जर तुम्ही गेल्या काही दिवसांत तुमचे मोबाईल अ‍ॅप्स किंवा वेब ब्राऊझर बार बारकाईने पाहिले असतील, तर तुम्हाला गुगलच्या अ‍ॅप्समध्ये काहीतरी वेगळेपण जाणवले असेल. गूगलने अधिकृतपणे त्यांच्या लोकप्रिय गूगल वर्कस्पेस (Google Workspace) अ‍ॅप्सचे आयकॉन्स पूर्णपणे बदलले आहेत.

२६ मे २०२६ रोजी गूगलने या मोठ्या डिझाईन बदलाची घोषणा केली. गुगलच्या मते, हा बदल त्यांच्या ‘जेमिनी एरा’ (Gemini Era) म्हणजेच एआय युगातील एका नव्या प्रवासाची सुरुवात आहे.

२०२० मध्ये गुगलने आपल्या सर्व अ‍ॅप्ससाठी चार रंगांची (निळा, लाल, पिवळा आणि हिरवा) एकसारखी आऊटलाईन असलेली डिझाईन आणली होती. पण, युजर्सची नेहमी एकच तक्रार असायची की, मोबाईल स्क्रीनवर सगळे अ‍ॅप्स एकाच सारखे दिसतात, त्यामुळे नेमके कोणते अ‍ॅप उघडायचे ते समजत नाही! आता गुगलने लोकांची ही अडचण दूर केली आहे. आता सपाट (Flat) टाइपच्या डिझाईनमधील आयकॉन्स ऐवजी ग्लॉसी आणि थ्रीडी लुक (Glossy Gradients) असलेल्या नवीन आयकॉन्स आल्या आहेत. अँड्रॉइड १७ (Android 17) मध्ये येणाऱ्या नव्या थ्रीडी इमोजी स्टाईलसारखाच हा काहीसा लुक आहे.

कोणत्या १४ अ‍ॅप्सचे आयकॉन्स बदलले?
Gmail, Calendar, Chat, Meet, Drive, Docs, Slides, Sheets, Keep, Forms, Sites, Tasks, Vids, Voice.

तुम्हाला हे नवीन आयकॉन्स कधी दिसणार?
या नव्या आयकॉन्सचा रोलआऊट १९ मे २०२६ पासून टप्प्याटप्प्याने सुरू झाला आहे. गुगलने स्पष्ट केले आहे की, हा एक ‘एक्सटेंडेड रोलआऊट’ आहे. याचा अर्थ असा की, सर्व युजर्सच्या मोबाईलवर आणि कॉम्प्युटरवर हे बदल पूर्णपणे दिसण्यासाठी जून २०२६ च्या मध्यापर्यंतचा वेळ लागू शकतो. त्यामुळे, जर तुमच्या सहकाऱ्याच्या फोनवर नवीन Gmail चा आयकॉन दिसत असेल आणि तुमच्या फोनवर अजूनही जुनाच असेल, तर काळजी करू नका; येत्या काही दिवसांत तुमच्याही फोनवर अ‍ॅप अपडेट उपलब्ध होईल!

तुम्हाला गुगलचा हा नवीन लुक कसा वाटला? जुनी डिझाईन बरी होती की ही नवीन डिझाईन जास्त आवडली?

The post गूगलच्या वर्कस्पेस अ‍ॅप्समध्ये नवीन आयकॉन्स appeared first on MarathiTech - मराठीटेक.

मायक्रोसॉफ्टने काल अधिकृतपणे त्यांच्या नवीन ऑफिस आयकॉन्सची घोषणा केली आहे. आता सर्व आयकॉन्स त्यांच्या Gradients असलेल्या Fluent Design वर आधारित आहेत.

मायक्रोसॉफ्टच्या दहा मुख्य ऑफिस आयकॉन्सला हे नवीन रूप दिले जात आहे, जे मायक्रोसॉफ्टच्या Copilot आयकॉनपासून प्रेरित आहेत असं म्हणता येईल. २०१८ मध्ये झालेल्या आयकॉन बदलांनंतरचा पहिला मोठा बदल आहे आणि याचा उद्देश एक अधिक जोडलेले डिझाइन सिस्टम आणि Copilot चा मायक्रोसॉफ्ट 365 वर असलेला प्रभाव दर्शविणे आहे असं दिसून येत आहे.

The post मायक्रोसॉफ्ट 365 मध्ये आता नवे आयकॉन्स! appeared first on MarathiTech - मराठीटेक.

मायक्रोसॉफ्ट लवकरच त्यांच्या विंडोज १० मधील आयकॉन्सना नवं रूप देणार असून याची सुरुवात ऑफिसपासून केली जाणार आहे. याची एक छोटीशी झलक मायक्रोसॉफ्टतर्फे प्रसिद्ध करण्यात आली असून विंडोज १० च्या डिझाईनमध्ये सध्या नसलेली एकसूत्रता आणण्याच्या प्रयत्नात असल्याचं दिसून येत आहे. विंडोज ८ मध्ये अचानक बराच बदल केल्यावर अनेकांनी नाराजी व्यक्त केली होती त्यानंतर मायक्रोसॉफ्टला माघार घेत स्टार्ट मेनू परत जोडावा लागला होता. त्यातही त्यांनी मेट्रो प्रकारचं डिझाईन ठेवलं आणि आता हळूहळू लोकांना सवय होऊन त्यानुसार बदल करत करत आता पारदर्शक विंडो/अॅप्स नंतर आता नव्या आयकॉन्सची ओळख करून देणार आहेत….

