मायक्रोमॅक्सने गेले काही दिवस त्यांच्या नव्या ‘in‘ ब्रॅंड अंतर्गत येणाऱ्या फोन्सबद्दल माध्यमांमध्ये काही व्हिडिओद्वारे #MicromaxIsBack मार्फत चर्चा सुरू केली होती. भारतीयांसाठी भारतीय ब्रॅंड अशा प्रकारे मुद्दा पुढे ठेऊन आज त्यांचे दोन नवे स्मार्टफोन आले आहेत. in 1b आणि in Note 1 हे फोन्स बजेट फोन्समध्ये नवा पर्याय असणार आहेत. यामध्ये जाहिराती नसलेलं स्टॉक अँड्रॉइड देण्यात आलं असून दोन वर्षं अँड्रॉइड अपडेट्स देण्यात येणार आहेत. हा चांगला निर्णय मायक्रोमॅक्सने घेतला आहे. शिवाय किंमतसुद्धा कमी असल्यामुळे अनेकजण पुन्हा मायक्रोमॅक्सकडे वळू शकतील.

in 1b Specs :
डिस्प्ले : 6.52″ HD+ IPS LCD
प्रोसेसर : MediaTek Helio G35
रॅम : 2GB/4GB
स्टोरेज : 32GB/64GB
कॅमेरा : 12MP+2MP
फ्रंट कॅमेरा : 8MP
बॅटरी : 5000mAh 10W Fast Charge
ऑपरेटिंग सिस्टिम : Android 10
किंमत : हा फोन फ्लिपकार्टवर २४ नोव्हेंबरपासून उपलब्ध होत आहे.
2GB+32GB ₹ ६९९९
4GB+64GB ₹ ७९९९

in Note 1 Specs :
डिस्प्ले : 6.67″ FHD+ IPS LCD
प्रोसेसर : MediaTek Helio G85
रॅम : 4GB
स्टोरेज : 128GB/64GB
कॅमेरा : 48MP+5MP+2MP+2MP
फ्रंट कॅमेरा : 16MP
बॅटरी : 5000mAh 18W Fast Charge
ऑपरेटिंग सिस्टिम : Android 10
किंमत : हा फोन फ्लिपकार्टवर २७ नोव्हेंबरपासून उपलब्ध होत आहे.
4GB+64GB ₹ १०९९९
4GB+128GB ₹ १२९९९

मायक्रोमॅक्सने सध्या मार्केटिंगसाठी फोन्सपेक्षा त्यांच्या भारतीय असण्याला जास्त अधोरेखित केलं आहे. त्यांच्या व्हिडीओ, मुलाखतीमधून तेच दिसून येत आहे. अर्थात यामध्ये वावगं नसलं तरी चांगलं उत्पादन सादर करण्याकडे त्यांनी जास्त लक्ष द्यायला हवं. जर उत्पादन चांगलं असेल तर भारतीय ग्राहकांना चिनी घेण्याचं कारणच नाही. चांगला डिस्प्ले, उत्तम प्रोसेसर, शक्यतो स्टॉक अँड्रॉइड, जास्त टिकणारी बॅटरी, आकर्षक मार्केटिंग आणि महत्वाची गोष्ट म्हणजे नंतर मिळणारा सपोर्ट या गोष्टीवर खास लक्ष दिलं तर मायक्रोमॅक्स किंवा इतर भारतीय ब्रँड्सना सहज पुन्हा जागा मिळवता येईल!

The post मायक्रोमॅक्सचे नवे फोन्स सादर : भारतीय स्मार्टफोन बाजारात पुनरागमन! appeared first on MarathiTech - मराठीटेक.

एकेकाळी भारतीय स्मार्टफोन बाजारात आघाडीला असलेली भारतीय कंपनी मायक्रोमॅक्स आता लवकरच नव्या स्मार्टफोन्ससह परतणार आहे. सध्या सुरू असलेल्या चीनसोबतच्या पार्श्वभूमीवर भारतात चीनी वस्तूंवर बंदी घालण्याच्या मागणीने चांगलाच जोर धरला आहे. अशा वेळी भारतीय स्मार्टफोन कंपन्याना बाजारात पुन्हा स्थान मिळवण्याची संधी आहे.

मायक्रोमॅक्स आता तीन नवे स्मार्टफोन्स आणणार असून सोशल मीडियावर त्याबद्दल ग्राहकांना प्रोत्साहित करताना दिसत आहेत. हे फोन्स स्वस्तात चांगले फीचर्स देतील असं मायक्रोमॅक्सने म्हटल आहे. MadeByIndian आणि #MadeForIndian असे हॅशटॅग वापरुन ते पोस्ट्स करत आहेत.

