फोटोची साईज अनेक पटींनी कमी करण्याची सर्वात सोपी पद्धत! फोटोची क्वालिटी खराब न करता साईज कमी करा आणि ते सुद्धा इंटरनेटशिवाय! कॉम्पुटर, फोन्सवरही करता येईल… कोणतंही अॅप किंवा सॉफ्टवेअर डाउनलोड करण्याची गरज नाही…!

व्हिडीओ लिंक : https://youtu.be/QIwTlmbF8UU

ही सोय थेट ब्राऊजरमध्येच वापरता येईल ह्यासाठी स्वतंत्र डाउनलोडची गरज नाही. अगदी स्मार्टफोन्समधील ब्राऊझरमध्येही ही सुविधा उत्तम प्रकारे चालेल! Squoosh मध्ये सध्या OptiPNG, MozJPG, WebP, Browser PNG, Browser JPG व WebP हे इमेज फॉरमॅट सपोर्ट करत असून यांचे पॅरामीटर बदलण्याची सुद्धा सोय देण्यात आली आहे! Resize, Convert व Compress ही कामे Squoosh करू शकेल!

Search Terms How to compress images, compress images without internet, reduce image size offline Make images smaller using best-in-class codecs, right in the browser Squoosh is an image compression web app that allows you to dive into the advanced options provided by various image compressors. Compress photos, images in your android phone

The post नवा व्हिडीओ : फोटोची साईज कशी कमी करायची? क्वालिटी खराब न करता! appeared first on MarathiTech - मराठीटेक.

मायक्रोसॉफ्टने काही दिवसांपूर्वी RAW Image Extension उपलब्ध करून दिलं असून याद्वारे विंडोज् १० मध्ये कोणत्याही अतिरिक्त सॉफ्टवेअरशिवाय रॉ इमेजेस फोटोज/गॅलरी अॅपमध्ये पाहता येतील! यापूर्वी विविध कॅमेरा कंपनीसाठी वेगवेगळे सॉफ्टवेअर घ्यावे लागायचे किंवा अडोबीच्या टूल्सवर अवलंबून राहावं लागायचं. विंडोज १० मध्ये असलेल्या फोटोज अॅपमध्ये नेहमीच्या JPG, PNG फाइल्स प्रमाणे आता कॅननच्या crw, सोनीच्या arw, निकॉनच्या nef, अडोबीच्या dng फाइल्ससुद्धा सहज पाहता येतील!

हे एक्सटेन्शन वापरण्यासाठी आधी तुम्ही Windows 10 May 2019 अपडेट इंस्टॉल केलं असल्याची खात्री करा. त्यानंतर RAW Image Extension या लिंकवर जा आणि ते अॅप डाउनलोड करा. (किंवा तुम्ही मायक्रोसॉफ्ट स्टोअरवर जाऊन RAW Image Extension असं सर्च करू शकता.) यानंतर सर्व कोडेक्स इंस्टॉल होऊन तुम्हाला आता एक्सप्लोरर मध्ये सुद्धा रॉ इमेजेसचे प्रीव्यू दिसू लागतील. कुठल्याही RAW फोटोवर Right Click करा आणि Open With निवडून Photos वर क्लिक करा. इथून पुढे तुम्ही फोटोजमध्ये कोणत्याही कंपनीच्या रॉ फाइल्स उघडून पाहू शकाल.

RAW Format Images म्हणजे काय ?

RAW इमेज म्हणजे अशी इमेज जिच्यावर डिजिटल कॅमेराद्वारे फोटो काढल्यावर कोणतीही प्रक्रिया केलेली नसते. (शब्दशः अर्थ कच्च्या स्वरूपात) थेट सेन्सरद्वारे टिपलेला फोटो आहे असा त्या त्या कंपनीच्या खास raw फॉरमॅट मध्ये मेमरी कार्डवर साठवला जातो.

कोणत्याही कॅमेरामध्ये फोटो काढायला गेलात तर सुरुवातीला कॅमेरा ते फोटो JPG/PNG या फॉरमॅटमध्येच साठवत असतो. मात्र हे JPG/PNG फोटो कॅमेराद्वारे प्रक्रिया करून त्यामध्ये डेटा जोडून साठवलेले असतात. यांच्या डेटावर त्यानंतर फारसं नियंत्रण नसतं. मात्र जर रॉ फॉरमॅटमध्ये फोटो काढला तर त्या फोटोवर फोटो काढल्यानंतरसुद्धा आपल्याकडे पूर्ण नियंत्रण असतं. उदा. रंग, उजेड, सावल्या, प्रकाश अशा प्रत्येक गोष्टीवर आपण लाईटरूम सारखे सॉफ्टवेअर वापरून हव्या त्या प्रकारे इमेज डेव्हलप करू शकतो.

