इलेक्ट्रॉनिक्स आणि इन्फॉर्मेशन टेक्नॉलॉजी मंत्रालय (MeitY) तर्फे आयोजित Universal Acceptance Day च्या कार्यक्रमाचं आयोजन २७ व २८ मार्च २०२३ रोजी करण्यात आलं होतं. भारत आणि जगभरात बहुभाषिक इंटरनेटसाठी सुरू असलेल्या प्रयत्नांच्या माहितीची देवाणघेवाण आणि विविध चर्चासत्रं या कार्यक्रमात झाली.

National Internet Exchange of India (NIXI), Internet Corporation for Assigned Names and Numbers (ICANN), MeitY यांच्या संयुक्त विद्यमाने Universal Acceptance Steering Group (UASG) यांच्यातर्फे सर्व समावेशक आणि बहुभाषिक इंटरनेटसाठी दरवर्षी २८ मार्च या दिवशी हा ग्लोबल यूनिवर्सल ॲक्सेप्टन्स डे साजरा केला जाणार आहे.

मराठीटेक.भारत

मराठीटेकचं स्वतःचं मराठी डोमेन नेम उपलब्ध असून https://मराठीटेक.भारत या URL वर जाऊन तुम्ही मराठीटेकचा कंटेंट पाहू शकता!

मराठीटेकच्या मराठी डोमेनबद्दल सूरज बागल यांनी त्यांचा अनुभव थोडक्यात उपस्थितांसोबत शेयर केला.
यासाठी मराठीटेकला सोलापूरच्या ThinkTrans Foundation चं सहकार्य लाभलं. त्याबद्दल अक्षत जोशी यांना मनापासून धन्यवाद.

Universal Acceptance म्हणजे काय? : Universal Acceptance of Internet (म्हणजेच ‘UA’) ही एक तांत्रिक आवशक्यता आहे जी सर्व डोमेन नेम्स आणि ईमेल ॲड्रेसेस सर्व इंटरनेट आधारित ॲप्लिकेशन्स, उपकरणे आणि सिस्टम्सवर चालतील याची सुनिश्चित करते. पूर्वी केवळ लॅटिन इंग्रजी अक्षरांचा समावेश असलेल्या डोमेन्सची जागा आता सर्व भाषांमध्ये उपलब्ध असलेल्या डोमेन्सनी घेतली आहे.

यासाठी भारतात nixi भारतातील सर्व प्रमुख २२ भाषांमधील डोमेन नेम्स उपलब्ध करून दिले आहेत. उदा. मराठीसाठी .in च्या ऐवजी .भारत वापरता येईल! याचा उपयोग इंग्रजी भाषेची ओळख नसलेल्या प्रत्येक भारतीयांना त्यांच्या मातृभाषेत इंटरनेटवरील माहिती मिळवण्यासाठी होईल. याबद्दल अधिक माहितीसाठी https://nixi.in ला भेट द्या.

या कार्यक्रमास Tripti Sinha (ICANN Board Chair), Sally Costerton (CEO, ICANN), Dr Ajay Data (UASG Chair), Dr Subi Chaturvedi (Global SVP) या प्रमुख पाहुण्यांसह Abhishek Singh (President NeGD, MeitY), Edmon Chung (Board Director, ICANN), Jia-Rong Low (Vice President & MD, APAC, ICANN), Anil Kumar Jain (CEO, NIXI) इ. मान्यवर अधिकारीवर्गाचीही उपस्थिती होती.

The post Global UA Day : आयटी मंत्रालयातर्फे कार्यक्रम : मराठीटेकचाही सहभाग! appeared first on MarathiTech - मराठीटेक.

आज अनेक वर्षानंतर मराठीटेक या आपल्या तंत्रज्ञानविषयक माहिती देणाऱ्या वेबसाइटचा नवा लोगो, नवी ओळख आपल्या समोर आणत आहोत. बघता बघता आमच्या या वेबसाइटने दहा वर्षे पूर्ण केली असून आपल्या सारख्या वाचकांच्या प्रतिसादामुळे एव्हढया वर्षांचा मोठा प्रवास करणं शक्य झालं आहे.

