सध्या अनेक मेसेजिंग ॲप्स ॲप स्टोअरवर उपलब्ध होताना दिसून येत आहेत. व्हॉट्सॲप, टेलिग्राम, फेसबुक मेसेंजर, WeChat, SnapChat, Viber Kik, इ अनेक ॲप्स गेली काही वर्षे यूजर्ससमोर उपलब्ध आहेत. यामधील एकमेव भारतीय पर्याय जो थोडफार यश मिळवू शकला तो म्हणजे Hike Messenger (हाइक). मात्र वाढलेल्या स्पर्धेमुळे अलीकडे मिळणारा प्रतिसाद कमी झाल्यामुळे याचे संस्थापक केविन मित्तल यांनी हे ॲप आता बंद केलं जाणार असल्याचं जाहीर केलं आहे. अधिकृतरित्या कारण सांगण्यात आलेलं नसलं तरी हे होणार हे साहजिकच होतं.

काही वर्षांपूर्वी हाइकला भारतीय यूजर्समध्ये मोठी लोकप्रियता मिळत होती. पण नंतर वाढलेली स्पर्धा आणि त्या तुलनेत नव्या सोयी जोडण्यात कमी पडल्यामुळे आता Hike चा वापर बराच कमी झाला आणि सरतेशेवटी त्यांनी हे ॲप आता बंदच करण्याचं ठरवलं आहे. विशेष म्हणजे सुरुवातीला हाइक डाउनलोड केल्यावर ऑनलाइन वॉलेटमध्ये रीचार्जसाठी काही पैसे जमा केले जायचे!

यामध्ये त्यांची बऱ्याच बाबतीत चूक आहे म्हणता येईल मेसेजिंग मध्ये स्टीकर्स आणि नज सारख्या सुविधा उपयोगी पडण्यापेक्षा जास्त त्रासदायक ठरू लागल्या. काही वर्षांपूर्वी मी स्वतः या ॲपचा वापर केला होता पण त्या नज आणि प्रचंड संख्येने येणाऱ्या स्टीकर्सच्या डोकेदुखीमुळे अनइंस्टॉल केलं होतं. हाइकवर सुरुवातीला भारतीय भाषांमध्ये स्टीकर्सचा समावेश केला होता त्यावेळी फक्त मराठी सोडून इतर भाषांमध्ये स्टीकर्स उपलब्ध झाली होती. त्यावेळी आम्ही काही इतर जागरूक यूजर्ससोबत त्यांच्या निदर्शनास आणून दिली होती.

Hike ऐवजी त्यांनी आता आणखी काही ॲप्स आणण्याचा निर्णय घेतला असून Vibe by Hike आणि Rush by Hike हे दोन ॲप्स आता उपलब्ध होत आहेत. Vibe मध्ये invite द्वारे जोडलं जाता येईल. Rush मध्ये ऑनलाइन गेमिंगची सोय असेल ज्याद्वारे पैसे सुद्धा मिळतील!

खरतर आता व्हॉट्सॲपच्या नव्या प्रायवसी पॉलिसी अपडेटमुळे हाइकला भारतीय यूजर्स मिळवण्याची चांगली संधी आली आहे मात्र त्यांनी नेमकं याच वेळी हे ॲप बंद करण्याचं ठरवलं आहे! शिवाय हे करताना भारताला स्वतःचं मेसेजिंग ॲप मिळणार नाही असंही ट्विट द्वारे म्हणलं आहे!

The post Hike हे भारतीय चॅट ॲप बंद होणार : कमी प्रतिसादामुळे निर्णय! appeared first on MarathiTech - मराठीटेक.

काही महिन्यांपूर्वी जाहीर केलेला हा vanish mode आता उपलब्ध होण्यास सुरुवात झाली असून याद्वारे पाठवलेले मेसेज समोरच्या व्यक्तीने वाचून झाले की आपोआप डिलिट होतील! हे मेसेज त्यांनंतर कुठेही दिसणार नाहीत. ही सोय आता इंस्टाग्राम आणि मेसेंजरमध्येही देण्यात आली आहे.