ऑफिस ३६५ या त्यांच्या ऑनलाईन/क्लाऊड आधारित ऑफिस सूटमध्ये या नव्या आयकॉन्सचा समावेश प्रथम केला जाईल. याबद्दल एक व्हिडीओ आणि एक पोस्ट प्रसिद्ध करून मायक्रोसॉफ्टने पुढे होणारी बदलाची माहिती दिली आहे. Meet the new icons for Office 365 and Windows 10

विंडोज १० मध्ये अजूनही अशा बऱ्याच आयकॉन्स आहेत ज्या जवळपास १० वर्षे बदलण्यात आलेल्या नाहीत. त्यामुळे आताच्या नव्या डिझाईननुसार हे बदल नक्कीच स्वागतार्ह असतील. गेल्या काही महिन्यांपासून मायक्रोसॉफ्टने बऱ्याच गोष्टींना नवं रूप देत नावीन्य आणायचा प्रयत्न सुरु केला आहे आणि त्याला वापरकर्त्यांकडूनही चांगला प्रतिसाद मिळताना दिसतोय. सत्या नाडेला यांच्या नेतृत्वात मायक्रोसॉफ्टने एकंदर पुन्हा मोठी भरारी घेण्यास सुरवात केली असून काही दिवसापूर्वीच मायक्रोसॉफ्टने बऱ्याच वर्षांनी भागभांडवलात अॅ पलला जवळपास माग टाकलच असल्याची चर्चा सुरु आहे!

The post विंडोज १० मध्ये लवकरच नव्या आयकॉन्स : ऑफिसमधील वर्ड, पॉवरपॉईंटलासुद्धा नवं रूप! appeared first on MarathiTech - मराठीटेक.

जे जन्मापासूनच वेगवान असतात त्यांची क्षमता इतरांपेक्षा कित्येक पटींनी जास्त असते. बरोबरीच्या लोकांना मागे टाकून ते कमी वयात यशाचे शिखर गाठतात. फॉर्च्युन ५०० कंपनी डेलचे संस्थापक अध्यक्ष मायकल डेल हे अशांपैकीच एक.


रूढीवादी  यहुदी कुटुंबात जन्मलेले मायकल डेल हे लहानपणीच  इतके वेगवान होते की सातव्या वर्षीच त्यांनी हायस्कू लच्या बरोबरीची परीक्षा उत्तीर्ण केली. १५ व्या वर्षी अ‍ॅपल- २ हे कॉम्प्युटर पूर्णपणे उघडून ते पुन्हा जोडले. पार्ट टाइम जॉब करून कुमारवयातच ते कमावू लागले. त्यासोबत शेअर आणि धातूंमध्ये गुंतवणूक करण्याचे तंत्र त्यांनी अवगत केले.


कॉम्प्युटरचे साम्राज्य उभे करण्यासाठी डेल यांना पैशांची आवश्यकता होती. पण कोणाकडे मदत मागण्याऐवजी स्वत:च पैसा उभा करण्याचे त्यांनी ठरवले. विद्यार्थीदशेत त्यांनी रेस्टॉरंटमध्ये सफाईचे काम केले. हायस्कूलमध्ये असताना ‘होस्टन पोस्ट’ या वृत्तपत्रात काम केले. एका वर्षात त्यांनी १८ हजार डॉलर म्हणजे ७ लाख ९६ हजार ३२० रुपये कमावले.


वडिलांनी मेडिकल कॉलेजमध्ये प्रवेश मिळवून दिला पण डेल यांनी शिक्षण सोडले आणि कॉम्प्युटरला अपग्रेड करण्याच्या मागे लागले. त्यांचा आत्मविश्वास इतका जबरदस्त होता की त्यावेळची कॉम्प्युटर क्षेत्रातली मोठी कंपनी आयबीएमला मागे टाकण्याचे त्यांनी ठरवले. फोन कॉल्स, मेल आणि प्रत्यक्ष संपर्क करून त्यांनी कस्टमाइज्ड कॉम्प्युटर विक्रीचा व्यवसाय त्यांनी विस्तृत केला. डेल कॉम्प्युटरची त्यांनी शेयर मार्केटमध्ये नोंदणी केली. 


२७ व्या वर्षीच फॉर्च्यून-५०० कंपनीचे सीईओ बनले.  कॉम्पॅक कॉम्प्युटरसहित सर्व कॉम्प्युटरच्या विक्रीत सर्व प्रतिस्पर्ध्यांना मागे टाकले. १९९६ मध्ये त्यांनी सर्व्हर लाँच केला. स्थायी संपत्तीत प्रवेश केला आणि होम इंटरटेन सिस्टीम आणि पर्सनल डिव्हाइससुद्धा बनवले.


४५ व्या वर्षी ते जगातले ४४ वे श्रीमंत व्यक्ती बनले. टेक्सासमधील त्यांचा बंगला हा जगातील १५ वा आलिशान बंगला ठरला.  


जे अतिद्रुत गतीने जातात त्यांना अपघात होतात हेही सत्य आहे. २०१० मध्ये गुंतवणूकदारांना अर्धवट माहिती देण्यामुळे आणि अकाऊंटिंगमध्ये घोळ केल्यामुळे त्यांना ४ मिलियन डॉलर (१७.५ कोटी) चा दंड भरावा लागला. त्यांनी स्थापन केलेली मायकल-सुजॅन फाऊंडेशन जगभरातल्या विशेषत: भारत आणि अमेरिकन विद्यार्थ्याच्या शिक्षण-आरोग्यावर कोट्यवधी रुपये खर्च करते
.

The post संगणकाचा बादशहा मायकल डेल appeared first on MarathiTech - मराठीटेक.