सेमीकंडक्टर क्षेत्रात आमूलाग्र बदल घडवून आणण्यात महत्वाचा सहभाग असलेले इंटेल कंपनीचे सहसंस्थापक Gordon Moore यांचं २४ मार्चला हवाई येथे वयाच्या ९४ व्या वर्षी निधन झालं. आजच्या काळात वापरल्या जाणाऱ्या कॉम्प्युटर्सच्या विकसित होण्यामध्ये त्यांचं मोठं योगदान होतं. यासंबंधीत Moore’s Law चं आपण कधीतरी ऐकलं असेलच, त्याचं श्रेयसुद्धा गॉर्डन मूर यांनाच जातं!

१९६५ मध्ये त्यांनी असं भाकीत केलं की प्रोसेसरमधील ट्रांजिस्टर्सची संख्या दरवर्षी दुप्पट होत जाईल. त्यानंतर एक दशक उलटल्यावर (१९७५) त्यांनी त्यामध्ये बदल करून तीच गोष्ट दर दोन वर्षांनी असं होईल असं सांगितलं. यालाच नंतर Moore’s Law म्हटलं गेलं. त्यानंतर अगदी अलीकडच्या काही वर्षांपर्यंत त्यांचं ते भाकीत खरं ठरत गेलं. काही जणांनी तर सिलिकॉन व्हॅलीची ओळख Moore’s Law मुळे तयार झाली असंही म्हटलं आहे.

१९६८ मध्ये Moore व Robert Noyce यांनी मिळून Integrated Electronics नावाची कंपनी काढली. हीच कंपनी पुढे intel (इंटेल) नावाने जगप्रसिद्ध झाली. ते स्वतः नंतर चेयरमन व सीईओपदी बसले आणि आठ वर्षं हे पद त्यांनी भूषवलं. इंटेल आजतागायत प्रोसेसर निर्मितीमध्ये जगातली एक आघाडीची कंपनी आहे. त्यांच्या प्रोसेसर्सनी वेळोवेळी कॉम्प्युटर क्षेत्रात क्रांती म्हणता येईल इतका बदल घडवून आणला आहे.

त्यांनी आयुष्याच्या उत्तरार्धात The Gordon and Betty Moore foundation या तब्बल ६ बिलियन डॉलर्स ची ग्रँट असलेल्या सामाजिक, शैक्षणिक आणि विज्ञान संशोधन क्षेत्रात काम करणाऱ्या संस्थेची स्थापना करून या संस्थेच्या कार्यात वाहून घेतलं. गेल्या वर्षी इंटेलने त्यांच्या सन्मानार्थ ओरेगॉन येथील कार्यालयाला Gordon Moore Park असं नाव देऊन उद्घाटन केलं होतं.

त्यांच्या निधनाबद्दल आयटी व तंत्रज्ञान क्षेत्रातील टीम कुक, सुंदर पिचाई अशा नामांकित व्यक्तींनी शोक व्यक्त केला आहे.

The post इंटेलचे सहसंस्थापक गॉर्डन मूर यांचं निधन : Moore’s Law चे निर्माते appeared first on MarathiTech - मराठीटेक.

आताच्या काळात डेटा ट्रान्सफर करण्यासाठी वापरलं जाणारं माध्यम म्हणजे यूएसबी. यूएसबीची विविध रूपं वेगवेगळ्या उपकरणांद्वारे आपण वापरत असतो. उदाहरणार्थ सांगायच तर आपण वापरत असलेला पेनड्राइव्ह यूएसबी आधारितच असतो. स्मार्टफोन्स, कॅमेरा, प्रिंटर्स, डोंगल्स, किबोर्ड, माऊस, इ सर्व उपकरणे आता यूएसबीद्वारेच जोडलेली असतात. डेटा ट्रान्सफरसोबत पॉवर देण्यासाठीही आता यांचा वापर होतो. तर यापूर्वीच्या यूएसबी 2.0, 3.0 नंतर आता नवं USB4 सादर करण्यात आलं आहे ज्याचा वेग 40Gbps पर्यंत असेल!

