Meta AI हा मेटा कंपनीचा ओपन-सोर्स एआय चॅटबॉट आता इंस्टाग्राम, फेसबुक, मेसेंजर आणि व्हॉट्सॲपसह मेटाच्या प्लॅटफॉर्मवर जोडला जात आहे. अनेक जणांना त्यांच्या ॲप्समध्ये Meta AI चा अॅक्सेस उपलब्ध झालेला दिसू लागला आहे. मेटा प्रमुख मार्क झकरबर्गनी आता अधिकृत रोलआउट सुरू झाल्याचे जाहीर केलं आहे.

दिलेल्या माहितीनुसार या चॅटबॉटमध्ये आता Llama 3 या LLM (Large Language Model)चा समावेश आहे. इंस्टाग्राम, फेसबुक, मेसेंजर आणि व्हॉट्सॲपसोबत https://www.meta.ai या वेबसाइटवरसुद्धा Meta AI वापरता येईल. सध्यातरी ही वेबसाइट भारतात उपलब्ध नाही त्यामुळे भारतीय युजर्सना फक्त ॲप्समधूनच याचा वापर करता येईल.

तुम्हाला इंस्टाग्राममध्ये सर्च बटनवर क्लिक केल्यावर Meta AI चा लोगो दिसेल त्यावर क्लिक केलं की हा चॅटबॉट वापरता येईल.

मेटा एआय म्हणजे काय?
Meta AI हा Meta कंपनीतर्फे तयार करण्यात आलेला ChatGPT चा एक स्पर्धक आहे. तुम्ही वेगवेगळा मजकूर तयार करण्यासाठी, प्रश्नांची उत्तरे देण्यासाठी, इमेजेस तयार करण्यासाठी आणि बरेच काही करण्यासाठी Meta AI वापरू शकता. त्यांचं याबद्दल असं म्हणणं आहे की “Meta AI हा आता सर्वात बुद्धिमान AI सहाय्यक आहे जो तुम्ही विनामूल्य वापरू शकता – आणि तुमच्या फ्रिजमध्ये काय आहे यावर आधारित डिनरचे नियोजन करण्यात, तुमच्या चाचणीचा अभ्यास करणे आणि बरेच काही करण्यात मदत करण्यासाठी मदत करेल.”

Meta AI द्वारे आपल्याला बऱ्याच गोष्टी करता येतात. आपण त्याला ChatGPT, Google Gemini प्रमाणे प्रश्न विचारून उत्तरे मिळवू शकतो. निबंध/पत्र लिहून घेऊ शकतो. आपल्याला हव्या त्या प्रकारच्या इमेजेस मोफत तयार करून घेऊ शकतो. विविध प्रकारच्या पाककृती पाहू शकतो.

अधिक माहिती : https://about.fb.com/news/2024/04/meta-ai-assistant-built-with-llama-3

The post इंस्टाग्राम, व्हॉट्सॲपमध्ये Meta AI उपलब्ध! appeared first on MarathiTech - मराठीटेक.

गेले काही महिने इमेजेस आणि व्हिडिओ तयार करणाऱ्या AI ने बरीच प्रगती केली आहे. Generative AI म्हणजे आपण दिलेल्या सूचनांनुसार कंटेंट तयार करणारी कृत्रिम बुद्धिमत्ता. आता यामध्ये मेटा कंपनीसुद्धा वेगवेगळ्या टूल्ससह उतरत आहे. काल त्यांनी त्यांचं नवं AudioCraft AI मॉडेल सर्वांना उपलब्ध करून देत असल्याचं जाहीर केलं आहे.

ऑडिओक्राफ्टद्वारे तुम्ही तुम्हाला ज्या प्रकारचं संगीत तयार करून हवं आहे त्याचे वर्णन करणारे काही शब्द इनपुट म्हणून द्यायचे आणि तो AI काही क्षणात ते संगीत तयार करू देईल! MusicGen, AudioGen, and EnCodec या तीन स्वतंत्र AI मॉडेलवर आधारित AudioCraft गूगलच्या MusicLM चा स्पर्धक म्हणता येईल.

विशेष म्हणजे AudioCraft हे टूल Open Source करण्यात आलं आहे त्यामुळे याबद्दल संशोधन, चाचणी करणं पूर्णपणे मोफत असेल. याचा सोर्स कोड GitHub वर उपलब्ध आहे.

The post मेटाचं टेक्स्टवरून संगीत तयार करणारं AudioCraft AI उपलब्ध! appeared first on MarathiTech - मराठीटेक.