बऱ्याच वर्षांपासून इंटरनेटवर माहिती पाहत असताना जवळपास सर्वच माहिती इंग्लिश मध्ये उपलब्ध असायची. यामधील ठराविक विषय तरी किमान आपल्या मायबोलीमध्ये वाचायला मिळायला हवे असं नेहमी वाटायचं. यासाठीच मराठीटेकची सुरुवात करताना २००८ मध्ये गूगलच्या ब्लॉगरवर marathitech ची नोंदणी केली होती. त्यानंतर यामधील काही तांत्रिक गोष्टी शिकत शिकत २०११ पासून नियमित लेख लिहिण्यास सुरुवात केली होती. आता नेमकी तारीख उपलब्ध नाही पण कालावधी नक्कीच दहा वर्षांपेक्षा अधिक पूर्ण झाला आहे आणि हे काही दिवसांपूर्वीच बोलता बोलता सहज लक्षात आलं. त्यामुळे या निमित्ताने गेली अनेक वर्षं न बदललेला आपल्या या वेबसाइटचा लोगो व डिझाईन बदलण्याचा निर्णय घेतला आणि आज तो प्रकाशित करत आहोत… नव्या लोगोसोबत आम्ही अधिकाधिक माहितीपूर्ण लेख, सोशल मीडिया पोस्ट्स, व्हिडिओ आणण्याचा प्रयत्न करणार आहोत… 

नवा लोगो मराठीटेकच्या सोशल मीडिया हॅंडल्सवर पाहू शकता. वेबसाइटचं नवं रूप १५ ऑगस्ट २०२१ पासून पाहायला मिळेल.

या निमित्ताने मराठीटेकला विशेष सहकार्य करणाऱ्या माझ्या मित्रांना धन्यवाद देऊ इच्छितो. मराठीटेकवरील बरेचसे लेख मी स्वतःच लिहीत असलो तरी मध्यंतरी
कौस्तुभ शिंदे आणि स्वप्निल भोईटे यांनीही काही महत्वाच्या विषयांवरील लेख लिहिले आहेत. यासाठी दोघांचेही मनापासून आभार. 

मराठीटेकच्या सोशल मीडिया पोस्ट्ससाठी, व्हिडिओ शूटसाठी, काही व्हिडिओना आवाज देण्यासाठीसुद्धा वेळोवेळी सहकार्य करणाऱ्या सुमेध पाटील यांना मनापासून धन्यवाद.
मराठीटेकच्या यूट्यूब चॅनलवरील प्रॉडक्ट व्हिडिओ शूट करण्यासाठी आम्हाला नेहमी ज्यांचं सहकार्य लाभतं त्या अभिषेक देशपांडे यांना या निमित्ताने धन्यवाद.

मराठीटेकचा नवा लोगो सोलापूर येथील आर्टिस्ट पियुष पोरे यांनी डिझाईन केला असून मराठीटेकची नवी ओळख तयार करण्यासाठी ग्राफिक्ससंदर्भात सहकार्याबद्दल त्यांचेही मनापासून आभार.

या निमित्ताने आमच्या आजवरच्या प्रवासाबद्दल दोन (किंवा अधिक) शब्द …

शाळेत असतानाच नवनव्या तंत्रज्ञानाबद्दल जाणून घेण्याची आवड होती. मग ही माहिती मराठीत भाषेतून इंटरनेटवर उपलब्ध करून द्यावी ब्लॉगरवर सुरू केलेली वेबसाइट २०१९ पासून आम्ही वर्डप्रेसवर प्रकाशित केली आहे. यानंतर मराठीटेकवरील वाचकवर्ग अनेक पटींनी वाढला. फेसबुक, ट्विटर, यूट्यूब अशा सोशल मीडिया आणि वेबसाइटवरील लेख यांची सांगड घालण्याचा छोटा प्रयत्न आम्ही केला आहे. आज सांगायला आनंद होत आहे की मराठीटेक ही मराठीमध्ये सर्वाधिक काळ सुरू असलेली (Active) Tech/तंत्रज्ञान विषयक वेबसाइट आहे.  