स्नॅपचॅट मधील आणखी एक सोय इंस्टाग्रामने यावेळी उचलली असून आपण पाठवलेला मेसेज समोरच्या व्यक्तीने वाचला आता ते चॅट बंद केलं की तो मेसेज गायब होईल. काही वेळा काही जणांना अशा गोष्टी शेयर करायच्या असतात ज्या फक्त एकदाच पाहणं अपेक्षित असतं किंवा त्या समोरच्याने साठवणं अपेक्षित नसतं. अशा वेळी हा मोड उपयोगी पडेल.

हा मोड वापरण्यासाठी तुम्हाला कोणत्याही चॅट मध्ये असताना फक्त स्वाईप अप करायचं आहे. परत नॉर्मल मोडला जायच असेल तर परत स्वाईप अप केलं की नेहमीच्या चॅट हिस्ट्री ठेवली जाईल अशा मोडला जाता येईल. प्रायव्हसीसाठी ही सोय आणल्याचं फेसबुकतर्फे सांगण्यात येत आहे पण त्यावर किती विश्वास ठेवायचा हे ज्याचं त्यानं ठरवावं!

या मेसेजेसचा समोरच्या व्यक्तीने स्क्रीनशॉट काढल्यावरही कळेल! होय DM करत असताना जर समोरच्या व्यक्तीने स्क्रीन शॉट काढला तर त्यांना कळवलं जाईल किंवा तुम्ही स्क्रीन शॉट काढला तर त्यांना कळवलं जाईल! त्यामुळे या मोडमध्ये असताना स्क्रीनशॉट काढण्यापूर्वी काळजी घ्या. स्क्रीनशॉटबद्दल काळवण्याची ही सोय फक्त vanish mode मध्ये असतानाच वापरली जाईल.

हा व्हॅनिश मोड हळूहळू रोलआउट केला जात असून येत्या काही दिवसात अपडेटद्वारे तुम्हाला उपलब्ध होईल.

The post इंस्टाग्राम आणि मेसेंजरमध्ये गायब होणारे मेसेजेस पाठवा : व्हॅनिश मोड उपलब्ध! appeared first on MarathiTech - मराठीटेक.

फेसबुकने काही महिन्यांपूर्वी जाहीर केल्यानुसार मेसेंजर आणि इंस्टाग्राममधील डायरेक्ट मेसेजेस एकत्र आणण्यास सुरुवात केली आहे. आज भारतात ही सोय उपलब्ध झाली असून आता इंस्टाग्राम यूजर्स इंस्टाग्राममधूनच फेसबुक मेसेंजरवर मेसेज करू शकतील आणि मेसेंजरवरून इंस्टाग्रामवरील यूजर्सनाही मेसेजेस (DMs) करता येतील! हे अपडेट आजपासून अनेकांना उपलब्ध झालं असून याबद्दल ट्विटरवर ट्रेंडद्वारे बरीच चर्चा, मीम्स पहायला मिळत आहेत!

मेसेजिंगसोबत इतर बदल जसे की चॅटचा रंग बदलणे, कोणत्याही इमोजीने react करता येणे, रिप्लाय देण्यासाठी स्वाईप करणे, सेल्फी स्टीकर्स करणे, इ. गोष्टी करता येतील!

हे अपडेट मिळवण्यासाठी तुम्ही तुमचं इंस्टाग्राम ॲप प्ले स्टोअर (164.0.0.46.123) किंवा ॲप स्टोअर (165.0) मधून अपडेट करून घ्या. तसेच जर मेसेंजरमधुन मेसेज करायचा असेल तर ते ॲपसुद्धा अपडेट करा.

• Communicate Across Apps: Seamlessly connect with friends and family across Instagram and Messenger by using either app to send messages and join video calls.
• Watch Together: Enjoy watching videos on Facebook Watch, IGTV, Reels (coming soon!), TV shows, movies, and more with friends and family during a video call.
• Vanish Mode: Choose a mode where seen messages disappear after they’re seen or when you close the chat.
• Selfie Stickers: Create a series of boomerang stickers with your selfie to use in conversation.
• Chat Colors: Personalize your chats with fun color gradients.
• Custom Emoji Reactions: Create a shortcut of your favorite emojis to react quickly to messages from friends.
• Forwarding: Easily share great content with up to five friends or groups.
• Replies: Respond directly to a specific message in your chat and keep the conversation flowing.
• Animated Message Effects: Add visual flair to your message with animated send effects.
• Message Controls: Decide who can message you directly, and who can’t message you at all.
• Enhanced Reporting and Blocking Updates: Now you can report full conversations in addition to single messages on Instagram, and receive proactive blocking suggestions across Instagram and Messenger when you add your accounts in the new Accounts Center.

