आज आपण ॲपलच्या मॅकबुक, आयमॅकवर मराठीत टायपिंग कसं करायचं हे पाहणार आहोत. macOS Ventura या नव्या मॅकओएसमध्ये ही सोय देण्यात आली असून याद्वारे Transliteration पद्धतीने मराठी भाषेत टाइप करता येईल!

Transliteration मुळे टाइप करत असलेल्या शब्दांचं इंग्रजी स्पेलिंग लिहिलं की शब्द मराठीत टाइप होतो! उदा. तुम्ही या किबोर्डवर maharashtra असं स्पेलिंग टाइप केलं की महाराष्ट्र असं टाइप झालेलं दिसेल! यामुळे मराठीत टाइप करण्याचा वेग बऱ्याच पटीत वाढतो कारण आपल्याला कोणतं मराठी अक्षर कुठे आहे हे किबोर्डवर शोधत बसावं नाही.

सर्वात आधी तुमचा मॅकमध्ये नवी macOS Ventura इंस्टॉल केली आहे का ते पहा. त्यानंतर पुढील प्रमाणे कृती करा.

1. सेटिंग्स मध्ये जा
2. त्यानंतर Keyboard
3. आता Text Input मधील Edit वर क्लिक करा.
4. आता डाव्या कोपऱ्यात खाली + चिन्हावर क्लिक करा
5. आलेल्या यादीत marathi सर्च करा.
6. आता Marathi Transliteration A-अ हा पर्याय सिलेक्ट करा आणि Add वर क्लिक करा.
7. आता तुम्ही मराठी भाषेत टाइप करू शकता.

अधिक माहितीसाठी खालील व्हिडिओ पहा.

Search Terms : Apple MacBook Marathi Typing Marathi Fonts Keyboard macOS Ventura

The post नवा व्हिडिओ : ॲपल मॅकवर मराठीत टायपिंग! appeared first on MarathiTech - मराठीटेक.

अलीकडेच उपलब्ध झालेल्या iOS 16 अपडेटमध्ये ॲपलने स्वतः आयफोनवर transliteration साठी मराठी भाषेचा सपोर्ट उपलब्ध करून दिला आहे. यामुळे आता आयफोन्स व आयपॅडवरसुद्धा सहज सोप्या पद्धतीने मराठी भाषेत टाइप करता येईल.

Transliteration मुळे टाइप करत असलेल्या शब्दांचं इंग्रजी स्पेलिंग लिहिलं की शब्द मराठीत टाइप होतो! उदा. तुम्ही या किबोर्डवर maharashtra असं स्पेलिंग टाइप केलं की महाराष्ट्र असं टाइप झालेलं दिसेल! यामुळे मराठीत टाइप करण्याचा वेग बऱ्याच पटीत वाढतो कारण आपल्याला कोणतं मराठी अक्षर कुठे आहे हे किबोर्डकार शोधात बसावं नाही.

1. आयफोनच्या Settings मध्ये जा
2. आता General
3. त्यानंतर Keyboard
4. आता Keyboards
5. आलेल्या यादीत marathi सर्च करा
6. आता दोन पर्याय दिसतील त्यातील Transliteration हा पर्याय निवडा
7. आता हा किबोर्ड ॲड झाला आहे.
8. आता नोट्स किंवा इतर कोणत्याही app मध्ये जा
9. टॅप करताच आलेल्या किबोर्डच्या डाव्या कोपऱ्यात खाली असलेल्या आयकॉनला लाँग प्रेस करा
10. आलेल्या यादीत Marathi A→अ हा किबोर्ड निवडा
11. आता तुम्ही सोप्या पद्धतीने मराठी भाषेत टाइप करू शकता.

