रिलायन्स जिओने त्यांची जिओ फायबर ब्रॉडब्रॅंड सेवा सादर केल्यापासून असलेले प्लॅन्स मर्यादित इंटरनेट डेटा पुरवत होते. इंटरनेट प्लॅन्सचा स्पीड जास्त असला तरी त्यांना डेटाची मर्यादा असल्यामुळे अनेकांना ते पसंतीस पडले नाहीत. परिणामी या सेवेला जिओच्या 4G सेवांना मिळालेला प्रतिसाद मिळाला नाही. आता मात्र जिओने या सेवेमध्ये अमर्याद डेटा देण्याचा निर्णय घेतला असून १ सप्टेंबर २०२० पासून हे नवे प्लॅन्स उपलब्ध होत आहेत. या अनलिमिटेड डेटा प्लॅन्सची किंमत ३९९ रुपयांपासून सुरू होणार आहे!

नव्या प्लॅन्समुळे जिओची आता एयरटेल ब्रॉडब्रॅंड आणि इतर स्थानिक ब्रॉडब्रॅंड कंपन्याना चांगलीच स्पर्धा निर्माण झालेली दिसेल. सध्या ब्रॉडब्रॅंड सेवा पुरवणाऱ्या कंपन्याची काळजी वाढवणारे हे प्लॅन्स असून येत्या काळात पुन्हा एकदा जिओ विरुद्ध सर्व कंपन्या असं चित्र पाहायला मिळू शकतं!
या नव्या प्लॅन्समध्ये जिओ अनलिमिटेड इंटरनेट डेटासोबत अनलिमिटेड मोफत व्हॉईस कॉल्स, OTT अॅप्सचं सबस्क्रिप्शन सुद्धा देणार आहे! १ सप्टेंबर २०२० पासून हे नवे प्लॅन अंमलात येतील. जुने प्लॅन्स बंद करून हे प्लॅन सुरू झालेले पहायला मिळतील असं TelecomTalk या वेबसाइटवरील माहितीनुसार सांगण्यात आलं आहे! या प्लॅन्स JioFiber Home Tariff Plans असं म्हटलं जाणार आहे.

नवे जिओ फायबर प्लॅन्स खालीलप्रमाणे असतील :

• ₹ 399 : Truly Unlimited Data at 30Mbps Speed + Unlimited Voice Calls

• ₹ 699 : Truly Unlimited Data at 100Mbps Speed + Unlimited Voice Calls

• ₹ 999 : Truly Unlimited Data at 150Mbps Speed + Unlimited Voice Calls + 11 OTT Apps with FREE Subscription

• ₹ 1499 : Truly Unlimited Data at 300Mbps Speed + Unlimited Voice Calls + 12 OTT Apps with FREE Subscription

या प्लॅन्सवर १८% GST लागू असेल याची नोंद घ्यावी. अधिक माहितीसाठी jio.com/fiber.html पाहू शकता.
वरील प्लॅन्सची किंमत ही एका महिन्यासाठी असून वार्षिक प्लॅन्सबद्दल माहिती अद्याप जाहीर केलेली नाही. त्याबद्दल माहिती मिळताच लेख अपडेट केला जाईल.

यासोबत जिओने मोफत ट्रायल देणार असल्याचंसुद्धा जाहीर केलं आहे. यामध्ये ३० दिवसांसाठी 150Mbps इंटरनेट डेटा, मोफत कॉलिंग, 4K Set Top Box सोबत 10 OTT अॅप्सचं सबस्क्रिप्शन मोफत मिळेल!

The post रिलायन्स जिओ फायबरचे आता Truly Unlimited डेटा प्लॅन्स! appeared first on MarathiTech - मराठीटेक.

करोना व्हायरस बाधित लोकांची संख्या दिवसेंदिवस वाढतच चालली आहे . अशा वेळी लोकांना माहिती देण्यासाठी जिओ मायक्रोसॉफ्टसोबत भागीदारी करत पुढे आली आहे! Jio Together या अॅप व वेबसाइटद्वारे यूजर्सना करोना व्हायरसवर विविध प्रकारचे पर्याय उपलब्ध करून देण्यात आले आहेत. #CoronaHaaregaIndiaJeetega (करोना हरेल भारत जिंकेल) असा हॅशटॅगसुद्धा सुरू करण्यात आला आहे.