USB संबंधित वेग व सुविधांची निश्चिती USB Implementers Forum (USB IF) यांच्यातर्फे केली जाते. यूएसबी इम्प्लीमेंटर्स फोरम यूएसबी ह्या स्टँडर्डच्या प्रचार आणि प्रसारासाठी काम करणारी संस्था आहे. USB, Wireless USB, USB On-The-Go अशा गोष्टींची देखरेख ते पाहतात. या संस्थेची स्थापना 1995 मध्ये झाली होती आणि एचपी, अॅपल, मायक्रोसॉफ्ट, एनईसी, इंटेल व Agere Systems हे या संस्थेचे सदस्य आहेत.

या USB IF ने जाहीर केल्यानुसार यापुढील यूएसबी स्टँडर्ड USB4 असेल. यामध्ये ट्रान्सफर स्पीड 40Gbps असा असेल. सध्या वापरात असलेलं USB 3.2 स्टँडर्ड 20Gbps पर्यंत वेगात ट्रान्सफर करू शकत आहे. मात्र USB4 केवळ Type C प्रकारच्याच पोर्ट्सवर काम करण्याची शक्यता आहे. या नव्या USB4 मुळे Thunderbolt 3 या आणखी एक अतिवेगवान स्टँडर्डसोबत चालू लागेल. Thunderbolt 3 या स्टँडर्डमध्ये 40Gbps चा वेग २०१५ पासून मिळत आहे!

आता USB4 मुळे वाढलेला वेग आणि 100W पॉवर डिलिव्हर करण्याची क्षमता याद्वारे एक्सटर्नल जीपीयू वापरता येतील आणि ते सुद्धा दोन 4K मॉनिटर्सना एकाच वेळी आउटपुट पुरवू शकतील!
Thunderbolt 3 ला सध्या इंटेलकडे लायसन्स फी द्यावी लागते. थंडरबोल्टचा मालकी हक्क सध्या इंटेलकडे आहे. इंटेलने २०१७ मध्ये जाहीर केलं होतं कि थंडरबोल्ट रॉयल्टी फ्री बनवण्यात येईल. ते पूर्ण करत Thunderbolt 3 ला यूएसबीमध्ये जोडण्यात येत आहे. यूएसबी स्टॅंडर्ड सर्वांसाठी खुलं आहे त्यामुळे कोणतीही कंपनी आता याचा वापर करून हाय डेटा स्पीड असलेली उपकरणे बाजारात आणू शकेल ज्याचा ग्राहकांना नक्कीच मोठा फायदा होईल.

USB4 मधील काही खास सोयी :
• Two-lane operation using existing USB Type-C cables and up to 40 Gbps operation over 40 Gbps- certified cables
• Multiple data and display protocols to efficiently share the total available bandwidth over the bus
• Backward compatibility with USB 3.2, USB 2.0 and Thunderbolt 3

The post USB4 जाहीर : 40Gbps ट्रान्सफर स्पीड मिळेल! appeared first on MarathiTech - मराठीटेक.

एसरचे हे Nitro 5 गेमिंग लॅपटॉप आता इंटेलच्या 8th gen Coffee Lake व एएमडीचे Ryzen 5 प्रोसेसर पर्यायांसोबत मिळतील!

ज्या मॉडेल्समध्ये एएमडीचे प्रोसेसर आहेत त्यांमध्ये Radeon RX560 ग्राफिक्स कार्ड असेल तर Core i5, i7, i5+ व i7+ प्रोसेसर असलेल्या मॉडेल्समध्ये एनव्हिडियाचे GTX 1050 किंवा 1050Ti हे ग्राफिक्स कार्ड व इंटेल ऑप्टेन मेमरी असेल. 

सर्व मॉडेल्समध्ये 15.6-inch full HD IPS डिस्प्ले असून  यामध्ये ‘NitroSense’ नावाची तंत्र आहे जे कम्प्युटरकार्य करताना सर्व गोष्टींची अचूक माहिती देत राहिल.  यामध्ये Dolby Audio Premium सोबत एसरची स्वतःची ‘TrueHarmony’ audio enhancing system असेल जी गेमर्सना गेम्स खेळताना उत्कृष्ट गुणवत्तेचा अनुभव देईल.