जर तुम्हाला ही सोय नको असेल तर तुम्ही ती बंदसुद्धा करू शकता. याबद्दल अधिक माहितीसाठी लिंक Cross-App Communication for Instagram and Messenger

Search Terms : Instagram Updates, Introducing New Messaging Features for Instagram

The post इंस्टाग्रामचं अपडेट : आता मेसेंजिंगमध्ये सेल्फी स्टीकर्ससह अनेक नवे पर्याय! appeared first on MarathiTech - मराठीटेक.

फेसबुकने काही दिवसांपूर्वी जाहीर केलेल्या माहितीनुसार फेसबुक आता त्यांच्या प्लॅटफॉर्मवर वस्तू विकण्यासाठी Facebook Shops नावाची नवी सेवा सुरू करत आहे. यामुळे व्यावसायिक आता त्यांचं ऑनलाइन दुकान सुरू करू शकतील ते सुद्धा फेसबुक व इंस्टाग्रामवरून! शिवाय ही सेवा लवकरच मेसेंजर आणि व्हॉट्सअॅपवर सुद्धा दिली जाणार आहे. कोरोना व्हायरसमुळे निर्माण झालेल्या परिस्थितीवर मार्ग काढण्याच्या हेतूने ही सेवा सुरू करत असल्याच फेसबुकतर्फे सांगण्यात आलं आहे.

कोरोनामुळे लहान व्यावसायिकांवर मोठा परिणाम झाला आहे त्यासाठी त्यांना फेसबुक, इंस्टाग्रामवर आपली उत्पादने विकता येण्यासाठी सहज सोपा प्लॅटफॉर्म उपलब्ध करून देण्यात येत आहे. या सेवेची सुरुवात अमेरिकेपासून करण्यात येत आहे. भारतात सध्यातरी या सेवेबाबत घोषणा केलेली नाही.

फेसबुक शॉप्स म्हणजे नेमकं काय ? : फेसबुक शॉप्स हा लहान व्यावसायिकांसाठी तयार करण्यात आलेला मोफत प्लॅटफॉर्म आहे जो त्यांच्या इंस्टाग्राम, मेसेंजर आणि व्हॉट्सअॅप या इतर सेवांमध्येही जोडलेला असेल. यामुळे आपल्या फेसबुक, इंस्टाग्राम पेजेसवर आपल्याला वस्तू विक्रीला ठेवता येतील.

फेसबुक शॉप्स कशा प्रकारे काम करतील? : फेसबुक शॉप्स मोफत तयार करता येतील. शॉप तयार केल्यावर व्यावसायिकांना त्यांच्या उत्पादनांची माहिती अपलोड करता येईल. आपल्या आवडीप्रमाणे काही बदल करता येतील. फोटोज अपलोड करता येतील. ग्राहक त्या व्यावसायिकाच्या फेसबुक पेजला भेट देऊन उत्पादने पाहू शकतील. आवडलेली वस्तू तिथल्या तिथे ऑर्डर करू शकतील. पुढे पुढे आपण फेसबुकवर करत असलेल्या पोस्टमध्येही वस्तू टॅग करू शकाल. लवकरच व्हॉट्सअॅप, मेसेंजर, इंस्टाग्रामला ही सेवा जोडली जाऊन तिथेही आपल्या ऑर्डर ट्रॅक करता येतील!

लाईव्ह शॉपिंग नावाच्या पर्यायाद्वारे फेसबुक लाईव्ह दरम्यानसुद्धा आपली उत्पादने दर्शवून विक्री करता येईल. लॉयल्टी प्रोग्राम व रिवॉर्डस जोडता येतील.
फेसबुक यासाठी Shopify, BigCommerce, WooCommerce, ChannelAdvisor, CedCommerce, Cafe24, Tienda Nube आणि Feedonomics सारख्या कंपन्यासोबत काम करत आहे.

Search Terms What is facebook shops how facebook shop works how to start a facebook shop facebook instagram shops in india

The post फेसबुक शॉप्स : ऑनलाइन दुकानांसाठी येतोय नवा पर्याय! appeared first on MarathiTech - मराठीटेक.