Symptom Checker टूल द्वारे यूजर्सना काही प्रश्न विचारण्यात येतील ज्यावरून तुम्ही करोना व्हायरसने बाधित आहात का याची चाचणी केली पाहिजे का हे सुचवलं जाईल. सध्या अनेक लोक साध्या तापासाठीसुद्धा थेट करोना चाचणीची मागणी करत आहेत त्यामुळे वैद्यकीय सेवांवर विनाकारण ताण पडत आहे. अशावेळी आपण लक्षणं पाहून त्यानुसार निर्णय घेऊ शकता.
हे टूल अँड्रॉइड, iOS व जिओच्या वेबसाइटवरही उपलब्ध आहे. MyJio अॅप उघडून Jio Together नावाचा पर्याय निवडा. आता तुम्हाला काही प्रश्न विचारले जातील. त्यांची योग्य उत्तरे द्या. उदा. सर्दी, खोकला, थंडी, ताप काही असेल तर त्याची माहिती द्या. त्यानुसार एक रिपोर्ट तयार होऊन दिसेल. यामध्ये तुम्ही करोना व्हायरससाठी टेस्ट करायला हवी का नको ते सुचवलं जाईल.

आता आम्ही असं सांगत नाहीये की या रिपोर्टवर १००% विश्वास ठेऊन अजिबातच टेस्ट करू नका पण काही जणांच्या मनात गरज नसताना निर्माण झालेली भीती किंवा शंका यामुळे दूर होतील आणि पर्यायाने वैद्यकीय सेवांवरील ताण काही प्रमाणात कमी होईल

Jio Corona Symptoms Checker : https://covid.bhaarat.ai/आणि jio.com/jiotogether

या लक्षणं तपासण्याच्या टूल सोबत जिओने माहितीपर अनेक गोष्टी जोडल्या आहेत. जर लक्षणं दिसत असतील तर काय करायला हवं, मदत कुठे मिळू शकेल, इ. यामध्ये आणखी एक विभाग असा आहे जो भारतात एकूण किती रुग्ण आहेत यामुळे किती जणांचा मृत्यू झाला किती जण बरे झाले हे सुद्धा दाखवलं जाईल. टेस्टिंग सेंटर्सच्या फोन नंबर्सचीही माहिती यामध्ये आहे.

Jio Together साठी जिओने मायक्रोसॉफ्टसोबत भागीदारी केली असून बऱ्याच क्षेत्रातील कर्मचाऱ्यांना वर्क फ्रॉम होम करण्यास सांगण्यात आलं आहे. त्यासाठी त्यांची Microsoft Teams नावाची सेवा उपयोगी पडेल.

जिओच्या होम ब्रॉडब्रॅंडची सेवा 10Mbps इंटरनेट स्पीडसह कोणत्याही प्रकारचे अधिक पैसे न देता मिळेल! शिवाय सर्व प्लॅन्सवर दुप्पट डेटा पुरवला जाईल!

जिओ प्रिपेड प्लॅन्सवरही काही ऑफर्स आल्या असून अॅड ऑन पॅक म्हणजे तुम्ही मूळ पॅक वर जोडला जाणाऱ्या पॅकमध्ये आता दुप्पट डेटा मिळेल!

करोना व्हायरसबद्दल अधिकृत माहितीसाठी काही पर्याय

• arogya.maharashtra.gov.in
• MahaHealthIEC Twitter
• राज्यस्तरीय हेल्पलाइन : 02026127394
• राष्ट्रीय हेल्पलाइन : 01123978046
• टोल फ्री : 104
• व्हॉट्सअॅप क्रमांक +912026127394

The post जिओतर्फे करोना लक्षणं तपासणी टुल : माहितीपर वेबसाइट, सुविधा सादर! appeared first on MarathiTech - मराठीटेक.

