सोनी कंपनीने मोबाइल वर्ल्ड कॉंग्रेसमध्ये Xperia 1, Xperia 10 व Xperia 10 Plus असे तीन स्मार्टफोन्स सादर केले असून यामधील Xperia 1 हा त्यांचा फ्लॅगशिप फोन असेल. या फोन मध्ये बर्‍याच गोष्टी जगत सर्वप्रथम जोडण्यात आलेल्या आहेत. 21:9 CinemaWide 4K HDR OLED, तीन लेन्स असलेला कॅमेरा ज्यामध्ये Eye AutoFocus चा समावेश, CineAlta चे सिनेमा मोड, Dolby Atmos साऊंड,इ सुविधा एक्सपिरीया 1 मध्ये पाहायला मिळतील! 21:9 अस्पेक्ट रेशोमुळे जवळपास सर्वच चित्रपट मूळ स्वरुपात पूर्णस्क्रीनवर सहज पाहता येतील!

गेली काही वर्षं फोन्सच्या मार्केटमधून सोनी मागे पडत चालली आहे. काही ट्रेंड्समध्ये उशिरा सहभागी होणं, ग्राहकांच्या मागणीनुसार सोयी न पुरवणं, अवाजवी किंमत अशा गोष्टी यासाठी कारणीभूत असू शकतील. Xperia च्या नाव देण्याची पद्धत न समजण्याइतकी विचित्र आहे. आता सुद्धा सध्याच्या फोन्सच्या मानाने फारच कमी बॅटरी असलेला हा फोन एकदम उभ्या डिझाईनमध्ये बनवण्यात आला आहे. याला आता कितपत प्रतिसाद मिळेल तो नंतर कळेलच…

Sony Xperia 1 Specs :
डिस्प्ले : 6.5″ 4K HDR OLED (1644×3840) 21:9 CinemaWide
प्रोसेसर : Qualcomm Snapdragon 855
रॅम : 6GB RAM (LPDDR4X)
स्टोरेज : 128GB + MicroSD slot (up to 512GB)
कॅमेरा : Triple Camera 12MP F1.6 + 12MP F2.4+ 12MP F2.4 Super wide-angle, 2x optical zoom
फ्रंट कॅमेरा : 8MP HDR photo SteadyShot
बॅटरी : 3330 mAh USB Power Delivery (USB PD) fast charging
ऑपरेटिंग सिस्टिम : Android 9 Pie
इतर : Wi-Fi 802.11 a/b/g/n/ac/ (2.4/5GHz) Wifi, Bluetooth 5.0, NFC, USB Type-C, Water resistant (IP65/68), Corning Gorilla Glass 6, Dolby Atmos Stereo speaker.
सेन्सर्स : Accelerometer, Ambient light sensor, Barometer sensor, eCompassTM, Fingerprint sensor, Game rotation vector, Geomagnetic rotation vector, Gyroscope, Hall sensor, Proximity sensor, RGBC-IR sensor
किंमत : अद्याप जाहीर केलेली नाही

The post सोनी एक्सपिरीया 1 सादर : पहिला 4K HDR OLED डिस्प्ले फोन! appeared first on MarathiTech - मराठीटेक.

मायक्रोसॉफ्टने त्यांच्या मिक्स्ड रिअॅलिटी हेडसेट होलोलेन्सची नवी आवृत्ती आज मोबाइल वर्ल्ड कॉंग्रेस (MWC) येथे सादर केली आहे! होलोलेन्स २ आता अधिक सुविधांसह औद्योगिक कारणांसाठी समोर ठेऊन बनवण्यात आलेला हेडसेट आहे ज्यामध्ये वास्तविक आणि आभासी अशा दोन्ही जगांचा मेळ साधलेला आहे. वास्तविक दृश्य आणि हेडसेटमधून होलोग्राम्सद्वारे दिसणारं आभासी जग नक्कीच खास अनुभव घ्यावं असं आहे. या Hololens चा व्हिडिओ नक्की पहा जेणेकरून हा किती गोष्टींमध्ये मदत करू शकतो आणि येणार्‍या काळात अशा प्रकारच्या गोष्टींमुळे जग कसं बदलेल याची कल्पना करता येईल!

अपडेट (०८/११/२०१९) : काही देशांमध्ये हा आता खरेदीसाठी उपलब्ध झाला आहे याची किंमत $3,500 (~₹२५००००) आहे!