यापूर्वी उपलब्ध असलेला देवनागरी किबोर्डमध्ये थेट मराठी अक्षरेच किबोर्डवर दिसायची मात्र आता त्यासोबत हा नवा पर्याय उपलब्ध झाला आहे. तुमच्या आयफोन व आयपॅडमध्ये iOS 16 अपडेट डाउनलोड करून इंस्टॉल केलेलं असेल तरच हा नवा पर्याय तुम्हाला दिसेल. याला आधी Gboard चा पर्याय होता मात्र त्यालाही प्रत्येक शब्द टाइप केल्यावर सिलेक्ट करावा लागतो. आता अधिकृत ॲपलनेच हा सोपा पर्याय दिला आहे.

या नव्या मराठी किबोर्डबद्दल आम्ही आमच्या यूट्यूब चॅनलवरही एक व्हिडिओ प्रकाशित केला आहे.

हा व्हिडिओ तुमच्या आयफोन, आयपॅड वापरणाऱ्या मित्रमैत्रिणींसोबत नक्की शेयर करा.

The post आयफोनवर मराठी टायपिंग करणं आता सोपं झालंय! appeared first on MarathiTech - मराठीटेक.

मराठीटेकच्या या व्हिडिओमध्ये पाहुया तुमच्या विंडोज १० कम्प्युटरवर मराठी भाषेचा वापर करत टायपिंग कसं करायचं … हा Windows 10 वर मराठी भाषेत टाइप करण्यासाठीचा सर्वात सोपा मार्ग आहे. यासाठी कोणत्याही सॉफ्टवेअर/टूल डाउनलोड करत बसण्याची गरज नाही. अपडेटमधील फोनेटिक किबोर्डचा वापर आपण करणार आहोत जो आता विंडोज १० मध्येच समाविष्ट करण्यात आला आहे!

याचा वापर करून तुम्ही फेसबूक, जीमेल, मायक्रोसॉफ्ट ऑफिस (एक्सेल, पॉवरपॉईंट, वर्ड), फॉटोशॉप, इ. सॉफ्टवेअरमध्येदेखील मराठीत टाइप करू शकता आणि जर तुम्ही “Google” असं टाइप केलं तर “गूगल” असे दिसेल. म्हणजेच तुम्हाला टाइप करायचा असेल त्या शब्दाचं इंग्रजी स्पेलिंग लिहा आणि मराठी शब्द टाइप झालेला दिसेल ! आहे न कमाल ?

Search Terms : Marathi Typing in Windows 10 Using Phonetic Keyboard for Indic Languages Transliteration

The post Windows 10 वर सहजसोपं मराठी टायपिंग : कोणत्याही सॉफ्टवेअर/टूलशिवाय! appeared first on MarathiTech - मराठीटेक.

मायक्रोसॉफ्टने विंडोज १० च्या नव्या मे २०१९ अपडेटमध्ये दहा भारतीय भाषांसाठी स्मार्ट फोनेटिक कीबोर्ड उपलब्ध करून दिले आहेत! यामुळे विंडोज १० या डेस्कटॉप ऑपरेटिंग सिस्टिमवर मराठी भाषेत टाइप करणं आता आणखी सोपं होणार असून यासाठी बाहेरून कोणतंही टूल डाऊनलोड करावं लागणार नाही!

हे नवे स्मार्ट फोनेटिक कीबोर्ड यूजर्सच्या टायपिंगच्या सवयींचा अभ्यास करून भारतीय भाषांमध्ये आपोआप पुढे टाइप केला जाणारा शब्द सुचवेल आणि त्यामुळे टाइप करताना लागणारा वेळ वाचेल. हे कीबोर्ड ट्रान्सलिटरेशन (Transliteration) प्रकारचे असल्यामुळे आपण मराठी शब्दांचं इंग्रजी स्पेलिंग लिहिलं की त्याचं रूपांतरण होऊन तो शब्द मराठीत टाइप झालेला दिसतो! यामुळे विशिष्ट अक्षर/शब्दासाठी विशिष्ट बटणे लक्षात ठेवावी लागत नाहीत! उदा. solapur असं लिहिलं की सोलापूर असं टाइप झालेलं दिसेल. paryay असं लिहिलं की पर्याय असं टाइप झालेलं दिसेल!