रॉ इमेजेस पाहण्यासाठी आता विंडोजने पर्याय दिलेला असला तरी आजवर Adobe Photoshop Lightroom, Capture One, Corel AfterShot Pro, Raw Studio, RawTherapee, darktable, इ. सॉफ्टवेअर्सचा वापर फोटो पाहण्यासाठी करायला लागायचा. आता हे सॉफ्टवेअर फोटो डेव्हलप करतानाच उपयोगी पडतील. आता तर कॅमेरासोबत फोन्समध्येही रॉ फॉरमॅटमध्ये फोटो काढता व पाहता येतात! फोनवर रॉ फोटो प्रोसेस करण्यासाठी Snapseed अॅप उत्तम पर्याय आहे.

RAW फॉरमॅटमध्ये फोटो काढण्याचे फायदे

• रंगांच्या अधिक छटा वापरायला येतात. JPEG मध्ये आपण 8bit रंग वापरतो तर RAW मध्ये 12/14 Bits
• फोटोची अधिक चांगली गुणवत्ता
• कॅमेराकडून गरज नसताना केलं जाणारं sharpening आणि noise reduction थांबवता येतं
• फोटोवर अधिक चांगलं नियंत्रण lightness, white balance, hue, saturation अशा गोष्टी प्रोसेस करता येतात
• इतर अनेक गोष्टी ज्यामुळे आपल्याला मूळ फोटोला नुकसान न करता हवे तसे बदल करून हव्या त्या स्वरूपाचं आउटपुट घेता येतं.

RAW फॉरमॅटमध्ये फोटो काढण्याचे तोटे

• RAW फॉरमॅटमध्ये फोटो काढताना फोटोची साईज JPEG च्या मानाने जास्त असते. एकेका फोटोलाच जवळपास २ ते ६ पट अधिक जागा लागू शकते.
• रॉ फॉरमॅटमध्ये प्रत्येक कंपनीने स्वतःच फाइल एक्सटेन्शन तयार केलं आहे त्यामुळे एक स्टँडर्ड नाहीये.
• स्टँडर्ड फाइल फॉरमॅट नसल्यामुळे प्रत्येक एक्सटेन्शनसाठी सॉफ्टवेअर सपोर्ट वेगवेगळा द्यावा लागतो.
• रॉ फोटो काढून ते प्रोसेस करून प्रत्यक्षात वापरण्यास बरंच जास्त वेळ जातो. JPEG फॉरमॅटमधील फोटो मात्र लगेच वापरण्यास तयार असतात.

search terms : what is raw photo image format in marathi pros and cons of raw Viewing Camera RAW Files Raw JPEG Difference

The post RAW फॉरमॅट इमेजेस पाहण्यासाठी विंडोज १० प्लगिन उपलब्ध! appeared first on MarathiTech - मराठीटेक.

गूगलच्या क्रोम डेव्हलपर कॉन्फरन्स कार्यक्रमात स्क्वूश (Squoosh) या उत्तम इमेज कन्व्हर्टर आणि कंप्रेसर सुविधेच सादरीकरण झालं. या सुविधेमुळे आता आपल्याकडे असलेली इमेज विविध इमेज फॉरमॅट्स उदा JPG, PNG यांच्यामध्ये कन्व्हर्ट करता येतील आणि सोबत कंप्रेशनचा वापर करून गुणवत्तेवर फारसा फरक पडू न देता साईज कमी करता येईल!  Squoosh ही गूगलच्या क्रोम ब्राऊझरमध्ये एक प्रयोग म्हणून विकसित करण्यात आलेली सेवा आहे.

ही सोय थेट ब्राऊजरमध्येच वापरता येईल ह्यासाठी स्वतंत्र डाउनलोडची गरज नाही. अगदी स्मार्टफोन्समधील ब्राऊझरमध्येही ही सुविधा उत्तम प्रकारे चालेल! Squoosh मध्ये सध्या OptiPNG, MozJPG, WebP, Browser PNG, Browser JPG व WebP हे इमेज फॉरमॅट सपोर्ट करत असून यांचे पॅरामीटर बदलण्याची सुद्धा सोय देण्यात आली आहे! Resize, Convert व Compress ही कामे Squoosh करू शकेल!

1. squoosh.app साईटवर जा 
2. हवी ती इमेज ड्रॅग, ड्रॉप करा किंवा दिलेल्या पर्यायांमधून निवडा.  
3. उजवीकडे योग्य ते पर्यायगरजेनुसार निवडा. 
4. स्क्रिनवर मधल्या भागात दिसत असलेली रेष पूर्वी आणि कंप्रेशननंतर दिसणारी इमेज यांचा प्रिव्ह्यू दर्शवेल.   
5. आता उजव्या कोपऱ्यातील डाउनलोड आयकॉन दाबून इमेज तुमच्या पीसी/फोनवर सेव्ह करा!   

