सोनीने कॅसेटच्या काळात प्रचंड लोकप्रियता कमावलेल्या पण नंतर नंतर आयपॉडसमोर मागे पडत गेलेल्या वॉकमनचं नवं रूप आता सादर केलं असून हे काल भारतात सादर झालं आहे! Sony NW-A105 Walkman हा डिजिटल मीडिया प्लेयर युजर्सच्या आठवणींना उजाळा तर देईलच शिवाय सर्वोत्तम ऑडिओ गुणवत्तेसह संगीत ऐकण्याचा आनंदसुद्धा देईल! यामध्ये अँड्रॉइड ऑपरेटिंग सिस्टम असून टचस्क्रीन डिस्प्ले आहे. याची किंमत भारतात २३९९० इतकी असणार आहे.

सोनीच्या या नव्या वॉकमनमध्ये 16GB स्टोरेज असेल जे MicroSD कार्डचा वापर करून 128GB पर्यंत वाढवता येइल. यामध्ये USB Type C पोर्ट असू याद्वारे फास्ट चार्जिंगची सोय देण्यात आली आहे. ऑडिओच्या उत्तम गुणवत्तेसाठी विविध पर्याय उपलब्ध असून Type C पोर्ट, ब्ल्युटूथ व 3.5mm ऑडिओजॅक द्वारे आपण संगीत ऐकू शकाल.

यामध्ये अँड्रॉइडचं 9.0 Pie हे व्हर्जन असून यामध्ये तुम्ही तुमच्या आवडीची अॅप्ससुद्धा इंस्टॉल करू शकता. प्रामुख्याने Spotify, Saavn, Gaana सारख्या अॅप्सद्वारे पुरवल्या जाणाऱ्या विविध ऑडिओ फीचर्सचा उपयोग करून घेता येईल. जे नेहमीच्या सर्वच फोन्सवर शक्य होईल असे नाही. यामध्ये 3.6 इंची टचस्क्रीन आहे. रेजोल्यूशन 1280×720 आहे आणि वायफायद्वारे आपण अॅप्स, गाणी, संगीत, फाइल्स डाउनलोड करू शकतो. थोडक्यात हा एक अँड्रॉइड फोनच असून यामध्ये फक्त सिम नेटवर्कद्वारे कनेक्शन उपलब्ध नाही. याची बॅटरी एका चार्जवर तब्बल २६ तास चालेल!

हा नवा वॉकमन २४ जानेवारीपासून खरेदीसाठी उपलब्ध होत आहे. वरून फोनसारखाच दिसत असला तरी हा ऑडिओ संदर्भात अनेक गोष्टींनी सुसज्ज आहे!

The post सोनीचा वॉकमन आता नव्या रूपात अँड्रॉइडसह उपलब्ध! appeared first on MarathiTech - मराठीटेक.

सारेगामा या संगीत क्षेत्रातील आघाडीच्या कंपनीचं कारवा हा म्युझिक प्लेयर सध्या चर्चेत आहे. याचं कारवा गो हे नवं पोर्टेबल मॉडेल सादर करण्यात आलं असून हे लहान आकाराचं खिशात मावणारं आहे. या म्युझिक प्लेयरला आपण अँड्रॉइड, iOS अॅपद्वारे नियंत्रित करू शकतो! ज्यामुळे गाणी निवडणं, प्लेलिस्ट तयार करणं अशा गोष्टी फोनवरही सहज करता येतील! फोनवरील केलेले बदल या प्लेयरमध्येही लगेच पाहायला मिळतील. Carvaan Go सिल्व्हर रंगात उपलब्ध असेल आणि याची किंमत ₹३९९० असेल.

सारेगामा कारवा गो लिंक : Carvaan Go

हल्ली स्मार्टफोन्समुळे म्युझिक प्लेयर विकत घेणं जवळपास बंदच झालेलं असताना सारेगामाने मात्र जुन्या गाण्यांना या आधुनिक रूपात सादर करत ग्राहकांचं मन जिंकलेल दिसत आहे. आईवडिलांना, नातेवाईकांना भेट देण्यासाठी याचा विचार केला जात आहे! नव्या सारेगामा कारवा गो मध्ये ब्ल्युटुथ, मायक्रोएसडी कार्ड, Aux Out हे पर्याय देण्यात आले आहेत. याची बॅटरी जवळपास दोन तासांच्या चार्जवर ७ तासांपर्यंत चालू शकेल. यामध्ये आधीपासून असलेल्या ३००० गाण्यांसोबत एफएम/एएमची सुविधा आहे. याच्या स्पीकर्सचा मात्र आवाज त्या मानाने कमी आहे.

काही महिन्यांपूर्वीच यांचा Saregama Mini 2.0, Saregame Carvaan Premium, Carvaan Mini हे ब्ल्यूटूथ स्पीकर उपलब्ध झाले होते. या मॉडेल्समध्ये किंमतीनुसार गाण्यांच कमी अधिक प्रमाण पाहायला मिळतं. खास मराठी गाण्यांसाठीही Saregama Carvaan Marathi उपलब्ध आहे.

