यूट्यूबने त्यांचा यूट्यूब पार्टनर प्रोग्रॅम आता मोठ्या व्हिडिओसोबत शॉर्ट्स तयार करणाऱ्या क्रिएटर्ससाठीसुद्धा उपलब्ध करून दिला आहे. यामुळे शॉर्ट्स म्हणजेच एक मिनिटापर्यंत लांबी असलेले उभे व्हिडिओ तयार करून पैसे कमावता येतील. Creator Music नावाच्या नव्या सोयीद्वारे यूट्यूबवर व्हिडिओसोबत लावण्यासाठी गाणी आणि संगीत उपलब्ध करून दिलं जाईल ज्यामुळ क्रिएटर आणि संगीतकार दोघांनाही उत्पन्न मिळेल!

सध्या यूट्यूबवर जर पैसे जाहिरातीमार्फत पैसे कमवायचे असतील तर त्यांच्या यूट्यूब पार्टनर प्रोग्रॅमचा (YPP) सदस्य असावं लागतं. त्याचं सदस्य बनण्यासाठी तुमच्या चॅनलवर १००० सबस्क्रायबर्स आणि गेल्या बारा महिन्यात तुमचे 4000+ Watch Hours (व्हिडिओ पाहिले गेल्याची एकूण वेळ) ४००० तासांपेक्षा अधिक असावी लागते. जे नवीन क्रिएटर्स अर्थातच खूप अवघड आहे.

अपडेट : १ फेब्रुवारी २०२३ पासून हा पर्याय (Shorts Monetization) उपलब्ध होणार आहे!

मात्र आता त्या ऐवजी जर तुम्ही शॉर्ट्स व्हिडिओ तयार करत असाल तर YPP सदस्य बनण्यासाठी तुमच्या चॅनलवर १००० सबस्क्रायबर्स आणि गेल्या तीन महिन्यात तुमच्या शॉर्ट व्हिडिओना एक कोटी व्ह्यूज पूर्ण झालेले असले पाहिजेत! तसं पाहायला गेलं तर हे सुद्धा खूप अवघड असणार आहे. पण किमान Watch Hours च्या ऐवजी आणखी एक पर्याय उपलब्ध झालेला आहे. हा पर्याय २०२३ च्या सुरुवातीपासून उपलब्ध होणार आहे. ज्यानंतर या प्रोग्रॅमचे सदस्य बनल्यावर तिथून पुढे तुम्हाला मिळणाऱ्या उत्पन्नापैकी हिस्सा ४५% तुम्हाला आणि उर्वरित ५५ टक्के यूट्यूबकडे जाईल.

यासोबत आता Super Thanks, Super Chat, Super Stickers आणि चॅनल मेंबरशिप असे पर्यायसुद्धा तुम्हाला पैसे मिळवून देतील जे थेट तुमच्या व्हिडिओ पाहणाऱ्या viewers कडून आलेले असतील आणि त्याबदल्यात त्यांना खास स्टीकर्स, चॅनलचा खास वेगळा कंटेंट पाहायला मिळेल असा पर्याय आहे. याला YPP Fan Funding असं म्हटलं जाईल.

यूट्यूब व्हिडिओवर गाणी वापरण्यासाठी आता नवा Creator Music नावाचा पर्याय देण्यात येणार आहे. यामध्ये जास्त लांबीच्या व्हिडिओमध्ये वापरण्यासाठी गाणी विकत घेता येतील आणि मग हव्या तेवढया वेळा वापरता येतील जेणेकरून कॉपीराइट स्ट्राइकची भीती राहणार नाही.

ज्यांना संगीत विकत घ्यायचं नाही त्यांना त्या व्हिडिओमार्फत आलेल्या उत्पन्नामधून त्या संगीत तयार करणाऱ्या व्यक्ति/कंपनीसोबत त्यांचं उत्पन्न वाटून घ्यावं लागेल. याची सुरुवात अमेरिकेत २०२३ पासून करण्यात येणार आहे.

अधिक माहितीसाठी यूट्यूबचा ब्लॉग पहा : https://blog.youtube/news-and-events/supporting-the-next-wave-of-creative-entrepreneurs/

यूट्यूबने आता स्पष्टपणे टिकटॉक आणि इंस्टाग्रामच्या रील्सच्या स्पर्धेमुळेच शॉर्ट्स तयार करणाऱ्या क्रिएटर्सना प्रोत्साहन देऊन त्याचा वापर वाढावा या उद्देशाने हा निर्णय घेतला आहे. सर्वच प्लॅटफॉर्म आता शॉर्ट व्हिडिओकडे पळत असताना यामध्ये वाढत्या स्पर्धेमुळे व्हिडिओचा दर्जा मात्र ढासळत चालला आहे हे नक्की.

