Net Neutrality Archives - MarathiTech - मराठीटेक

भारत सरकारची नेट न्यूट्रॅलिटीला मंजुरी! : इंटरनेट सर्वांसाठी मुक्तच राहील!

Sooraj Bagal — Thu, 12 Jul 2018 00:09:00 +0000

काल टेलीकॉम मंत्रालयाकडून जाहीर केल्या गेलेल्या निर्णयानुसार नेट न्यूट्रॅलिटी या तत्वाला भारतामध्ये मंजूर केलं गेलं आहे. यामुळे भारतात सर्वांना समान असलेलं इंटरनेट वापरता येईल ज्यामध्ये कोणालाही झुकतं माप दिलेलं नसेल आणि सर्व वेबसाइट्स/अॅप्स वापरताना सर्व ISP (इंटरनेट सर्व्हिस प्रोव्हायडर)कडे समान वेग मिळेल आणि यामध्ये कोणताही भेदभाव केला जाणार नाही. मध्यंतरी काही कंपन्यांकडून ठराविक आयएसपीचा ठराविक प्लॅन घेतल्यावर काही वेबसाइट्स पाहता येतील (एयरटेल Zero व internet.org) असा प्रकार घडला होता त्यानंतर भारतात नेट न्यूट्रॅलिटीच्या मागणीने जोर धरला होता. नेट न्यूट्रॅलिटी म्हणजे काय ? सारख्या प्रश्नांच्या उत्तरांसाठी खालील लेख वाचा…

नेट न्यूट्रॅलिटी बद्दल आमचा यापूर्वीचा लेख नेट न्यूट्रॅलिटी : एक गरज

नेट न्यूट्रॅलिटीचं पालन न झाल्यास किंवा कोणत्याही आदेशाच उल्लंघन झाल्यास दंड आकाराला जाईल. याची अंमलबजावणी कशा प्रकारे होते हे येणार्‍या काळात कळेलच. या निर्णयामुळे इंटरनेट सर्व्हिस प्रोव्हायडर कोणत्याही प्रकारचा कंटेंट पहाण्यासाठी त्यांच्या ग्राहकांसोबत पक्षपातीपणा करू शकणार नाहीत. मात्र remote surgery व autonomous cars सारख्या तंत्रज्ञानाला तूर्तास तरी या नेट न्यूट्रॅलिटी फ्रेमवर्कमधून वगळलं आहे!

ट्राय संस्थेने दिलेल्या सूचनांवर विचार करून टेलीकॉम कमिशन (TC) या केंद्रीय दूरसंचार मंत्रालया (DoT)अंतर्गत येणाऱ्या संस्थेने याबद्दल निर्णय आज माध्यमांसमोर मांडला. या बैठकीत नेट न्युट्रॅलिटीला मंजुरी देण्यात आल्याचे टेलीकॉम सेक्रेटरी अरुणा सुंदरराजन यांनी सांगितले.

search terms net neutrality marathi Telecom Commission telecom policy TRAI DoT

आम्हाला सोशल मीडियावर फॉलो करा :
मराठीटेक फेसबुक : मराठीटेक ट्वीटर : मराठीटेक इंस्टाग्राम

The post भारत सरकारची नेट न्यूट्रॅलिटीला मंजुरी! : इंटरनेट सर्वांसाठी मुक्तच राहील! appeared first on MarathiTech - मराठीटेक.

फेसबुकच्या Free Basics ला सपोर्ट करू नका !

Sooraj Bagal — Fri, 25 Dec 2015 11:05:00 +0000

फेसबूकने यापूर्वी internet.org नावाची योजना आणली होती. ज्यामध्ये तुम्हाला काही वेबसाइट इंटरनेट भाड्याशिवाय पाहता येत होत्या मात्र त्यासाठी तुम्हाला केवळ रिलायन्सचंच कार्ड घेऊन त्यांचा एक पॅक घ्यावाच लागतो. मग तुम्हाला त्या वेबसाइटचं साधं version फुकट पाहता येतं. ह्यामुळे सरकारी नियम भंग होत असून सर्वांना समान इंटरनेट हक्क मिळण्याच्या विरोधात हा प्रकल्प आहे. यावेळी त्यांनी internet.org ला Free Basics या नावाने सादर केलय.
आता पुन्हा फेसबूकने पुन्हा वापरकर्त्यांना शब्दांमध्ये गुंतवून शुद्ध फसवणूक करत फेसबूक वापरणार्‍या लोकांना त्यांच्या बाजूने ईमेल पाठवण्यास परावृत्त केलं आहे.
मराठीटेकचा यापूर्वीचा लेख नक्की वाचा नेट न्यूट्रॅलिटी म्हणजे काय ?