आजवर मराठीटेकच्या मार्फत लाखो वाचकांनी नवनव्या तंत्रज्ञानाबद्दल माहिती मिळवली आहे. मराठी टायपिंगसारख्या विषयांवरील लेख तर अनेकांना उपयोगी ठरले आहेत.

मराठीटेकच्या फेसबुक पेजला १६०००+ लाईक्स, यूट्यूब चॅनलला ९६००+ सबस्क्रायबर्स, ट्विटरवर ९०००+ फॉलोअर्सच्या रूपात वाचकांचा प्रतिसाद मिळाला आहे. यूट्यूबवर आमच्या व्हिडिओना १४,००,०००+ व्ह्यूज आहेत. मराठी टायपिंगचे आमचे व्हिडिओ पाहून लाखो लोक त्यांच्या कम्प्युटर व फोन्सवर मराठी भाषेत लिहीत आहेत.
अर्थात दहा वर्षाचा प्रवास सांगत असताना ही संख्या काही प्रमाणात कमी वाटते हे मान्य. पण याला अनेक कारणे आहेत त्यापैकी एक म्हणजे आम्ही कधीही वाचकांना त्रास होईल/फसवणूक होईल अशी शीर्षके (क्लिकबेट) असलेले लेख प्रकाशित केले नाहीत. अजूनही आम्ही फक्त मोबाइल फोन्स, व्हॉटसअप आणि प्लॅन्स या गोष्टींवरच लेख लिहिणं टाळून इतर विषयांचीही माहिती जास्तीत जास्त देण्याचा प्रयत्न करतो. मराठीटेकवर बरेच लेख असे वाचायला मिळतील ज्या विषयांवर यापूर्वी मराठीत कसलीच माहिती उपलब्ध नव्हती.

आम्ही मराठीटेक सुरू असताना वाचकांना केवळ वाचकांना उपयुक्त माहिती मिळावी हाच एक उद्देश समोर ठेऊन कोणत्याही उत्पन्नाशिवाय हा उपक्रम बरीच वर्षे सुरू ठेवला होता. मराठीत गूगल ॲडसेन्सचा सपोर्ट येइपर्यंत आम्ही कधीही जाहिराती सुद्धा दाखवल्या नाहीत कारण इतर अॅड नेटवर्क्सच्या जाहिराती वाचकांना सुसंगत वाटणार नाहीत अशा स्पॅमने भरलेल्या असायच्या. आमच्या सोशल मीडियाच्या माध्यमातून अनेकांच्या शंकांचं निरसनसुद्धा करत असतो.

मराठीमध्ये अजूनही एकाच ठराविक विषयाला वाहून घेतलेल्या साइट्सची संख्या बरीच कमी आहे. ही संख्या वाढवण्याच्या दृष्टीने आणखी वेगवेगळ्या विषयांवर कशाप्रकारे माहिती मांडता येईल याबद्दलही आम्ही लवकरच लेख/व्हिडिओ प्रकाशित करणार आहोत…  

मराठीटेक मार्फत आम्ही गूगल ट्रान्सलेटमध्ये ५००० हून अधिक शब्द भाषांतरित करून देशात प्रथम पाचमध्ये स्थान मिळवलं होतं. झी मराठी दिशा मध्ये आमच्या उपक्रमाची दखल घेण्यात आली होती.  ABP माझाच्या डिजिटल महाराष्ट्र कार्यक्रमात मराठीटेकबद्दल माहिती देण्याची संधी मिळाली होती. मराठीटेकचा कंटेंट आता वेबसाइट, सोशल मीडिया, अँड्रॉइड ॲप, यूट्यूब चॅनल, डेलीहंट, गूगल न्यूज अशा माध्यमांवर उपलब्ध आहे.