The post यूट्यूब शॉर्ट्स मार्फत पैसे कमावता येणार : क्रिएटर्सना उत्पन्नासाठी नवे पर्याय! appeared first on MarathiTech - मराठीटेक.

फेसबुकचे संस्थापक मार्क झकरबर्ग यांनी काल जाहीर केलेल्या माहितीनुसार सध्या इंस्टाग्रामवर उपलब्ध असलेल्या शॉर्ट व्हिडिओ Reels आता फेसबुकवरसुद्धा उपलब्ध होत आहे. आत्ता अमेरिकेत असलेली ही सेवा आता १५० हून अधिक देशांमध्ये उपलब्ध करून देण्यात येत आहे. शिवाय रील्स तयार करणाऱ्या क्रिएटर्सना व्हिडिओ तयार करण्यासाठी टूल्स, पैसे मिळवण्यासाठी पर्याय (Monetization) मिळणार आहे.

रील्स सध्या सर्वात जास्त वाढणारा कंटेंट प्लॅटफॉर्म आहे असं सांगताना क्रिएटर्सना कंटेंट तयार करणं, तो अधिकाधिक लोकांपर्यंत पोहोचवणं आणि त्यामार्फत पैसे मिळवून देणं यावर आम्ही भर देणार आहोत असंही सांगितलं आहे. Reels आता शब्दशः पूर्ण फेसबुकवर पाहायला मिळतील. स्टोरीमध्ये, ग्रुप्समध्ये, फीडमध्ये, पेजेसवर…

Reels Bonus Program द्वारे खास रील्स तयार करणाऱ्या क्रिएटर्ससाठी स्वतंत्र फंड तयार करण्यात येऊन त्यामार्फत व्हायरल रील्स बनवणाऱ्याना पैसे दिले जात आहेत. येत्या काही महिन्यात हा अमेरिकेपुरता मर्यादित असलेला प्रोग्राम इतर देशांमध्येही उपलब्ध करून दिला जाईल. यापुढे जाऊन फेसबुक आता ओव्हरले ॲड्स दाखवणार आहे ज्या व्हिडिओच्या खाली एका पारदर्शी पट्टीमध्ये दिसतील. सोबत स्टीकर ॲड्सचाही पर्याय देण्यात येणार असून यामुळे क्रिएटर त्यांची आवडीनुसार व्हिडिओमध्ये कुठेही ते जाहिरातीचं स्टीकर लाऊ शकतील.

या शिवाय in stream ads मार्फतही क्रिएटर्स पैसे कमवू शकतील. हे सर्व पर्याय लवकरच सर्व देशांमध्ये उपलब्ध होत आहेत.

एडिटिंगसाठी Remix, 60 secod reels drafts, video clipping अशा सोयी देण्यात येत आहेत. Reels आता जवळपास सर्वच ठिकाणी तयार करता येतील उदा. स्टोरीमध्ये, वॉच विभागामध्ये, फीडमध्ये, इ.

टिकटॉकने उभे केलेली मोठी स्पर्धा फेसबुकसारख्या मोठ्या प्लॅटफॉर्मला त्यांच्या कंटेंटविषयीच्या नियमांना असे बदल करण्यास भाग पाडत आहे. शॉर्ट व्हिडिओना मिळणारा प्रतिसाद प्रचंड मोठा आहे हे दिसून आल्यावर कमी होत चाललेली फेसबुक यूजर्सची संख्या वाढावी म्हणून आता reels फेसबुकवर आणणे आणि त्यामार्फत पैसे कमवण्याचे पर्याय देणे या गोष्टी घडत आहेत.

एका अर्थी हे चांगलं होत असलं तरी शॉर्ट व्हिडिओमध्ये कोणत्या प्रकारचा कंटेंट पाहायला मिळतो ते आपणास ठाऊक आहेच. सर्वच सोशल मीडिया प्लॅटफॉर्म शॉर्ट व्हिडिओच्या मागे पळू लागल्यामुळे नाईलाजाने का होईना चांगल्या क्रिएटर्सनाही आता शॉर्ट व्हिडिओ बनवावेच लागतील आणि नेमकं यामुळेच पाहायला मिळणाऱ्या कंटेंटचा दर्जा मोठ्या प्रमाणात खालावेल. केवळ व्हायरल होणारा कंटेंटच जर यूजर्स पाहत गेले तर माहितीपूर्ण कंटेंट पाहण्यासाठी त्यांना वेगळे पर्याय पहावे लागतील.