रिलायन्स जिओने त्यांच्या फायबर ब्रॉडब्रॅंड (FTTH) सेवा आजपासून उपलब्ध होत असल्याचं जाहीर केलं असून सेवेबद्दल माहिती, प्लॅन्स जाहीर केली आहे. या सेवेची गेल्या वर्षभरापासून चाचणी सुरू असून आता जवळपास १६०० शहरांमध्ये ही ब्रॉडब्रॅंड इंटरनेट सेवा सोबत डीटीएच सेवा सुद्धा उपलब्ध होत आहे. याद्वारे जिओ 100Mbps ते 1Gbps पर्यंत वेग असलेलं इंटरनेट पुरवणार आहे.

जिओ फायबर सेवेची ठळक वैशिष्ट्ये

• अल्ट्रा हाय स्पीड ब्रॉडब्रॅंड (1Gbps पर्यंत इंटरनेट स्पीड!)
• मोफत व्हॉइस कॉलिंग, कॉन्फरन्स कॉल आणि इंटरनेट कॉलिंगसुद्धा
• टीव्हीद्वारे जिओ वेबकॅममार्फत व्हिडिओ कॉल आणि कॉन्फरन्सिंग (JioTVCamera)
• मनोरंजनासाठी विविध OTT सेवामार्फत चित्रपट, मालिका, गाणी उपलब्ध
• गेमिंगसाठी विविध पर्याय सेट टॉप बॉक्स सर्व कंट्रोलर्स करेल सपोर्ट! शिवाय जिओ फायबर गेमिंगसाठी झेरो लेटन्सी इंटरनेट पुरवेल
• होम नेटवर्किंग घरातील विविध खोल्यांमध्ये वायफाय मेश तयार करून इंटरनेट पुरवता येईल! फोटो, म्युझिक, व्हिडिओ शेयर करण्यासाठी सेवा उपलब्ध!
• सुरक्षा : यासाठी safety & surveillance solution उपलब्ध करून दिलं जाईल ज्यामध्ये डोर कॅमेरा, CCTV, बाळांकडे लक्ष ठेवण्यासाठी बेबी मॉनिटरचा समावेश (ही उत्पादने स्वतंत्र उपलब्ध)
• VR अनुभव : आभासी जगाची सफर घरबसल्या करण्यासाठी व्हर्च्युअल रियालिटी हेडसेटचा समावेश थिएटरमध्ये बसून चित्रपट पाहण्याचा अनुभव!
• जिओ होम गेटवे : हा थोडक्यात राऊटर असेल जो जिओ फायबरद्वारे वायफाय मार्फत सेवा पुरवेल.

जसे की तुम्ही वर दिलेल्या प्लॅन्समध्ये पाहू शकता जिओ फायबरचा बेस प्लॅन ६९९ पासून सुरू होत असून या प्लॅनमध्ये 100GB डेटा + 50GB मोफत डेटा (ही ऑफर सहा महिन्यांसाठीच असेल) देण्यात येईल. हा डेटा संपल्यावर स्पीड कमी करून 1Mbps करण्यात येईल. या वेगात पुढे अमर्याद इंटरनेट उपलब्ध असेल.

सर्वात मोठा प्लॅन दरमहा ८४९९ असून यामध्ये तब्बल 1Gbps स्पीड असलेलं इंटरनेट मिळणार आहे. ज्याला 5000GB पूर्ण वेग असेल तर हे संपल्यावर पुढे 1Mbps वेगात अमर्याद इंटरनेट वापरता येईल.

• प्लॅन किंमत/स्पीड/FUP अंतर्गत डेटा+मोफत डेटा
• ₹ 699/100Mbps/100GB+50GB
• ₹ 849/100Mbps/200GB+200GB
• ₹ 1,299/250Mbps/500GB+250GB
• ₹ 2,499/500Mbps/1250GB+250GB
• ₹ 3,999/1Gbps/2500GB
• ₹ 8,499/1Gbps/5000GB
• उजवीकडे असलेला अतिरिक्त मोफत डेटा सहा महिनेच मिळणार आहे.