विंडोज १० मे अपडेट मधील स्मार्ट फोनेटिक कीबोर्ड
मराठी भाषेत कसा वापरायचा?

1. प्रथम तुमच्या कम्प्युटरवर विंडोज १० च्या Windows 10 May 2019 या अपडेटद्वारे अपडेट किंवा इंस्टॉल करून घ्या ( यासाठी आमचा हा व्हिडिओ पाहू शकता)
2. Settings उघडा त्यानंतर Time & Language
3. डाव्या बाजूला Language पर्याय दिसेल तो निवडा
4. आता Add a preferred language वर क्लिक करा
5. Choose a languege to install खाली Marathi असं लिहून सर्च करा
6. मराठी निवडून Install Language Features आल्यावर Install वर क्लिक करा
7. आता आपणा Step 3 मध्ये पाहिलेल्या मेनूवर परत आलेलो आहोत
8. आता Marathi वर क्लिक करा आणि Options निवडा
9. आता Add a Keyboard वर क्लिक करा
10. इथे Marathi Phonetic हा पर्याय निवडा.
11. तुमचा कम्प्युटर आता मराठी भाषेत टायपिंगसाठी तयार आहे…!
12. इथून पुढे ज्या ज्या वेळी मराठी भाषेत टाइप करायचं आहेत तेव्हा कर्सर जिथे टाइप करायचं आहे तिथे ठेऊन उजव्या कोपर्‍यात खाली Marathi Phonetic निवडा.

हे कीबोर्ड लेआऊट यूनिकोड (Unicode) आधारित असल्यामुळे सर्व सॉफ्टवेअर, ब्राऊजर, अॅप्लिकेशन्समध्ये सहज टाइप करू शकतील आणि याद्वारे टाइप केलेला मजकूर कोणत्याही अतिरिक्त फॉन्ट इंस्टॉल न करता सर्वत्र व्यवस्थित पाहता येईल! भारतीय भाषांमधील अक्षरे, अंक, शब्द टाइप करा ते सुद्धा अचूक व २०% अधिक वेगाने!

हे कीबोर्ड मायक्रोसॉफ्टने मराठी, बांगला, तामिळ, तेलुगू, कन्नड, पंजाबी, हिंदी, गुजराती, ओडिया व मल्याळम भाषांमध्ये उपलब्ध करून दिले आहेत. यापूर्वी मायक्रोसॉफ्टचं Microsoft Indic Language Input Tool (ILIT) वापरावं लागत होतं मात्र ते बरेच दिवस अपडेट न झाल्यामुळे त्यामध्ये आता अडचणी येत होत्या. मायक्रोसॉफ्टने थेट विंडोज १० मध्येच ही सोय दिल्यामुळे सर्व गोष्टी सहजसोप्या झाल्या आहेत. यानंतर कुठल्याही प्रकारची Input Method Editors (IMEs) डाऊनलोड करत बसायची गरज नाही. विंडोज १० मे अपडेटमध्येच या सुविधा थेट समाविष्ट करण्यात आल्या आहेत. यामुळे मराठी किंवा इतर भारतीय भाषांचा कम्प्युटरवर वापर नक्की वाढेल यात शंकाच नाही…!

इतर पर्याय
– Microsoft ILIT Marathi : https://www.microsoft.com/en-in/bhashaindia/downloads.aspx

Search Terms : New, Improved and Easy way for Marathi typing on Windows 10 computer
Microsoft adds smart Phonetic Indic keyboards in 10 Indian languages for Windows 10

The post विंडोज १० वर आता मराठी टायपिंगसाठी स्मार्ट फोनेटिक कीबोर्ड! appeared first on MarathiTech - मराठीटेक.