आजपर्यंत मिळालेलं आपणा सर्वांचं सहकार्य यापुढेही असेल मिळत राहो ही अपेक्षा…

सूरज बागल (संस्थापक – मराठीटेक)

The post मराठीटेकची दशकपूर्ती : नवा लोगो, नवं रूप आणि नवी ओळख! appeared first on MarathiTech - मराठीटेक.

सुटे भाग घेऊन घरीच स्वतः कम्प्युटर पीसी कसा तयार करायचा याबद्दल मराठीतला हा आमचा दुसरा व्हिडिओ.

हा पीसी AMD प्रोसेसर आधारित असणार आहे. हा पीसी ग्राफिक्स डिझाईनसाठी वापरला जाणार आहे. त्यानुसार पार्ट्सची निवड केली आहे.

या PC Build साठी वापरलेले भाग खालीलप्रमाणे : –
Processor : AMD Ryzen 5 3600X : https://amzn.to/3tsWQHk​
Motherboard : MSI B550M PRO VDH WiFi (AMD AM4) : https://amzn.to/30TubPn​
Graphics Card (GPU) : Gigabyte 1660 Super 6GB https://amzn.to/3qXzrfg​
RAM : Adata XPG Spectrix D60G 8GBx2 3200MHz RGB https://amzn.to/30O4r6L​
Cabinet : DeepCool Macube 110 : https://amzn.to/3vA7vlm​
Monitor : Benq PD2700Q : https://amzn.to/3qRQmzT​
PSU : CoolerMaster MWE550 : https://amzn.to/2NqXbef​
Keyboard and Mouse : Logitech
OS : Windows 10 Pro
SSD : WD 250GB HDD: Seagate Barracuda 1TB

The post नवा व्हिडिओ : पीसी कसा तयार करायचा? appeared first on MarathiTech - मराठीटेक.

मराठीटेक या मराठी भाषेत तंत्रज्ञान विश्वातील माहिती देणार्‍या आमच्या उपक्रमासाठी २०१८ वर्ष उत्तम ठरलं. आजवर सर्वाधिक प्रतिसाद २०१८ या वर्षी मिळाला असून फेसबुक, ट्विटर, यूट्यूब अशा सर्वच माध्यमांवर मराठीटेकला यावेळी वाचकांचं मोठं सहकार्य लाभलं. गेल्याच महिन्यात एबीपी माझाच्या डिजिटल महाराष्ट्र कार्यक्रमातसुद्धा मराठीटेकला सहभागी होता आलं!

येत्या वर्षासाठी आम्ही आमची वेबसाइट आता नव्या प्लॅटफॉर्मवर आणली असून मराठीटेक आता ब्लॉगर ऐवजी वर्डप्रेसचा वापर करून टेक्नॉलॉजीमधील नवनव्या घडामोडी आपल्या समोर आणेल. आमची वेबसाइट नव्या रूपात उपलब्ध असून आता लेख वाचणं, संबंधित माहिती मिळवणं व शेअर करणं सोपं करण्यात आलं असून आम्हाला आशा आहे हे नवं रूप तुम्हाला लेख वाचण्यासाठी चांगला अनुभव देईल. याबद्दल प्रतिक्रिया/सूचना स्वागतार्ह असतील. कमेंट/ सोशल मीडियाद्वारे आम्हाला नक्की कळवा…

लवकरच आम्ही मराठीटेकवर तंत्रज्ञान विषयासंबंधी लेखकांना आमंत्रित करणार असून त्यामाध्यमातून आपल्याला आणखी विषय आणि त्यांची माहिती उपलब्ध करून देता येईल. यादृष्टीने कोणी लेखक इच्छुक असल्यास आमच्याशी संपर्क साधू शकता…

