इंस्टाग्रामचं Edits (एडिट्स) अ‍ॅप आता सर्वांना मोफत उपलब्ध करून देण्यात आलं आहे. हे अ‍ॅप मंगळवारी लाँच करण्यात आलं मात्र हे लाँच होण्याआधी जवळपास तीन महिन्यांपूर्वी या अ‍ॅपची घोषणा करण्यात आली होती. हे ॲप फोनवरच व्हिडिओ एडिटिंग करण्यासाठी असून यामध्ये उच्च-गुणवत्तेचा व्हिडिओ कॅप्चर, कीफ्रेमिंग, स्वयंचलित कॅप्शन्स आणि रिझोल्यूशन, फ्रेम रेट व डायनॅमिक रेंजसाठी कॅमेरा कंट्रोल्ससह अनेक क्रिएटिव्ह टूल्स दिली आहेत.

इंस्टाग्रामनुसार, ‘एडिट्स’ वापरणारे यूजर्स आर्टिफिशियल इंटेलिजन्स (AI) चा वापर करून अधिक क्रिएटिव्ह पद्धतीने व्हिडिओ एडिट करू शकतात, ज्यात AI इमेज अ‍ॅनिमेशन आणि विविध इफेक्ट्सचा समावेश आहे. हे अ‍ॅप iOS आणि Android दोन्ही प्लॅटफॉर्मवर मोफत उपलब्ध आहे.

हे अ‍ॅप व्हिडिओ एडिटिंगची पूर्ण प्रक्रिया सोपी करून कंटेंट क्रिएशन अधिक सोपे करण्याच्या उद्देशाने लाँच करण्यात आले आहे. हे क्रिएटर्सना केवळ फेसबुक आणि इंस्टाग्रामपुरते मर्यादित न ठेवता इतरही प्लॅटफॉर्मवर स्वतःला व्यक्त करण्याची संधी देईल, असे इंस्टाग्राम आणि एडिट्सची कंपनी ‘मेटा प्लॅटफॉर्म्स’ने सांगितले आहे.

क्रिएटर्सना फ्रेम रेट, डायनॅमिक रेंज आणि रिझोल्यूशनसाठी कॅमेरा सेटिंग्ज अ‍ॅडजस्ट करता येतील. इंस्टाग्रामच्या तुलनेत उच्च रिझोल्यूशनमध्ये 10 मिनिटांचे व्हिडिओ कॅप्चर करण्याचाही पर्याय असेल. टच-अप, वन-टॅप ग्रीन स्क्रीन, म्युझिक कॅटलॉग, टाइमर आणि काउंटडाऊनसारखी टूल्स पटकन वापरता येतील.

एडिट्स अ‍ॅपमधील ‘कीफ्रेमिंग’ फिचरमुळे यूजर्स विशिष्ट क्षणांमध्ये क्लिप्सचे पोझिशन, रोटेशन आणि स्केल अचूकपणे अ‍ॅनिमेट करू शकतात. AI इमेज अ‍ॅनिमेशन टूल स्टिल इमेजेसना डायनॅमिक व्हिडिओमध्ये रूपांतरित करू शकतो. याशिवाय, ग्रीन स्क्रीन वापरून पार्श्वभूमी (Background) बदलता येते किंवा व्हिडिओ ओव्हरलेसुद्धा अ‍ॅड करता येतात. अ‍ॅपमध्ये वेगवेगळ्या टायपफेसेस, साउंड आणि व्हॉइस इफेक्ट्स, फिल्टर्स, स्टिकर्स व इतर क्रिएटिव्ह एलिमेंट्सचा समावेश आहे.

ऑडिओमधील बॅकग्राऊंड नॉईस काढून टाकण्याची आणि ऑटो-कस्टमायझेबल कॅप्शन्स तयार करण्याचीही सुविधा आहे. एडिट्सवर तयार करण्यात आलेले व्हिडिओ मेटाच्या इतर अ‍ॅप्सवर – जसे की फेसबुक आणि इंस्टाग्राम – सहज शेअर करता येतील. तसेच इतर अ‍ॅप्सवर पोस्ट करण्यासाठी व्हिडिओ एक्सपोर्ट करता येतो आणि त्यात वॉटरमार्क नसेल.