आता या होलोलेन्सच वजन आधीच्या हेडसेटपेक्षा कमी असून वापरण्यास तिप्पट सोयीस्कर असल्याच सांगण्यात आलं! या नव्या हेडसेटमध्ये फील्ड ऑफ व्हयू सुद्धा दुपटीने वाढवण्यात आला आहे! हात व डोळे ट्रक करण्याची सोय सुद्धा देण्यात आली आहे. बिझनेस यूजर्सना हे भन्नाट होलोग्राम तंत्रज्ञान नक्कीच फार उपयोगी पडणार आहे. सत्या नाडेला (मायक्रोसॉफ्ट सीईओ) यांनी डिजिटल जग आणि वास्तविक जग यांच्या जोडण्यामध्ये कशा प्रकारे बदल घडून आणू शकतो याबद्दल माहिती दिली. आता मायक्रोसॉफ्ट यासाठीच अॅप स्टोअर ओपन करत असून लवकरच फायरफॉक्स ब्राउजरसुद्धा होलोलेन्सवर वापरता येईल! इतर डेव्हलपर या ओपन प्लॅटफॉर्मचा वापर करून स्वतःचे सॉफ्टवेअर/अॅप्स होलोललेन्ससाठी सहज तयार करू शकतील!
याची किंमत $3500 (~ ₹२,५०,०००)

या होलोलेन्समध्ये डिजिटल इमेजेस वापरुन होलोग्राम तयार केलेला असतो जो आपल्याला नेहमीच्या जागा सोबत ओव्हरलेद्वारे दिसतो. उदा. आपण एका खोलीत उभारले असू तर खोली स्कॅन करून खोलीमधील वस्तु आकार यांचा अंदाज घेऊन होलोग्राम्स दिसायला सुरुवात होते अर्थात हे फक्त ज्यांनी होलोलेन्स डोक्यावर घातलं आहे त्यांनाच दिसत असणार आहे मात्र नव्या होलोलेन्समुळे दोन होलोलेन्स यूजर्स एकाच वेळी सारखे होलोग्राम पाहू शकतात तेसुद्धा एका जागी नसताना… म्हणजे एक व्यक्ती पुण्यात व एक व्यक्ती सोलापूरमध्ये असेल तर सोलापूरमधील व्यक्ती प्रत्यक्षात पुण्यात उभी असल्याच होलोग्राम्सद्वारे दिसेल! आहे न कमाल…!

याच कार्यक्रमात Azure Kinect सुद्धा सादर करण्यात आलं. गेमिंगसाठी वापरलं जाणार तंत्रज्ञान आता डेव्हलपर्ससाठी विविध गोष्टींना वापरता यावं अशा प्रकारे डिझाईन करून स्वतंत्र रित्या उपलब्ध करून देण्यात आलं आहे. हे नवं अझुर कायनेक्ट $399 मध्ये मिळेल. यामध्ये मायक्रोफोन्स, डेप्थ सेन्सर, हाय डेफीनेशन कॅमेरा जोडलेला आहे!

The post मायक्रोसॉफ्ट होलोलेन्स २ सादर : आता अधिक भन्नाट सुविधांसह! appeared first on MarathiTech - मराठीटेक.

होय नोकीयाचे फोन्स बनवणाऱ्या HMD Global ने मागे ५ व पुढचा एक असे एकूण ६ कॅमेरे असलेला फोन सादर केला आहे! Nokia 9 PureView हा फोन मागच्या बाजूस आजवर सर्वाधिक कॅमेरे असलेला फोन ठरला आहे! हा फोन MWC (मोबाइल वर्ल्ड कॉंग्रेस २०१९) मध्ये Nokia 4.2, Nokia 3.2, Nokia 210 व Nokia 1 Plus यांच्यासोबत सादर केला आहे!