अनेकांना ही गोष्ट अजूनही माहीत नसेल की मायक्रोमॅक्सने शेवटपर्यंत चीनमधून फोन आयात करून त्यांना रिब्रॅंड करून भारतात विक्री केली होती. हे सुद्धा त्यांच्या बाजारातून बाहेर फेकलं जाण्याचं एक कारण नक्कीच आहे. भारतीय कंपनी म्हणून प्रसिद्धीस आलेली कंपनी चक्क चीनी फोन्स रिब्रॅंड करून भारतात विकायची!

मायक्रोमॅक्स ही अशी कंपनी जी २०१३-१४ दरम्यान भारतात सर्वाधिक फोन्स विक्री करणारी कंपनी होती ती पुढे चीनी प्रतिस्पर्ध्यासमोर टिकू शकली नाही. यासाठी काही कारणे म्हणजे स्वस्त फोन्ससाठी चीनी स्पर्धा, नोटबंदी होय नोटबंदीपासूनच मायक्रोमॅक्सने त्यांचे फोन्स सादर करणं बंद केलं होतं. यासंबंधी सीईओ राहुल शर्मा यांनीही त्यावेळी म्हटलं होतं की नोटबंदीमुळे आम्हाला एक पाऊल मागं यावं लागलं. पण यावेळी मागे घेतलेलं पाऊल त्यांना परत पुढे आणताच आलं नाही. तोवर चीनी फोन कंपन्यानी स्वस्तात ड्युयल/ट्रिपल कॅमेरा, फिंगरप्रिंट रीडर, 4G असलेले फोन्स आणणं सुरू केलं. त्यावेळी मायक्रोमॅक्स, इंटेक्स, आयबॉल, लावा, कार्बन अशा सर्वच भारतीय कंपन्या बऱ्याच मागे पडल्या. आता २०१९-२०२० मध्ये चीनी कंपन्या भारतात ७५ टक्क्यांहून अधिक हिस्सा व्यापून आहेत!

२०१९ मध्ये तर मायक्रोमॅक्सने हुवावेचे फोन्स त्यांच्या दुकानात विकण्यास सुरुवात केली होती! मायक्रोमॅक्सचेही फोन्स बाजारात येत होतेच मात्र त्यांना काहीच अर्थ नव्हता आणि स्पर्धेच्या मानाने कुठेही उपस्थिती नव्हती. काही महिन्यांपूर्वी मायक्रोमॅक्सने इलेक्ट्रिक दुचाकी विकण्यास सुरुवात केली होती आणि त्यावरच लक्ष केंद्रित केलं होतं. सोबत टीव्हीसारख्या उपकरणांचीही विक्री सुरू आहेच मात्र तिथेही विशेष कामगिरी दिसून येत नाही.

भारतीय कंपन्या मागे पडण्याचं आणखी एक कारण म्हणजे सॉफ्टवेअर सपोर्ट. वर उल्लेख केलेल्या कोणत्याही भारतीय स्मार्टफोन कंपन्या अँड्रॉइड अपडेट्स, फीचर्स व्यवस्थित देत नव्हत्या. शिवाय या कंपन्याना दर महिन्याला चार मॉडेल्स आणण्याची घाई. त्यामुळे ग्राहकांना चांगला अनुभव मिळण्याची शक्यता आणखी कमी व्हायची. सोबत सर्वच भारतीय स्मार्टफोन कंपन्या चीनी फोन्स मागवून त्यांना स्वतःची नावे चिकटवून भारतात विकायच्या! भारतीय ग्राहकांची अशीही फसवणूक यांनी केली आहे. जर तेव्हापासूनच भारतीय कंपन्यानी चांगले पर्याय दिले असते तर कोणता भारतीय उगाच चीनी फोन्स खरेदी करायला जाईल?

चीनी कंपन्यानी मात्र सॉफ्टवेअर सपोर्टबाबत ग्राहकांना चांगले पर्याय दिले. प्रत्येक कंपनीने त्यांचा विशेष ग्राहकवर्ग कम्युनिटी बनवून ठेवल्या. नवनवं हार्डवेअर, कॅमेरा व डिस्प्लेसाठी नवं डिझाईन आणलं. साहजिकच कमी किंमतीत इतक्या सुविधा मिळत असल्यामुळे भारतीय ग्राहक त्यांच्याकडे वळला. आता सुरू असलेल्या वादामुळे सर्वांचीच या कंपन्याचे फोन्स खरेदी न करण्याची भूमिका दिसून येत आहे. चीनी फोन्सना तूर्तास सॅमसंग, अॅपल वगळता विशेष पर्याय उपलब्ध नाही. सध्या एसुस, नोकिया यांच्यासोबत अल्प प्रमाणात एलजी, पॅनासॉनिक यांचे फोन्स उपलब्ध आहेत. यांच्या फोन्सचं सुद्धा मोठ्या प्रमाणात उत्पादन चीनमध्येच होतं. सॅमसंगने मात्र भारतातलं उत्पादन मोठ्या प्रमाणात वाढवलं आहे.