Edits मध्ये लवकरच काही खास अपडेट्स येणार आहेत:

• Key frames: तुमच्या व्हिडिओमधील अचूक क्षणांवर adjustments करता येतील.
• Modify: फक्त काही AI prompts वापरून व्हिडिओचा लुक आणि feel बदलता येईल.
• Collaboration: क्रिएटर्स, मित्र किंवा ब्रॅण्ड्ससोबत drafts शेअर करून फीडबॅक घ्या.
• अधिक creative options – नवीन fonts, text animations, transitions, voice effects, filters आणि royalty-free music.

Edits हे अ‍ॅप आता जगभरात उपलब्ध असून App Store आणि Google Play Store वरून मोफत डाउनलोड करता येईल. सुरुवात करण्यासाठी फक्त तुमचं Instagram अकाउंट वापरून साइन इन करा.

टिकटॉकच्या (जे आता भारतात उपलब्ध नाही) CapCut व्हिडिओ एडिटिंग अ‍ॅपची लोकप्रियता पाहून मेटाने हे अ‍ॅप आणलं असावं. आता हे Edits अ‍ॅप व्हिडिओ एडिटिंगसाठी वॉटरमार्क शिवाय वापरता येईल असा चांगला पर्याय असेल.

View this post on Instagram

A post shared by Instagram’s @Creators (@creators)

The post इंस्टाग्रामचं नवं Edits ॲप : फोनवरच व्हिडिओ एडिट करा! appeared first on MarathiTech - मराठीटेक.

Meta AI हा मेटा कंपनीचा ओपन-सोर्स एआय चॅटबॉट आता इंस्टाग्राम, फेसबुक, मेसेंजर आणि व्हॉट्सॲपसह मेटाच्या प्लॅटफॉर्मवर जोडला जात आहे. अनेक जणांना त्यांच्या ॲप्समध्ये Meta AI चा अॅक्सेस उपलब्ध झालेला दिसू लागला आहे. मेटा प्रमुख मार्क झकरबर्गनी आता अधिकृत रोलआउट सुरू झाल्याचे जाहीर केलं आहे.

दिलेल्या माहितीनुसार या चॅटबॉटमध्ये आता Llama 3 या LLM (Large Language Model)चा समावेश आहे. इंस्टाग्राम, फेसबुक, मेसेंजर आणि व्हॉट्सॲपसोबत https://www.meta.ai या वेबसाइटवरसुद्धा Meta AI वापरता येईल. सध्यातरी ही वेबसाइट भारतात उपलब्ध नाही त्यामुळे भारतीय युजर्सना फक्त ॲप्समधूनच याचा वापर करता येईल.

तुम्हाला इंस्टाग्राममध्ये सर्च बटनवर क्लिक केल्यावर Meta AI चा लोगो दिसेल त्यावर क्लिक केलं की हा चॅटबॉट वापरता येईल.

मेटा एआय म्हणजे काय?
Meta AI हा Meta कंपनीतर्फे तयार करण्यात आलेला ChatGPT चा एक स्पर्धक आहे. तुम्ही वेगवेगळा मजकूर तयार करण्यासाठी, प्रश्नांची उत्तरे देण्यासाठी, इमेजेस तयार करण्यासाठी आणि बरेच काही करण्यासाठी Meta AI वापरू शकता. त्यांचं याबद्दल असं म्हणणं आहे की “Meta AI हा आता सर्वात बुद्धिमान AI सहाय्यक आहे जो तुम्ही विनामूल्य वापरू शकता – आणि तुमच्या फ्रिजमध्ये काय आहे यावर आधारित डिनरचे नियोजन करण्यात, तुमच्या चाचणीचा अभ्यास करणे आणि बरेच काही करण्यात मदत करण्यासाठी मदत करेल.”

Meta AI द्वारे आपल्याला बऱ्याच गोष्टी करता येतात. आपण त्याला ChatGPT, Google Gemini प्रमाणे प्रश्न विचारून उत्तरे मिळवू शकतो. निबंध/पत्र लिहून घेऊ शकतो. आपल्याला हव्या त्या प्रकारच्या इमेजेस मोफत तयार करून घेऊ शकतो. विविध प्रकारच्या पाककृती पाहू शकतो.

अधिक माहिती : https://about.fb.com/news/2024/04/meta-ai-assistant-built-with-llama-3

The post इंस्टाग्राम, व्हॉट्सॲपमध्ये Meta AI उपलब्ध! appeared first on MarathiTech - मराठीटेक.