खालील लेख २०१८ मध्ये मराठीटेकवर सर्वाधिक वाचले गेले

• गूगल प्लेवरील सर्वोत्तम अॅप्स, गेम्स जाहीर!
• प्लॅस्टिक मनी म्हणजे काय
• व्हॉट्सअॅपवर आता पाठवा स्टिकर्स!
• व्हॉट्सअॅप ग्रुपवरील मेसेजला आता प्रायव्हेट रिप्लायची सोय!
• पब्जीचा प्ले स्टोअरवर १० कोटी इन्स्टॉल्सचा टप्पा पार
• फ्लिपकार्ट बिग बिलियन डेज दरम्यान विक्रीचे नवे उच्चांक!
• व्हॉट्सअॅपच्या संदेश पाठवल्यावर डिलिट करण्याच्या सुविधेत नवा बदल!
• विंडोज १० ऑक्टोबर अपडेट सादर
• अॅपलचे नवे आयफोन्स सादर : Apple iPhone Xs, Xs Max, Xr
• गूगल फॉर इंडिया २०१८ : गूगलच्या भारतीयांसाठी खास सोयी!

मराठीटेकने या वर्षी सोशल मीडियावरसुद्धा अधिकाधिक लोकांपर्यंत पोहोचण्यात यश मिळवलं. फेसबुक पेज, ट्विटर हॅंडल, यूट्यूब चॅनलमार्फत मराठीटेक मराठी भाषेत तंत्रज्ञानाबद्दल ज्यांना माहिती मिळवायची आहे अशा प्रत्येकापर्यंत पोहोचण्याच्या प्रयत्नात आहे. लवकरच आम्ही
लेख आणि व्हिडिओ नव्या स्वरुपात आणत आहोत. या माध्यमांवर मराठीटेकला फॉलो करा आणि तुमच्या मित्रांसोबत शेअर करायला विसरू नका…

The post मराठीटेक २०१८ आणि पुढील वाटचाल appeared first on MarathiTech - मराठीटेक.

एबीपी माझा आयोजित ‘माझा महाराष्ट्र, डिजिटल महाराष्ट्र’ या कार्यक्रमात महाराष्ट्रात विविध क्षेत्रातील योगदानाद्वारे महाराष्ट्रातील व मराठी भाषेसंबंधित कार्य करणाऱ्या मंडळींची चर्चासत्र आयोजित करण्यात आली होती. या कार्यक्रमाद्वारे मराठीटेकच्या सूरज बागल यांनीही मराठीटेकचा प्रवास थोडक्यात मांडला. याच कार्यक्रमात ‘ब्लॉग माझा 2018’ स्पर्धेचा निकाल जाहीर करण्यात आला आणि विजेत्यांना मा. मंत्री गिरीश महाजन यांच्या हस्ते गौरवण्यात आलं. 

कार्यक्रमाच्या चर्चासत्रांमध्ये सहभागी व्यक्ती आणि चर्चा समन्वयक खालीलप्रमाणे

डिजिटल एन्टरटेन्मेंट : 

• नितीन पवार (गावाकडच्या गोष्टी वेब सीरिजचे दिग्दर्शक)
• अमेय वाघ (अभिनेता) व निपुण धर्माधिकारी (अभिनेता, दिग्दर्शक) 

चर्चा समन्वयक : सौमित्र पोटे

डिजिटल एज्युकेशन : 

• अनिल सोनूने (शिक्षक, जिल्हा परिषद शाळा, औरंगाबाद)
• दीपाली सावंत (जिल्हा परिषद शाळेचे शिक्षक, वर्धा)
• रणजीत दिसले (जिल्हा परिषद प्राथमिक शाळेचे शिक्षक, कदमवस्ती,  ता माढा, जिल्हा सोलापूर) 
• भाऊसाहेब चास्कर (हंगामी शिक्षक, जिल्हा परिषद शाळा, अकोले, अहमदनगर) 

चर्चा समन्वयक : हर्षल विभांडिक (इन्वेस्टमेंट बँकर, इंटरनॅशनल कॅपिटल पार्टनर्स)


डिजिटल फ्यूचर : 