काल फेसबुकने त्यांच्या सर्व सेवांमध्ये नव्या सोयींचा समावेश केला असून ‘रूम्स’ तयार करण्याची सोय यामध्ये प्रमुख आहे. लॉकडाउन सुरु असताना व्हिडीओ कॉल्सचा वाढलेला वापर पाहून कंपन्या आता त्यांच्या सेवा व्हिडीओ कॉल्सना समोर ठेऊन बदलत आहेत. झूमची लोकप्रियता पाहून गॅलरी सारख डिझाईन असलेले व्हिडीओ कॉल्स सर्वांच्या पसंतीस उतरत आहेत. आतापर्यंत फेसबुकची व्हिडीओ कॉलिंग सेवा उपलब्ध होती मात्र मर्यादा होत्या आणि शिवाय यासाठी फेसबुक अकाउंट असणं गरजेचं होतं. मात्र काल झालेल्या बदलांनुसार आता नव्या मेसेंजर रूम्स जॉईन करण्यासाठी फेसबुक अकाउंट नसलं तरी चालेल!

Messenger या सेवेमधील Rooms नावाची सुविधा वापरुन आपण एकावेळी ५० जणांचा ग्रुप व्हिडिओ चॅट तयार करू शकता. यासाठी दिलेली लिंक वापरुन इतर लोकही जॉइन होऊ शकतील तेही फेसबुक अकाऊंट शिवाय. फक्त त्या लिंकवर क्लिक करून झुम अॅप प्रमाणेच जॉइन व्हायचं आहे.

जर तुम्ही या रूम्समध्ये मेसेंजर अॅपद्वारे जोडले गेला तर तुम्ही AR इफेक्टस आणि बॅकग्राउंड्स वापरू शकता! फेसबुक ग्रुपमधून तयार केलेल्या रूम्समध्ये ग्रुपचे सदस्य सहभागी होऊ शकतात. ही सोय आता काही देशात उपलब्ध करून देण्यात आली असून टप्प्या टप्प्याने सगळीकडे देण्यात येईल.

रूम्स होस्ट करण्याची सोय लवकरच इंस्टाग्रामवरही येणार आहे!

WhatsApp Group Calls : काही दिवसांपूर्वी आम्ही दिलेल्या माहीती प्रमाणे व्हॉट्सअॅप व्हिडिओ कॉलच्या ग्रुपची मर्यादा ४ वरून आता ८ करण्यात आली आहे

New Live Video Features for Facebook, Instagram and Portal : Live With ची सोय परत आणण्यात आली असून यामुळे आणखी एका व्यक्तीसोबत तुम्ही फेसबुकवर लाईव्ह करू शकाल! ऑनलाइन इवेंट्स आता ऑनलाईन ओन्ली असे मार्क करता येतील. लाईव्ह व्हिडीओसाठी पैसे घेण्याचीही सोय देण्यात येणार असून यामुळे जो व्यक्ती लाईव्ह करत असेल तो त्याच्या viewers कडून त्याच्या कन्टेन्टसाठी पैसे आकारू शकतो! यामुळे अनेक शिक्षक किंवा ऑनलाईन व्हिडीओ क्रिएअर्सना उत्पन्न मिळवता येईल! संस्थांसाठी निधी उभारण्यासाठी डोनेट बटन सुद्धा जोडू शकता

इंस्टाग्रामच्या डेस्कटॉप वेबसाईटवरूनही आता लाईव्ह व्हिडीओ पाहता येतील आणि त्यावर कमेंट्ससुद्धा करता येतील!

Messenger Kids ही लहान मुलांसाठीची मेसेजिंग सेवा आता सर्वत्र उपलब्ध होत आहे . याद्वारे पालकांना त्यांच्या मुलांच्या व्हिडीओ कॉल्सवर नियंत्रण ठेवता येईल.

फेसबुक डेटिंगमध्ये आता Virtual Dates तयार करता येतील! यामुळे लोक एकमेकांना व्हर्च्युअल डेट्सवर इनव्हाईट करू शकतील!

The post फेसबुक मेसेंजर रूम्स सादर : एकाचवेळी पन्नास जणांचा व्हिडिओ कॉल! appeared first on MarathiTech - मराठीटेक.