लेख भारतीय कंपन्याबद्दल नकारात्मक माहिती देत असला तरी ते वास्तव आहे आणि आपल्या सर्वांना ते माहीत असावं. आता या भारतीय कंपन्यानी आयत्याच चालून आलेल्या संधीचं चांगलं हार्डवेअर आणि सॉफ्टवेअर असलेले फोन्स उपलब्ध करून देऊन सोनं केलं पाहिजे. नाहीतर पहिले पाढे पंचावन्न होण्याचीच जास्त शक्यता आहे. गेल्या काही दिवसात चीनी अॅप्सच्या भारतीय पर्यायाबाबत झालेले प्रकार तुम्हाला माहीत असतीलच. केवळ भारतीय आहे म्हणून अमुक एका ब्रॅंडचे उत्पादन खरेदी केलं पाहिजे ही चित्र बदलावं. याऐवजी त्या भारतीय कंपनीची चांगल्या उत्पादनासाठी जगभर ओळख निर्माण व्हावी असं आम्हाला वाटतं.

The post मायक्रोमॅक्सचं भारतीय स्मार्टफोन बाजारात लवकरच पुनरागमन! appeared first on MarathiTech - मराठीटेक.

चीनी स्मार्टफोन कंपनी हुवावे (Huawei)ने भारतीय कंपनी मायक्रोमॅक्ससोबत भागीदारी केली असून याद्वारे ते त्यांची ऑफलाइन विक्री वाढवण्यावर लक्ष देणार आहेत. आम्ही मायक्रोमॅक्ससोबत भागीदारीमध्ये हुवावेचे फोन्स त्यांच्या ऑफलाइन मल्टीब्रॅंड आउटलेटमध्ये उपलब्ध करून देत आहोत असं हुवावेचे उपप्रमुख ऋषि गुप्ता यांनी सांगितलं आहे. हुवावेचा हॉनर हा ब्रॅंड या भागीदारीमध्ये समाविष्ट नसेल.

मायक्रोमॅक्सच्या ब्रॅंड दुकानांमध्ये मायक्रोमॅक्सचे फोन्ससुद्धा उपलब्ध असतीलच. मात्र हुवावे आता आधीच उपलब्ध असलेल्या त्यांच्या या नेटवर्कचा वापर करणार आहे अशी माहिती दीप्ती मेहरा (मार्केटिंग प्रमुख, मायक्रोमॅक्स) यांनी दिली आहे. या भागीदारीमध्ये को ब्रॅंडिंग केलं जाणार नसून मायक्रोमॅक्स स्वतःचे फोन्स सादर करून उपलब्ध करून देत राहणार आहेच.

हुवावे ही स्मार्टफोन विक्रीत जगातली दुसऱ्या क्रमांकाची कंपनी आहे. यांनी २०१८ मध्ये भारतात अधिकृत प्रवेश केला होता. दरम्यान ते हॉनर या सबब्रॅंड अंतर्गत वेगळ्या मालिकेतील फोन्स भारतात विकत आहेत. सुरुवातीला क्रोमासोबत भागीदारी करून ऑफलाइन विक्री सुरू करण्यात आली नंतर पूर्विका मोबाइल्स व आता मायक्रोमॅक्स.

हुवावेने २०१८ मध्ये तब्बल २० कोटी फोन्स विकले होते. या वर्षी मे अखेरपर्यंतच दहा कोटी फोन्सची विक्री त्यांनी केली आहे. यापुढे मात्र काही दिवसांपूर्वी अमेरिकेतील नियमांमुळे गूगल व इतर कंपन्यानी हुवावेसोबत सर्व देवाणघेवाण थांबवली असून त्यामुळे हुवावेला यापुढे अँड्रॉइडचा वापर न करता त्यांचे फोन्स विकावे लागतील ज्याचा त्यांच्या विक्रीवर नक्कीच मोठा परिणाम होईल. यामधून मार्ग काढण्याचे प्रयत्न सध्या सुरू आहेत.

२०१४ च्या दरम्यान भारतात सर्वात आघाडीला पोहचून बाजारातील २०% हिस्सा मिळवणारी मायक्रोमॅक्स आता अवघ्या २% वर येऊन पोहोचली आहे. नोटबंदीनंतर त्यांनी बाजारातून माघार घेतली ते तेथून त्यांना परतणं शक्य झालं नाही. चीनी फोन कंपन्यासमोर जवळपास कोणत्याच भारतीय कंपनीचा टिकाव लागलेला नाही. आता मायक्रोमॅक्स प्रमुख राहुल शर्मा यांनी वेगळे पर्याय शोधत इलेक्ट्रिक दुचाकी बनवण्याचा निर्णय घेतला असून Revolt Intellicorp या नव्या कंपनीद्वारे या गाड्यांची निर्मिती केली जाणार आहे. दरम्यान त्यांनी भारतातली पहिली AI आधारित बाइक RV400 सादर केली आहे. आता लवकरच भारतात इलेक्ट्रिक गाड्यांची संख्या वाढीस लागणार असून त्यावर लक्ष ठेऊन हा निर्णय घेतलेला दिसत आहे.