The post सारेगामा कारवा गो सादर : खिशात मावणारा म्युझिक प्लेयर! appeared first on MarathiTech - मराठीटेक.

Spotify ही जगातली सर्वात लोकप्रिय म्युझिक स्ट्रिमिंग सेवा असून आता स्पॉटिफाय मोठी करण्याच्या दृष्टीने इतर देशांमध्येही पाऊल ठेवत आहे! अनेक महीने याबद्दल त्यांचे प्रयत्न सुरू होते. काही महिन्यांपूर्वी २०१९ च्या सुरूवातीस भारतातील उपलब्धतेबाबत त्यांनी माहिती दिली होती.
आत्ता प्लॅन्स/किंमती अधिकृतरित्या जाहीर करण्यात आल्या आहेत.

भारतात उपलब्ध भाषांमध्ये इंग्लिश, तामिळ, तेलुगू, मल्याळम, कन्नड, बंगाली व पंजाबी असे पर्याय देण्यात आले आहेत. मराठी भाषेचा मात्र यामध्ये अद्याप समावेश दिसत नाही!यामध्ये सध्या मराठी गाणी अगदी कमी प्रमाणात आहेत. त्यामुळे नंतर जोडली जाण्याची शक्यता आहे.

कंपनीला भारतात येण्यासाठी बऱ्याच अडचणी आल्याचं सांगण्यात येतं. सध्या भारतात असलेल्या रेकॉर्ड लेबल्ससोबत करार करणं हीच मोठी अडचण त्यांच्यासमोर होती कारण भारतात आधीच बऱ्याच कंपन्यासोबत रेकॉर्डचे करार झालेले आहेत. रेकॉर्ड लेबल्सना या स्पॉटिफायवर आणण्यासाठी त्यांनी तब्बल वर्षभर भारतात ऑफिस उघडून ठेवलं आहे. तरीही मोठी नावं सामील होण्यास लवकर तयार होत नव्हती असा अनुभव आल्याचं सांगण्यात आल आहे. सोनी म्युझिक व युनिव्हर्सल यांच्यासोबत यशस्वी करार झाला असून वॉर्नर सोबत मात्र मोठा वाद झालेला ऐकण्यात येत आहे. कोर्टातर्फे सध्यातरी स्पॉटिफायला परवानगी मिळाली आहे.

Download Spotify on Google Play , App Store

प्लॅन्स व किंमती आता अधिकृतरित्या उपलब्ध झाल्या असून सध्याच्या उपलब्ध पर्यायांना सोडून स्पॉटिफायला ग्राहक वळवणं बहुधा अवघडच जाईल. जिओ सावन, गाणा, हंगामा, Wync, अॅमेझॉन प्राईम म्युझिक, अॅपल म्युझिक, इ पर्याय भारतीयांना आधीच उपलब्ध आहेत ते सुद्धा अतिशय स्वस्तात…आधीच आपल्याकडे गाण्यांसाठी पैसे मोजण्याची मानसिकता नसते.

स्पॉटिफाय प्लॅन्स खालीलप्रमाणे
एक महिना मोफत ट्रायल त्यानंतर ११९ दरमहा
₹ १३ : १ दिवस
₹ ३९ : ७ दिवस
₹ १२९ : १ महिना
₹ ३८९ : ३ महिने
₹ ७१९ : ६ महिने
₹ ११८९ : वार्षिक
पूर्ण मोफत प्लॅन उपलब्ध : यामध्ये जाहिरातींचा समावेश
विद्यार्थ्यांसाठी ५०% सूट

The post स्पॉटिफाय आता भारतात : म्युझिक स्ट्रिमिंग सेवा उपलब्ध! appeared first on MarathiTech - मराठीटेक.

उपयोगी अॅप्स मालिकेतील तिसऱ्या भागामध्ये आपण आणखी काही उपयुक्त अॅप्स पाहणार आहोत. यामध्ये पॉडकास्ट, नोट्स, स्क्रीन शेअर, म्युझिक प्लेअर सारख्या अॅप्सचा समावेश आहे. आम्ही दिलेल्या अॅप्सना तुमच्या विशिष्ट गरजेनुसार आणखी चांगले पर्याय सुद्धा उपलब्ध असू शकतात त्याचा सुद्धा आपण शोध घेऊ शकता. आपल्या प्रतिक्रियांसोबतच जर आपणास कोणते अॅप या लेखामध्ये सुचवायचे असेल तर आम्हाला अवश्य कळवा.