इलॉन मस्कने ट्विटर विकत घेतल्यापासून सुरू असलेल्या गोंधळ पाहता त्यापासून त्रस्त युजर्सना तशाच प्रकारचं ॲप उपलब्ध करून देण्यासाठी मार्क झकरबर्गच्या मेटाने Threads (थ्रेड्स) नावाचं टेक्स्ट आधारित ॲप आजपासून उपलब्ध करून दिलं आहे. Threads म्हणजे रियलटाइम अपडेट्स आणि सार्वजनिक संभाषणांसाठी नवीन, स्वतंत्र जागा असल्याचं इंस्टाग्रामतर्फे सांगण्यात आलं आहे.

अवघ्या चार तासात ५० लाखांहून अधिक युजर्सनी हे नवं ॲप वापरण्यास सुरुवात केली! जसं इंस्टाग्राम फोटोज आणि आता रील्सवर आधारित माध्यम बनलं आहे तसं हे नवं थ्रेड्स ट्विटरसारखं टेक्स्ट आधारित असणार आहे.

Download Threads App : https://www.threads.net

हे ॲप वरील लिंकवर जाऊन डाउनलोड करू शकता. Sign Up करण्यासाठी तुमचं इंस्टाग्राम अकाऊंट वापरता येईल. तुमचं जुनं Username इकडेसुद्धा येईल.

• Threads हे एक टेक्स्ट आधारित पोस्ट्स करण्याचं माध्यम आहे.
• तुमच्या इंस्टाग्राम अकाऊंटनेच लॉगिन करता येईल.
• 500 कॅरक्टर्स असलेल्या पोस्ट्स करू शकता. लिंक्स, फोटोज आणि 5 मिनिटांपर्यंतचे व्हिडिओ टाकू शकता.
• Interoperable Social Networks मध्ये सहभागी होणार!

यानिमित्ताने मेटा (फेसबुक) संस्थापक मार्क झकरबर्गने तब्बल ११ वर्षानी प्रथमच खालील ट्विट केलं आहे. यामध्ये प्रसिद्ध स्पायडरमॅन मीम पोस्ट केली आहे.

आता या ॲपला किती प्रतिसाद मिळतो आणि ट्विटरसमोर याचं आव्हान किती प्रमाणात उभं राहील हे नंतर कळेल पण सध्याचं वातावरण पाहता थ्रेड्स फार लोकप्रिय होईल असं वाटत नाही. फेसबुक, इंस्टाग्राम, व्हॉट्सॲप अशी सर्व माध्यमं एकाच कंपनीकडे असताना आणखी एका ॲपद्वारे त्यांच्याच कडे पोस्ट करत राहण्याला आणि डेटा शेयर करण्यात किती युजर्स उत्सुक असतील हा प्रश्न आहे.

The post मेटाचं नवं Threads ॲप उपलब्ध : ट्विटरशी थेट स्पर्धा! appeared first on MarathiTech - मराठीटेक.

मेटा या कंपनीने (इंस्टाग्राम आणि फेसबुक यांची मालकी असलेली कंपनी) त्यांच्या युजर्ससाठी ट्विटरप्रमाणे दरमहा पैसे देऊन ब्ल्यु टिक मिळवण्याचा पर्याय उपलब्ध करून दिला आहे. या सेवेला त्यांनी Meta Verified असं नाव दिलं आहे. ही सेवा आता भारतात उपलब्ध होण्यास सुरुवात झाली आहे.

iOS वर अॅप स्टोर व अँड्रॉईडवर प्ले स्टोरमार्फत पैसे देण्याचा पर्याय असून यासाठी तुम्हाला दरमहा ६९९ रुपये मोजावे लागतील. याद्वारे फेसबुक व इंस्टाग्राम दोन्हीकडे ब्ल्यु टिक मिळेल. भविष्यात वेबसाइटद्वारे पैसे देण्याचाही पर्याय मिळणार असून त्यामध्ये अॅप स्टोरची चार्जेस नसल्यामुळे ५९९ रुपये दरमहा असा प्लॅन असेल.