जिओ फायबरच्या सर्वच प्लॅन्ससोबत फ्री व्हॉईस देण्यात आले आहेत. याद्वारे भारतात कोठेही मोफत कॉल्स करता येतील. यासाठी जिओचं JioCall हे अॅप वापरता येईल. यासोबत टीव्ही व्हिडिओ कॉलिंग, गेमिंग या सेवा असतील. व्हिडिओ कॉलिंग सेवेची किंमत वार्षिक १२०० रुपये, गेमिंग सेवेची किंमत वार्षिक १२०० (झेरो लेटन्सी नेटसाठी), डिव्हाईस सेक्युरिटी सेवा वार्षिक ९९९ रुपयात उपलब्ध असेल.

जिओ फायबर सेवेची किंमत

जिओ फायबर सेवा घेण्यासाठी तुम्हाला २५०० रुपये डिपॉजिट भरायचं आहे (हे एकदाच द्यावं लागेल) यामधील १५०० रुपये परत मिळू शकतील तर उर्वरित १००० रुपये इंस्टॉलेशन चार्ज असेल.
जिओच्या वेलकम ऑफर अंतर्गत जिओ होम गेटवे, 4K Jio Set Top Box मोफत मिळेल. सोबत एक टीव्ही (गोल्ड आणि पुढील प्लॅन्समध्ये म्हणजे दरमहा १२९९ आणि त्यापुढील प्लॅन्स) मिळेल (अधिक माहिती पुढे) सोबत OTT सेवांद्वारे चित्रपट, मालिका, गाणी मोफत पाहता येतील!

• गोल्ड प्लॅन एक वर्षासाठी घेतल्यास Muse 2 Bluetooth speaker मिळेल.
• गोल्ड प्लॅन जर दोन वर्षांसाठी घेतला तर २४ इंची एचडी टीव्ही मिळेल.
• सिल्व्हर प्लॅन वर्षासाठी घेतल्यास Thump 2 Bluetooth speakers मिळतील.
• डायमंड प्लॅन वर्षासाठी घेतल्यास २४ इंची एचडी टीव्ही मोफत देण्यात येईल.
• प्लॅटिनम प्लॅन्स वर्षासाठी घेतल्यास ३२ इंची एचडी टीव्ही मोफत देण्यात येईल.
• टायटॅनियम प्लॅन वर्षासाठी घेतल्यास ४३ इंची 4K टीव्ही मोफत मिळेल!

जिओ फायबर सेवेची नोंदणी कशी कराल?

1. www.jio.com वर जा किंवा MyJio अॅप घ्या
2. JioFiber सेवेसाठी नोंदणी करा. तुमचा पत्ता, नाव, मोबाइल क्रमांक विचारला जाईल.
3. जर तुमच्या भागात जिओ फायबर सेवा असेल तर त्यांचा प्रतिनिधी तुमच्याशी संपर्क साधेल
4. पुढील प्रक्रिया त्यांच्यामार्फत पार पाडली जाईल.
5. दरमहा/चौमाही/वार्षिक अशा कोणत्याही प्लॅन्सने रीचार्ज केल्यास ग्राहकांना सेट टॉप बॉक्स देण्यात येईल.

लेख अधिक माहिती मिळेल त्यानुसार अपडेट केला जात आहे याची नोंद घ्यावी.

Search Terms : Jio Fiber Broadband Plans, Price, Registration, Offers, Speed

The post रिलायन्स जिओ फायबर सेवा सादर : नोंदणी, प्लॅन्स, सुविधा अशी सर्व माहिती! appeared first on MarathiTech - मराठीटेक.

रिलायन्स जिओने ५ जुलै रोजी त्यांच्या वार्षिक कार्यक्रमात (Annual General Meeting ) मध्ये  जिओ  गिगाफायबर त्याचबरोबर जिओ गिगा टीव्ही आणि जिओ स्मार्ट होम उपकरणे सादर केली होती. जिओच्या ऑप्टिकल फायबर आधारित फिक्स्ड कनेक्शन (ब्रॉडबँड) साठी नोंदणी १५ ऑगस्ट पासून सुरु होणार आहे. जिओतर्फे घरगुती वापरकर्त्यांसोबतच लहान आणि मोठ्या बिझनेससाठी सुद्धा ही सेवा एकाचवेळी ११०० शहरांमध्ये उपलब्ध होईल.

