ॲमेझॉन फायर टीव्ही या टीव्हीला जोडून त्यावर चित्रपट, मालिका पाहण्याच्या स्ट्रीमिंग स्टिक उपकरणाद्वारे आपण आता लाईव्ह टीव्ही चॅनल्ससुद्धा पाहू शकणार आहात. नव्या Live Tab द्वारे स्ट्रीमिंग ॲप्समधील सर्व लाईव्ह वाहिन्या एका जागी दिसतील. यामध्ये चॅनल गाईड्ससुद्धा असून यामुळे सध्या सुरू असलेले कार्यक्रम सहज पाहता येतील! ही सोय सध्या वापरत असलेल्या सर्वांना आजपासून उपलब्ध करून देण्यात येत आहे.

ॲमेझॉनने यासाठी SonyLIV, Voot, Discovery+ आणि NexG TV यांच्यासोबत भागीदारी केली आहे. यांच्या वाहिन्या आता दिसू लागतील लवकरच Zee5 सुद्धा येणार आहे पर्यायाने झीच्या वाहिन्यासुद्धा लवकरच लाईव्ह पाहता येतील. यामध्ये इंग्लिश व हिंदी सोडून इतर भाषात अद्याप वाहिन्या दिसत नाहीत. मात्र लवकरच येतील अशी शक्यता आहे.

अजूनही बऱ्याच जणांच्या फायर टीव्हीवर ही नवी सोय दिसत नाही. येत्या काही आठवड्यात सर्वांना ही सोय मिळेल असं ॲमेझॉनकडून सांगण्यात आलं आहे.

जर तुमच्याकडे फायर टीव्ही स्टिक नसेल तर १६ ऑक्टोबरपासून ग्रेट इंडियन फेस्टिवल सेलमध्ये यावर मोठी ऑफर असणार आहे त्यावेळी खरेदी करू शकता.

तुम्ही अलेक्सा असिस्टंटला Alexa Watch DD National अशी आज्ञा देऊन तो चॅनल लावू शकता!

Search Terms : How to watch live tv channels on amazon fire tv amazon launches live tv feature on fire tv

The post ॲमेझॉन फायर टीव्हीवर आता लाईव्ह टीव्ही चॅनल्स पाहता येणार! appeared first on MarathiTech - मराठीटेक.

भारतातली आघाडीची स्ट्रिमिंग कंपनी हॉटस्टारने सोमवारी अशी माहिती जाहीर केली आहे की क्रिकेट वर्ल्ड कप २०१९ च्या इंग्लंड विरुद्ध न्यूझीलंड यांच्या अंतिम सामन्यावेळी एकाक्षणी तब्बल २.३५ कोटी लोक एकाचवेळी त्यांच्या प्लॅटफॉर्मवर सामना स्ट्रिम करत पाहत होते! यापूर्वीसुद्धा हॉटस्टारचाच विक्रम होता जो आयपीएल २०१९ च्या अंतिम सामन्यावेळी झाला होता. त्यावेळीसुद्धा १.८६ कोटी लोकानी एकावेळी हॉटस्टार वापरलं होतं!

यासोबतच या संपूर्ण ICC Cricket World Cup 2019 दरम्यान अनेक सामन्यावेळीही जवळपास १.५ कोटी लोक हॉटस्टारद्वारे क्रिकेटचा आनंद घेत होते अशी माहिती देण्यात आली आहे!

The post हॉटस्टारचा जागतिक विक्रम : एकाचवेळी तब्बल २.५३ कोटी लोकांनी पाहिला सामना! appeared first on MarathiTech - मराठीटेक.

भक्तिमय वातावरणात घरोघरी गणरायाचे आगमन झाले असून सर्वत्र उत्साहाचे वातावरण आहे. या दिवसांत विविध मंडळांचे निरनिराळे देखावे, सजावट आकर्षित करतात. मानाचे तसेच प्रसिद्ध गणपती पाहण्यासाठी भाविकांची मोठ्या प्रमाणावर गर्दी होते. अनेकांना विविध कारणास्तव मानाच्या प्रसिद्ध गणपतींचे दर्शन घेता येत नाही यासाठीच अनेक मंडळांतर्फे लाईव्ह कव्हरेज उपलब्ध करून दिले आहे जेणेकरून घरबसल्या भाविकांना दर्शनाचा लाभ घेता येईल व आरती, पूजा पाहता येईल. त्याचबरोबर ३६० अंशात दर्शनाची व्यवस्था सुद्धा उपलब्ध आहे. खालील प्रसिद्ध गणपतींचे लाईव्ह दर्शन आपणास घेता येईल…

लालबागचा राजा:- मुंबईच्या लालबागच्या राजाचे दर्शन घेण्यासाठी अनेक पर्याय भाविकांसमोर उपलब्ध आहेत. मंडळाचे फेसबुक पेज तसेच युट्यूब चॅनेल त्याचबरोबर वेबसाईट अशा तिन्ही ठिकाणी लाईव्ह कव्हरेज आपणास पाहता येईल.