या फोनमधील पाच पैकी दोनच कॅमेरे रंगीत (RGB) फोटो काढतात तर बाकीचे तीन मोनोक्रोम प्रकारचे… ते उर्वरित कॅमेरा वेगळ्या exposure ने फोटो काढतील आणि कॅमेराच बटन दाबताच एकावेळी सर्वच कॅमेरे फोटो काढतील आणि नंतर हे सर्व फोटो एकत्रित जोडले जाऊन एक स्वतंत्र सुस्पष्ट फोटो पाहता येईल! या पाच लेन्स प्रकाराला पेंटा लेन्स म्हटलं जाणार आहे. यामध्ये Zeiss ऑप्टिक्सचा वापर केलेला आहे. सर्व पाचही कॅमेरा लेन्स एकाच प्रकारच्या 12MP f/1.8 असून या फोनला 2K डिस्प्ले देण्यात आला आहे. या फोनमध्ये Qualcomm Snapdragon 845 वापरलेला आहे जो खरेतर तीनच लेन्सना सपोर्ट करतो मात्र नोकियाने Qualcomm सोबत काम करून खास अपवाद बनवला आहे! यामध्ये इन डिस्प्ले फिंगरप्रिंट स्कॅनरसुद्धा जोडलेला आहे! याची किंमत $699 जाहीर करण्यात आली आहे भारतीय किंमत नंतर सांगण्यात येईल…

Nokia 9 PureView Specs :
डिस्प्ले : PureDisplay 5.99” QHD+ pOLED 2K HD
प्रोसेसर : Qualcomm Snapdragon 845
रॅम : 6GB LPPDDR4X
स्टोरेज : 128GB
कॅमेरा : 5 x 12 MP, f/1.82 (2 x RBG, 3 x mono)
फ्रंट कॅमेरा : 20 MP
बॅटरी : 3320mAh with Qi Wireless charging
वजन : 172g
ऑपरेटिंग सिस्टिम : Android 9 Pie
इतर : 802.11 a/b/g/n/ac, Bluetooth® 5.0, GPS/AGPS+GLONASS+BDS, NFC, ANT+, USB Type C 3.1
सेन्सर्स : In-screen fingerprint sensor, ALS/PS, G-sensor, E-compass, Gyro, Hall sensor, Barometer, Haptic vibrator
किंमत : $699 (भारतीय किंमत नंतर सांगण्यात येईल)

The post नोकीयाचा तब्बल ५ कॅमेरे असलेला फोन Nokia 9 PureView सादर! appeared first on MarathiTech - मराठीटेक.

काही दिवसांपूर्वीच जाहीर झालेल्या सॅमसंग गॅलक्सी फोल्डला आता स्पर्धक उपलब्ध झाल्या असून हुवावे कंपनीने त्यांचा Mate X हा घडी घालता येणारा फोन MWC (मोबाइल वर्ल्ड कॉंग्रेस २०१९) मध्ये सादर केला आहे! विशेष म्हणजे हुवावेचा हा फोन अधिक मोठ्या डिस्प्लेसह कमी आकाराचा आणि आणखी सपाट घडी घालता येईल असा आहे!

या फोनची जाडी 11mm असून उलगडल्यावर याचा 8 इंची OLED डिस्प्ले पहायला मिळतो. यामध्ये 5G तंत्रज्ञानाचा वापर केलेला असून हुवावेचा स्वतःचा Kirin 980 प्रोसेसर देण्यात आलेला आहे. याची बॅटरी 4500mAh इतकी आहे जी 55W फास्ट चार्जर द्वारे ० ते ८५ टक्के अवघ्या अर्ध्या तासात चार्ज होते!

Huawei Mate X Specs :
डिस्प्ले : 8″ 2480 x 2200
घडी घातल्यावर 6″ 2480 x 1148
प्रोसेसर : HUAWEI Kirin 980 + Balong 5000
रॅम : 8GB RAM (LPDDR4X)
स्टोरेज : 512GB MicroSD slot (up to 256GB)
कॅमेरा : Triple Camera
– Telephoto: 8MP
– Wide-angle: 40MP
– Ultra Wide: 16MP
फ्रंट कॅमेरा :
बॅटरी : 4500mAh with 55 W HUAWEI SuperCharge
ऑपरेटिंग सिस्टिम : EMUI 9.1.1 based on Android 9 Pie
इतर : Wi-Fi 802.11 a/b/g/n/ac/ax (2.4/5GHz) Wifi, Bluetooth 5.0, NFC, USB Type-C
सेन्सर्स : Gravity Sensor, Ambient Light Sensor, Proximity Sensor, Gyroscope, Compass, Fingerprint Sensor, Hall sensor, Barometer, Infrared sensor, colour temprature sensor
किंमत : (भारतीय किंमत नंतर सांगण्यात येईल)

The post आता हुवावेचा घडी घालता येणारा फोन Mate X सादर! appeared first on MarathiTech - मराठीटेक.