अधिक माहितीसाठी खालील लिंक्सवर जा.

• https://about.fb.com/news/2022/02/launching-facebook-reels-globally
• https://www.facebook.com/creators/overlay-ads-for-facebook-reels
• https://about.fb.com/news/2021/09/launching-reels-on-facebook-us/
• https://about.fb.com/news/2021/09/launching-reels-on-facebook-us/

The post Reels आता फेसबुकवरही उपलब्ध : पैसेसुद्धा कमावता येणार! appeared first on MarathiTech - मराठीटेक.

गेल्या वर्षी यूट्यूबने टिकटॉकला पर्याय म्हणून आणलेली शॉर्ट्स व्हिडिओ सेवा प्रसिद्ध होण्यासाठी यूट्यूब कंपनी बरेच प्रयत्न करत आहे. शॉर्ट्स व्हिडिओना ट्रेंडिंगमध्येही स्थान दिलं जात आहे. शॉर्ट्समध्ये तुम्ही ६० सेकंदांचे उभे व्हिडिओ तयार करून त्यांना गाणी, फिल्टर्स यांची जोड देऊन अपलोड करू शकता. हे व्हिडिओ नेहमीच्या यूट्यूब व्हिडिओसोबतच उपलब्ध होतील. शिवाय यांना अधिकाधिक लोकांनी पाहावं यासाठी यूट्यूब त्या व्हिडिओना प्रसिद्धी देतं.

आता खास शॉर्ट्स व्हिडिओ करणाऱ्या क्रिएटर्सना गूगल कंपनी स्वतः वेगळे पैसे देणार आहे. यासाठी गूगलने तब्बल 100 मिलियन डॉलर्सचा फंड तयार केला आहे ज्याद्वारे २०२१-२२ मध्ये यूट्यूब पार्टनर प्रोग्राम अंतर्गत जास्त गाजणारे व्हिडिओ बनवणाऱ्या क्रिएटर्सना रिवार्ड्स देण्यात येणार आहेत. अमेरिका आणि भारत या दोन देशांतील क्रिएटर्ससाठी हा निधी उपलब्ध करून देण्यात येत आहे.

टिकटॉकवर बरेच जण मोठ्या प्रमाणात प्रसिद्ध झाले होते मात्र थेट टिकटॉककडून पैसे कमवण्याचा मार्ग उपलब्ध नव्हता. इंस्टाग्रामवरही Reels च्या माध्यमातून छोटे व्हिडिओ टाकता येतात. ते सुद्धा अलीकडे बरेच प्रसिद्ध झाले आहेत मात्र तेथेही Monetization उपलब्ध नाहीच. याबाबत यूट्यूबने मात्र पुढाकार घेत नेहमीच्या यूट्यूब व्हिडिओप्रमाणे यासाठी सुद्धा Monetization सुरू केलं आहे. शिवाय आता खास क्रिएटर्सना त्यांच्या गाजलेल्या शॉर्ट्स व्हिडिओबद्दल गूगलकडून थेट बक्षीस देण्यात येईल.

त्यांनी केलेल्या ब्लॉग पोस्टनुसार दर महिन्याला जास्तीतजास्त पाहिले जाणारे व्हिडिओ बनवणाऱ्या हजारो क्रिएटर्सना त्यांच्या योगदानाबद्दल पुरस्कृत करण्यात येईल.

अधिक माहिती : https://blog.youtube/news-and-events/introducing-youtube-shorts-fund

यूट्यूब शॉर्ट्समध्ये नव्या सोयी :

• Automatically add captions to your Short
• Record up to 60 seconds with the Shorts camera
• Add clips from your phone’s gallery to add to your recordings made with the Shorts camera
• Add basic filters to color correct your Shorts, with more effects to come in the future

यूट्यूबवर व्हिडिओ पाहत असताना त्याच्या टायटलमध्ये #Shorts असेल आणि तो उभा व्हिडिओ असेल तर शॉर्ट्स अंतर्गत ग्राह्य धरला जाईल. अधिक माहितीसाठी खालील व्हिडिओ पाहू शकता.

The post यूट्यूब Shorts व्हिडिओ बनवणाऱ्या क्रिएटर्सना पैसे देणार! appeared first on MarathiTech - मराठीटेक.