ॲपल त्यांच्या मॅक-केंद्रित घोषणांच्या आठवड्याचा एक भाग म्हणून, आता एक छोटा परंतु आणखी शक्तिशाली Mac Mini सादर केला आहे. पहिली गोष्ट जी तुमच्या लक्षात येईल ती म्हणजे नवीन डिझाइन. याबद्दल बरीच चर्चा सुरू होती की मॅक मिनीचा आकार कमी केला जाईल. आता याची लांबी आणि रुंदीमध्ये फक्त पाच इंच आहे! त्यामुळे हा नवा मॅक मिनी तळहातावर मावू शकतो!

आता यात ॲपलचे नवीन M4 सिलिकॉन आहे, प्रथमच रे ट्रेसिंगला सपोर्ट करतो आणि 16GB RAM सह येतो. आता ॲपलच्या प्रत्येक नव्या उपकरणात Apple Intelligence देण्यात येत असल्यामुळे 16GB रॅम कदाचित सरतेशेवटी ॲपलने बेस मॉडेलमध्ये देण्यास सुरुवात केली असे दिसते. यामध्ये पुढे दोन Type C पोर्ट आणि एक हेडफोन जॅक आहे. मागच्या बाजूला Ethernet, 3 Thunderbolt/Type C पोर्ट, HDMI पोर्ट मिळेल.

मॅक मिनीची किंमत M4 चिपसह ₹५९९०० वर सुरू होते, तर अधिक शक्तिशाली M4 Pro मॉडेलची किंमत ₹१,४९,९०० आहे. काल जाहीर केलेल्या अपडेटेड iMac प्रमाणे, Mac Mini देखील त्वरित प्री-ऑर्डरसाठी उपलब्ध आहे आणि 8 नोव्हेंबर रोजी स्टोअर्समध्ये उपलब्ध होईल.

iMac च्या नव्या मॉडेल्समध्ये मात्र फारसा फरक दिसलेला नाही. M1 चिपच्या जागी M4 चा समावेश आणि वायफाय, ब्ल्युटूथ वगळता नवं काहीच दिलेलं नाही. यामध्येही आता Apple Intelligence आणि 16GB रॅम मिळेल. याची किंमत ₹१३४९०० पासून सुरू होईल. यामध्ये फारसे बदल नसले तर जर तुम्ही या बजेटमधील नवा कॉम्प्युटर घेत असाल तर नक्कीच हा चांगला पर्याय आहे.

The post ॲपलचा नवा मॅक मिनी व iMac सादर : आता M4 व M4 Pro सह! appeared first on MarathiTech - मराठीटेक.

ॲपलने आज त्यांचे नवीन मॅकबुक प्रो आणि iMac सादर केले असून आता यामध्ये त्यांच्या नव्या M3 प्रोसेसरचा समावेश असेल. M3 प्रोसेसरमध्येही M3, M3 Pro आणि M3 Max असे पर्याय असतील. या कार्यक्रमाला त्यांनी Scary Fast असं नाव दिलं होतं कारण यंदाचा हा कार्यक्रम काही देशांमध्ये साजरा केल्या जाणाऱ्या हॅलोवीनच्या पार्श्वभूमीवर आला आहे.

M1 प्रोसेसरच्या तुलनेत नवे M3 चिप ६० टक्क्याहून अधिक चांगली कामगिरी करू शकतात असं ॲपलने सांगितलं आहे.

नव्या MacBook Pro मध्ये XDR Liquid Retina Display, 8TB पर्यंतचे स्टोरेज पर्याय, 128GB पर्यंतचे रॅम पर्याय, M3/M3 Pro/M3 Max प्रोसेसर, 16 Core CPU पर्याय, 40 Core GPU पर्याय, WiFi 6E, Bluetooth 5.3, Six Speaker Sound System, MagSafe 3, Hardware Accelerated Ray Tracing आणि जवळपास २२ तासांची बॅटरी लाईफ मिळेल. याची भारतातली किंमत १,६९,९०० (8Core+10Core+8GB+512GB) पासून सुरू होते. M1 iMac च्या तुलनेत हा याची कामगिरी दुपटीने चांगली आहे.
विविध मॉडेल्सच्या किंमती : 14” M3: ₹1,69,900, 14” M3 Pro: ₹1,99,900, 14” M3 Max: ₹3,19,900, 16” M3 Pro: ₹2,49,900, 16” M3 Max: ₹3,49,900