जिओ गिगाफायबर सेवेमध्ये गिगाबीट पर सेकंड (Gbps) या वेगाने इंटरनेट सुविधा मिळेल. त्यासोबतच मनोरंजन सेवा सुद्धा उपलब्ध करण्यात येईल. जिओ गिगा टीव्ही सेट टॉप बॉक्स द्वारे ६००+ अधिक टीव्ही वाहिन्या, लाखो गाणी, हजारो चित्रपट पाहता येईल.

रजिस्ट्रेशन कसे कराल?
जिओ गिगाफायबर साठी रजिस्ट्रेशन १५ ऑगस्ट पासून MyJio अॅप सोबतच jio.com वर करता येईल. जिओ वापरकर्त्यांना वेबसाइट बरोबरच  MyJio अॅपवर नोटिफिकेशन दिले जाईल, यानंतर सोप्या प्रक्रियेद्वारे नोंदणी करता येईल.

लिंक : Jio GigaFiber Registration
Video Tutorial : How to register Jio GigaFiber Video

वेबसाईटवर जा, तुमची माहिती (पत्ता, फोन क्रमांक) द्या, आणि नोंदणी झाल्याचं दिसेल. याचा थेट अर्थ तुमचं ब्रॉडबँड सुरु केलं जाईल असा नाही. त्यासाठी आणखी काही दिवस/महिने जाऊ शकतात.
Preview Offer अंतर्गत तीन महिने 100Mbps वेगाने दरमहा 100GB इंटरनेट डाटा मिळेल! मात्र ग्राहकांना security deposit साठी ४५०० रुपये द्यावे लागतील आणि ही सेवा दिवाळीत सुरु होईल असं सांगण्यात येत आहे.  
 
रिलायन्सने AGM मध्ये सांगितल्याप्रमाणे ज्या भागातून सर्वात जास्त नोंदणी होतील त्या ठिकाणी जोडणीसाठी प्रथम प्राधान्य दिले जाईल. तुमच्या भागात लवकरात लवकर सेवा मिळावी यासाठी मित्रांना आणि शेजाऱ्यांना सुद्धा याबद्दल माहिती द्या असे जिओतर्फे सांगण्यात आले होते.

जिओ फोन २ 
नव्याने सादर करण्यात आलेला  जिओ फोन २ सुद्धा १५ ऑगस्ट पासून खरेदीसाठी उपलब्ध होईल. यासाठी  MyJio अॅप किंवा Jio.com वर जाऊन रजिस्ट्रेशन करावे लागेल त्याठिकाणी नाव वगैरे माहिती भरल्यानंतर पत्ता टाकून पुढे जाता येईल. जिओ फोन २ साठी ₹२,९९९ ऑनलाईन पद्धतीने भरावे लागतील. यानंतरच बुकिंग कन्फर्म होईल आणि काही दिवसात तुमच्या पत्त्यावर जिओ फोन वितरित केला जाईल.

जिओ फोनचा फ्लॅश सेल १६ ऑगस्टपासून सुरू होत आहे!  लिंक  

जिओ गिगाटीव्ही द्वारे व्हिडिओ कॉल्स सुद्धा करता येणार आहेत! तसेच व्हर्च्युअल रिअॅलिटी हेडसेट जोडून आभासी जगाची सफर सुद्धा घेता येईल! याचबरोबर जिओ ब्रॉडबँड द्वारे स्मार्ट होम सोल्यूशन सुद्धा देण्यात येणार आहे. यामध्ये Smart Speaker, Audio Dongle, Video Dongle, WiFi Extender, Smart Plug, TV Camera, Outdoor Camera यांसारख्या उपकरणांचा समावेश असेल.

या फायबर ब्रॉडबँडचे प्लॅन्स मात्र जाहीर करण्यात आले नसून मराठीटेक तर्फे वेळोवेळी याबद्दल माहिती उपलब्ध करून देण्यात येईल.

search terms reliance jio broadband GigaFiber GigaRouter gigatv jio phone 2 booking maharashtra 

The post जिओ गिगाफायबर ब्रॉडब्रॅंड, जिओफोन २, गिगाटीव्ही नोंदणी १५ ऑगस्टपासून appeared first on MarathiTech - मराठीटेक.