मेटा या कंपनीने (इंस्टाग्राम आणि फेसबुक यांची मालकी असलेली कंपनी) त्यांच्या युजर्ससाठी ट्विटरप्रमाणे दरमहा पैसे देऊन ब्ल्यु टिक मिळवण्याचा पर्याय उपलब्ध करून दिला आहे. या सेवेला त्यांनी Meta Verified असं नाव दिलं आहे. ही सेवा आता भारतात उपलब्ध होण्यास सुरुवात झाली आहे.

iOS वर अॅप स्टोर व अँड्रॉईडवर प्ले स्टोरमार्फत पैसे देण्याचा पर्याय असून यासाठी तुम्हाला दरमहा ६९९ रुपये मोजावे लागतील. याद्वारे फेसबुक व इंस्टाग्राम दोन्हीकडे ब्ल्यु टिक मिळेल. भविष्यात वेबसाइटद्वारे पैसे देण्याचाही पर्याय मिळणार असून त्यामध्ये अॅप स्टोरची चार्जेस नसल्यामुळे ५९९ रुपये दरमहा असा प्लॅन असेल.

1. उजव्या कोपऱ्यात खाली तुमच्या प्रोफाइल पिक्चरवर क्लिक करा
2. आता उजव्या कोपऱ्यात वर तीन आडव्या रेषा असतील त्यावर टॅप करा
3. आता Meta Verified हा पर्याय निवडा
4. आता Subscribe
5. मग Pay Now
6. आता तुमच्या App Store/Play Store मध्ये पेमेंटसाठी पर्याय निवडून सेटप करा.
7. आता Get Meta Verified
8. Take a photo of your ID

Meta Verified चे घेण्याचे फायदे

• Verified Badge म्हणजेच ब्ल्यु टिक
• अधिक अकाऊंट सुरक्षा
• गरज पडेल तेव्हा सपोर्ट टीमसोबत बोलता येणार
• खास स्टीकर्स जे फक्त Meta Verified युजर्सना मिळतील!

मेटाने अकाऊंट verify करण्यासाठी खालीलप्रमाणे काही नियम सांगितले आहेत.

• तुमचं अकाऊंट यामार्फत verify करून घेण्यासाठी तुम्हाला सरकारी आयडी प्रूफ द्यावं लागेल. उदा. आधार, पॅनकार्ड, ड्रायविंग लायसन्स, इ.
• तुमचं अकाऊंटचं नाव आणि सरकारी आयडीवरील नाव आहे जुळायला हवं
• तुमचं वय १८ किंवा त्यापेक्षा अधिक असावं
• तुम्ही आधी केलेल्या पोस्ट्ससुद्धा यासाठी तपासल्या जाऊ शकतात.
• तुमच्या अकाऊंटवरून पूर्वी कोणतेही गैरप्रकार केलेला नसावा

The post Meta Verified भारतात उपलब्ध : तुम्हालाही मिळेल ब्ल्यु टिक! appeared first on MarathiTech - मराठीटेक.

इंस्टाग्राम म्हणजे असा प्लॅटफॉर्म होता ज्याची सुरुवात फक्त फोटो शेयर करण्याचं सोपं माध्यम म्हणून झाली होती त्याचं आता पूर्णपणे व्हिडिओ प्लॅटफॉर्ममध्ये रूपांतर झालं असून यामध्येच आता नवा पर्याय म्हणजे हा फोटो पोस्ट करताना सोबत गाणं/संगीत जोडता येईल.

पूर्वी तुम्हाला जर फोटोला गाणं जोडायचं असेल तर एडिटिंग मध्येच ते जोडून ते एक व्हिडिओ प्रमाणे अपलोड करावं लागायचं ज्यामुळे त्याची क्वालिटी चांगली दिसत नव्हती शिवाय लोक कमेंट्समध्ये फोटो व्हिडिओ म्हणून टाकल्यामुळं राग व्यक्त करायचे तो वेगळाच…

आता फीडमध्ये पोस्ट करताना फोटो खाली स्वतंत्र असेल आणि गाण्याचं शीर्षक त्या फ्रेममध्येच पण फोटोच्या वर दिसेल यामुळे फोटोची क्वालिटी आहे अशी चांगली असेल आणि गाणंसुद्धा त्याच्यासोबत वाजू लागेल.