ह्या स्क्रीनवरून Send Mail हा पर्याय वापरू नका !

ह्या मोहिमेला सपोर्ट करावयाचा का नाही ते तुम्ही खालील मुद्दे वाचून ठरवा…..

ह्या प्रकल्पाचा आणि डिजिटल इंडियाचा काडीचा संबंध नाही !
Free Basics मुळे तुम्हाला फुकट इंटरनेट मिळत नाही !
याचा वापर करण्यासाठी फक्त रिलायन्सच्याच नेटवर्कचा वापर करावा लागतो मग हा प्रकल्प सर्वांसाठी चांगलं कसा असेल. यात साहजिकच फेसबूक आणि रिलायन्सचे हितसंबंध दडलेत!
केवळ Free Basics मुळे एकही जण इंटरनेटशी जोडला जात नाही !
Free Basics बंद पडल्यामुळे काहीही नुकसान होणार नाही. आपल्या देशाच्या डिजिटल प्रगतीला देखील काही एक अडचण होणार नाही.
फेसबूक मुद्दाम भारतीय, भारतीय लोक, डिजिटल इंडिया असे शब्द वापरुन तुमची फसवणूक करत आहे. त्याला बळी पडू नका ! फेसबूक म्हणजे धुतलेला तांदूळ नाही, त्यांचे सुद्धा डावपेच आहेत!
तुम्ही http://www.savetheinternet.in/ या वेबसाइटवर जाऊन सर्वांना समान इंटरनेट मिळण्यासाठी TRAI ल ईमेल करा.

“Unless you take action now, India could lose access to free basic internet services, delaying progress towards digital equality for all Indians. Tell the TRAI you support Free Basics and digital equality in India.”

अशा शब्दात फेसबूकने वापरकर्त्यांना उघड उघडपणे फसवलं आहे. तुम्ही या गोष्टींना न फसता तो ईमेल करणं टाळा. आपल्या हक्कांविरुद्ध आहे Free Basics. आंधळेपणाने शेअर करणार्‍या आणि मेल पाठवणार्‍या मित्रांना देखील हे सांगा.

The post फेसबुकच्या Free Basics ला सपोर्ट करू नका ! appeared first on MarathiTech - मराठीटेक.

नेट न्यूट्रॅलिटी : एक गरज

Sooraj Bagal — Tue, 28 Apr 2015 13:00:00 +0000

आजकाल हा शब्द खूप ठिकाणी ऐकायला मिळत आहे. पण यामागच कारण जाणून घेण्याचा प्रयत्न आज आपण करूया …

नेट न्यूट्रॅलिटी म्हणजे काय ?

नेट न्यूट्रॅलिटी म्हणजे असं तत्व ज्याद्वारे इंटरनेट सर्विस देण्यार्‍या कंपन्यानी(ISPs) आणि सरकारने इंटरनेटवरील सर्व माहितीला समान वागणूक दिली पाहिजे. कोणत्याही यूजरला ठराविक वेबसाइट, माहिती साठी वेगळे पैसे न घेता सर्व सुविधा एकाच दरात दिल्या पाहिजेत. एयरटेल, डोकोमो, रिलायन्स, आयडिया, वोडाफोन अश्या काही प्रसिद्ध इंटरनेट सर्विस देण्यार्‍या कंपन्या भारतात आहेत.

थोडक्यात जर तुम्ही एखादा इंटरनेट पॅक घेतला असेल पण तुम्हाला यूट्यूब वापरण्यासाठी वेगळा चार्ज द्यावा लागेल किंवा जर तुम्ही चार्ज नाही दिला तर तुम्हाला यूट्यूब वापरता येईल मात्र ज्यांनी चार्ज दिलाय त्यांच्यापेक्षा कमी वेगाने ! तसेच कमी चार्ज मध्ये कमी स्पीड अधिक स्पीड साठी वेगळा चार्ज यामुळे यूजरना तो चार्ज देणं भाग पडत आणि टेलीकॉम कंपनीला फायदा होतो! यालाच नेट न्यूट्रॅलिटी भंग करणे म्हणतात.

नेट न्यूट्रॅलिटीचा अर्थ इंटरनेटवरील सर्व माहिती सर्व वेबसाइट सर्वांना समान स्पीडने कायम वापरता येणे आणि तेही कोणत्याही टेलीकॉम ऑपरेटरसोबत कोणत्याही अटीशिवाय ..

जसे की एयरटेलसाठी, एयरटेल WhatsApp वापरण्याकरता तुमच्याकडून वेगळा चार्ज घेऊ शकेल मात्र त्याचवेळी Hike हे App मात्र फ्री उपलब्ध असेल याच कारण लोकांनी त्यांचं Hike अॅप्लिकेशन वापरावं अशी त्यांची इच्छा असेल.