• मानस गजरे (संस्थापक आणि मुख्य कार्यकारी अधिकारी, झबुझा लॅब्ज, मोबाईल अॅप मेकिंग अँड मेकिंग कंपनी) 
• दीपक घैसास (अर्थतज्ज्ञ आणि उद्योजक) 

चर्चा समन्वयक : शेखर पाटील

चॅलेंजेस ऑफ फेक न्यूज

• ब्रिजेश सिंह (महासंचालक, माहिती आणि प्रसार)
• निवेदिता निरंजन कुमार (फॅक्ट चेक, बुम लाईव्ह)
• प्रशांत माळी (वकील) 
• आनंद मांगले (संशोधक आणि सामाजिक कार्यकर्ते) 

चर्चा समन्वयक : मेघराज पाटील 

या कार्यक्रमादरम्यान सोशल मीडियावरील फेसबुक, ट्विटर आणि युट्युब अशा माध्यमांवर मायमराठी जपणाऱ्या मंडळींनासुद्धा त्यांच्या उपक्रमांविषयी माहिती देत चर्चा करण्याची संधी एबीपी माझाने दिली!

या सत्राचा व्हिडीओ : मराठी सोशल मीडिया : डिजिटल महाराष्ट्र

या सत्रात खालील व्यक्तींचा समावेश होता : 

सौरभ पाटील (बोल भिडू), गोपाळ मदने (ट्विटर कट्टा, मराठी ब्रेन), विनीत वैद्य (मराठी किडा), जीवन कदम (जीवन कदम व्लॉग), मृणाल पाटोळे (ज्ञानभाषा मराठी), कल्याणी मित्रगोत्री (सेलेब्रिटी मॅनेजर), सूरज बागल (मराठीटेक), चंदन तहसीलदार (मराठी बोला चळवळ), राहुल वेळापुरे (मराठी रिट्विट), हेमंत आठल्ये (हॅशटॅग मराठी), पवन चौधरी (डिजिटल फ्लेम), शैलेश फडतरे (ब्रोनॅटो), सुशील सोनार (माझं नाटक), निखिल शिंदे (संवादसेतू) 

डिजिटल महाराष्ट्र मध्ये बोलताना सूरज बागल (मराठीटेक)

अशा प्रकारचा कार्यक्रम आयोजित करून सोशल मीडियामधल्या मंडळींना चर्चेसाठी व्यासपीठ उपलब्ध करून दिल्याबद्दल मराठीटेकतर्फे मी सूरज बागल एबीपी माझा आणि मेघराज पाटील यांचे मनापासून आभार मानतो. तसेच कार्यक्रमासाठी विनीत वैद्य यांचं सहकार्य मोलाचं होतं.   

ब्लॉग माझा स्पर्धेचे विजेते आणि त्यांच्या ब्लॉग्सची लिंक : 

परीक्षक : मुकेश माचकर (ज्येष्ठ पत्रकार), राम जगताप (संपादक – अक्षरनामा)

विजेते : 

1. पंकज समेळ : ‘महाराष्ट्र देशा‘ 
2. राजेंद्र झगडे : ‘अनुभव….क्षण वेचलेले‘ 
3. मुग्धा शेवाळकर आणि सचिन मणेरीकर : ब्लॉग ‘शब्द तुझे मी माझे‘ 

उत्तेजनार्थ :

• नितीन साळुंखे : ‘नितीन साळुंखे ब्लॉग‘
• पूजा ढेरिंगे : ‘सूफी‘ 
• अनुराधा कुलकर्णी : ‘मी अनु‘ 
• दुष्यंत पाटील : ‘मुशाफिरी कलाविश्वातली‘ 
• अमोल कुलकर्णी : ‘विज्ञानयात्री‘ 

माहिती सौजन्य : एबीपी माझा  Majha Maharashtra Digital Maharashtra by ABP Majha

The post एबीपी माझा डिजिटल महाराष्ट्र कार्यक्रम : मराठीटेकचाही सहभाग! appeared first on MarathiTech - मराठीटेक.