या नायट्रो ५  मालिकेतील लॅपटॉप्सची किंमत  एएमडी प्रोसेसरसाठी ₹६५,९९९ पासून सुरू होते तर इंटेलसाठी ₹७२,९९९ हे लॅपटॉप सर्व ऑनलाइन व ऑफलाइन दुकानात उपलब्ध असतील.   

Acer Nitro 5 Video on YouTube

The post एसरच्या नायट्रो ५ मालिकेतील नवे गेमिंग लॅपटॉप भारतात सादर! appeared first on MarathiTech - मराठीटेक.

Intel Winter Olympics Drone Show

इंटेल कंपनीतर्फे हिवाळी ऑलिम्पिकच्या उदघाटन सोहळ्यात अनेक ड्रोन्स एकाच वेळी प्रोग्रॅम करून त्यांना आकाशात विविध कसरती करायला लावून सुंदर दृश्य तयार करण्यात आलं! इंटेलने यावेळी स्वतःचाच विक्रम मोडीत काढत तब्बल १२१८ ड्रोन्स एकाच वेळी अवकाशात वापरले! इतक्या ड्रोन्सना एकाच वेळी एकमेकांशी धडकू न देता अशा कसरती करणं भन्नाटच…
इंटेलने यासाठी खास Shooting the stars नावाचा प्लॅटफॉर्म बनवला असून यापूर्वीसुद्धा यांनी सुपरबोल (Superbowl), वंडर वुमन चित्रपट, डिज्नीचा कार्यक्रम अशा ठिकाणी या कसरती केल्या आहेत. 

search terms intel drones winter Olympics 2018 world record 

The post इंटेलच्या ड्रोन्सची किमया : हिवाळी ऑलिंपिक्समध्ये उजळलं आकाश! appeared first on MarathiTech - मराठीटेक.

गेली कित्येक वर्षे इंटेल कम्प्युटर चिप्स बनवण्यात प्रथम स्थानी कायम होती. मात्र गेल्यावर्षीच्या कमाईबद्दल काल सॅमसंगने रिपोर्ट्स जाहीर केल्यानंतर सॅमसंगने आता चिप मार्केटमध्ये इंटेलला मागे टाकलं असल्याचं स्पष्ट झालं आहे! १९९२ पासून इंटेलची आघाडी आता सॅमसंगने संपुष्टात आणली आहे. विक्री संबंधित माहिती प्रसिद्ध केल्यानंतर ही गोष्ट काल स्पष्ट झाली आहे.

आता सॅमसंगने या क्षेत्रातसुद्धा आघाडी घेतली असून २०१७ या वर्षी 69.1 बिलियन डॉलर्स उत्पन्न मिळवलं आहे तर इंटेलचं त्याच बाबतीत 62.8 बिलियन डॉलर्स इतकं उत्पन्न मिळालं आहे. इंटेलच्या गेल्यावर्षी सुरु झालेल्या अडचणी संपण्याच नाव घेत नाहीयेत. आधी AMD च्या Ryzen प्रोसेसरना वाढता प्रतिसाद त्यानंतर काही महिन्यापूर्वी आलेली प्रोसेसरमध्ये सापडलेले स्पेक्टर आणि मेल्टडाउन दोष आणि आता हे त्यांचं मुख्य लक्ष्य असलेलं चिप मेकिंग मार्केट सुद्धा सॅमसंगने हिरावलं आहे! इंटेलची वाट येत्या काळात अधिक बिकट होणार आहे. सॅमसंगने चिप्स सोबत मेमरी DRAM, NAND मार्केटमध्ये सुद्धा मोठी आघाडी घेतली आहे. बऱ्याच फोन्समध्ये सॅमसंगची रॅम पाहायला मिळते. सोबत सॉलिड स्टेट ड्राइव्ह (SSD) मध्ये सुद्धा सॅमसंगलाच मोठा प्रतिसाद मिळत आहे! गेल्या वर्षभरात सॅमसंगच्या नफ्यात तब्ब्ल ६४% वाढ झाल्याचं नोंदवलं आहे!

संदर्भ : Samsung is now the world’s biggest chipmaker

The post सॅमसंग इंटेलला मागे टाकत बनली आहे चिप बनवणारी जगातली सर्वात मोठी कंपनी! appeared first on MarathiTech - मराठीटेक.