ॲपलने आता iPhone 11 या त्यांच्या फोनची निर्मिती भारतात सुरू केली आहे. वाणिज्य व उद्योग मंत्री पीयूष गोयल यांनी आज ट्विटद्वारे ही माहिती दिली! यापूर्वी iPhone XR ची जोडणी भारतात केली जायची आता आयफोन ११ चे पार्ट्स भारतात जोडले जाऊन फोन तयार केले जातील. यामुळे ॲपलला बाहेरून फोन आयात करण्यासाठी लागत असलेला २० टक्के टॅक्स द्यावा लागणार नाही. ॲपलच्या निर्मितीसाठी भागीदार असलेल्या Foxconn, Wistron आणि Pegatron या कंपन्यानी अलीकडे भारतातील गुंतवणूक वाढवली आहे.

यामुळे मेक इन इंडियाला मोठी चालना मिळेल असं मंत्री गोयल यांनी म्हटलं आहे. भारतात सध्या सुरू असलेल्या चीनी फोन्सच्या विरोधामुळे चीनी कंपन्या सुद्धा भारतात किमान फोन्सची जोडणी करण्यास सुरुवात करताना दिसत आहेत. आता यामध्ये चीनी नसलेल्या ॲपलने फोन निर्मिती सुरू केली आहे. आता ॲपलचे आयफोन्स भारतात काही प्रमाणात नक्कीच स्वस्त होतील आणि पर्यायाने त्यांचा भारतातला ग्राहकवर्ग वाढण्यास मदत होईल.

यानंतर Wistron च्या बेंगळुरू प्लांटमध्ये iPhone SE चंसुद्धा मॅन्युफॅक्चरिंग करण्याचं नियोजन असल्याचं सांगण्यात येत आहे. अर्थात ॲपलने अधिकृतरित्या किंमती कमी होतील असं सांगितलं नाही मात्र किंमती कमी करणं आता त्यांना सहजशक्य आहे.

माहितीसाठी : Manufactured in India आणि Assembled in India या दोन्ही वेगळ्या गोष्टी आहेत. Assembled in India म्हणजे बाहेरून पार्ट्स मागवून भारतात फक्त जोडून देऊन विक्री केलेल्या वस्तु तर Manufactured in India म्हणजे जय वस्तू भारतातच तयार पण करण्यात आल्या आहेत आणि जोडण्यातसुद्धा भारतातच आलेल्या आहेत.

The post आयफोन ११ ची निर्मिती आता भारतात सुरू : लवकरच होणार स्वस्त! appeared first on MarathiTech - मराठीटेक.

अॅपलने काल झालेल्या अॅपल इव्हेंटमध्ये बऱ्याच नव्या उत्पादनांची घोषणा के असून या सर्वांचं प्रमुख आकर्षण असणाऱ्या अॅपल आयफोनचे तीन नवे मॉडेल्स आज सादर करण्यात आले आहेत. iPhone 11, iPhone 11 Pro आणि iPhone 11 Pro Max हे तीन नवे आयफोन्स आज जगासमोर आणले गेले आहेत. या फोन्समध्ये आता नवा प्रोसेसर जोडण्यात येणार असून सध्याच्या सर्व मोबाइल प्रोसेसर्सना बऱ्याच अंतराने मागे टाकत A13 Bionic चीप आता आयफोन्सवर उपलब्ध असेल. यामध्ये जगातला आजवरचा सर्वोत्तम कामगिरी करणारा, सर्वात वेगवान CPU व GPU असेल! iOS 13.1 ३० सप्टेंबरपासून उपलब्ध होत असल्याचंही यावेळी सांगण्यात आलं आहे. यासोबत अॅपल आयपॅड 7th Gen 10.2″, अॅपल वॉच सिरिज ५, अॅपल टीव्ही +, अॅपल आर्केड यांच्याबद्दलही अधिक माहिती जाहीर करण्यात आली आहे.

आयफोन ११ प्रो व ११ प्रो मॅक्समध्ये प्रथमच तीन कॅमेरांचा वापर करण्यात आला आहे. 11 Pro Max मध्ये तिन्ही कॅमेरा 12MP असून Ultra Wide, Wide आणि Telephoto असे तिन्ही प्रकारचे कॅमेरे आता उपलब्ध असतील. Deep Fusion तंत्राद्वारे एकावेळी ९ फोटो काढून त्यामध्ये आपोआप वर्गीकरण करून सर्वाधिक पिक्सल्स मशीन लर्निंगचा वापर करून अंतिम फोटो साठवला जाईल त्यामध्ये झूम केल्यावरही उत्कृष्ट स्पष्टता दिसेल! सोबत आयफोनमध्ये आता नाइट मोड देण्यात आला आहे जो अतिशय कमी प्रकाशात सुद्धा उत्तम फोटो काढून देईल!
11 Pro मध्ये 5.8″ तर 11 Pro Max मध्ये 6.5″ Super Retina XDR डिस्प्ले देण्यात आला आहे. 2688×1242 रेजोल्यूशन आणि 458ppi पिक्सल डेन्सिटी असेल.

नव्या आयफोन्सची किंमत पुढील प्रमाणे iPhone 11: ₹64,990 | iPhone 11 Pro: ₹99,900 | iPhone 11 Pro Max: ₹1,09,900

iPhone 11 Pro Max

डिस्प्ले : 6.5‑inch (diagonal) all‑screen OLED Super Retina XDR display 2688×1242 resolution at 458 ppi
प्रोसेसर : Apple A13 Bionic
GPU : –
रॅम : –
स्टोरेज : 64GB/256GB/512GB
कॅमेरा : Triple 12MP Ultra Wide, Wide, and Telephoto cameras (Ultra Wide: ƒ/2.4, Wide: ƒ/1.8, Telephoto: ƒ/2.0 aperture)
4K video recording at 24 fps, 30 fps, or 60 fps, Slo‑mo video support for 1080p at 120 fps or 240 fps
फ्रंट कॅमेरा : 12MP ƒ/2.2 aperture Portrait mode with advanced bokeh and Depth Control
4K video recording at 24 fps, 30 fps, or 60 fps
बॅटरी : 18W adapter included Up to 50% charge in around 30 minutes
ऑपरेटिंग सिस्टिम : iOS 13
सेन्सर्स : Face ID, Barometer, Three‑axis gyro, Accelerometer, Proximity sensor, Ambient light sensor
इतर : In-screen fingerprint sensor, Bluetooth 5.0, USB Type-C, Rated IP68, FaceID TrueDepth camera for facial recognition
रंग : Gold, Space Gray, Silver, Midnight Green
किंमत : ₹1,09,900

The post अॅपल आयफोन ११ सादर : iPhone 11, 11 Pro, 11 Pro Max! appeared first on MarathiTech - मराठीटेक.