नव्या iMac मध्ये 4.5K Retina Display, 2TB पर्यंतचे स्टोरेज पर्याय, 24GB पर्यंतचे रॅम पर्याय, M3 प्रोसेसर, WiFi 6E, Bluetooth 5.3, Six Speaker Sound System मिळेल. याची भारतातली किंमत १,३४,९०० (8Core+8Core+8GB+256GB) पासून सुरू होते. M1 iMac च्या तुलनेत हा याची कामगिरी दुपटीने चांगली आहे

काही दिवसांपूर्वीच जाहीर झालेल्या माहितीनुसार ॲपलचं भारतातलं या आर्थिक वर्षातलं (FY23) उत्पन्न ५०,००० कोटींवर पोहोचलं आहे. निव्वळ नफासुद्धा ७६ टक्क्यांनी वाढला आहे!

The post ॲपलचे M3 प्रोसेसर आधारित MacBook Pro आणि iMac सादर! appeared first on MarathiTech - मराठीटेक.

ॲपलने काल झालेल्या कार्यक्रमात बरीच नवी उत्पादने सादर केली असून यामध्ये iMac, iPad Pro, Apple AirTags, Apple TV ची नवी आवृत्ती यांचा समावेश आहे. Apple iMac 2021 हे डिस्प्लेमध्येच कम्प्युटर असलेलं उपकरण असून याची जाडी बरीच कमी करून बेझल्स (डिस्प्लेच्या कडा) आणखी कमी केल्या आहेत. शिवाय यामध्ये ॲपलचा स्वतःचा M1 प्रोसेसर देण्यात आला आहे.

नव्या आयमॅकमध्ये 24″ 4.5K Retina True Tone display असलेला डिस्प्ले आहे. यापूर्वी मॅकबुक मध्ये देण्यात आलेला M1 प्रोसेसर आता iMac मध्येही मिळेल. यामध्ये FaceTime कॅमेरा सुद्धा नवा देण्यात आला आहे ज्याचं रेजोल्यूशन 1080p असेल. M1 चीपच्या न्यूरल इंजिनमुळे व्हिडिओ गुणवत्ता सुद्धा सुधारली आहे.

अनेक वर्षानी ॲपलने आयमॅकचं डिझाईन बदललं आहे. आता हा आयमॅक तब्बल सात रंगांमध्ये उपलब्ध झाला आहे. यामध्ये 4 USB C पोर्ट्स आहेत हयापैकी 2 Thunderbolt सपोर्ट असलेले आहेत. नवा पॉवर adapter ज्याच्या बाजूला Ethernet पोर्ट आहे. यासोबत नवा मॅजिक किबोर्ड आणि मॅजिक माऊससुद्धा आणण्यात आले आहेत ज्यामध्येही सात रंगांचा पर्याय आहेच!

याची किंमत $1,299 पासून सुरू होते. अपडेट : भारतातली किंमत ₹१,१९,९०० पासून सुरू होईल.

The post ॲपलचा नवा iMac आता M1 प्रोसेसरसह नव्या रंगात! appeared first on MarathiTech - मराठीटेक.

अॅपल या आघाडीच्या कॉम्पुटर कंपनी वार्षिक डेव्हलपर कार्यक्रम पार पडला. गेले काही वर्षं अॅपलच्या उत्पादनांकडून त्यांची ज्यासाठी ओळख आहे तशा प्रकारची प्रॉडक्ट्स सादर केली जात नव्हती. क्रिएटर मंडळींचा सुद्धा मायक्रोसॉफ्टच्या नव्या सर्फेस कॉम्पुटर्स कडे ओढा वाढलेला पाहून त्यांनी काल बऱ्याच गोष्टींनी सुधारणा करून नवे मॅक सादर केले आहेत. ५००० हुन अधिक डेव्हलपर्सच्या उपस्थितीत हा कार्यक्रम पार पडला! अॅपल सीइओ टीम कुक आणि इतर अधिकाऱ्यांनी यावेळी डेमो दिले.
आज पाहूया काल आणलेल्या सर्व प्रॉडक्ट्स आणि अपडेट्सची थोडक्यात माहिती …

iMac Pro 2017

 १. अॅपल iMac Pro : आजपर्यंतचा सर्वात ताकदवान अॅपल कॉम्पुटर! यामध्ये रॅम 128GB पर्यंत, 4TB पर्यंत स्टोरेज, 22 Teraflops क्षमतेचे 18-core Xeon प्रोसेसर्स, चार Thunderbolt 3 पोर्ट्स, Data Transfer at 40Gb/s, 10Gb Ethernet, 44 million pixels, रेटिना 5K 500nits डिस्प्ले! याची किंमत  $5,000 (~ ₹३,२५,०००)!!!