बर्‍याच दिवसांपासून चर्चा सुरू असलेली रिलायन्स जिओ फायबर ब्रॉडब्रॅंड Jio GigaFiber सेवा आज सादर झाली असून  रिलायन्सच्या वार्षिक (AGM) कार्यक्रमात प्रमुख मुकेश अंबानी यांनी याची घोषणा केली.

• रिलायन्स जिओने २१ कोटी पन्नास लाख ग्राहकांचा टप्पा ओलांडला!
• रिलायन्स जिओफोनचे सध्या २,५०,००,००० हून अधिक ग्राहक
• लवकरच फेसबुक, व्हॉट्सअॅप, युट्युब जिओफोनवर उपलब्ध   
•  जिओ गिगाफायबर सेवेमध्ये गिगाबीट पर सेकंड (Gbps) या वेगाने इंटरनेट!

जिओ गिगाफायबर सेवेमध्ये गिगाबीट पर सेकंड (Gbps) या वेगाने इंटरनेट वापरता येईल! यासाठी जिओ एक राऊटर देणार असून याला जिओ राऊटर म्हटलं जाईल. सोबत जिओ गिगाटीव्ही जो इंटरनेटद्वारे ६००+ अधिक टीव्ही वाहिन्या, लाखो गाणी, हजारो चित्रपट अशा मनोरंजन सेवा उपलब्ध करून देईल! हे सर्व UHD 4K रेजोल्यूशनमध्ये पाहता येईल! आपण रीमोटला बोलून आज्ञा (व्हॉइस कमांड) शकतो. आणखी एक वैशिष्ट्य म्हणजे जिओ गिगाटीव्ही द्वारे व्हिडिओ कॉल्स सुद्धा करता येणार आहेत! व्हर्च्युयल रियालिटी हेडसेट जोडून आभासी जगाची सफर सुद्धा घेता येईल!     
    
या ब्रॉडबँड सेवेसाठी १५ ऑगस्टपासून MyJio व jio.com वर नोंदणी सुरू होईल. या फायबर ब्रॉडबँडचे प्लॅन्स मात्र जाहीर करण्यात आले नाहीत. (Reliance Jio Fiber Broadband Plans : Yet to be announced)

JioPhone 2 Specs and Price :
डिस्प्ले : 2.4″ QVGA
रॅम : 512MB
बॅटरी : 2000mAh
स्टोरेज : 4GB + 128GB SD Card Support
कॅमेरा : 2MP फ्रंट कॅमेरा : VGA
किबोर्ड : Qwerty Keypad
इतर : VoLTE, VoWiFi, FM Radio, WiFi, GPS, NFC, Dual SIM, EMBMS 
किंमत : ₹२९९९ उपलब्धतता : १५ ऑगस्टपासून MyJio वर नोंदणी सुरू
जिओफोन मान्सून हंगामा ऑफर असून यामध्ये २१ जुलैपासून जुना फीचर फोन एक्सचेंज करून नवा जिओफोन ५०१ रुपयांमध्ये मिळेल! 

Jio Smart Home Accessories

या घोषणांसोबत जिओ स्मार्ट होम उपकरणे सुद्धा जाहीर करण्यात आहेत. यामध्ये Smart Speaker, Audio Dongle, Video Dongle, WiFi Extender, Smart Plug, TV Camera, Outdoor Camera अशी स्मार्ट उपकरणे उपलब्ध होतील ज्याद्वारे घरातील जवळपास सर्व गोष्टी स्मार्ट सुविधांद्वारे वापरता येतील. उदा एसी, टीव्ही, दरवाजे, सेन्सर फोनद्वारे नियंत्रित करता येतील!     

search terms Reliance Jio JioPhone 2 JioGigaFiber GigaRouter GigaTV SetTopBox WiFi 

The post रिलायन्स जिओ गिगाफायबर ब्रॉडब्रॅंड सेवा सादर : सोबत जिओफोन २, गिगाटीव्ही, स्मार्ट उपकरणे appeared first on MarathiTech - मराठीटेक.