The post Squoosh : गूगलची इमेज कंप्रेस व कन्व्हर्ट करण्यासाठी नवी सेवा! appeared first on MarathiTech - मराठीटेक.

गूगलची इमेज सर्च सेवा मोठ्या प्रमाणात वापरली जाते. आतापर्यंत युजर्स कोणत्याही गोष्टीबद्दल सर्च करून त्याबद्दलची कोणतीही इमेज/फोटो view image पर्याय वापरून ती इमेज डाउनलोड करून साठवू शकत मात्र 
आता Visit हा पर्याय वापरून वेबसाइटवर जाऊनच इमेज/फोटो सेव्ह करावा लागणार.

यूजर्स कॉपीराइटचा विचार न करता सरळ सर्चमधूनच इमेज सेव्ह करून वापरू लागल्याने मूळ निर्मात्यांना त्याचा फटका बसू लागला. शिवाय लोक प्रत्यक्ष वेबसाईटवर जाण टाळू लागल्याचं निदर्शनास आल्यानं
Getty Images सोबत करार करून ते बटन काढून टाकण्याचा निर्णय गूगलने घेतला आहे!
यामुळे आता अशा इमेजसर्च द्वारे आपल्याला फोटो दिसत असले तरी ते कमी गुणवत्तेचे दिसतील पूर्ण गुणवत्तेसाठी तो फोटो ज्या वेबसाईटवर आहे तिथे जावं लागेल.

search terms google image search view image button desktop 

The post गूगलने इमेज सर्च मधून View Image चा पर्याय काढून टाकला! appeared first on MarathiTech - मराठीटेक.

सध्याच्या काळात मोबाइल आणि टॅब वापरणाऱ्यांची संख्या वाढत असली तरी त्यासाठी पूर्ण क्षमतेने फोटोशॉप देणे सध्यातरी शक्य नसल्याची कबुली अॅडोब फोटोशॉपचे डेव्हलपर सीथारामन नारायणन यांनी दिली. या डिव्हाइसमध्ये इनपुट करण्यासाठी केवळ सिंगल टच करण्याचा पर्याय असल्याने फोटोशॉपचे सर्व फीचर्स त्यात देता येत नाहीत. केवळ ८ मेगापिक्सलपेक्षा मोठे फोटो एडिट करता नसल्याचे ते म्हणाले. 

टेकफेस्टच्या तिसऱ्या आणि शेवटच्या दिवशी झालेल्या व्याख्यानात नारायणन यांनी सुरुवातीपासूनचा फोटोशॉपचा प्रवास मांडला. फोटोशॉपच्या एका आवृत्तीपासून दुसऱ्या आवृत्तीच्या दरम्यान सुमारे १८ महिन्यांचा कालावधी मिळतो. त्यात शक्य त्या सर्व गोष्टी देण्याचा आमचा प्रयत्न असतो. वापरात येणाऱ्या समस्यांमुळे नवनवीन फीचर्स अॅड करण्याची प्रेरणा मिळते. सुरुवातीच्या काळात फोटोशॉपवर काम केल्यावर ते कलर सीएमवायके प्रिंटिंगमध्ये कसे दिसतात हे पाहण्यासाठी लगेच लोक प्रिंटरवर काम करत. त्यामुळेच आम्ही सीएमवायके कलर पॅलेट अॅड केल्याचे त्यांनी सांगितले. 

* … विंडोजला सपोर्ट न करण्याचे ठरविले होते 

सुरुवातीच्या काळात मॅकमध्ये मिळणाऱ्या विविध अत्याधुनिक सुविधांमुळे विंडोजपेक्षा कितीतरी चांगले फोटोशॉप त्यावर देता येत होते. त्यावेळी विंडोजसाठी फोटोशॉप डेव्हलप करणे आमच्यासाठी प्रचंड मनस्ताप देणारे काम होते. त्यामुळे एका क्षणी यापुढे विंडोजला सपोर्ट करणारे फोटोशॉप तयारच करायचे नाही , या निर्णयापर्यंत आम्ही आलो होतो. पण अचानक विंडोज एनटी आले आणि आमचे काम सोपे झाल्याची आठवण त्यांनी सांगितली. 

The post मोबाइल, टॅबसाठी फोटोशॉप देणे कठीणच! : PhotoShop Founder appeared first on MarathiTech - मराठीटेक.