Macbook running High Sierra MacOS

२.  High Sierra macOS : अॅपलची कॉम्पुटर ऑपरेटिंग सिस्टिम : सफारी ब्राउजर आता ८०% अधिक वेगात, महत्वाचे ई-मेल समोर दाखवले जातील आणि कमी जागा घेतील. नव्या मशीन लर्निंग सुविधांद्वारे फोटोज आपोआप क्रमाने लावून फोटोमध्ये कोण आहे त्यांना टॅग करून ठेवेल. अॅपल फाईल सिस्टिममध्येसुद्धा बदल फाईल सुरक्षिततेला प्राधान्य.

३. वॉचओएस WatchOS 4 : अॅपलची स्मार्टवॉचसाठीची ऑपरेटिंग सिस्टिम : आता यामध्येसुद्धा कृत्रिम बुद्धिमत्ता/ Artificial intelligence चा समावेश. आपोआप दाखवेल आपल्याला साजेशी माहिती, कॅलेंडरवरील पुढील कार्यक्रम दाखवणे, आठवणी दाखवणे, हवामान दाखवणे यासाठी नव्याने अपडेट्स

Updated with iOS 11

४. iOS 11 : अॅपलची स्मार्टफोन आणि टॅबलेटसाठी ऑपरेटिंग सिस्टिम : या नव्या व्हर्जनमध्ये अॅपलने अनेक सुविधांची भर घातली आहे. मॅपमध्ये बदल, “Do not disturb while driving” जोडणी (गाडी चालवताना कोणत्याही प्रकारचं विचलन नको म्हणून आपोआप नोटिफिकेशन होल्डवर जातील), Files अॅपद्वारे फाइल्स पहा कोठेही!, नवीन डॉक, मल्टीटास्किंग, ड्रॅग आणि ड्रॉप (अनेक दिवसांची मागणी शेवटी पूर्ण), सुरवातीपासून डॉक्युमेंट स्कॅन साठी सोय!, नवं अॅप स्टोरसुद्धा !!!सिरी आता अधिक मदत करेल, आपले मित्र कोणतं संगीत ऐकत आहेत हे पाहून शेअर करता येईल! कंट्रोल सेंटर द्वारे सर्व टॉगल मेनू (Data, ब्ल्युटुथ, वायफाय, ब्राइटनेस कंट्रोल्स) एकत्र, QuickType keyboard, इ.

नवं अॅप स्टोअर : Today Tab, Games Tab आणि Apps टॅबद्वारे वर्गीकरण. नव्या सोयींमुळे अॅप सर्च अधिक सोपा रेटिंग्स आणि Review  वाचणं सोपं, Game of the Day आणि App of the Day चा समावेश. 

Apple iPad Pro 2017

५. आयपॅड प्रो २०१७ : अॅपलचा नवा टॅब्लेट : १०.५ इंची स्क्रिन, सर्वात वेगवान मॉडेल six-core A10X Fusion  चिप, LTE  मॉडेल्स, जगातला सर्वात प्रगत डिस्प्ले असल्याचा दावा, 120Hz रिफ्रेश रेट!, 2224×1668,  दहा तासांची बॅटरी लाईफ, 866Mbps Wi-Fi, 450Mbps via LTE, iOS ११ अपडेटद्वारे अॅपल पेन्सिलला अनेक नव्या सुविधा जसे की लगेच नोट्स घेता येणे, 12MP + 7MP कॅमेरे, 64GB मेमरी पासून उपलब्ध, $649 (~ ₹४२०००) 

Apple Homepod Speaker

६. अॅपल होमपॉड Apple HomePod : अनेक सुविधा असलेला अॅपलचा स्पीकर : गूगल होम आणि अॅमॅझॉन एको या होम असिस्टंटना अॅपलच उत्तर. यामध्ये सिरी या व्हॉइस असिस्टंटचा समावेश हा स्पीकर घरात एका कोपऱ्यात ठेवून द्यायचा आपण घरातल्या कोणत्याही कोपऱ्यातून आज्ञा देऊन गाणी लावणे, हवामान विचारणे, इंटरनेट सर्च करणे, घरातील दिवे बंद चालू करणे, बातम्या ऐकवणे, टायमर लावणे, भाषांतर, खेळविषयक आणि अगदी सामन्यज्ञानसुद्धा! किंमत $350 (~₹ २३०००)

The post अॅपल WWDC17 : iOS 11, नवा iMac Pro, iPad Pro, MacOS High Sierra appeared first on MarathiTech - मराठीटेक.