोठे अॅप्स/गेम्स हे HDD च्या तुलनेत खूपच लवकर चालू तर होतातच शिवाय वापर करताना ही वेग वाढण्यास मदत होते.

SSD जोडल्यामुळे आपला जुना लॅपटॉपचा वेग वाढून तो खूप चांगल्या प्रकारे काम करू शकतो. आपण नव्या SSD मध्ये ऑपरेटिंग सिस्टम इंस्टॉल करून हार्ड डिस्क आपला इतर डेटा साठवण्यासाठी वापरणार आहोत.. हे करत असताना हार्ड डिस्कवरील डेटा डिलिट होणार नाही. तो आहे तसाच राहील. हार्ड डिस्कच्या जागी SSD लावून ती जुनी हार्डडिस्क DVD ड्राइवच्या जागी लावणार आहे त्यासाठी Caddy लागेल.

The post SSD द्वारे जुन्या लॅपटॉपला बनवा सुपरफास्ट! appeared first on MarathiTech - मराठीटेक.

अनेक दिवस चाचणी सुरू असलेली व्हॉट्सॲपची पेमेंट सुविधा भारतात आता सुरू झाली आहे. फेसबुककडे मालकी असलेल्या व्हॉट्सॲपला बराच काळ UPI कडून भारतात यासाठी परवानगी मिळत नव्हती. मात्र आता SBI, ICICI, AXIS व HDFC बँकसोबत भागीदारी करत त्यांनी ही सोय आणली आहे.

व्हॉट्सॲप भारतात लोकप्रिय मेसेजिंग सेवा असून त्यांच्या डिजिटल पेमेंट सेवेमुळे अनेकांना नवा पर्याय उपलब्ध होत आहे. गूगल पे, फोनपे, पेटीएम सारख्या ॲप्सना आणखी एक पर्याय आला आहे. सध्यातरी त्यांच्या प्रमाणे ऑफर्स, कुपन्स व्हॉट्सॲपवर दिसत नाहीत. मात्र मेसेज करत करत पैसे पाठवण्याची सोय अनेकांना आवडू शकेल. त्यासाठी स्वतंत्र ॲपमध्ये जाण्याची गरज नाही.

State Bank of India, ICICI Bank, HDFC Bank and Axis Bank यांच्या सोबत भागीदारीत एक सुरक्षित आणि सोपा डिजिटल पेमेंट पर्याय भारतात आणत असल्याचा आम्हाला आनंद होत आहे.या निमित्ताने अनेकांना डिजिटल अर्थव्यवस्थेमध्ये आणण्याची संधी आम्हाला मिळाली आहे असं व्हॉट्सॲप इंडियाचे प्रमुख अभिजीत बोस यांनी सांगितलं.

1. प्रथम ज्याला पैसे पाठवायचे आहेत त्याच्या चॅटवर जा.
2. आता आपण नेहमी फोटो पाठवत असताना जे अटॅच बटन (📎) टच करतो त्यावर स्पर्श करा.
3. आता तुम्हाला कॅमेरा, गॅलरी, ऑडिओ, डॉक्युमेंट, लोकेशन, कॉनटॅक्ट सोबत नवा Payment पर्याय आलेला दिसेल. (जर दिसत नसेल तर व्हॉट्सॲप प्ले स्टोअरवरून अपडेट करून घ्या)
4. त्यावर क्लिक करून ACCEPT AND CONTINUE वर स्पर्श करा.
5. आता तुमची बँक निवडा.
6. आता तुमचं बँक अकाऊंट आणि क्रमांक तपासण्यासाठी Verification SMS येईल. ही प्रक्रिया आपोआप पूर्ण होईल.
7. हे तुम्हाला तुम्ही पैसे पाठवत असणाऱ्या व्यक्तीला एकदाच करावं लागेल. हा सेटप तुम्ही दोघांनी केला असेल तरच ही सोय वापरता येईल.
8. जर समोरच्या व्यक्तीने सेटप केला नसेल तर Notify पर्याय दिसेल त्याद्वारे त्यांना सेटप करण्यास सांगू शकता.
9. आता तुम्ही Send Payment पर्याय वापरुन फोनपे गूगल पे प्रमाणेच रक्कम टाकून UPI पिन टाइप करून पैसे पाठवू शकता .
10. याद्वारे केलेले व्यवहार मेसेजेसमध्ये व एका यादीद्वारेही पाहू शकाल.

Search Terms : How to use whatsapp payments, how to send money from whatsapp what is whatsapp payments

The post व्हॉट्सॲप पेमेंट्स आता उपलब्ध : UPI मार्फत व्हॉट्सॲपवरूनच पाठवा पैसे! appeared first on MarathiTech - मराठीटेक.