1. उजव्या कोपऱ्यात + आयकॉनवर टॅप करा
2. आता खाली पोस्टचा पर्याय निवडा
3. पोस्ट करण्यासाठी फोटो गॅलरीमधून निवडा
4. आता जुन्या Write a Caption, Add Location अशा पर्यायांसोबत Add Music हा पर्याय आलेला दिसेल.
5. मग तुम्हाला काही गाण्यांची यादी दिसेल त्यापैकी एक किंवा आवडीनुसार वर सर्च करून कोणतंही गाणं निवडू शकता.
6. गाण्याची लांबी तुमच्या पासतीनुसार ठेऊ शकता. ५ सेकंद ते ९० सेकंद अशी मर्यादा आहे.
7. आता पोस्ट नेहमीप्रमाणे पोस्ट करा.

ही सोय १० नोव्हेंबर पासून उपलब्ध होण्यास सुरुवात झाली होती आता सर्वांना हा पर्याय दिसत असेल.

यापूर्वी Add Reminder नावाचा पर्यायसुद्धा खाली आला आहे. एखाद्या कार्यक्रमाची (Event) माहिती देण्यासाठी हा पर्याय असून पोस्टखाली कार्यक्रम नाव आणि वेळ पाहता येईल. दिलेल्या वेळेला नोटिफिकेशनसुद्धा दिसेल.

View this post on Instagram

A post shared by Instagram’s @Creators (@creators)

The post इंस्टाग्रामवर आता फोटो पोस्टलासुद्धा गाणी/संगीत जोडता येईल! appeared first on MarathiTech - मराठीटेक.

इंस्टाग्रामने टिकटॉकची आणखी एक सोय उचलत आता रील्ससाठी असलेली ६० सेकंदांची मर्यादा वाढवून आता ९० सेकंद केली आहे. यासोबत त्यांनी मेटाने इंस्टाग्राम रील्स व फेसबुक रील्सवर बऱ्याच नव्या क्रिएटिव टूल्सचा समावेश केला आहे! आता इंस्टाग्रामवरील रील्समध्येही स्टोरीप्रमाणे विविध स्टीकर्स वापरुन प्रेक्षकांसोबत अधिक चांगल्या प्रकारे संवाद साधू शकता!

इंस्टाग्राम रील्समध्ये उपलब्ध होणाऱ्या नव्या सोयी

• ९० सेकंदांच्या रील्स : आधीच्या ६० सेकंदाची मर्यादा वाढवून आता ९० सेकंद करण्यात आली आहे.
• रील्समध्येही स्टीकर्स वापरता येणार : आजवर स्टोरीमध्ये उपलब्ध असलेले विविध स्टीकर्स आता रील्समध्ये वापरुन पोल, क्विज, इ. गोष्टी करता येतील!
• इम्पोर्ट ऑडिओ : स्वतःची ऑडिओ फाइल गॅलरीमधून इम्पोर्ट करून ती रीलला जोडता येईल.
• Templates : एखादी आवडती रील पाहून त्यानुसार स्वतःच्या रील्स तयार करणं टेंप्लेट्समुळं सोपं होईल. तयार टेंप्लेट मध्ये आपला कंटेंट टाकून लगेच रील्स तयार करता येतील.

आता फेसबुकवरसुद्धा रील्स टाकता येतात. त्यासाठी त्यांनी बरेच नवे पर्यायसुद्धा आज उपलब्ध करून दिले आहेत.

फेसबुक रील्समध्ये उपलब्ध होणाऱ्या नव्या सोयी

• डेस्कटॉपवर रील्स तयार करा : iOS व अँड्रॉइडसह आता डेस्कटॉपवरील क्रिएटर स्टुडिओ मार्फत सुद्धा रील्स तयार करता येतील! शिवाय रील्स शेड्यूल म्हणजेच कधी पोस्ट करायची त्याची वेळसुद्धा सेट करून ठेवता येईल.
• Clip to Reels : जे क्रिएटर जास्त लांबीचे व्हिडिओ प्रकाशित करतात त्यांच्यासाठी या नव्या टूलद्वारे छोट्या रील्स तयार करणं सहजशक्य होणार आहे.
• नवे ऑडिओ टूल्स : साऊंड Sync सारख्या सोयी देण्यात येत असून यामुळे तुमच्या व्हिडिओ क्लिपमधील आवाजासोबत गाण्याची बीट आपोआप Sync केली जाईल. शिवाय वॉइसओव्हर देणंसुद्धा शक्य आहे!

The post इंस्टाग्रामवर आता ९० सेकंदांच्या रील्स बनवता येणार : सोबत अनेक नव्या सोयी! appeared first on MarathiTech - मराठीटेक.