अँड्रॉइड व iOS वर प्रसिद्ध असलेला गूगलचा Gboard अँड्रॉइडवर मराठी भाषेला कित्येक महिन्यांपासून सपोर्ट करतोय मात्र आयफोनवर हा कीबोर्ड मराठीत उपलब्ध नव्हता. आता नव्या अपडेटद्वारे आयफोन्स, आयपॅड्सवर सुद्धा मराठीत टाईप करणं सहजसोपं झालं आहे. या अपडेटमध्ये बंगाली, गुजराती, तमिळ, तेलुगू भाषांना सुद्धा सपोर्ट जोडण्यात आला आहे. सोबतच आता या अपडेटमध्ये अनेक सोयी स्मार्ट सुविधा जसे कि आपण पुढे कोणती इमोजी, GIFs किंवा स्टिकर पाठवणार आहे याबद्दल AI चा (कृत्रिम बुद्धिमत्ता) वापर करत अंदाज करून स्वतः समोर आणून देईल ज्यामुळे आपण लगेच ती इमोजी निवडून पाठवू शकू!
Gboard च्या Version 1.37.0 मध्ये हे सर्व बदल पाहायला मिळतील.

यामध्ये ट्रान्सलिटरेशनची सोय आहे त्यामुळे आपण हव्या असलेल्या शब्दाचं इंग्रजी स्पेलिंग लिहिलं की मराठीत टाईप झालेलं दिसेल… उदा. ‘solapur’ असं टाईप केलं की ‘सोलापूर’ असं टाईप होईल…
   
आयफोनवर मराठी टायपिंगसाठी :  

1. iPhone किंवा iPad वर Gboard इंस्टॉल करा.  
2. आता ज्या ठिकाणी टाईप करायचं आहे ते अॅप उघडा उदा. Gmail, Messaging   
3. कीबोर्डच्या तळाशी पृथ्वीचं आयकॉन (🌐) असेल त्यावर टॅप करून दाबून धरा.  
4. आता Settings आणि मग Languages
5. Add language वर टॅप करा.  
6. इथे मराठी निवडा आणि आता तुमचा आयफोन मराठीत टाईप करण्यासाठी तयार…!

कीबोर्ड लेआऊट बदलण्यासाठी : 

1. Settings उघडा 
2. General पर्याय निवडा
3. आता Keyboard मग Keyboards.
4. आणि आता तुम्हाला हवा असलेला लेआऊट निवडा

Gboard ची वैशिष्ट्ये :

१. कुठल्याही अॅपमध्ये टाईप करता करताच इंटरनेटवर हव्या त्या गोष्टीचा सर्च करता येतो
२. समजा व्हॉटसअॅप चॅटवर व्हिडीओ शेअर करायचा आहे, तर व्हॉटसअॅपमध्येच किबोर्डवर सर्च करून ती लिंक लगेच पोस्ट करता येते. आहे न कमाल !
३. इमोजी शोधता येतात. टाईप केलेल्या मजकुरावरून ईमोजी आपोआप सुचवल्या जातात!
४. GIF  ऍनिमेशन्स किबोर्डमध्येच सर्च करून जोडण्याची सोय!
५. टाईप करता करता भाषांतर करण्याची सोय!
६. रंगसंगती/थिम्स उपलब्ध, आयफोन व अँड्रॉइड दोन्हीसाठी उपलब्ध!
७. आता मराठीमध्येसुद्धा उपलब्ध (१२० हुन अधिक भाषा एकाच कीबोर्डमध्ये!)
८. ट्रान्सलिटेशन सपोर्ट म्हणजे “Google” असं स्पेलिंग टाईप केल्यास “गूगल” असे टाईप होईल!
९. हा कीबोर्ड जसजसे टाईप कराल तसतसं शिकत जातो आणि अधिक सहज शब्द सुचवतो जेणेकरून टायपिंग अधिक सोपं आणि लवकर होतं!
१०. iOS 12.1 मधील नव्या इमोजींना सपोर्ट!

Download Links :

Gboard For iOS

Gboard For Android

search terms marathi typing on iphone iOS iPad easy way Google Gboard Keyboard app for iOS in Marathi

The post आयफोनवरील Gboard आता मराठीत : सोबत अनेक नव्या सोयी! appeared first on MarathiTech - मराठीटेक.