The post मायक्रोमॅक्स भारतात आता हुवावेचेही फोन्स विकणार! appeared first on MarathiTech - मराठीटेक.

मायक्रोमॅक्सने आता पुन्हा एकदा बाजारात उतरण्याची तयारी सुरु केली असून याची सुरुवात त्यांनी Infinity N11 व N12 हे दोन स्वस्त स्मार्टफोन्स सादर करून केली आहे. या दोन्ही फोन्समध्ये ड्युअल कॅमेरा आणि नॉच डिस्प्ले पाहायला मिळेल! Infinity N11 ची किंमत ८९९९ तर  N12 ची किंमत ९९९९ असेल.
हे फोन्स अँड्रॉइड ओरीओवर असून ४५ दिवसात अँड्रॉइड पाय अपडेट देण्याचं आश्वासन मायक्रोमॅक्सने दिलं आहे! हे फोन्स सध्या बाजारात उपलब्ध असलेल्या फोन्ससमोर वेगळं काहीही देत नसून मायक्रोमॅक्स असे फोन्स सादर करून यश मिळवू शकणार नाही. त्यांचे चाहते (अजूनही कोणी असतील तर) त्यांच्या पदरी पुन्हा निराशाच येणार आहे.

Micromax Infinity N11 & N12
डिस्प्ले : 6.19-inch (720×1500 pixels) HD+ 18:9:9 2.5D curved glass
प्रोसेसर : MediaTek Helio P22 (MT6762)  2GHz Octa-Core
रॅम : 2GB (N11) / 3GB (N12) expandable memory up to 128GB
स्टोरेज : 32GB
कॅमेरा : 13MP+5MP
फ्रंट कॅमेरा : 8MP (N11) / 16MP (N12)
बॅटरी : 4000mAh
ऑपरेटिंग सिस्टिम : अँड्रॉइड ओरीओ 8.1
इतर : Fingerprint sensor, Face Unlock, 3.5mm audio jack, FM Radio, Dual 4G VoLTE, WiFi 802.11 a/b/g/n (2.4GHz + 5GHz), Bluetooth 5, GPS + GLONASS

किंमत :
N11 : ₹ ८९९९
N12 : ₹ ९९९९

The post मायक्रोमॅक्स Infinity N11, N12 सादर : नॉच असलेले फोन्स! appeared first on MarathiTech - मराठीटेक.

मायक्रोमॅक्स चीनी कंपन्यांच्या स्वस्त फोनच्या स्पर्धेत आता बरीच मागे पडली आहे. काही वर्षांपूर्वी सर्वाधिक विक्री असलेली फोन कंपनी नोटबंदीनंतर बरेच महीने फोन सादर न केल्यामुळे बाजारात मागे जात गेली आहे. आता काही टेलीकॉम कंपन्यांशी भागीदारीत स्वस्त फोन्स सादर करत असून त्यामुळं त्यांना परत फोन बाजारात स्थान मिळेल का पाहावं लागेल… सध्या त्यांनी स्मार्टफोन सोबत टीव्ही, एसीनंतर आता फ्रीज आणि वॉशिंग मशीन्ससुद्धा सादर करण्याची घोषणा केलेली आहे!

भारत ५ प्रो हा फोन रेडमी ५ सोबत स्पर्धा करेल. मोठी बॅटरी याचा प्लस पॉईंट ठरेल. तरीही सध्याच्या फोन्ससमोर निभाव लागणं कठीणच आहे. ह्याच किंमतीत अधिक चांगल्या सोयींसह रेडमी ५ सारखे पर्याय उपलब्ध आहेत. ग्राहकांना अशा कमी सोयी सोयी असलेले फोन देऊन आपल्याकडं वळवणं शक्य होणार नाही

Micromax Bharat 5 Pro Fearures :
डिस्प्ले :  5.2″ HD
प्रोसेसर : 1.3GHz quad-core MediaTek
रॅम : 3GB
स्टोरेज : अंतर्गत 32GB सोबत microSD card द्वारे up to 64GB
मुख्य कॅमेरा : 13-megapixel
फ्रंट कॅमेरा : 5-megapixel सोबत  83.3-degree wide angle lens
किंमत : ₹७९९९

The post मायक्रोमॅक्स Bharat 5 Pro सादर, 5000mAh बॅटरी! appeared first on MarathiTech - मराठीटेक.