1. उजव्या कोपऱ्यात खाली तुमच्या प्रोफाइल पिक्चरवर क्लिक करा
2. आता उजव्या कोपऱ्यात वर तीन आडव्या रेषा असतील त्यावर टॅप करा
3. आता Meta Verified हा पर्याय निवडा
4. आता Subscribe
5. मग Pay Now
6. आता तुमच्या App Store/Play Store मध्ये पेमेंटसाठी पर्याय निवडून सेटप करा.
7. आता Get Meta Verified
8. Take a photo of your ID

Meta Verified चे घेण्याचे फायदे

• Verified Badge म्हणजेच ब्ल्यु टिक
• अधिक अकाऊंट सुरक्षा
• गरज पडेल तेव्हा सपोर्ट टीमसोबत बोलता येणार
• खास स्टीकर्स जे फक्त Meta Verified युजर्सना मिळतील!

मेटाने अकाऊंट verify करण्यासाठी खालीलप्रमाणे काही नियम सांगितले आहेत.

• तुमचं अकाऊंट यामार्फत verify करून घेण्यासाठी तुम्हाला सरकारी आयडी प्रूफ द्यावं लागेल. उदा. आधार, पॅनकार्ड, ड्रायविंग लायसन्स, इ.
• तुमचं अकाऊंटचं नाव आणि सरकारी आयडीवरील नाव आहे जुळायला हवं
• तुमचं वय १८ किंवा त्यापेक्षा अधिक असावं
• तुम्ही आधी केलेल्या पोस्ट्ससुद्धा यासाठी तपासल्या जाऊ शकतात.
• तुमच्या अकाऊंटवरून पूर्वी कोणतेही गैरप्रकार केलेला नसावा

The post Meta Verified भारतात उपलब्ध : तुम्हालाही मिळेल ब्ल्यु टिक! appeared first on MarathiTech - मराठीटेक.

फेसबुक या गेली अनेक वर्षं सर्वात लोकप्रिय असलेल्या सोशल मीडिया वेबसाइटचे यूजर्स त्यांच्या इतिहासात पहिल्यांदाच कमी झाले आहेत. यासोबत कंपनीची कामगिरीसुद्धा गेल्या चौमाहीत अपेक्षेपेक्षा कमी राहिली. यामुळेच मेटा कंपनीचे शेयर्स तब्बल २० टक्क्यानी पडले आहेत!

अर्थात ही कमी झालेली संख्या अल्प प्रमाणात असली तरी आजवर असं कधीच झालं नव्हतं. फेसबुकच्या सुरुवातीपासूनच त्यांचे यूजर्स नेहमी वाढतच गेले होते. मात्र गेल्या चार महिन्यात आधीच्या तुलनेत त्यांच्या दैनंदिन ॲक्टिव्ह यूजर्स कमी झाले आहेत.

मेटा कंपनीने या खालवलेल्या कामगिरीसाठी टिकटॉककडून वाढलेली स्पर्धा, ॲपलचा प्रायव्हसीबाबतचे बदल यांना दोष दिला आहे. फेसबुक, व्हॉट्सॲप, इंस्टाग्राम आणि ऑक्युलस या कंपन्यांची मालकी असलेल्या मेटाने काल त्यांचा Earning Report जाहीर केला असून त्यामध्ये ही माहिती मिळाली आहे.

गेल्या काही महिन्यात अनेक वेळा वादात सापडलेल्या फेसबुकचा वापर बराच कमी झाला आहे. सर्वच वयोगटातील यूजर्स आता त्यांच्याच इंस्टाग्रामकडे वळत आहेत. प्रायव्हसीच्या बाबतीत तर फेसबुकची पूर्णपणे बदनामी झालेली आहे. खोट्या माहिती पसरवणाऱ्या पोस्ट्स, पूर्णपणे जाहिरातींमध्ये व्यापून जाणाऱ्या टाइमलाइन, राजकीय पोस्ट्स, नव्याने आलेले इतर कमी त्रासदायक पर्याय यांमुळे फेसबुक सोडून इतर सोशल मीडिया अधिक प्रसिद्ध होऊ लागला आहे.

इंस्टाग्राम जरी त्यांचंच असलं तरीही फेसबुकचा कमी होणारा वापरसुद्धा त्यांना परवडणारा नाही कारण या प्लॅटफॉर्मवरील जाहिरातींमधून त्यांच्या उत्पन्नाचा मोठा भाग येत असतो.

तुमच्या आसपास सुद्धा थोड्या प्रमाणात का होईना मित्र मैत्रिणींचं फेसबुकचा वापर कमी झालेला जाणवलं असेलच…तुमचा याबद्दल अनुभव काय आहे ते नक्की कॉमेंटद्वारे व्यक्त करा…

The post फेसबुकचे यूजर्स प्रथमच कमी झाले : मेटाचे शेयर २०% कोसळले! appeared first on MarathiTech - मराठीटेक.