Podcast Apps –  मोकळ्या वेळेमध्ये असो की काही काम करत असताना आपण म्युझिक/रेडिओ ऐकणे, पुस्तके वाचणे अशा गोष्टी करत असतोच. परंतु आपणास याव्यतिरिक्त काही नवीन हवे असल्यास पॉडकास्ट अॅप्स नक्कीच फायद्याचे ठरतात.  पॉडकास्ट अॅप्स म्हणजे विविध कार्यक्रम (ऑडिओ स्वरूपात) जसे की न्युज, मनोरंजक त्याचबरोबर माहितीपर कार्यक्रम उपलब्ध करून देणारे अॅप्स. पॉडकास्ट अॅप्सच्या मदतीने आपण फक्त मनोरंजकच नाही तर माहितीपर, शैक्षणिक प्रकारातील विविध कार्यक्रम ऐकू शकतो. यासाठी अनेक अॅप्स उपलब्ध असून आपणास आवडणारे अॅप घेऊन यूट्यूबवर ज्यापद्धतीने आपण चॅनेल शोधून सबस्क्रायबर्स करतो त्याचप्रमाणे पॉडकास्ट अॅप्स वापरता येतात.पॉडकास्ट अॅप्सवर इंग्रजी कॉन्टेट खूप मोठ्या प्रमाणावर उपलब्ध असून टेड टॉक, BBC, इकॉनॉमिस्ट पासून अनेक भारतीय चॅनल सुद्धा उपलब्ध आहेत. तर मराठीमध्ये सध्या राहुल देशपांडे, स्टोरीटेल कट्टा इत्यादींचेच चॅनेल आहेत. आपण कोणत्याही पॉडकास्ट अॅपवरुन आपल्या आवडीचे कार्यक्रम ऐकू शकता. खाली आम्ही काही चांगले फ़ी अॅप्स दिले असून पॉकेट कास्ट म्हणून पेड अॅप सुद्धा उत्तम आहे.
डाउनलोड लिंक –  Podcast Player / Google Podcast / Castbox / Pocket Cast 

Microsoft OneNote – मायक्रोसॉफ्टतर्फे उपलब्ध असणारे वन नोट हे अॅप फक्त नोट्स ठेवण्यासाठीच नाही तर आपण विविध प्रोजेक्टवर याद्वारे काम करू शकतो. वन नोट हे मायक्रोसॉफ्ट ऑफिसचा भाग असून मोबाइल अॅपद्वारे आपण सहजपणे अनेक गोष्टींवर काम करू शकता. लॅपटॉप/डेस्कटॉपवर मायक्रोसॉफ्टतर्फे मोफत उपलब्ध असल्याकारणाने दोन्हीच्या माध्यमातून प्रोडूक्टिव्हिटी वाढण्यास चांगलीच मदत होते. वन नोटद्वारे नवीन नोटबुक/प्रोजेक्ट करणे त्यामध्ये विविध उपप्रकार आणण्यापासून फोटो, ग्राफ, आकृत्या सुद्धा जोडता येतात. आपण सेव्ह केलेल्या डेटामधील माहिती शोधण्याचा पर्यायसुद्धा यामध्ये उपलब्ध आहेच.
डाउनलोड लिंक – Microsoft OneNote Mobile App & Laptop/Desktop

TeamViewer for Remote Control – आपल्या मोबाइलवरून कोणताही लॅपटॉप/डेस्कटॉपवर त्याचबरोबर मोबाइल कंट्रोल करण्यासाठी हे एक उत्तम अॅप आहे. या अॅपच्या मदतीने सहजरित्या कोणत्याही गोष्टीबद्दल आपण सपोर्ट देऊ शकतो. त्याचबरोबर यामध्ये फाईल ट्रान्सफर, चॅट सारखे फीचर्स उपलब्ध आहेत. डेस्कटॉपसाठी हे अॅप खूपच प्रसिद्ध असून मोबाइल अॅपच्या माध्यमातूनही अनेक सुविधा आपणासाठी उपलब्ध आहेत. अॅप वापरण्यासाठी आपल्या लॅपटॉप/डेस्कटॉपवर किंवा मोबाइल कंट्रोल करायचा असल्यास तिथे सुद्धा हे अॅप असणे आवश्यक असून एकदा लॉगिन ID व पासवर्ड टाकल्यानंतर आपण सहजपणे इतर डीव्हाइस कंट्रोल करू शकतो.
डाउनलोड लिंक – TeamViewer for Remote Control  / Laptop/Desktop

Retro Music – अनेकांच्या मोबाईलमध्ये ऑफलाईन म्युझिक फाइल्स उपलब्ध असतात त्यासाठीच रेट्रो म्युझिक अॅप  उत्तम पर्याय आहे. हे अॅप मटेरियल डिझाईन मध्ये असून याचा इंटरफेस सुद्धा अतिशय उत्तम आहे. Gapless playback, Sleep Timer, Lockscreen Playback Controls सारख्या विविध सोयी यामध्ये उपलब्ध असून ऑफलाईन मीडिया फाइल्स ऐकण्यासाठी हे अॅप एक उत्तम पर्याय देते.
डाउनलोड लिंक – Retro Music

The post उपयोगी अॅप्सची ओळख करून देणारी मालिका : अॅपमित्र #3 appeared first on MarathiTech - मराठीटेक.