• लालबागचा राजा फेसबुक पेज – Lalbaugcha Raja on Facebook   
• युट्यूब – Lalbaugcha Raja on YouTube
• वेबसाईट – http://www.lalbaugcharaja.com/
• ३६० व्हर्च्युअल टूर – लालबागचा राजा व्हर्च्युअल दर्शन 

श्रीमंत दगडूशेठ गणपती : पुण्याच्या प्रसिद्ध श्रीमंत दगडूशेठ गणपतीचे दर्शन वेबसाईटवर उपलब्ध आहे. खालील वेबसाईटवर जाऊन आपण दगडूशेठ गणपतीचे दर्शन घेऊ शकता.

• वेबसाईट – Dagdusheth Ganpati Live

श्री सिद्धिविनायक गणपती:- मुंबईच्या श्री सिद्धिविनायक गणपतीचे दर्शन सुद्धा वेबसाईटवरून होईल. खालील लिंकवर जाऊन आपण दर्शन घेऊ शकता. 

• वेबसाईट –  Siddhivinayak Darshan Online

त्याचबरोबर मुंबईतील अनेक गणपतींचे ३६० अंशात व्हर्च्युअल दर्शन घेण्यासाठी आपण पुढील वेबसाईटला भेट देऊ शकता.  Click360.in या वेबसाईटवरून ३६० अंशात व्हर्च्युअल टूर करता येईल. 

The post गणरायाचे दर्शन ऑनलाइन! : ऑनलाइन दर्शनाचे विविध पर्याय! appeared first on MarathiTech - मराठीटेक.

आज रात्री चंद्रग्रहण पाहायला मिळणार असून इतका वेळ सुरू राहणारं चंद्रग्रहण यानंतर थेट २१२३ या वर्षीच घडणार असल्यामुळे येत्या १०० वर्षातील सर्वात मोठ चंद्रग्रहण आज पाहता येईल! संपूर्ण भारतभर हे उत्तमरीत्या दिसणार असलं तरी ढगांमुळे थोडाफार व्यत्यय येऊ शकतो. 

तरीही तुम्हाला जर प्रत्यक्ष चंद्र ग्रहण पाहणं शक्य नसेल तर खालील लिंक्सवर जाऊन विविध ठिकाणांहून लाईव्ह पाहता येईल! यूट्यूबवर विविध चॅनल्सवर लाईव्ह स्ट्रीमची सोय करण्यात आली असून आपल्याला विश्वासू वाटणार्‍या चॅनलकडे आज रात्री ११:५४ वाजता हे ग्रहण पाहता येईल!

चंद्रग्रहण अशा प्रकारे दिसेल

• चंद्रग्रहण एकूण १ तास ४३ मिनिटे एव्हढा वेळ दिसेल! ग्रहणाचा एकूण कालावधी ३ तास ५५ मिनिटे
• २७ जुलै २०१८ रोजी ११:४४ वाजता सुरुवात होईल 
• रात्री १:१५ ते २:४३ (२८ जुलै) खग्रास स्थितीमध्ये असेल आणि पहाटे ३:४९ ला ग्रहण समाप्त होईल!  
• ह्या ग्रहणादरम्यान चंद्र blood moon प्रकारचा असेल त्यामुळे तो चंद्र लाल रंगाचा दिसेल 
• चंद्रग्रहण उघड्या डोळ्यांनी पाहू शकता. कोणत्याही प्रकारच्या अतिरिक्त साधनाची गरज नाही.
  दुर्बिण असेल तर अधिक स्पष्टपणे पाहू शकाल.
• या वर्षी जानेवारीत सुद्धा चंद्रग्रहण पाहायला मिळालं होतं!     
• भविष्यात कधी ग्रहणे पाहायला मिळू शकतील याबद्दल माहितीसाठी वेबसाइट  

चंद्रग्रहण २०१८ लाईव्ह स्ट्रिम लिंक्स : NASA TV,  timeanddate    

search terms : Deep Red Blood Moon July 27 2018 longest total lunar Eclipse

The post आज रात्री येत्या १०० वर्षातलं सर्वात मोठं चंद्रग्रहण…! appeared first on MarathiTech - मराठीटेक.