अमेरिकेत सुद्धा भारताप्रमाणे टेलीकॉम कंपनी नेट न्यूट्रॅलिटी भंग करण्याच्या प्रयत्नात होत्या मात्र तिथल्या लोकांच्या तीव्र विरोधामुळे कंपन्यांना माघार घ्यावी लागली

खालील वेबसाइटनी नेट न्यूट्रॅलिटीबद्दल मोठ्या प्रमाणात ऑनलाइन आंदोलन उभारलय. याच वेबसाइट वर तुम्ही नेट न्यूट्रॅलिटीबद्दलच्या सध्याच्या घडामोडी पाहू शकाल. आणि तुमचा सहभाग सुद्धा तितकाच महत्वाचा आहे त्यामुळं या सर्वांना सहकार्य करत नेट न्यूट्रॅलिटीला पाठिंबा देऊया. मराठीटेकचा देखील नेट न्यूट्रॅलिटीला पूर्ण पाठिंबा आहे.

याविषयी भारतातील TRAI या टेलीकॉम अथॉरिटीने इंटरनेट वापरकर्त्यांकडून नेट न्यूट्रॅलिटी लागू करावी का नको याविषयी 20 प्रश्नांचा लांबलचक पेपर प्रसिद्ध केला होता. ज्याला त्यांनी केवळ 24 एप्रिल पर्यंतच मुदत दिली होती यादरम्यान जर त्यांना अपेक्षित प्रतिसाद मिळाला नसता तर भारतात नेट न्यूट्रॅलिटी लागू करण्याचा त्यांचा प्रयत्न होता. पण भारतातील काही जागरूक वापरकर्त्यांनी व काही संस्थांनी याविरुद्ध आवाज उठवत मोठी जनजागृती केलीय त्यामुळं 24 एप्रिल पर्यन्त TRAI कडे तब्बल 2 लाख लोकांनी प्रतिसाद पाठवले आहेत. मात्र TRAI ने लोकांच्या प्रायवसीबद्दल काळजी न घेता सर्वच्या सर्व ईमेल आयडी पब्लिक केले ! ज्याचा परिणाम एका हॅकर ग्रुपने TRAI ची वेबसाइट हॅक केली!

या सर्व गोष्टींना त्यावेळी विरोध सुरू झाला जेव्हा एयरटेलनी त्यांचा Airtel Zero नावाचा प्लॅन सादर केला ज्या प्लॅन मध्ये ठराविक वेबसाइट जर ठराविक प्लॅन घेतला तर फ्री वापरता येतील. या प्लॅन मध्ये फ्लिपकार्टने देखील सहभाग घेतला आणि याचा अनेकांनी निषेध नोंदवला. यूजर्सनी फ्लिपकार्टच्या गूगल प्ले वरील apps रेटिंगला सरळ 1 स्टार देण्यास सुरवात केली आणि तेव्हा फ्लिपकार्टला जाग आली आणि त्यांनी एयरटेल Zero व internet.org या दोन्ही प्लॅटफॉर्म वरून बाहेर पडण्याचा निर्णय घेतलाय. मार्क झुकरबर्गने मात्र internet.org नेट न्यूट्रॅलिटीच्या विरोधात नसल्याचं मत मांडलय.

काही सेलेब्रिटी व पक्ष यांनी देखील नेट न्यूट्रॅलिटीला पाठिंबा जाहीर केलाय जसे की कोंग्रेस, आम आदमी पक्ष, शाहरुख खान, रितेश देशमुख, फरहान अख्तर, सिद्धार्थ मल्होत्रा, सोनाक्षी, आलिया, परिणीती, वरुण, अर्जुन, बिपाशा, इ. या नेट न्यूट्रॅलिटीबद्दलच्या आंदोलनाला काही Apps व वेबसाइटनी स्वतः पाठिंबा दिला आहे जसे की Zomato, Amazon, MakeMyTrip, ClearTrip, Nasscom, IITs, IIMs, IISc

http://www.savetheinternet.in/

http://www.netneutrality.in/

http://www.thelogicalindian.com/

AIB ह्या ऑनलाइन यूट्यूब चॅनलने देखील (प्रथमच!) चांगल्या गोष्टीला सपोर्टसाठी जनजागृती करत हा विडियो प्रसिद्ध केला होता. अल्पवधीतच viral होऊन अनेक लोकांपर्यंत नेट न्यूट्रॅलिटीबद्दल माहिती पोचली.

The post नेट न्यूट्रॅलिटी : एक गरज appeared first on MarathiTech - मराठीटेक.